بكر وصغيره ومطلقه

لي عودة ان شاءالله للموضوع

تسلمين أم حمد على طرح هذا الموضوع ..........أنا وحده عايشه هالشي بكر وصغيره عمري21 ومطلقه ........والسبب يرحع لعاداتنا وتقاليدنا ..........اذا جانا احد من اهلنا وانحرجوا يرفضونه وافقوا واحنا الضحيه ..........


لي رجعه في خاطري كلام وايد ..........

حياكم الله طرح الموضوع يحمل في طياته الحل ونحن جيل متعلم نضع حلولنا وبما يرضى الله عز وجل
ميزة العلم انه يسهل اتخاذ القرار الصواب
نناقش هنا وقصدت ان اطرحه هنا لان اكثر بنات بلادي هنا
لاتلمس اطراف الحقيقة لعلي استطيع من تجربتي ان انقلها لعالم الكبار لمجتمعي الذي ما زال يختفى وراء العائله والحسب والنسب وينسى ان يفكر في الحياة المقبلة
ما الذي تحتاجه بناتنا حقا

هل الغني الذي يجعل ليلة عرسها كحلم خيالي
ام الفقير الذي استدان يليظهر امام الناس انه مليونير

ام الزوج الذي يجد ما يكفيه ويضمها بعطفه ورحمته
ويحقق لها وجعلنا بينهما مودة ورحمه

تبحر معه في عالم التصافي والتسامح ونسج خيوط بيت الغد وعائلتهم الصغيره


هل هي ام العروس التي تطلب ليله يصرف فيها مئة الف على العرس لترضي الناس
واين فرص العمل امام الشباب حتى البورصه وين

ام ابو العروس واعمامها الذين اتاهم ابن ابن ابن فلان فاختاوه ليقولوا ناسبوا فلان ولا تهم الضحيه


ام هو الرجل
الذي تربى على عدم حمل المسؤليه لم يعمل شي في حياته لانه ابن فلان فكيف يفتح بيت ويحمل هم زوجه

ام العروس التي تعتبر نفسها سندرلا

التي لم تدرك حقا حقوق الزوجيه
الدعوة مفتوحة للنقاش

موضوع رائع لازم نتناقش فيه......

بصراحــه احـس ان هذي الظاهرة انتشــرت في الفتــرة الأخيـــرة بشكــل ملحوظ لدرجــة انه تلتفتين يميــن تحصليــن مطلقــه تلتفتيـــن يسـار تسمعيـــن فلانه تطلقت....

وأكيــد الطلاق كان عقب تجربة وعدم تفاهم وطرق مسدوده... وانا اعتقد انه مب كل طلاق تجربة فاشلة بالعكس البنت تطلــع وهي متعلمــة كذا درس...عشــان تتتفادى هالأخطــاء في حياتــها الجاية... يعني مب كل مطلقــة انســانه فاشلــة


ومن وجهــة نظــري ............ الأهــل لهم نصيــب الأســد في الطـــلاق
ســواء كانـوا أهــل البنت أو أهــل الريال..... بالتدخل في امورهم الخاصة وحياتهم المستقبلية والتشرط اللي ماله داعي بنسوي العرس في المكان الفلاني ومهر بنتنا ما يقل عن كذا و.....و.....و.....و................

والمصيبــة اذا تقدم ولد العم او واحد من الأهــل..........هللوا ورحبوا>>ولدنا منا وفينا<< وما يعيبه شي((((( فلان والنعم ريال)))))) <<<<<<< أكيـد ريال!!


والسؤال هو...... هل يناسب البنت من جميـــع النواحي؟!!!
هل أخلاقــه تؤهله لأن يكــون زوج صالح يقدر الحياة الزوجيـة وشرييكته فيهــا؟!!!
وهل..... وهل..... وهل.....


وهل البنت فكـــرت واتخذت قرارها بنفسها ؟!!!!

وهل البنت استخــارت ربــها؟!!!!

انتوا>>>>>>>>>>>الأهـــل
هل ((فـــلان)) مناسب ومؤهل للزواج بغض النظر عن صلة القرابــة؟!!!

صدقوني من قريت الموضوع مب قادره امسك نفسي عن الكتابة لأنه موضوع مهم .... خطأ الأهل وتتعاقب عليه البنت ومجتمعنا بصراحــــــــه ما يرحم يعتبر الطلاق عار على المرة وخطيئة لا تغتفر حتى لو كان الزوج هو الغلطان وكله عيوب(((( الريال ما يعيبه شي!!!!!!!))))

وعقب ما يطلق المرة............. فلان مب شي وفيه وفيه وفيه.....

طبعا هذا كلام الأهل يعني يدرون من البداية!!!!!
انزين ليش ما رفضتوه من البداية لأنه مب مناســـب ؟!!!!!!!


