اللهم انتصر لكل مظلومه وارزقها من واسع فضلك ورحمتك...الان كثرت نسبه الطلاق بعد الزواج لان اغلب الشباب الان ليس لديه تحمل مسؤليه والاهم ان كثير من الشباب الان بينهم امراض جنسيه ليس لها حصر فيصدم انه لا يستطيع ان يلبى الحياه الزوجيه الخاصه فينسحب تاركا الفتاه عرضه للقيل والقال ...والناس الان بعضهم لايتقى الله ويظن انه بمعزل من الابتلاء..فتحتو جرحى..
اولامشكوره ام حمد على هالموضوع... واللي اتمنى..من كل قلبي ان الاهل يطلعون عليه..
بالنسبه لوجهة نظري.. السبب الأول هو ان الزوج والزوجه..ما يلتقون في بعض قبل عقد القران، والسبب العادات والتقاليد!!!!!... احنا عندنا العادات والتقاليد فوق الدين!..استغفر الله ليش؟..
تدرون وحده من اهلنا.. مالجه من شهر 5..من غير مبالغه لحد الان ما شافت خطيبها ولا هو شافها ولاحتىبالصور!!!!....هذي شلون بتتزوج واحد ماشافها ولاشافته!!... وهو شنو هالبرود اللي فيه اللي يخليه يتزوج وحده حتى ما يعرف صوتها!!!!......
انا الحمد الله اهلي ناس فاهمين و واعين..مع ان خطيبي مو من الاهل، ولانعرفهم ابدا..لكن ابوي قالي ماتقولين رايج الا لما " تــــشوفينه وتقعدين معاه "... اي نعم..انا قطريه!.وبنت قبايل... وسويت هالشي.. ابوي اعزمه ..وانا دخلت عليهم بالمجلس..وابوي واخواني كانوا موجودين..وهو بعد .. وماانسىكلمه ابوي..." يا فــــلان.. هذي فــــلانه.. اقعد واسئلها وخلها تسألك.. لاني ما ارضى ان بنتي ترتبط في واحد هي مش مقتعنه فيه..ولا ارضى عليك ان ترتبط في وحده انت مش مقتنع فيها "..
مااكذب عليكم..لوقلت لكم.. جلستنا استمرت حول الـ 45 دقيقه.. و تكلمت معاه.. وجاوبته عن اسألته.. وطبعا كل هذا بحضور الوالد الله يطولي بعمره...وكانت لي الحريه عقبها اني اوافق او ارفض...من عقب هالجلسه.. انا على الاقل كونت صورة بسيطه عن هالشخص اللي راح اكمل معاه حياتي لو وافقت عليه..
صج في ناس من اهلنا استغربوا هالشي!...وان شلون واحد غريب يشوفج ومادري ايش!!.. لكن اللي هلي سووه هو عين العقل..
في نـــظري..لو كل ناس سووجذي مع بناتهم.. ان شاء الله ما راح يكون فيه طلاق...,, لان كلا الطرفين يكونون مقتعنين في بعض..وعلى االاقل، عقبها مايتحملون مسؤوليه الطلاق..وانهم سبب فيه..
الله يبارك لك الي سوه ابوك عين العقل الله يكثر من امثاله وهم قليل
لان هذا امر من رسول الله صلى الله عليه وسلم الرؤية قبل العقد
من يسمع في مجتمعنا ولا كل حد يقول زين وقت الصج ما يقبل
موضوع يستحق المتابعه
الله يعطيج العافية ام حمد
مس انجنير الله يبارك لج في اهلج ان شاء الله
الحمدلله انا اهلي من نفس النوع تقريبا
ومستحيل ارتبط في واحد ما اعرفه وما شفته
يتهيأ لي لازم تكون في توعية للمجتمعات عن طريق وسائل الاعلام
وتذكيرهم بحديث الرسول ان لازم يشوفون بعض عشان تقع من نفسه موقع
وتعريفهم بالنظرة الشرعية وفوائدها
وعواقب الملكلة بدون رؤية او تفاهم بين الزوجين
الخيره فيما اختاره الله
كل شي قسمه ونصيب في هالدنيا
الف وحده وحده تطلقت .. وربي عقبها يسر امورها
وفي الي تعقدت .. وكرهت الزراج مع انها بكر
وفي اللي كرهت اهلها .. وفي اللي انحرفت
وماخفي كان اعظم
ربي ييسر الامور .. ويهدي الاهل لما فيه الخير لبناتهن
وتقبلوا مروري
شمعة الجلاس نورتي بمرورك على الموضوع
ورايكم يهمنا
تسلمين على الموضوع الحلو
انا عمري 19 بس ليما الحين انسة بس حبيت اشارك
انا اشوف ان سبب الطلاق الاستخفاف و تفاهة الاشياء الي ادت للطلاق
او زواج الغصب
و بعضهم بسبب عدم القدرة على التفاهم فيما بينهم او انعدام المحبة
و من ناحية الاهل التدخل فيما لا يعنيهم
و اذا صار شي للعيال كل واحد يلقي اللوم على الثاني
هذا غير انعدام المسؤولية و الاتكالية كل شي على الاهل
اما اذا كانت مطلقة و هي بكر يمكن يكون السبب انها اكتشفت قبل العرس ان هذا الزواج غير ناجح او ان الرجل يعاني من عجز
و الله يرزقني و يرزق جميع اخواتي الزوج الصالح الخلوق و التقي و الطيب و الحليو و ترزقنا ذرية صالحة اللهم أمين يا رب >>>بقى صفة ما قلتها :smile:
و دمتم سالمين:shy:
يعطيج العافيه لختي علي هالموضوع الحلو وبالفعل الموضوع صار يسبب القلق للجميع من كثر حالات الطلاق اللي تصير وساعات الخطا مشترك ودايم تكون البنت الضحيه وهي اللي تتنازل عن كل شي ويريت ينفع واذا تطلقت شوفي السوالف والقصص اللي تطلع عليها مسكينه الله يعين يارب
هلا بنات ..
