الجزء الثامــــ8ـــــــــــــن من تجهيزات عرايس قطر 2006

غريبه مع ان حلوياته لذيذه !! ليش جذية الاكل الحلو يطلع بالنهاية وصخ خخخخخخخخخخخ ؟

بخصوص ماسيس ، صكروه لأنه مخالف شروط النظافه مثل ماهو مكتووووب على واجهة المحل .

وانا شفته كان مسوي عرس في 26/6 .

بس الناس الله يهديهم يموتون لو مايطلعون اشاعات ، ههههههههههه مرات اقول خاطري اطلع اشاعه وشوف شيصير ، بس مشكله ماعرف شلون أألف :gum:

الله يهدي الجميع ان شاء الله .

دوحانيه انتي تجهيزج عن\ه ؟؟ ولا عند اكسوتيكا ؟؟؟ اعتقد قلتي اكسوتيكا ..

--------------------------------

واللي سألت عن ابتسام زري تراها قبل اقل من شهر مسويه حركه في ناس وماجاتهم الا 12 أو 12 ونص .

كلاسيك منهي هذي اللي تتكلمون عنها؟ مالت الحف؟؟ ----< لقافه

بنات من احلى وحدة تسوي الشعر انا ابي شعري يكون كيرلي مثل الفير؟؟؟؟

من ترشحون ليلى ولا منال ولا نجوى ولا مرسيدس ولا نعمات ولا سهى؟؟؟

ردوا علي بسررررررعة ضروري.......

نجوووووووى ومرسيدس بدون منازع

بس نجوى احلى طبيعي ومن غير سبراااااي وايد ولا جل

تحسين الكيرلي طبيييعي

مشكوووووووورة اختي قطر عالرد الاكثر من سررررررريع....
والله انج انقذتيني من الحيرة اللي كنت فيها....

الحلم الهادئ ..

نتكلم عن سميرة :)

قوووووووهـ ياعرايــس أخباركم إن شاء الله تمامـ :shy: ...


بناااات في شغله شوي محيرتني بغيت منكم تساعدوني :sad: ، بخصوص الحمام المغربي

في خااااااااااااطري أحجز وحده تسوي لي بس الصــراحه إحراج :sad:

شلووون بتجوف جسمي كلش مو متقبله الموضوع ) : !!!


وفي عندي سؤال ثاني منو فيكم يعرف صالون تايلاندي بالسد مقابل أوبرا


اذا شغلهم زين او نظيف ؟

كلاسيك رقم وين؟؟؟؟

مادري اسمحي لي ما اذكر طلبت رقم من :(
وكانيل حجزت عنده تصوير كاميرتين مع ميكسر

وتصوير ديجتال

وجسر الليزر

وسبوت لايت

وشاشتين 3 في 4

والدي جي

كلاسيك :) تهقين تعطيني ويه الحين لو اتصلت لها تسوي لي جلسه وحده بذمة وضمير تفركني من قلب ؟ والا هي بس مالت خلطات وتقضب الباب وتخليني بخلطتي والذبان يلحقني؟؟؟

صج تهقين تعطيني ويه اذا بغيتها بعد 3 ايام مثلا؟؟ والا مافيه داعي ارز ويهي؟

ممكن ارد الحلم الهادي؟؟؟


انا كلمتها من يومين وقلت لها ابيها قبل عرسي قالت ليش ما كلمتيني اول ماحددتي العرس وانا مضغوطه ومادري
شنو


بس قالت بتجيني الجلسه الاخيره بس وبتسوي كل شي قالت قبل لا اتحنى بيوم

بس بعد لين الحين مب اكيد كل يوم تقول لي اتصلي باجر


واصلا هي وافقت لانها تعرفني كنت مسويه عندها جلسات حمام زيت لمدة 6 شهور

شموخ عنادي :) هلا فديتج...والله زين يعني انتي مجربتها في خلطة الشعر...فديتج شلون شعرج؟ تحسن معاها؟ حسيتي بفرق؟ لاني ابي ابتدي كورس لشعري ومدري وين اروح !!

واذا هي شغلها زيت للشعر اجيبها البيت اريح لي وايد

بس ليش 6 شهور؟؟ وايد !! مايصير تسوي لي بالاسبوع مره ؟؟

انا عندي مناسبة مهمه وابي وحده تجيني البيت تسوي لي حمام مغربي وتفركني عدل وكنت منيشنه على نور بس يقولون انها مب مسلمه فمابيها الحين...لكن سميرة يقولن ماتفرك بس تحط خلطات !