بس عقب شنوا..... عقب اللقب اللي شالته البنت.... وعقب الكلام اللي ما يرحم...




كلمــه للأهل>>>>>>>>>>>>>>>>>>>>>>>> اتقـــوا الله في بناتكـــم تراهــم أمانــة

فراولة قطر اشكرك على ردك لان الموضوع مقطع قلبي
احنا لازم نعرف نواجه الموقف مع اهلنا ونحملهم المسؤليه لما نعلرف الاسباب

بعض الحالات يطلب الزوج من زوجته تترك مقر عملها لانه اختلاط فترفض وتعتبره مستقبلها
بعض الناس صاروا يدورون زوجات لعيالهم في القرى يقولون الي هناك اسهل التفاهم معاهم


كم من حالات الزواج قعد الزوج مديون للبنوك سنوات علشان كذيه ما يعطي الزوجه ويه لانها سبب ديونه

تخيلوا ما عنده الا غرفه في بيت هله يبغي يكبره وبدله حجز في الفور سيزن او شيراتون

وراه ملكه وخطوبه وحنا وعرس وشهر عسل

موضوووع وايد مهم
ووايد منتشره عندنا هالسالفه بقطر
كل يوم تقريباً نسمع فلانه تطلقت
:( :(

الف شكر لك سحابة حب
انا مرات اسمع ثنتين في يوم واحد
مرات بعض النسوان تقول بغينا صوره مارضوا الدريول والخياط يشوف ويهها والزوج ممنوع
يلا بسرعه يملك اذا ما عجبته يطلق شرايكم

والله حـــرام..... معقولــه في ناس تفكــر بهالطريقــه!!!!!



من حق الشاب النظرة الشرعية وبعد من حق البنت.......... هي سنـــه





والشكـــل أو الجمــال مب كل شي.......... في أشيـــاء أهم مثل الأخــلاق والديـــن


وينكــم يا بنــات..... ننتظــر آرائكم ومشاركاتكم القيمــة

جزاج الله خير يا ام حمد على طرح هالقضيه المهمه
والله كلامكم صح مليون فالميه ..اذا واحد من العايله يا هلا فيه وولدنا و و و لكن اذا طلق تطلع البلاوي كلها فيه ..يعني هو ولدكم وتعرفونه من قبل ليش ماسألتوا اكثر عنه وعرفتوا اذا يناسب البنت والا لا .. الزواج مب لعبه بس فلان تزوج ..يمه انا بعد ابي اتزوج ..وتروح الام تخطب من بنات العايله عشان يدرون ان اهل ومابيردونهم ويفشلونهم ويجرب يتزوج وكلها كم شهر اذا مب من عقب اسابيع الا والبنت مطلقه !! والله حرام
وعقب كم شهر الا والولد معرس مره ثانيه ..لان مفكرها لعبه ..والمشكله بعضهم حتى يطولون فالطلاق ويبون يعلقون البنت جنه اعناد وبس ويروحون اهله يدورون له على عروس ثانيه ..كأن البنت ماتحس ! مادري ليش في ناس تفكيرهم جذي ..
الحمدلله والشكر والله يكون بعون كل من جرب هالتجربه الصعبه وربي يعوضهم بكل خير ان شالله بس والله من حرتي تذكرت السوالف الي صارت مع ناس نعرفهم وكتبت ..سامحوني

جزاكى الله خيرا يا ام احمد الموضوع يابنات فى غايةو الاهمية وانا بكر وصغيرة وطلقة اصبحت الظاهرة دى منتشرة جدا يدخل الشاب ويعشم اهلها انة انسان ممتاز وبعد مايعقد على بنتهم تظهر حيقيقتة وتكتشف البنت انها كانت مع شاب مش كويس وتنتهى على كدة يتم الطلاق عايزة يدخل ويطلع وخلاص ويغرم اهلها عزومات ويتفسح هوة والبنت لا حول ولا قوة الا بالله دول مش عايزين جواز دول عايزينحجات تانية وبعد ماياخذ كل الى عاوزة يرميها بحكم انة كان جوزها يعنى تعاشرة معاشرة الازواج الستغفر الله العظيم

للاسف مثل ماقلتوا هالظاهره منتشره

والمصيبه الاعظم ان الشباب مايصكون العشرين وماعندهم شهاده جامعيه تلاقينهم خاطبين وعاقدين قران
والشاب يشوف البنت في فترة الملجه واذا مادخلت مزاجه طلقها

بالعكس انا اشوف الاهل الحين صار عندهم وعي اكثر ويعطون البنت فتره كافيه عشان تفكر فالموضوع

