ياليت إفادة،،الولادة الثانية في مستشفى الكورنيش

بصراحه استفدت وااايد من الموضوع ،،

واتوضحت بعض الامووور ،، وهذا اهم شي ،،

بناااات شو رايكن كل وحده تكتب اسم الدكتوره اللي ارتاحتلها في مستشفى الكورنيش،، وشو السبب اللي خلاج ترتاحيلها ؟

<<<< متعقده من الدكتورات في منطقتهم،، اروح عند السودانيه تقولي عندج تسمم حمل ،،
اروح عند العراقيه تقول يمكن نحتاج عمليه،، اروح للباكستانيه تقولي كل شي اوكي :confused:

خرزة زرقة ممكن تكتبين اسم الدكتوره الباكستانيه ،، بحاول اراجع عندها

ماشاالله الردود ما عليها كلام، بصراحة ما عليكم زود، بس زعلانه عليكم محد سأل عني &#61516;
أختي خرزة زرقة شكلج وايد تحاتين، توكلي على الله وهو اللي بيسر أمورج...وعني أنا مواعيدي من التاسع كانت اسبوعيا، ومرة قلت للدكتورة ما أحس وايد بحركة البيبي (وأنا في التاسع) طلبت منهم على طول يسوون لي صورة عشان تطمن، الظاهر أنه حسب الدكتورة اللي تشوفج..

مشكورة أختي الجميلة78 على المشاركة، كلامج صح 100%، المظاهر فوق كل شي، ومثل ما قلت قبل عندج واسطة كل شي تبينه ممكن وموجود، وأكيد مثل ما تفظلتي أختي التيسسير له من الله سواء كان مستشفى خاص والا حكومي، لكن اللي الواحد يحاتيه الاهتمام، أنا بنت خالي ولدت طبيعي وكل شي تمام في مستشفى دبي، بس النيرس شالت البيبي وراحت وخلتها، وبقت المشيمة والا بقاياها – مب متأكدة – وسوت لها نزيف حااااد في الرحم، والنهايه استئصال للرحم الله يعافينا......

الغالية ميرة صغيرة ، أشكر مشاركتج عزيزتي، وأول وحدة ترد على سؤالي بالنسبة للخياطة &#61514; طيب أختي سؤالي – إ1ا مافي إحراج - شو الفرق اللي حسيتيه بين المرات اللي سوولج فيها خياطة واللي ما سويتي فيها؟ يعني ما تحسين أن الخياطة أحسن وترجع كل شي لوضعه الطبيعي &#61514;

والغرفة فعلا أنا أول ما دخلت الطوارئ حولوني غرفة مشتركة مع وحدة فلبينية، بس ريلي قلاهم عطوها نبغي غرفة بروحها أو بندفع لغرف ال VIP طبعا وكالعادة قالوله الغرف الخاصة فل بس بعد الولادة على طول عطوني غرفة بروحي، بالنسبة للاهتمام من النيرسات كان زين، بس الله لا يوريكم السرير!! طبعا ما كان كهربائي، يرتفع وينزل بالإيد، والله لين ما طلعت من المستشفى كان ظهري رايح فيها من الآلام، وقالولي أن السرير الكهربائي بس للي تولد بعملية (هذا الكلام كان من حوالي سنتين).


حياج الله الغالية أم عزوووزي الحلو ويانا في الموظوع، مثل ما قلتي أختي يعتبر أحسن مستشفى ولادة في الإمارات، من وجهة نظري لأنه بعد قديم والعاملين فيه خبرة في ها المجال....وزين أنج نبهتينا على موظوع الكشخة &#61514;
بالنسبة للمراجعة في عيادة ال VIP أنا ما كنت أعرف عنها إلا لما دخلت الثامن، والظاهر لأني كنت تعبانه ومالي خلق أكشخ قالت لي ما يستوي!!مادري ليش..بس الغريب أني كنت كلما أمر عند قسم العيادة الخاصة أشوف هنود ووافدين وأجانب نادر ما يكون في مواطنات (مع احترامي لجميع الجنسيات)..

أختي دودة في بطنها نونو، عقبال ما تطلع الدودة بالسلامه انشالله..... &#61514; والله كنت أتمنى أفيدج بس مثل ما قلت ولادتي السابقة كانت من حوالي سنتين وما أذكر أسامي الدكاترة، والمرة هذي مارحت إلا مرة وحدة، بشوفلج الدكتورة كيف وبخبرج

أنا ربيعتي خبرتني أنها هي وخواتها دايما يراجعون عند وحدة هندية هي أحسن دكتورة في الكورنيش، وهي اللي تولدهم بعد!! يتصلون لها حتى لو الفجر تروح لهم، لأن علاقتهم وياها أوكي (على كلامها فلوس وهدايا وعزايم) هذا والله أعلم &#61514;

اسمحولي إذا نسيت أذكر أسم حد والا أرد على حد، ننتظر المزيد من التجارب والآراء

شو هذول بس اللي ربوا في الكورنيش؟؟؟؟؟ وين باقي لتجارب، لا تبخلون علينا.....

مرحبا بنات وزييييين طريتوا موضوع أحشن دكتورة هناك ...لأني أبي أحصل وحدة زوينه ع الأقل <<<<<متواضعة :shy:

على فكرة بنات أنا سمعت إنه وقت الولادة الدكتورة ماتكون موجودة معاج بس ....النيرسات:sad:

والدكتورة إتيي وقت الخياطة والحالات الدقيقة :sad:

هل هذا صحيح بلييييييييييز طمنوني ...

وبالنسبة لغرفة العمليات المشتركة اللي اتييج أربع حريم في غرفة العمليات هذي موجودة بسسسسسسسسس للوافدين والهنود اللي ماعندهم مايقدرون ع المصارف فيدفعون أقل ..


وأحسن دكتورة هناك ..(((( يقولون وحدة استرالية ))) ماعرف اسمها ، الموعد الياي بسأل عنها ..

وبالنسبة للعيادة الخاصة الفرق بينها وبين العام إنه ماعليها زحمة تدخلين ابسرعة أما التشخيص وااحد مايفرق عن العام .

وأي شي راح أعرفة بخبركن

مشكورة الغالية أم عزوووزي الحلو على تفاعلج مع الموضوع، وفعلا أختي عادة النيرسات يولدون و الدكتورة ما تحظر إلا للحالات الحرجة ، بس مثل ما ذكرت قبل ربيعتي تحظر الدكتورة ولادتها لأنهم يعرفونها معرفة شخصية.......

ياربي حتى في الولادة رشوه ومعارف :gum:

والله اني خااايفه واااايد من الولادة :sad:

الله يستر علينا ويسهل ولادتنا يارب

[grade="00008B 0000FF 008000 4B0082"]مراحب:
والله كلام البعض صح والبعض الاخر .............
أم عزووووز: والله عن سالفة الكشخة عاد ما جذبتي، لأني انا اروح على سنجة عشرة وكاشخة من الخاطر والشيلة والعباية والعطر يفوح لين وين يسووو لي سالفة الاحد اللي فات كنت رايحة سووو لي سالفة من العدل واحترام وما ادري شو..
عن سالفة التوليد فعلا الدكتورة ما تكون موجودة الا اذا في شئ خطير.انا لما ولدت كانت عندي هندية بعدين راحت ويات لبنانية وبس.الدكتورة اتخيط المنطقة ما اتي اتولد.
مثل ما قلت لكم : كل يوم دكتورة شكل مو كل مرة نفس الدكتورة.[/grade]

يعني ولا وحده اثبتت مع دكتوره وحده

صراحه الموضوع يخوف ،، شو الفايده الاقي كل يوم وحده واعيد السالفه من يديد

موعديه الياي في الكورنيش تاريخ 25 / 6

انشالله افصفص الدكتوره وايبلكم معلومات اكثر ،،

أختي دودة في بطنها نونو، موعدي نفس اليوم :) 25 / 6، يمكن نتشاوف هناك :) بنشوف شو بيصير في الموعد وبنتناقش انشاالله

ههههههههههههههاي حرام انا اليوم كان موعدي ياليت موعدي معاكم والا كنا بنتلاقى مع بعض

اليايات أكثر من الرايحات انشاالله، بس طمنينا أختي خرزة زرقة كيف كان الموعد؟؟ انشاالله كل شي تمااااااام......

Aryam:
السلام عليكم خواتي،،،......
حبيت أستفسر عن موضوع وأستشيركم فيه بالذات للي ولدوا قبل في مستشفى الكورنيش...
أنا حامل في البيبي الثاني،،أدعوا لي أقوم أنا والبيبي بالسلامة‘ ولادتي الأولى كانت في مستشفى الكورنيش، أبوظبي، والثانية انشاالله بتكون هناك، في ولادتي الأولى سوولي خياطة، وحابه أعرف هل يسوون خياطه في الولادة الثانية والا لا؟؟ وإذا الوحدة تبي خياطة تطلبها وقت المراجعة من الدكتورة والا كيف؟؟؟؟؟؟؟؟
ياليت حد يفيدني بلييييييييييييييز

لازم تطلبينها من الدكتوره والله يقومج بسلامه

والله يااختي اريام ..........كان الموعد اوكيك بس المشكله طلعت لي الدكتورة الباكستانية النحيسة ماادري ليش كله تعصب ويوم اسالها اي شي ترد بطريقة خايسة وماارتاح لها هاي اول مرة تكرر لي نفس الدكتورة الموعد اللي طاف وهذا الموعد نفس الدكتورة وعطتني موعد الاسبوع الياي ............وخايفة تكون نفس الدكتورة.............


