ياليت إفادة،،الولادة الثانية في مستشفى الكورنيش

مشكورة أختي أم سلامه على الإفادة......
تعرفين لاحظت أن الموضوع كله بالحظ!!!! كل وحدة وحظها حسب النيرسات والدكتورة اللي تكون من نصيبها....ناس تمدح وناس تذم...وفعلا أهم شي مثل ما قلتي أن الوحدة يكون معاها حد يتابعها...........وفي الفترة الأخيرة كل ما رحت أزور وحدة مربية تكون الغرفة مشتركة..صايرة المستشفى وايد زحمة، بس الوظع يكون فظيع، الغرفة أساسا صغيرة، كيف لما يكون فيها شخصين؟؟!! الغرفة تكون حااااارة، ومافي مكتن الوحدة تحط ريولها...أحاتي ها الموضوع وااااايد :(
والله أني ميته من الخوف ها المرة.....

أنا بصراحة ما فهمت متى أقدر أسير مستشفى الكورنيش في الثالث لا الرابع لاني احس بآلالام قوية تحت و اب اتطمن بليييييييييييز ردوا علي

السلام عليكم خواتي.. بس حبيت أذكركم ترى الله عزوجل لعن الراشي والمرتشي .. إذا تبين الله تعالى يبارك حياتج لا تبدينها بحرام..أنا عن نفسي استخرت |أولد في الكورنيش.. وربيت بعملية.. ومثل ما قلتوا ترى كل مرة الفريق الطبي يختلف من واقع تجربتي أنا أحس إنهم ما يطمنون الواحد يمكن لأنهم مش مسلمين بس متعلقين بالأسباب الدنيوية .. وأنا بعد أنصح كل وحدة تربي تكون معاها أمها أو أختها ,, ولا تنسوا صلاة الاستخارة ,, لأن الله يعلم الخيرة لكل وحدة,, وفي وحدة من الأخوات قالت أروح العطر لوين ,, شو اختي نسيتي إن في رياييل يطوفون ولا تبين أحد أجنبي يشوفج,, أتحملوا ترى على عمركم ,, والله يقومكم بالسلامة

أختي red flower تقدرين تروحين من الثالث...وما عليج شر يارب...

أختي أمة اللة جزاك الله خير ع التنبيه......وهذا اللي ما أحبه، أنا بحاول أحجز غرفة خاصة بسعرها العادي، صار خير وبركة، ما صار الحمد لله بصراحة حتى أستحي أستخدم الفلوس عشان أمشي شغلي.....، بس الوحدة شو تقول، العاملين بصراحة ما ينلامون، الناس الله يسامحهم هم اللي عودوهم على ها الشي...

موضوع مفيد وجزاكم الله الف خير عليه

انا في شهوري الاولى وخوفتوني وايد :(

راس مالنا مستشفى الكورنيش وجي معاملتهم

انا سمعت ان الدكتورة الي تولد الوحدة قيصري تاخذ فلوس على العملية

علشان جذي نص الي يربن يولدونهن قيصرية!!!

اففففففف والله خايفة

بنات منو احسن دكتورة هناك؟؟

وشو اجراءات عيادة ال vip ؟؟

بليييييييييز ردو علي انا حامل بالبكر ماعندي خبرة بهالسوالف :(

أسمحيلي Aryam

دخلت عرض في موضوعج بس اريد اسوي اشعة 3d في بوظبي حد يخبرني اسم عياده خاصه
بليز بنات ردو عليه

والسموحه