ياليت إفادة،،الولادة الثانية في مستشفى الكورنيش

لا والله الغاليه لا تتشاأميين من أولها......
بالنسبة لأن النيرسات يولدون كل المستشفيات الحكومية تمشي بنفس النظام (على حد علمي)،، والغرف على حسب الوفرة..تخيلي المستشفى الحكومي الوحيد للتوليد في أبوظبي وكل الناس عليه..
ونظام أن البيبي يخلونه معاج هذا من فتره طويلة، لأني يوم ربيت (من سنتين) كان نفس الشي، بس في هدف من ها الشي، مادري إذا سمعتوا عن قصة الطفل اللي انسرق في وحده من مستشفيات دبي، القصة من فترة طويييلة، وسالفة النيرس اللي كانت تبدل الأطفال..هذا كله كان من الأسباب، بس لو أنه خلو الولد عندي كانوا كل مل أحتاجهم يساعدوني، وهم اللي يسبحونه، مادري يمكن عشان أول بيبي..؟؟؟!!!!.بنشوف في الثاني كيف....
بخصوص الحليب الصناعي هدفهم الإرضاع الطبيعي لأنه أكيد أحسن وايد بس صدقج مرات الوحدة تكون وايد تعبانه وما تقدر...بس شو نسوي...لازم نفكر في مصلحة الطفل...

مرحبا بنات :)
انا حامل في الشهر الخامس و اتعالج في مستشفى خاص و لين الحين ما فتحت فايل في الكورنيش كنت على اساس بربي في المستشفى الخاص و الدكتورة الى اتعالجني بتفتح عيادة بروحها .. فا انا قلت بربي في الكورنيش و بجرب ... ان شاء الله يكون خير ...
....
بالصراحة امس كنت اتكلم مع وحدة عن مستشفى الكورنيش قالت لي كل شيء بفلوسج .. معناته رشاووووووي
والله في بلادنا صار كل شيء بالواسطة او بالرشاوي ... المهم نفس ما قالن البنات قبل يقولون لج ماشي غرفة خاصة .. و هن فاضيات ... ماشي غرفة بروحج و هن فاضيات ... شو هذي الفوضة و بالصراحة المستشفى بس عناية بالطفل اما الام بس يعطونها مسكن الم و بس ..

انا سمعت انة بيفتحون مستشفى خاص يديد بس هو حكومي بالقصد ... بس تدفعين .. ما اعرف كيف بس مكان دائرة الاشغال ؟

هممم بنات قولن لي اروح الكورنيش و لا مستشفى خاص ؟

نصيحة جربي الحكومي ...............افضل ليش الخساير صدقني نفس ماتدفعين هناك بتحصلينه في الكورنيش..............


بس بنااااااااااات بقولكم الدكتورة عطتني بالويه اليوم وقالت ممنوووووووووووووووع يدخل الريال مع حرمته وقت الولادة بس هي والنيرسات


يعني الله يعيني...........

أختي The Angel الله يقومج بالسلامة.......بالنسبة للفلوس والرشاوي كلامج صح، الله يعيننا بس بصراحة الناس اللي في بوظبي الله يهديهم هم السبب، هم اللي عودوهم على ها الشي، يعني ما تلاقين ها الشي في دبي والشارجة وباقي الإمارات...هني الاهتمام وايد بالمظاهر بدرجة مبالغ فيها...والواسطة حدث ولا حرج....
بخصوص دخول الزوج أختي خرزة زرقة، غريبة، أنا زوجي كان وياي...وكل اللي أعرفهم نفس الشي...!!!!