مافي شي اسمه والله هذا ولد اخوي وماقدر ارده


يعني قهر البنت تروح تجهز كل شي وتخيط فستان العرس وقبل العرس بأسبوع تتطلق
وللاسف صارت قبل فتره
ولا قبل عرسها بشهر تتطلق


او البنت قبل عرسها بيومين تقول مابيه واهلها مايرضون يفركشون السالفه
وكل شي يمشي على خير
لكن بعد العرس بيومين البنت تلاقونها فبيت ابوها
وبعد شهر تتطلع وهي للحين بكر


بس شنقول غير لا حول ولا قوة الا بالله

انا ماتبعه للموضوع وعشت هالشي بنفسي

بس ما اقدر اشارك مااقدر اتكلم عن شي راح وانتهى في حياتي


واللي الحمدلله الله عوضني باحسن منه

ادعو لي الله ييسر اموري ويفقني هالمره :)

بصراحه موضوع يستحق المناقشة وايد قمنا نشوف هالظاهره

وانا بالنسلة لي حالتين من اهلي وكان سببهم واحد وهو ان احنا تكلمنا مع بعض في التلفون ولقينا ان افكارنا متضاربه ومش متوافقه فقررنا الانفصال

واحنا متفقين على جذي وكل واحد راح لاهله وقالهم ..

وشذنب الاهل غير انهم انصدموا ومثل مانقول بالعامي بلعوها حاره

يعني في مثل هالحالتين الاهل مالهم خص الطرفين هم اتفقوا على الانفصال
وعذرهم شنو مااتفقنا واحنا وين قاعدين من المعروف ان الرجال يجي من بيئة والبنت تجي من بيئة والمفروض انكم تتكيفون وتكونون لكم بيئة خاصة بكم
لان اذا انتم ماتنازلتم حق الطرف الثاني وهو بعد ماقدم تنازلات عيل عمركم ماراح تتزوجون

الزواج يكون بالتضحيات مش بالمكابره وعزة النفس

لاحول ولاقوة إلا باللهـ


صج إن الموضوووع يقطع القلب ،، وااااايد قمنا نشووف بناااات صغاار


في بداية العشرينات ومطلقات والسبب إما من الأهل


أو عدم مقدرة الفتاة والشاب على التفاهم فيما بينهم ..



الصراحهـ اتمنى ومن كل قلبي إن الاهل لايتسرعون في موضوع الزواج


عليهم انهم يدرسون الموضوع عدل ويسألون عن الشاب اكثر


وياخذووون راي البنت وبتأني




بالأخيييير ماقول غير الله يوووفق الجميع وييسر لهم كل امووورهم



إن شاء اللهـ


(( بنت الغالي وشموخ عنادي )) الله يوفقكم إن شاء الله ويرزقكم باللي أحسن

منه ،، بالتووووووفيق

أحلى أم كلامج صحيح الزواج تضحيه ....لكت تخيلي صارت ملكه وبطبع عاداتنا وتقاليدنا ممنووووووووع كل شي قبل الملكه .... انا بالنسبه لي صار كل شي في يوم وليله لااستخاره ولاشي ........وسبحان الله الامور كل يوم تسوء بسبب عدم التفاهم ...التضحية تكون لما يكون فيه قبول واحساس وممكن تكون بعد الزواج لكن ان من بعد الملكه وانا اضحي وابدى حياتي بتعسه وضيق ليشش .. الله سبحانه وتعالى قال (وعسى أن تكرهوا شيئا وهو خير لكم ) ........ دام الراحه مب موجوده والاستخاره تسيء الامور معناته هالشي مب خير وكله بسبب التسرع والعادات الشينه الي عندنا في مجتمعنا ........


أتمنى البنات الي مروا بهالتجارب يشاركونا النقاش عشان نستفيد من الاغلاط ومانرجع لها مره ثانيه

موضوع جدا مهم :clap:
اشكرج ام حمد انج طرحتيه
عشان بهالطريقة يمكن نلاقي حل للمشكلة


انا بعد عانيت من هالشي .. وعشت هالموقف (بكر وصغيرة ومطلقة) :sad:
صج ان السالفة انتهت وراحت لكن انا عن نفسي كنت وايد مرتاحة يوم انتهت علاقتنا لاني كنت وااايد متضايقة من الموضوع وماكان في توافق في اكثر من ناحية..

انا مثل اختي شموخ الحمدلله بعد سنة وشوي من الموضوع الله عوضني باللي احسن منه والحين انا مخطوبة
ومابي اقلب المواجع واقول القصة (n)

لاني فعلا رميت هالايام في البحر وماعتبرها جزء من حياتي
والحين فتحت صفحة جديدة ومشرقة باذن الله :ok:

وادعي من كل قلبي ان الله يبعد كل بناتنا عن هالموقف الاليم

والله يوفق كل عرايسنا المقبلين على الزواج ^_^ :shy:

.......

