بكر وصغيره ومطلقه

[glow=000000]يمه خوفتوني انا كل شي الا الطلاق كله اخاف من هالشي وخصوصا انا عنيدة بدرجه واشوف كل
عرايسنا بيطلقوني والله ودي ابجي حرااام بس لحد يقول لي عنده اعيال والله ببجي صج .. وما
اشوف الا اكثر شي قطر وهذا الي مخوفني اكثر ليش عاد الا قطر بس الله كريم هذا نصيب وقل
لن يصيبنا الا ما كتب الله لنا ونعم بالله ما نعترض على حكمته والله يرزقكم بولد الحلال الصالح
وتكملون الحياة معاه .. (r)

وبالنسبه لهذي الحاله فانا عندي رفيجتين صار لهم جذي الله لا يبلانا واهم بقد عمري وبعدهم
بالدراسه وتطلقوا يعني اهم اخر سنه وحدة تطلقت وقت امتحانات المنتصف والثانية بعد الامتحانات
النهائية وكانوا وايد مسانسين الاولى كان بخيل وبلا شخصيه وهي تزوجته علشان كسر خاطرها
وين صارت هذي ما ادري وكان يقرب لهم من بعيد وياما نصحناها بس الا من زمان ملكوا وخلاص ..

الثانية عاد سالفه ولد خالها وابد غير عنها او شي يثبت ابد ما يناسبون بعض هي ما تسمع اغاني
وهو مدمن وفوق هذا يقول لها انا كلمت غيرج ما كان جذي وقاحه والهل الى هالدرجه ما شفت
واول ما عرفت تقدم لها صادتها حالة تصارخ ما تبيه واهالها كانوا يبون يقنعونها فيه وبعدين مرة
وحدة غيرت رايها ووافقت واخر شي شنو طلاق :sad:

بس بنفس الوقت يعتمد هالشي على وعي الاهل وتفهمهم للحياة وحبهم للبنت بصراحه يعني انا مستحيل حتى لو اهلي اجبروني اوافق لو العايلة كلها بوجهي اوقف بروحي وارفض وصارت لي
ترى كلهم كانوا يتوقعون اوفق بس رفضت .. ومستعدة اوقف جدامهم كلهم واوفق علي ابيه لو ما
يبونه هذي حياتي لو شافوا شي غلط بالي بربط حياتي فيه واقتنعت فيه اوكي بس غير جذي لا

:shy: سلاااا الدلــ دلع ــوعة ااااام :shy: [/glow]

السلام عليكم ورحمة الله وبركاته

ام حمد القطرية

الصراحة انا اليوم بس قرأت الموضوع
بس انصدمت انصدمت من الواقع
اللي انتوا عايشيين فيه
يعني احنا عندنا بالكويت
حالات بنت مطلقة وتكون بكر
بس قليل قليل جدا جدا وووين ووين تسمعين وحده صار معاها هالشي

مشكلة كبيره اذا زادت النسبة وضروري يكون لها حل جذري لحماية البنت من اسم مطلقة

فنحن في مجتمعات يعيش فيها ناس وبشر لا ترحم وتحب القيل والقال

ليش البنت مطلقة وهي توها متزوجه ويحطوون فها الف عيب وعيب

واذا بعد الطلاق احد خطبها وعرف انها مطلقة يروح ولا يرجع ولايرغب من الاقتران بها

لابد ان يصحوا الاهل على هذه الكارثة

الله ورسوله اقر الرؤية الشرعية
ولابد من السؤال والتفتيش عن الشاب قبل الموافقة عليه وقبل عقد القران
والله يحمي بناتنا وبنات المسلمين من الشباب العابثين

والله يصلح مجتمعاتنا

واشكرج شكرا جزيلا على الموضوع القوي
والفعال والمشكلة التي لا بد ان يتم ايجاد حل لها



دمتم سالمين
اختكم شريفة

الناس اخر شي لازم تفكرين فيه
اهم شي نفسج وزوجج ومستقبلج

اوقفي بوجه اهلج حتى لو كان ابوج

وطالبي بالرؤية الشرعية اللي اقرها لنا ديننا الحنيف والرسول عليه الصلاة والسلام ورب العالمين

بوجود محرم يدخل الشاب وقت الخطبة الرسمية وابوج او اخوج قاعد تشوفينه ويشوفج تكلمينه ويكلمج وتتفاهمون على كل شي قبل الزواج امام الجميع

حرام ....؟؟؟؟؟؟؟؟؟؟

طبعا لا


اختي مستقبلج ... سمعتج .... حياتج .....



دمتم سالمين
اختكم شريفة