مرحبا بنات مشكورات على الرد
اما بالنسبة للزوج عادي يدخل مع الحرمة في غرفة الولادة ما اعرف هي ليش منعو زوجها حتى المستشفى عادي يدخل معاها حتى لين الغرفة
زوج اربيعتي عادي كان يرقد معاها في المستشفى :)

أنا عن نفسي ولدت في الكورنيش ووومعاملتهم ووايد أوكيه

انزين ابي اعرف كيف تعاملهم معاج وقت الولادة.................والنيرسات كيف اسلوبهم يراعونج والا عادي

الحمد لله أمس أخت ريلي ربت في الكورنيش......
ما قالت لي قصة ولادتها وكيف اتعاملوا وياها في الولادة، بس أول مشكلة أن ما عطوها غرفة بروحها..قالولها زحمة ومافي مجال.....
المهم لما رحت أزورها كانت البنت تصيح وااااايد لأنها يوعانه والحليب ما يطلع من صدر أمها، النيرس قالت في بعض الحالات يبي 3 أيام لين ما يبدأ يطلع،
أنزين شو الحل؟؟؟؟؟؟؟؟؟
قالوا لازم نعطيها حليب صناعي!!!!! بس الأم توقع أنها موافقه....وبدوا يعطونها بس مب في مرضعة في قلاص صغير، وينقطون في فمها......
يعني مب مستحيل أنهم يعطون صناعي، الموضوع يعتمد على حالة الأم......

حمدلله على سلامتها بس حرام ليش مارضى يطلع الحليب والله فديتها بس الله كريم

الله يسلمج وعقبال ما تقومين بالسلامه ونسمع منج أخبار حلوة عن الولادة......

آآآآآآآآآآآآآآآآآآآآآمين يارب .....................

الله يساعدنا عليهم في قلاص صغير بياخه عااد..

وعطوها البيبي من طلعة من غرفة الولاده ولا ثاني يوم ولا متى..؟؟

انا الحين بكمل ال40 اسبوع وما اعرف شو بيسوون معايه..هل بيعطوني وقت ازياده..ولا بيسوولي طلق صناعي..إذا حد يعرف يرد عليه..

وعرفت انه عدهم قسم يديد اسمه (رويال) وبعد بفلوس سمعتوا عنه؟؟ ابغي احجز فيه..وين اسير وبكم؟؟ جاوبوني لو سمحتوا..

وبتكون هذا ولاتي الثالثه..طلبت من الدكتوره خياطه..لان الخياطه القبليه مب عايبتني ووافقت وقالت لي ممكن اتكون النيرس هي إلي تخيط اذا كانت الدكتوره مشغوله..سمعتوا عن هالشيء..

وعن الرشاوي..حق منو اتكون..للنيرسات عشان يطلعولي الغرفه ولا حد من المسؤولات عن vipمنو نعطي..لاني بصراحه ارفانه من المستشفى ولي فيه..ابغي اربي في الشارجه بس زوجي غاصبني اربي في الكورنيش هالمره يقولي جربي احسن..من الخاص.ومتى اعطيهم يوم ادش غرفة الولاده ولا قبل..عشان يجهزون الغرف إلين ما اربي؟

والله حاله ابصراحه..رشاوي حتى في المستشفيات الله يعينا.

هلا أختي سحناه،
البنت عطوها الحليب في قلاص على أساس أنها ما تتعود على مصاصة المرضعة وتودر الحليب الطبيعي،، والبيبي يطلع معاج من غرفة الولادة لين غرفتج، ما يخلونه بعيد عنج أبدا، أعتقد حتى أنه ممنوع.......
وانشاء الله ما يعطونج طلق صناعي، ويعتمد على وضع البيبي والماي اللي حواليه، إذا كان كل شي أوكي بينتظرون عليج...
الخياطة بصراحة من التعب ساعتها ما أذكر إذا اللي سوتها هي النيرس والا الدكتورة، انشاء الله حد ثاني يفيدج،،
وبالنسبة للرشاوي :) بصراحة ما أدري، وما فيني أقولج ويكون حرام وأخذ إثم،،، واللي أعرفه أن عادة إذا أنتي مو أول ولادة وكل شي أوكي يخلونج في المستشفى يوم واحد بس،
يعني اصبري إذا يت على يوم....
والله يقومج بالسلامة

الله يسلمج يالغاليه..ومشكوره على الرد

ان شاء الله احصل غرفه خاصه..وارتاح..

