تجهيزات احلي عرايس مصر ( الجزء الخامس)

إزيكم يل بنات يا حلوين
إيه أخباركم واخبار التجهيزات
أنا حالياً لا جديد عندى لأنى لسة شوية عليا
مبروك لجويرية وربنا يتمملك على خير
أمة الله إزيك يا جميلة إيه أخبارك
كنت عايزة أسألك عن مكعبات المسك أنت االى عندك بتاعت مصر ولا السعودية أصلى أنا مش ضمنه حد نازل السعودية قريب وكنت حابة أسألك لو بتاعتك من مصر يا ترى ريحتها حلوة ولا مش أوى
خدمة بقى من بنات القاهرة لو حد نازل سيتى ستارز يسألى بليز عند القرشى هناك لو عندة مكعبات المسك سعرها كام ولو كمان عندة معطرات الفراش
وميرسى ليكم
مار- كات- اسبايكى- أحبكم فى الله وكل العرايس بسلم عليهم
حد يعرف أخبار قلب عصفورة إية يا بنات

داليدا بصي المكعبات اللي عندي مش من مصر من السعوديه بس انا لما رحت فتح الله للبيع بالجمله معرفش بصراحه ليه فروع عندكم ولا لأ لاقيت منه هناك ب 15 جنيه العلبه فيها تلات قطع وهو ريحته حلوه جدا تحفه ولاقيت كمان بخور بريحه الياسمين وروايح تانيه كتير:shy: :shy:

ايه معطر الفراش ده انا مش سمعت عنه ياريت يا أمة الله تقوليلي بالضبط ومكانه فين في فتح الله علشان ان شاء الله لما اروح اشتري وهل هو فتح الله اللي قدام المنتزة وياجماعة ياريت النس تقولي بردو ع ماكييرة متمكنة

بصي معطر الفراش انا لسه مدورتش عليه لما ادور عليه حقولك اما فتح الله ايوه اللي هو قريب من المنتزه عندنا هنا وحاجاته حلوه واسعاره معقوله

يا بنات والله انا عارفاه بالوصف هقلكم زي ما انا عارفه فشارع العباسيه نفسه بعد معهد الحاسب الالي بشارع او شارعين الشارع اليمينه صور اصفر كده تدخلوا يمين هتلاقي مدرسه ابتدائي تعدوها تدخلوا يمين تاني اول عماره عماره رقم 3 شارع موسى القطان الدور الاول اسمها مدام امال بس بصراحه مش متاكده من اسم الشارع هتاكد واقلكم مارو_82 لا انا سمعت على النظام الانتي بتقولي عاليه ده بس هيه مش كده وده مش اتيليه ده بيتها بس معاها ناس بتساعدها وشغلها كله فالسواريهات بس وبتاخد منك 150على الفستان خياطه وبتكوني انت جايبالها القماش طبعا القماش يعني 150 خياطه بس

jewayrya الوصف ده حجيب منادي يعني متقدريش لو فيها رزاله تجيبي اسم الشارع بالضبط او نمرة التليفون وكمان عايزة اعرف انتي فصلتي عندها ايه فستان فرح دخله يعني ولا ايه علشان انا عايزة اعمل دخله ربنا يخليكي اعرفي كويس

ازيكم يا احلى عرايس اخباركم ايه انا اخيرا خلصت امتحانات بس للا سف هبدء التدريب وده بقه بيبقى فى عز الشمس وبيبئه فى امكان بعيده اوى المهم ربنا يسهل






ليه يا عرايس الموضوع ماشى ببط كده



انا ممكن اجابه لكذا سؤال



منين اجيب فستان ايجار بس مش اكتر من 500 جنيه



عايزه كوافير حلو ويكون برده اسعاره كويسه يعنى ميزدش عن 500



يارب حد يرد عليه اصل البنات كلها مشغوله بجهازها ربنا معاكم كلكم

ميرسى يا أمة الله على ردك

داليدا حبيبتى انا انشاءالله الاسبوع ده هروح سيتى ستارز وحسالك عند القرشي على مكعبات المسك ومعطر الفراش

السلام عليكم ورحمة الله وبركاتة
ازيك انا اول مرة اكلمك بس يارب اقدر افيدك.

