من وين تحبين تشترين ملابس أولادك؟؟؟

حاليا لولدي ملابسه الداخليه من بيبي شوب و البيجامات من مذركير......أما الملابس اليوميه من نكست وبي اتش اس....ملاحظه(بي اتش اس ملابسه من عده ماركات منها بريمامان وبامبيني)

بعد لاحظت ان ولا وحده منكم ذكرت مكس.....عندهم اشياء حلوه

للعيد ان شاء الله من دكني....بس بزيد ملابس للعيد احتمال من مكس او نكست

أكبر قلب،، روحي مجمع سترة رحت له مرة وعجبني انه هدوء ومافيه زحمة، وفيه محلات كثيرة للأطفال،، شوفي بضاعة نكست يمكن تعجبك، لأن ماشفت جهة البنات وماعرف ستايلهم..... بس الأولاد روعة ..

Good mother خلاص جهزي للعيد بسرعة وشوفي نكست....

تسلمون خواتي وان شاء الله لي رجعه

شكرا يا رانيا وعساكم من عوادة يا رب

أم مريم،، ننتظر مشاركتك..

أكبر قلب،، حاضرين يالغالية...

noorm:

السلام عليكم

شلونكم بنات
هاذي اول مشاركة لي بس انا من المتابعين حق مواضيعكم:shy:

المهم انا اشتري حق ولدي من مذركير وماركس حق البيت والملابس الداخلية بعد
اما للطلعة فأشتري له من زارا ماعليهم كلام الصراحة ونكست بعد وآدامز وليدي بيرد توني مكتشفتة واايد عجبني واسعاره الصراحة روعة و ايكو بعد ينزلون الماركات وعندكم بعد بيبي فير و اوليلي

بس عندي سؤال اوكايدي في وين؟؟؟؟؟؟؟؟؟؟!!!!!!!!!!! شديتوني له الصراحة

اختكم
ام بدر

مســـــاء الورد

اختي ياليت تقولين لي وين هالمحلات فيه ..

ليدي بيرد - بيبي فير - اوليلي ؟!!

واذا عندكم محلات بعد مميزة للبنات وحلوة ؟؟!!


وشكراً مقدماً

أم جود شكرا للمشاركة وإن شاء الله بنات السعودية يدلوك على المحلات اللي طالبتهم..

رانيا واكبر قلب...

رحت اليوم مجمع سترة .. وبالفعل طلع مثل ما وصفتوه :up:

بس كان زحممممممة عشان العيد.. وللاسف بضاعة العيد كلها شتوية... والبضاعة الصيفية كلها قديمة.. ومسوين عليها عروض.. فقليل تحصلين شيء حلو...

مشكورات خواتي .. الله لا يحرمني منكم..

مرحبا امهات
بنتي لين عمرها ست شهور وبربتزواتها من البيبي شوب اخذ لها الطقم كامل اللفه مع اللبس مع الطاقيه مع القفاز الصراحه الوانهم تعجبني واستغربت يوم قالوا بعض الخوات الوانهم تبهت بعض بربتزوتها البسها لاخوها الحين في البيت وبعد الست شهور كنت اخذ لها من زارا و مذر كير بامبكن باتش بس بذيك الفتره كان توه ما فتح في الرياض لا رحت البلاد خذت لها اوركسترا بعد مرات عليهم شغلات حلوه نكست بس الجنزات لاني احس اغراضهم مكرره ومونسون للبرد كنت اخذ لها من اوكايدي
اما وليدي الحين خذتله ملابسه من بيبي شوب طبعا اما ملابسه للعيد هالسنه من بامبكن باتش واوكايدي احس اوكايدي احسن شي للاولاد
وتحياتي

هلا خواتي.....
كنت متوهقة في جوتي العيد (الله يعزكم)...
بالعادة أخذهم من Paplosky قلت ها المرة بغير....رحت المحلات اللي عندنا في المارينا مول كلها ما عجبني شي....أخر شي رحت Paplosky وخذت له ن هناك :) يعني تعبت عمري ع الفاضي.....
المهم، ترى للي تدور جواتي بصراحة عندهم تشكيلات جديدة حلوة......
وفي أشياء حلوة عند ecco بس المشكلة أني كنت أبي أسود وماكان عندهم...

أختى Haifa تسعدنا مشاركتك والله يحفظهم لك،، بخصوص البربتوزات آنه بعد ماخذ ي من البيبي شوب ومرة أخذت من BHS آنه بعد ماشوف الوانهم تتغير..

Aryam زين خلصتي آنه بعد تعجبتي هالشركة مع أن أسعارهم غالية شوي على بزران بس تبقى مدة طويلة،، مرة أخذت حذاء رياضة من BHS الحين بيكمل السنة عندنا ولحد الحين صاحي وماتغير ....

بنات البحرين رحت الجزيرة نمزلين اشياء حلوة وشريت من عندهم بس بدلة

بالنسبة لي ملابس البيت آخذها من مذركير و مرات من بيبي شوب
والبيجامات من سنا
وملابس الطلعات من دبنهامز ومذركير ونكست وبامبكن باتش
والمناسبات أغلب الاوقات من مونسون ومرات الصالون الازرق
(بس بالنسبة للبقع اللي على ملابس الاطفال مرة فستان بنتي كانت أول مرة تلبسه وغفلت عنها وكانت تلعب بالالوان والالوان جات على الفستان وخذته على طول وغسلته بصابون الغسيل وفركته بس مافي فايدة بعدين فركته بصابون لوكس"الخاص لليد"مب السائل لا القطعة بس على طوووووووووووول البقعة أختفت ورجع الفستان مثل ماكان"والحمدلله..

أكبر قلب،، آنه بعد رحت الجزيرة بس مادققت في ملابس الأطفال لأن عبودي مخلصة منه من زمان، بس أخذت لي كم شغلة وطلعت،، زين حصلتي وأفتكيتي.

هياووي،، حياج الله معانا،، بخصوص البقع آنه أستخدم منظف kiwi للبقع ، ممتاز ترشين منه على البقعة لمدة عشر دقائق ثم تغسلينه...

آدمز
أوكيدي
مذركير

بنات

تعبت وانا ادور على بدله للعيد حق ولدي

مافي شي حلو في السوق ابدا حق الاولاد..عيزت وانا ادور

كله بناطلين و قمصان و انا ادور على قطعتين بس يكون اوفر اول وقميص تحته لان ولدي بعده صغير بس عمره شهرين عالبناطلين والقمصان..احسها مب مريحه و تلعوز..

أختى angle eyes روحي نكست عندهم من الأوفر اول،، أشكال حلوة،، آنه يوم كان ولدي عمره 4 شهور أخذت له من هناك ولحد الحين محتفظة بالبدلة من كثر ماعاجبتني... وإلى اليوم ينزلون من هذه الموديلات...

هلا رانيا

رحت نكست بس الاشياء اللي عيبتني حمودي عنده منها على اكبر ..يابينه له هدايا يوم ولدت :) عشان جيه مب محصله شي حلو

أختي angel eyes مري أدمز،، كنت متعودة أخذ لولدي أوفرولات من عنده لما كان عمره 4 شهور.....
أمس خذت لفة في المحل وكان عنده وايد أشياء حلوة لها العمر بالذات....
بالتوفيق.....