بس البيبي بسمي عمري تعبانه وبخليهم ياخذونه عشان ارقد اشويه

الله يقومج بالسلامة أختي hams_elwrad،،،
واسمحولي ع الانقطاع بس كان عندي مشكلة في النت من حوالي 10 أيام.....

وياج حق والله...الغرفة المشتركة عذاب...هذا اللي أحاتيه في ولادتي الثانية...
أنا قبل ما أربي حطوني مع وحدة، وقلت لريلي روح كلمهم ألحين، لأن إذا ربيت وخلصت مافي فايدة....راح قالهم نبغي غرفة VIP، والا تعطونها غرفة بروحها....وإذا مافي غرفة بروحها بندفع للغرفة الخاصة...طبعا ردهم المعتاد ما في غرفة خاصة......تم يزن على راسهم قالوله خلاص بنشوف لها أول غرفة تفظى وبنحطها بروحها..والحمد لله قبل ما أربي نقلوني بروحي...
بس يقولون المستشفى زحمه أكثر من قبل، خايفة يحطوني مع حد :(

أختي hams_elwrad بغيت أسألج، في الولادة الثانية سوولج خياطة والا لا؟؟؟؟

Aryam:
الله يقومج بالسلامة أختي hams_elwrad،،،
واسمحولي ع الانقطاع بس كان عندي مشكلة في النت من حوالي 10 أيام.....

وياج حق والله...الغرفة المشتركة عذاب...هذا اللي أحاتيه في ولادتي الثانية...
أنا قبل ما أربي حطوني مع وحدة، وقلت لريلي روح كلمهم ألحين، لأن إذا ربيت وخلصت مافي فايدة....راح قالهم نبغي غرفة VIP، والا تعطونها غرفة بروحها....وإذا مافي غرفة بروحها بندفع للغرفة الخاصة...طبعا ردهم المعتاد ما في غرفة خاصة......تم يزن على راسهم قالوله خلاص بنشوف لها أول غرفة تفظى وبنحطها بروحها..والحمد لله قبل ما أربي نقلوني بروحي...
بس يقولون المستشفى زحمه أكثر من قبل، خايفة يحطوني مع حد :(

أختي hams_elwrad بغيت أسألج، في الولادة الثانية سوولج خياطة والا لا؟؟؟؟

سوري على التأخير بس امرة الثانية ما سولي خياطة

مشكورة أختي hams_elwrad على الرد، تسلميييييييييييين :)

ان شاء الله البنات افادوج باللي تحبين تعرفينه..

الله يسهل عليج ..

السلام عليكم،، هذه أول مشاركه لي في المنتدى،، وحبيت أعلق على مستشفى الكورنيش!!:think:
بصراحه ما أنصح الولاده فيه إلا إلي تعرف دكتوره عدل في المستفى أو عندها خبره في الولاده ولا بتحتاج مساعده الدكتوره،، يعني حتى لو بتولد في البيت عادي :)
مع أني كنت ماخذه خاص من دكتوره إلى الغرفه، وحتى لو كانت المعامله أوكي، شو الفايده لو كان الوضع الصحي مب أوكي.. أدري طولت سامحوني بس من الغصه، ولأني ما اشتكيت خليتهم يولوون !! :pain:
على العموم النقاط إلى كانت عليهم، إنهم تركوني وايد أتعذب بالساعات والبيبي من دون ماي:confused: ، وثانيا الدكتوره الله يسامحها ما يتني إلا يوم البيبي بيطلع، ويوم ولدت وخلصت خلتني من دون خياطه وانتظروا وحده ثاية تخييط عنها، مع إني كنت موصتنها؟!؟!
وما زاد الطين بله، إلى يايه تخيط ما قصرت، اكتشفت انها ما خاطت عدل وفوق هذا اصبت بإلتهاب جراء عدم النظافه الطبية وقت الخياطه،،، الله ستر إني سرت عياده خاصه بعد الولاده ولحقت على عمري،،

إلي بتولد هناك يبالها حد معاها يتابع الدكتوره والنرسات ولا بلاش...
والله ييسر لكن..

تحياتي

أم سلامه :shy: