من وين تحبين تشترين ملابس أولادك؟؟؟

Aryam:
ياليت أختي أم ذياب المهيري تعطينا أسامي المواقع اللي تشترين منها...ولك جزيل الشكر....

اتمنى تفيدينا وهي من اي ماركة وشووو صناعتها مال وين يعني ؟ وزينه ما تخترب ؟؟ وحق الاولاد ماشي <-- أهم شي :sad:

تسلمين على الموضوع الحلو
أنا بنتي الله يخليها عمرها شهر و أربع أيام , جهزت لها ملابس من juniors و Pumpkin Patch بصراحة لبس البنات :up: عنده روعه و من سيتي ماكس عنده لبس حلو للبنوتات الصغار
و بصراحة بما أني جديدة على الأمومة راح أستفيد من خبراتكم
و إن شاء الله بس أقوم بالسلامه راح أتفنن في لبسها
و بالنسبة للغسيل أمي تغسل ملابس البنوته بس كمفورت أو داوني لأن ما يتوسخون بس لما تكبر و تصير تأكل و تلعب فأتمنى تفيدوني بمساحيق و منتجات تزيل البقع
و الله يعطيكم ألف عافية

أختى عروسنا،، مبروك ماجاك وتتربى في عزكم إن شاء الله...
بخصوص ملابس juniors مناسبة للمولود الجديد،، لما تكبر بعدين راح تتفنين في اللبس..
اما بخصوص الغسيل،، بإمكانك أن تضعيها في الشبك اللي يوضع بالغسالة ترى يحفظ الملابس ومايبهدلها، يعني ماله داعي غسيل اليد،، أشتري الشبك وجربي وقولي لي شنو النتيجة....

الصراحه ماعندى شىء جديد غير المذكور ولكن بالنسبه لمحل اتش اند ام موجود فى ابن بطوطه في الا مارات في مدينة دبي

الزاهدة لله،، تسلمي على المرور والمشاركة..

انا انوع يعني اغلب الثياب اشتريها لبنتي من
Mother care
Adam's
Depenham's
Marks & speencer

وثياب البيت من
Baby shop
سناء
جميل
BHS


اختي ام رشود
Pumpkin Patch موجود في مول الامارات

مياسة العود، تسلمي على المشاركة والإفادة...

شلونكم بنات
هاذي اول مشاركة لي بس انا من المتابعين حق مواضيعكم:shy:

المهم انا اشتري حق ولدي من مذركير وماركس حق البيت والملابس الداخلية بعد
اما للطلعة فأشتري له من زارا ماعليهم كلام الصراحة ونكست بعد وآدامز وليدي بيرد توني مكتشفتة واايد عجبني واسعاره الصراحة روعة و ايكو بعد ينزلون الماركات وعندكم بعد بيبي فير و اوليلي

بس عندي سؤال اوكايدي في وين؟؟؟؟؟؟؟؟؟؟!!!!!!!!!!! شديتوني له الصراحة

اختكم
ام بدر

هلا بنات
حلو الموضوع رانيا :)

ولدي محمد عمره شهر و نص و الصراحه لين الحين معظم الثياب اللي لبسته اياها كانت هدايا له ..ماشاء الله من كثر ما حصل هدايا ثياب فيه بظهم صغروا عليه وما لحق يلبسهم :(
بس هذا ما يمنع اني ماخذتله ملابس من مذركير..خصوصا الداخليه...ومن اوش كوش بيغوش ..و من بمكين باتش..و من اوكايدي ..
ووايد من الثياب اللي عنده من الهدايا من نكست و بيبي شوب و بمكين باتش..و ماري كلير وماركات ثانيه مثل بيبي ديور...
بصراحه معظمهم حلوين و ما يختريون بالغسيل

مراااااااااااااااحب

للبيت من: بيبي شوب و مذركير ساعات

للطلعات والمناسبات :
على الترتيب

أفضل المحلات عندي
أوركيسترا -بو-بوش- ريست- اتش اند أم

الصراحه آخذ لطفلي من عندهم لما كان عمره شهر) كل حد يسألني من وين تاخذيله) وأكثر محلات تعطي الأولاد حقهم غير المحلات الثانيه تكون معضمها لبس بنات

بعدين

بمكين باتش

أدمز

نكست

تحياتي للجميع

أم سعيد 2005 تسلمي على المشاركة وربي يحفظ لك ولدك...

