من وين تحبين تشترين ملابس أولادك؟؟؟

انا اشتري لبنتي من ديرسن وبس كل شي موجود عندهم

عادة اشتري من مذركير .. بيبي شوب .. آدمز .. سناء " اكثر شي اللي في مجمع البحرين " والجواتي تكرمون من شومارت " الحذاء الجميل " ..
بس عموما اي مكان اروحه واشوف في شي يعجبني لولدي اشتريه وخصوصا المعارض مثل المعرض السوري ومعرض الخريف ..

أسوار مشكورة على المرور..

ماما حسون.. مشكورة على المرور وفعلا آدمز بضاعتهم حلوة ، بس آنه ماحب بالمرة أشتري من المعرض السوري أسعارهم غالية على الفاضي ومن غسلتين يختربون....

انا اشتري من اي مكان تعجبني بضاعته وتكون الوانه زاهيه اما للمناسبات اروح نكست او بي اش اس او كيابي او ريست اما للاحذيه احب احذيه بي اش اس وادمز

mahhaweee:
انا اشتري من اي مكان تعجبني بضاعته وتكون الوانه زاهيه اما للمناسبات اروح نكست او بي اش اس او كيابي او ريست اما للاحذيه احب احذيه بي اش اس وادمز

مشكورة على المشاركة آنه بعد مثلك تعجبني أحذية BHS و adams جودتهم عالية ويبقون عندك لمدة طويلة....

الموضوع وااايد حلو ومفيد لنا وااايد
بصراحه انا اخذ حق اولادي من ادمز بضاعته جيدةوماتتغيير في الغسيل
وبعد تعجبني بضاعة نكست والبي اتش وريست ولمتد تو كلها مجربتهاوماتتغير وفيه محل مش موجود عندنا في قطر هو أوكيدي بعد بضاعته روووعه
اما مذكر كير و زارا جربت بضايعهم بس مااعجبتني لانها من غسله وحده تتبهدل عندي

أم البنانا فعلا بضاعة آدمز ونكست مافي عليها ، بس مثل ماقلتي بضاعة المذركير بسرعة تتهدل وهذا من واقع تجربتي... شرفتينا بمرورك...

مرحبا خواتي

والله انا اشتري من اي مكان يصادفني او اشتري اي شي يعجبني ما يهمني من وين سواء كان رخيص او غالي

بس انا ما اشتري من البحرين بالمرة

الشي الوحيد الي اشتريه الملابس الداخلية وتكون من المعرض السنوي الي يصير ومن المحلات السورية او المصرية

لان بصراحة بضاعة البحرين خسارة فيها لفلووس

انا معظم تسوقي في السعودية اروح وايد محلات منها خبر مول او سوق الدمام (سوق الحريم)

وعندكم طابا روووعة بصراحة لملابس البيت والطلعات الخفيفة

والاحلى عندكم المارينا مول وسيتي ماكس بضاعتة مثل نكست وبي اتش اس بس فرق بين السما والارض في الاسعار

وفي محلات وايد بس ما تحضرني الحين

ولاهل الامارات المصانع واي على المصانع وحلاوتها وحلاوة قماشهم كلش ما يتغير

وبنتي اكثر شي يعجبها ان التنانير الي اشتريهم من المصانع مكسي او طويلة

بس دايما اشتري كميات كبيرة واطلع منها شوي شوي مع ان ما عندي مكان حتى للتخزين من كثر ما اشتري

بس حبيت اقولكم ان ثياب اليهال لا تغسلونهم في الغسالة على طول باليد ولا تستخدمون مواد كيماوية وايد لانه بشرتهم ما تتحمل مثل لكلورس او فانسش او غيره

وللملابس الداخلية لا تستخدمون الا صابون الاطفال الي علبته وردية وفوقه طفل لان الدكتور قايلي عنه

بنات الي تعرف محلات حلوة في السعودية وخصوصا في المنطقة الشرقية تقولي عنها

مشكورة دلوعة محرقية على المشاركة،، بخصوص المحلات آنه ماعجبتني بضاعة ماكس للأطفال، لأن القطن من النوع اللي يتهدل... وبخصوص الغسيل لما تغسلين الملابس حطيهم بالشبك الخاص بالغسالة وغسليهم داخلها صدقيني مارح يتبهدلون،، بنات جبوا صابون الأطفال soft ترى عن تجربة وايد زين وريحته حلوة وأرخص من الصابون الوردي اللي عليه طفل بقبعة...

هذا هو الشبك اللي ينحط بالغسالة..

بنات شو ها الصابون الوردي بقبعه؟؟ ماعرفه؟؟ و ايواحد سوفت؟؟ بصراحه مب محصله صابون للاطفال غير واحد في سبينس لون العلبه اخضر على سماوي..وبصراحه وايد غالي....
امس خذت نوع حصلته بكارفور صناعه الامارات..قلت بجربه

أختى angle eyes كيف حال حمودي؟؟

بخصوص صابون الغسيل الوردي هو صناعة المانية على الغلاف ولد لابس قبعة سوداء بس مو ذاكرني الأسم الحين.
Soft هو صابون غسيل عليه صورة بنت وولد مع أمهم (يعني صورة عائلة) ينباع جهة أدوات الأطفال...
الصابون اللي صناعة إماراتية كأني عرفته لأن يوم كنت بالأمارات شريته وكانت ريحته روعة، للأسف ماعنده منه في البحرين، بس قبل فترة شفته بالصيدلية بدينار واحد مع أن في الأمارات بست دراهم.
جربي soft لونه بنفسجي عن تجربة زين وريحته حلو وسعره رخيص يمكن بسبع دراهم.....