ان شاء بالتوفيق فى النتيجة وربنا يعينك على التدريب

انا مش عارفة انتى ساكنة فين بس فى محل تحفة جدااا فى حلمية الزيتون اسمه نورهان حاجاتة فى اسعار من 500 الى 1000 كدة

وكمان فى كوافير واستوديو قريب منة عامل عرض ب حوالى 350 الى 400 جنية

وفى كوافيرة جنب الرقابة الادارية لذيذة جدااا بردة وبحوالى 400 جنية

ربنا معاكى ويعينا جميعا

ميرسى يا مارو على ردك ومتحرمش يا جميل
بنات كنت عايزة حد يدينى عنوان سمير ووليم بتاع الماكب وفعلاً هو الحاجة غنده أصلى أنا سمعت أن عنده كل الماركات وبيكون أسعاره أرخص يا ترى إيه رأيكم؟؟

monayaaam

الف شكر علشان رديتى عليه بس ممكن تفيدينى اكتر وتقوليلى اسامى وعنويين الكوافير ومحل التاجير بالظبط علشان اعرف اروحه

vetdody:
monayaaam

الف شكر علشان رديتى عليه بس ممكن تفيدينى اكتر وتقوليلى اسامى وعنويين الكوافير ومحل التاجير بالظبط علشان اعرف اروحه

العفو يا توتة على اية يارب بس اقدر افيد بصى يا ستى العنوان بالظبط مش اعرف بس ممكن اوصفلك

فى ميدان حلمية الزيتون شارع سليم الأول وانتى رايحة الزيتون مش النعام بجانب مطعم شهير اسمة العائلات هتلاقى نورهان بتاع الفساتين

اما الكوافير والاستوديو اسمة مواخب ودى سلسة متعددة فى نفسى المنطقة بس اتجاة العكس نورهان عند كنتاكى النعام فى برج الزيتون

ربنا معاكى ولو فى حاجة اقدر افيدك فيها مش تترددى
فى رعاية الله

الف شكر يا قمر بس انا عايزه اسالك هو محل نورهان بياجر اصل انا كنت سامعه انه بيبيع بس




وهو انتى مخطوبه ولا لسه

dalida_palace:
ميرسى يا مارو على ردك ومتحرمش يا جميل
بنات كنت عايزة حد يدينى عنوان سمير ووليم بتاع الماكب وفعلاً هو الحاجة غنده أصلى أنا سمعت أن عنده كل الماركات وبيكون أسعاره أرخص يا ترى إيه رأيكم؟؟

صباح الخير على الجميع:shy:

ازيك ياداليدا واه اخبار انا برضه اول ما اروح سيتى هسالك فى القرشى بس اللى اعرفه انه مفيش معطر الفراش فى مصر:confused:

بس لنل قرايت من واحده مصريه هنا فى الاجزاء القديمه انها عملته من العطر المفضل ليها باضافه ماء الورد فاكيد كان تحفه :clap:

بصى ياجميل سمير و وليم فى روكسى عارفه مستشفى الجنزوى امشى قدام كانك رايحه ميدان روكسى هو على نفس الرصيف قبل روكسى

بس لو انتى جايه من روكسى امشى كانك رايحه السنترال او قصر الطاهره



هو فعلا حاجته اصليه وممتازه:clap:
اى خدمه ياجميل(f)

بنات أنا كنت قريت من فترة فى موضوع التجهيزات بتاع المصريات الأجزاء اللى فاتت عن frutini المهم دورت عليه وشميته مدخلش مزاجى بس إمبارح كنت مقررة أنى استرى اى cream butter لأنى محتاجاه فشميت الــ power shake اللى لونه أورانج ولقيته تحفة خذته وقررت أنى أجيب باقى المجموعة وعلى فكرة سعرهم حلو أوى يعنى علبة الكريم دى كبيرة أوى و ب 35 جنية بس ةفى منه البدى لوشن والشاور جل والسكرب وهحطولكم صورة اللون اللى عاجبنى

cat
حبيبتى اللى مش بتتأخر عنى ربنا ميحرمنى منك
وأنا بقى عندى خبر حلو بعد البحث والفحص أحب أبشركم أن
أن











معطر الفراش موجود فى مصر

عايزين تعرفوا فييييييييييييييين








فى arabian Oud بتاع سيتى ستارز بس بريحة الورود مش العود والزجاجة 30 ملل بــ 75 جنية

هاه إيه رايكم فى الخبر دة

أمة الله معلش كنت حابة أسألك فيه فرق قى الريحة بين مسك السعودية والمسك اللى شمتيه هنا وفيه فرق فى القوة بتاعت الاتنين
كمان يا بنات إيه أفكاركم لتعطير الملابس مع تخزينها؟

ربنا يخليكم يابنات ويتمم لكم ع خير بس ياريت العنوان تبقي بالضبط وياريت تشوفو ارقام تليفون معاها

داليدا كويس اوى انك عرفتى ان معطر الفراش موجود هنا عند محل العود العربى , انا برده حسال عليه لما اروح , وياريت لو تقوليلي الحاجات اللى انتى جبتيها دى عشان ايه وفوايدها ايه وده عشان الكل يستفيد , ميرسي ليكى ياقمر واي حاجة انا فى خدمتك , ياترى اشتريتى جلابية شهر العسل اللى كانت عند عوض افندى ولا لا
كمان عايزة اسالك لو تعرفى حاجة انتى مجرباها وحاجة مضمونه عشان تطويل الشعر , و كريم للحبوب لان فجاة منطقة الجابهة والانف اتملت حبوب صغيرة و حاسة ان المسام واسعة , ياريت اى حد يفيدنى