وابي اعرف يابنات في الشهر التاسع لما نتعالج في مستشفى الكورنيش......تكون نفس الدكتورة خخلاص لين وقت الولادة والا لا عادي تتغير الدكتورة لاني ماابي تكون الباكستانية اضايق فيني كيف اذا وقت الولادة والله برفسها...............\\\


وسمعت يقولون الحامل في الشهر التاسع يسون لها تخطيط نبض الجنين عشان يشوفون نسبة التقلصات انا لما رحت ماسوت شي بس سمعتني صوت النبض وقالت لي يله روحي اضايقت لاني اتحريت في التاسع يسون سونار وتخطيط طلعوا عادي مب مهتمين.........

فابي اعرف انتوا بالشهر التاسع شو يسون لكم في مستشفى الكورنيش.....ارجو الرد

الله يعينج أختي خرزة زرقة، وانشاالله ما تتكرر ها الدكتورة،،،
شوفي كيف سبحان الله، نتكلم عن تغيير الدكاترة ولما ثبتي على دكتورة لموعدين ما حبيتيها!! :)
ومب شرط تكون نفس الدكتورة طول التاسع، اللي صار وياج ممكن صدفة، ولا تحاتين لأنه أساسا الدكتورة ما تكون موجودة في الولادة، النيرسات هم اللي يولدون.....
والمفروض في التاسع يسوون لج التخطيط على كل زيارة، بس مادري يمكن نظامهم تغير أو أن الدكتورة ما انتبهت، ترى مرات تكون تبي تكشف وتخلص ومع السلامة...أنتي نبهيها المرة الياية واسأليها عن التخطيط......وانشاالله خير

مشكورة اختي اريام صج انها نحاسة انا الاحظ انهم اصلا مب مهتمين بس يبون يخلصون بسرعه عيل دام جي السالفة من الحين ماشي اهتمام عيل اكيد بالولادة بصير لي شي او بيهملوني........ربي يستر الصراحة تعبت منهم

انزين انا بسال عن التخطيط بس التخطيط يكون كيف بجهاز صغير او اروح مكان غير....اللي تكون فيه الدكتورة

وينكم

هلا والله أختي خرزة زرقة، أهم شي أنج ما تحاتيين ولا تفاولين على عمرج، ان شاء الله ما بيصير إلا الخير وبتقومين أنتي والبيبي بالسلامة....
جهاز التخطيط يكون في مكان ثاني مب عند الدكتورة....على أيامي حسب ما أذكر كانت غرفة كبيرة فيها سراير وبينهم ستاير، يطون لج حزام على بطنج يكون موصل بالجهاز....
بخبركم عاد هن موعدي الأخير...أول شي كان عندي صورة..سويتها والحمد لله النيرس كانت زينه وخذت وقتها وياي، خلتني أشوف كل شي، الراس، الظهر، الريول، اليد، حتى الأصابع..وسألتها الـ3D، قالت عندنا بس أنتي ما راح يبين وياج تفاصيل البيبي وايد(لأني بالخامس)، كنت حابة أشوف منو يشبه :)، وقالت لي أطلبيه يوم تكونين بالسابع أو الثامن....
بعدين رحت للدكتورة، بصرحة هالمرة كانت وايد زينه، صح أنها أبدا ما كشفت على، يمكن لأنهم أطمنوا من الصورة، بس اللي عجبني أنها كانت مستعدة تجاوب على كل أسألتي، وقالت لي أسألي حتى لو مليون سؤال!! وقعدت تعطيني نصايح بالنسبة للأكل والشرب والأدوية،
أنا عاد انتهزت الفرصة وسألتها عن الخياطة في الولادة الثانية، قالت لي عادة في الولادة الثانية ما يكون في قص فما نسوي خياطة،الدكتورة أسمها سلطانه......
واسمحووووولي ع الإطالة بس هدفي أفيد البنات......

شكرا لج يااختي اريام افدتينا وااااااااااااااااااااااااااااااااااااااااااااايد

ابصراحه هذي اول ولاده لي في مستشفى الكورنيش..

واحس عمري مش مرتاحه..لان النيرسات اتولد..وممكن ايحطوني في غرفه مشتركه مع اني طلبت

غرفه خاصه..وقالولي في نظام يديد عدهم انه ايخلوني البيبي معاج من اول ما تطلعين من غرفه

الولاده..يكون عندج غي الغرفه..ما يقولون انج تعبانه وتبين ترتاحين..وحتى لو ما فيج حليب ما

يعطون البيبي حليب من عدهم.. اونه( المستشفى صديق البيبي) هذا نظام يديد عدهم..ليش ما ادري..

وانا متعوده اولد في مستشفى خاص في الشارجه بس هالمره زوجي غصبني اولد هنيه والمصاريف

اهنيه اكثر من المستشفى الخاص.. وخاصه في بوظبي المظاهر وايد..والخقه والفشره..وإلي يقهر

تبين ترتاحين ما تقدرين والبيبي عندج

ويه عيل لله يعينا الصراحة اصلا مستشفى الكورنيش ارف ارف ارف ارف ارف ارف