هلا رانيا شخبارج؟؟ و شحال عبودي؟؟

مشكوره على ردج....هالصابون الاماراتي ب 11 درهم....بدور الثاني الوردي و بجربه :)

صابون بوقبعة اسمه فيليتي .. :D

الموضوع حلو مرررررررررره مثل ما يكولون بالسعوديه-----
موضوع مفيد وحلو لتبادل الخبراتبين الامهات-----عاشت ايدك حبيبتي رانيا--

انا اشتري لبنتي دائما من اج ام ملابس البنات روعه بمعنى الكلمه --من ملابس الخروج الى ملابس النوم والجواريب والاكسسوارات رهييييبه-- ونوعيتها حللللوه وما تتغير بلغسل---بس المعاطف--ااشتريها من محلات ---مانور-- كلش كشخه وغاليه بس انتظر التخفيضات بعد راس لسنه واخذ لهم حجم اكبر يعني لسنه القادمه وهكذا لان التخفيض يوصل السعر للنصف وبعدين للربع يعني الشغله اللي ب50 ولار مثلا تصير 12 حرام ما نستغلها----خخخخخ

اما ابني -لحد عمر السنه من اج ام-- بس بعدها حولت على ال سي اي---ملابس الولد روعه-- اما الملابس الداخليه اشتريها ن اج ام والبجامات ايضا---خصوصا لانه يحب السبايدر مان وكله موجود هناك---

اما بالنسبه للغسيل --فانا اغير برنامج الغساله حسب الملابس -- يعني ملابس لطلعهتغسل على البرنامج الهادئ لربع ساعه حتى لا تتعب---والبياضات على 90 درجه---والالوان الداكنه 40 - وهكذا

واذاحبيي تحافضيين على الوان الداكنه والرسومات اقلبي الملابس على ضهرها قبل الغسل---وبعد لغسل بالمنضف وملطف وملين الملابس ----تبقى ملابس اطفالك زاااااهيه
وانشاء الله ما طولت عليكم

السلام عليكم ورحمة الله

انا لسه دوبي حامل بالشهر الخامس وبأول مولود وياااااااااارب اجيب ولد بس ودي اعرف من ذحين لاني بدأت اقضي بس سؤال لو سمحتو في بيبي شوب في مكة او جدة ؟؟؟؟؟؟؟

وشكرا..........

أماأنا آخذ حق بنتي الملابس الداخلية والبجامات من بيبي شوب وحق الطلعات من موناليزا وآدمز و فاين فير ونكست

pary ربي يحفظ لج عيالك يارب، شكراًعلى ثنائك... ومشكورة على الإفادة فعلا بضاعة H& M ممتازة، بس أشوف الأخوات يشتكون من الموجود بالإمارات....
وبالنسبة للغسيل مثل ماقلتي على الظهر وخصوصا مع الرسومات يكون ماتتغير، وبخصوص الحرارة والله أفدتينا..

الدانة الفريدة.. الله يتمم حملك على خير وتشوفي الولد، وبخصوص البيبي شوب إن شاء الله بنات السعودية يفيدوك...

مرام2006.. ياهلا بك أختى معانا بهالموضوع ومثل ماقلتي بيجامات بيبي شوب وملابسهم الداخلية تنفع لعيالنا اللي دوم يبهدلونهم...

السلام عليكم ورحمة الله اختي رانيا البحرينية , موضوعج وايد حلوو ومفيد:clap: :clap:

بالنسبه لي اشتري ملابس عيالي من:
Mother care
baby shop (بس الحين احس يضاعته مب جيده حتى البيجامات والقياسات معضمها غلط):angry:
Adam's
BHS
Marks & spencer
Wool worlth (محد طراه شغلاته حلوه و عنده قياسات حق اليهال بسم الله عليه المتختخين)
Mexx
A-Z

في النهايه حبيت اسال عن الشبك الخاص بالغسالة ,ينفع حق الغسالات العاديه الي فتحتها فوق وفي اي سكشن ينباع؟:shy:

مع الشكر

إماراتية الهوى،، ياهلا بك أختى معانه بهالتجمع،، بخصوص الشبك ينفع للغسالات، أنا غسالتي فل اتوماتيك ومن فوق،، وأخلي ملابس ولدي فيها،، بخصوص الشبك،، تحصليه جهى أغراض البيت، يعني بالجمعية أحصله عند مفارش طاولات الكوي او الأسفنج الخاص بالإستحمام يعتمد على المكان اللي بتروحينه حتى محلات عشر دراهم عندهم...