الموضوع فعلا مهم وحساس كثير

بس غلطة من بالضبط
البنت

الأهل

وإلا الرجل إللي يخطب

هل غلطت البنت لما وافقت على رجال ما تعرف عنه شيء ولا عن أطباعه بس لأنه أهلها وافقوا وبعدين صارت الصدمة الكبيرة لما اكتشفت إنها في وادي وهو في وادي ثاني


وإلا غلطت الأهل إللي انغروا بالشكل والعيلة والفلوس وتأكدوا إنه العريس المناسب لأنه ولد فلان وأصله زين وفلوسه واصله السقف


وإلا الرجل إللي ما عنده ضمير وما راعى الله في بنات الناس و من خوفه من أهله ما قدر يقول أنا ما أريد البنت الفلانية لأنها ما تناسبني

يمكن أنا حالتي مش بالضبط نفس هاذي الحالة بس كنت على وشك إني أكون مطلقة

بس قلت لأبوي ما أريد
وقفت في وجه أهلي وقلت لا
ضغطوا على بكل الطرق علشان أتزوج ولد عمي لأنه أصله معروف وولدنا وعارفينه وعارفين أهله وكل هذا الكلام إللي كثير نسمعه ونسوا قول الله تعالي ( وجعلناكم شعوبا وقبائل لتعارفوا إن أكرمكم عندالله أتقاكم ) وإن الزواج وسيلة تعارف وإن العائلة ما لازم تحصر نفسها في عائلة واحدة بس علشان الأصل والفصل وغيرها من الأمور التي ما أنزل الله بها من سلطان
بس أهلي للأسف ما فكروا في سعادتي بس فكروا في نفسهم وعيلتهم وفي كلام الناس والناس شو بتقول عنهم لو ناسبوا فلان إللي هو أقل منهم في المنزلة الاجتماعية والمادية بس علشان يحافظوا على البرستيج بس للأسف ما فكروا فكلام الله ولا في أوامر رب العالمين
وعلشان أنا أعرف إن ولد عمي غير عني في كل شيء خفت إني أضيع مستقبلي في زواج ما مقتنعة فيه واضيع ولد عمي معاي علشان كذيه قبلت بالخيار إللي والدي عطاني ليه وهو إني ما أتـزوج وأجلس بالبيت يعني قالها بصريح العبارة يا ولد عمك أو تجلسي في البيت وفضلت أجلس بالبيت على إني أحمل لقب مطلقة في مجتمع ما يرحم لأن لقب عانس أهون بكثير من لقب مطلقة
خاصة إن وحدة من خواتي خاضت هاذي التجربة المريرة و الله وفقها وتزوجت مرة ثانية بس أحس إن الجرح في قلبها ما اندمل

ىآسفة إني طولت عليكم بس أحس إن المشكلة وحدة يا تتزوجي واحد وتعيشي تعيسة معاه طول عمرك أو تتطلقي وتعيشي جحيم لقب مطلقة أو تظلي بيت أهلك ونظرات الشفقة حواليك تجرحك في كل لحظة
للأسف هذا هو مجتمعنا
حرمنا من أتخاذ أهم قرار في حياتنا وحق رب العالمين عطانا له بس علشان عادات وتقاليد واهية وكلام فارغ مثل الأصل والغنى وغيرها وتجاهلنا حديث الرسول الكريم "من جاءكم من ترضون دينه وخلقه فزوجوه إلا تفعلوه تكن فتنة في الأرض وفساد عظيم "

الدين والخلق هو المعيار
وصدقوني لو اعتمدنا هذا المعيار كان مجتمعنا أحسن بكثير وكانت مشاكل الطلاق والعنوسة وغيرها ما موجودة

صدقتي يامذهله بس بصراحه أهلج الي سووه ظلم في حقج الله يعينج ويصبرج ......أنا ماعرف هالعادات والتقاليد من وين طلعت اذا ديننا الحنيف ماطلب زواج الأقارب هم من وين طلعوها .......وايد بنات انظلموا في هالشي وحملوا هاللقب وهم صغار وشاستفادوا الاهل غير الندم وهم يشوفون بناتهم ؟؟؟؟؟ انا عايلتي متفهمه الحمدلله هم مااجبروني بس انا ماابديت راي أبدا لاني كنت اشوفهم طايرين وماحبيت احرمهم من الفرحه وقلت يمكن الي هم يختارونه في خير .........بس سبحان الله من غير استخاره ماتمشي الامور ..........

بس والله اعرف بنات عقدوا القران فوق ال3 مرات وتطلقوا وهم أبكار وفي الرابعه توفقوا !! سبحان الله ......