أمس رحت بخلص أغراض العيد لولدي قبل الزحمة، مريت Pumpkin Patch وكان منزل أشياء حلوة، تعرفون الأولاد ومعاناة لبسهم، خذت له من عندهم وخذت بعد من Reset، بعد عجبني الكولكشن اللي عندهم.....ومريت أوكايدي، الملابس وايد حلوة بس المشكلة الألوان، معظمه بني وأزرق واللي خذتهم قبل بنفس الدرجات، فما خذت شي من عندهم...

Aryam تسلمي على المشاركة،، شوفي نكست يمكن يعجبوك، أخذت لعبودي قميص وردي روعة، شوفي صورته (الأول) مع بنطلون رصاصى على أخضر نفس اللون اللي في وسط القميص.

أختي رانيا البحرينية روعة القميص،،، أحلى شي اللون، تعقدت أدور ألوان جديدة، وأمس ياي على بالي أقول لريلى أريد أخذله لون وردي يضحك علي.....رغم أني مريت نكست أمس ما شفته!! خذت دلاغات وطلعت....يمكن ما انتبهت زين...
بس خلاص ان شاء الله بروح أخذه وبفاجأه :)

أختي أريام آنه بعد اول ماشفته عجبني بس قلت مستحيل البس ولدي هاللون، زوجي عاد يوم ثاني راح وخذاه وقال آنه عاجبني وأخذنا معاه البنطلون ، هاذي صورته. الأول من جهة اليمين بالضبط نفس اللون اللي بوسط القميص، حتى حاطينه معاه بنفس الجهة

انا بنتي حبيبتي خلصت فلوسي .....

بجاماتها من مذركير ومستحيل اغيره .. وبيبي شوب ما يعجبني ابد وأنا مع كلام اختي عروس اللولو انه مقاساتهم مو مضبوطه..

ملابس الطلعات العاديه من كل مكان على حسب الي يعجبني وزي الي ذكروها البنات... لكن احسن محلh&m بس للاسف ماعندنا بالرياض... وكذلك gap لا تنسونه وكمان مو موجود بالرياض

في محل بغرناطه مول يبيع فساتييييين تجنن للاطفال جنب جكادي .....

بالنسبه للطلعات الكشخه والعيد من بيبي ديور او بربري او d&g

والله يخليلي بنتي وادعوا لي ما اصير مسرفه .... :)

amazing prizes and excellent quality :H&M

mother care: cute styles, some practical sleeping suits

somtimes in any shop I just select the special pieces

هلا والله بخواااتي.....الصراحه اختي رانيا موضوعج وااااايد

حلو وماشالله البنات ماقصروووو...عندج محل وايد عجبني

في المؤسسه الاستهلاكيه عند مستشفى العسكري هو بس

محل واحد بس صج ثيابهم حلوه حق البنات والصبيان بس....

اسعاره اشوي غاليه وانا من ناحيتي ماشالله في الرياض

كل مكان تحصلين اغراضهم حلوه وماشالله ياكثر المجمعات

اصلا من كثرهم مو عارفه شاخذ حق بناتي:qaq: :qaq: :qaq:

Bent cute الله يحفظ لج بنوتج، ويعينج على مصاريفها...

أخت كنوز،، مشكورة على المشاركة، هل H&M اللي عندكم أحسن من الإمارات،، لأن بنات الإمارات يقولون بضاعته دايخة عكس برع؟؟

بحرينية مغتربة،، يمكن تقصدين Pumpkin Patch لأن كأن سمعت حد قال فاتح عند المستشفى العسكري..

محتارة من وين آخذ لها ثياب العيد ساعدوني بنات البحرين.

لاني ما ابغى افتر ابغى محل ولا اثنين محددين اشتري وامشي. ما احب السوق في شهر رمضان.رحمممممممممممممممممممممممة