أنا دايما كنت اشوف هذا الموضوع واستغرب .. وامر ابا ادخله وانسى او يشغلني شئ عنه..
لين ما انا مريت بهاي التجربه ..
نااااس غرب يوووو خطبووووني والحرمه اللي يابتهم كانت وااايد تمدحهم .. ابوي سال عن الولد قالوا زييين .. صليت استخارة مرة وحده بعد النظرة الشرعية ..
الله يسلمكم تمت الملجه ابسرعة فظيعة والكل كان مستغرب...يوم الملجه ما فكر ان ييلس معاي عشان يتعرف وبعدين ثاني يوم ما فكر انه يتصل أخواني يتصلون فيه مايرد ولما سئلوه يقولهم والله قلت اكيد تبوني احفظ ارقامكم عندي عشان جي اتصلتو( والله اذا يبونه يحفظ الرقم بيدقوله رنه مب يتمون يتصلون )..( المهم انا اذا تميت اعطيكمالتفاصيل بتملون )...
يعني وصارت لي اشياء معاه .. ومن ملجت وانا اصيح واذا ماصحت وكنت مستانسة حتى لو من هو يستوي شئ يعكر مزاجي كله .. ( هذا في ايام الملجه )
وبعدين ..
ما صارت فترة الا وانا مطلقة منه .. ( بعدين عرفت ان الريال ما كان يبا يعرس واهله خطبوله على كيفهم وعلى قولتهم انا عجبته) .. وصار اللي صار ..
ولا بعد بزيدكم من الشعر بيت ..هو لما خبرووه انه انا ما اباه وجي ومافي نصيب .. كان عاااادي ومستانس ... ولا اتصل فيني يسالني عن الاسباب ولا يخصه .. امه اتصلت يومين بعدين خلاص ولا همها ..بعد بفترة عرفنا ان هو مهددهم ومب معطيهم مجال انهم ايووون بيتنا عشان يصلحوون .. ..
والحمدالله على كل شئ .. ( وكل شئ قسمة ونصيب ) (والله يستر علينا وعلى بنات المسلمين اجمعين..)..
بس اللي ابا اقوله .. ان كل بنت لما تنخطب خلها تاخذ فترة عشان تفكر في الخاطب ولا تتسرع و لازم تصلي استخارة اكثر من مرة .. لأن الزواج مب لعبه .. وقبل كل شئ الاهل لازم يتاكدون ان الريال الخاطب شاري بنتهم وان ما يكون مغصوب .. او انه عشان اهله ماخذنها ..
هيه وابا اقول .. اذا اي بنت مرت في هاي التجربه خلها تدعي بهذا الدعاء والله راح يوفقها ..
( اللهم آجرني في مصيبتي واخلفلي خيرا منها),,
,الله يوفق الجميع .. وادعولي بالتوفيق..
أختكم جسوووور المحبه
كل شي قسمة و نصيب و الحمد الله على كل حال
الله يستر علينا و على جميع المسلمين
و الله يعوضكم ان شاء الله يمكن هذي خيرة لكم قبل لا ترتبطون فيه بعيال و تبتلشون طول العمر
و الله يعوضكم ان شاء الله بازواج صالحين دينين تقيين يخافون ربهم اللهم امين
بصراحة انا قريت الموضوع وشفت مشاكلكم..
عورني قلبي... والله اني ماسكه الدمعة لا تنزل وفيني غصة..
احس بنات نفس الورد يصير لهم جذي بسبب الرياييل اللي ما يخافون الله ....
الله يعينكم ويزيج عنكم هالهم...
وينور بصيرة اهاليكم ويستر اموركم ... يااااااااااا رب....
وفي النهاية احمد الله رب العالمين على اللي عندي ... وادعي لكم من كل قللللللللللللللللللللللللبي....
ترى انا من مناصرات المرأة ... نفس اوبرا يعني.... اكررررررررررررره ظلم الرجل للمرأة وينرفزني
و وااايد اتأثر فيه..
بس المشكلة ان العادات ما تقدرين تغيرينها.. بس اعتقد انه الواحدة لازم تتمرد على الظلم..
لا يغير الله ما بقوم حتى يغيروا ما بانفسهم..
والرسول ييقول ( كما تكونوا يولى عليكم)..
لازم ترفضوا وتتكلموا... لازم يعرفون انه حق مشروع من الله وشرع الله هو اللي يمشي مب شرع البشر...
بيني وبينكم ساعات النسوان يصيرون اخس من الرياييل في سالفة العادات والتقاليد...
والله يوفقنا وياكم للخييير ....