تدرين الحمام المغربي صج يحسسج بالنظافه ! انا مجربته بس ماعاد ابي اسوي في صالونات لان صرت اخاف من كثر القصص اللي نسمعها عن التصوير وهالامور صراحه تخوفني

فابغي اتعامل مع وحده تجيني البيت

شموخ عنادي ..
رقم النادي الدبلوماسي :)

الحلم الهادئ ..
ههههههههههههههه شوفي انا اتصلت فيها قبل كمن يوم ااكد على حجزي وكنت ابي جلسة قبل الجلسة الاخيرة قالت لي اتصلي الاثنين .. باحاول احصل لج حجز ..
واليوم حاطة الريماندر عشان اتصل لها هي اتصلت من نفسها وعطتني موعد ..
تراها وايد حليوة وطيبة بس عقب 3 ايام لا ما اعتقد يمكن اسبوع او اسبوع ونص
انتي جربي كلميها ..
وهي بتحط لج الخلطات مع شويه تفريك وبتخلين تلقين .. :)
بس على فكرة نظامها غير عن الحمام المغربي

كلاسيكو :) ايه حسيت من كلامكم عنها انها راعيه خلطات مب تفريك وانا ابي تفريك اكثر من الخلطات...خل الخلطات عقب قبل العرس باذن الله لاحقين على اللغلاغه "بل وين طلعت هالكلمه الحين" ؟! :)


طرشي رقم نعيمه انتظرج :) ويسلمو مقدما

شموخ عنادي ..
والله زين هل السعر حق كل هل الاشياء ..
انزين الديجاتل كم فلم ؟
وسعره بروحه كم ؟
وشفتي نماذج شغلة ؟


الحلم الهادئ ..
:) اي فعلا هي اكثر شي عندها خلطات .. نعيمة زينه حق التفرك .. واي عندج بعد المشاطة .. نفس المستوى تقريبا بس اغلى ..
ويمدحون المركز العالمي للتجميل بس بعد ما جربت !!

اها كلاسيك


تدرين قلت حق امي قالت بعيد النادي الدبلوماسي

وعصبت علي قالت انتي كل شي تجربينه وتلعبين في ويهج:(

ايه بس ماظن المشاطه او الصالون العالمي يطرشون حد البيوت الا بالسعر دبل !!

بجرب نعيمتج :) وعلى الله تعبرني واذا مالقيت حد مالك الا هيفا !! اقصد بعتمد على روحي وبفرك عمري خخخخخخخ انا اعرف اسوي ترى بس مشكلتي الظهر مقدر اوصل له عدل لازم اصير اخطبوط عشان اطاله :)

الحلم الهادىء:
شموخ عنادي :) هلا فديتج...والله زين يعني انتي مجربتها في خلطة الشعر...فديتج شلون شعرج؟ تحسن معاها؟ حسيتي بفرق؟ لاني ابي ابتدي كورس لشعري ومدري وين اروح !!

واذا هي شغلها زيت للشعر اجيبها البيت اريح لي وايد

بس ليش 6 شهور؟؟ وايد !! مايصير تسوي لي بالاسبوع مره ؟؟

انا قصدي كانت تجيني كل اسبوع مره ولمدة 6 شهور

وحلو شغلها والله شعري تحسن عن قبل

بس مواعيدها مب مضبوطه انا تركتها عشان المواعيد

يعني عادي تخليج تنتظرين وتقول جايه في الطريج يوم كامل بعدين تتصل اخر الليل تقول ما اقدر وكل هذي عشان بتجي بتحط الخلطه ما تاخذ دقيقتين

وساعات عاااااااااااااااااااااادي شهر ما تجي تقول نسيتج:):angry:

هأو !! باكلها لو سوت جذي معاي ! اتم على شعري بمشاكله ولا اتبهدل بالمواعيد جذية !

بعدين احنا بيتنا مثل الجيش فيه ساعات دوام وساعات نوم ...وبعد الساعه 10 نحط سلك الكهربا على الباب محد يدش متاخر خخخخخخخ

عيل بشوف غيرها صراحه المواعيد مهمه وصعب اعتمد على وحده جذية

مشكورة لانج خبرتيني :) بس بعد 6 شهور جذية وايد يعني 6 في اربعه = 24 جلسه !!! واااايد

حق الفيشل انا حاجزة عند لبنى "صالون باريس نيلز" عندها فيشل بالكاكو حلو

وانا مجربتها من قبل وعاجبني شغلها وايد نور ويهي :)