تجهيزات احلي عرايس مصر ( الجزء الخامس)

:salam: داليدا كويس اوى انك عرفتى ان معطر الفراش موجود هنا عند محل العود العربى , انا برده حسال عليه لما اروح , وياريت لو تقوليلي الحاجات اللى انتى جبتيها دى عشان ايه وفوايدها ايه وده عشان الكل يستفيد , ميرسي ليكى ياقمر واي حاجة انا فى خدمتك , ياترى اشتريتى جلابية شهر العسل اللى كانت عند عوض افندى ولا لا:ok:
كمان عايزة اسالك لو تعرفى حاجة انتى مجرباها وحاجة مضمونه عشان تطويل الشعر , و كريم للحبوب لان فجاة منطقة الجابهة والانف اتملت حبوب صغيرة و حاسة ان المسام واسعة , ياريت اى حد يفيدنى:sad:

dalida_palace:
أمة الله معلش كنت حابة أسألك فيه فرق قى الريحة بين مسك السعودية والمسك اللى شمتيه هنا وفيه فرق فى القوة بتاعت الاتنين
كمان يا بنات إيه أفكاركم لتعطير الملابس مع تخزينها؟

بصي حبيبتي المسك هو هو لان العلبه مستورده من السعوديه اللي شفتها عند فتح الله ماركت هي هي نفس العلبه اللي معايا بالظبط وريحته قويه جدا:shy:

dalida_palace:
بنات أنا كنت قريت من فترة فى موضوع التجهيزات بتاع المصريات الأجزاء اللى فاتت عن frutini المهم دورت عليه وشميته مدخلش مزاجى بس إمبارح كنت مقررة أنى استرى اى cream butter لأنى محتاجاه فشميت الــ power shake اللى لونه أورانج ولقيته تحفة خذته وقررت أنى أجيب باقى المجموعة وعلى فكرة سعرهم حلو أوى يعنى علبة الكريم دى كبيرة أوى و ب 35 جنية بس ةفى منه البدى لوشن والشاور جل والسكرب وهحطولكم صورة اللون اللى عاجبنى

الف شكر على معلوماتك:clap:
ولازم اروح اشوف معطر الفراش ضروى:shy:

فى واحده فى الاجزاء القديمه قالت كلمه مهمه جدا فى الموضوع ده انه لازم يحس بالفرق بانه نيام لوحده او جانب مراته:shy: :shy:

ياترى مجموعه فروتينى من فين اقدر اشتريها واه هى مكوناتها(f)

يابنات يعني محدش ليه قريبة اتجوزت وعملت فستان حلو ومكياج تسألها انا عندي بس عملينه في اسكندرية

طيب احبكم في الله تعرفي مكان اتيليه حلو ويعمل تاجير اول مره ويكون سعره كويس هنا في اسكندريه

ازايكم يا عرايس وحشينى خالص


انا رحت سيتى ستارز مرة اول ما فتح بس كان لسه عبد الصمد القرشى ما فتحش


مش عارفة فتح ولا لسه كان فى الدور الارضى


بس دخلت عند الشركة العربية للعود واوووووووووووووووووووووووووووووو


من اول الدور تشمى ريحة البخور والعود

ولما دخلت اسال عن البخور اتجننت

لقيت الربع الوقية هما بيسموها كدا ب 800 جنيه وعبارة عن ربع كيلو زمفيش اقل من كدا

الا نوع واحد ب 400

انا عندى على فكرة عود من جنيد حلو بس مش بحط منه بستخسر لما اتجوز

مارو_82:
:salam: داليدا كويس اوى انك عرفتى ان معطر الفراش موجود هنا عند محل العود العربى , انا برده حسال عليه لما اروح , وياريت لو تقوليلي الحاجات اللى انتى جبتيها دى عشان ايه وفوايدها ايه وده عشان الكل يستفيد , ميرسي ليكى ياقمر واي حاجة انا فى خدمتك , ياترى اشتريتى جلابية شهر العسل اللى كانت عند عوض افندى ولا لا:ok:
كمان عايزة اسالك لو تعرفى حاجة انتى مجرباها وحاجة مضمونه عشان تطويل الشعر , و كريم للحبوب لان فجاة منطقة الجابهة والانف اتملت حبوب صغيرة و حاسة ان المسام واسعة , ياريت اى حد يفيدنى:sad:

بصى يا مارو وكات حبيبتى بردو عشان أنتوا سألتوا على مجموعة فروتينى هى بتكون عبارة عن لوشن-سكرب للجسم-شاور جل-كريم الجسم اللى هو الbutter بتكون كلها مجموهة واحدة سوا فى منها برائحة العسل ريحتها زى البونبون الجيولا اللى باللبن وفى بالكريز وفى اللى أنا حطيتلكم صورتها وفى بالنعناع كل واحد زى ما يحب أنا الأول معجبتنيش بس لما شميت الأورنج دى عجبتنى موووت عارفين يا بنات غير ريحة حاجات البرفان تحسيها ريحة غيبة كدة يعنى أنا لما شميت العلبه الإحساس اللى جاللى أنا عايزة أجيب معلقة واكل منها فشوفى بقى لما تحطيها على جسمك هيكون إيه أثرها(r) (r) بالنسبة تجيبيها من فين فى القاهرة يا كات أكيد هتلاقيها فى رويال هاوس وأى فرع مترو أكيد نت شفتوها كتير بس مكنتوش بتاخدوا بالكم منها ولو يا مارو أنت نازلة بورسعيد هى عند كل الناس عند الفار وأيمن الأفندى والأمانة وبلازوتى.
مارو
بالنسبة لجلابية شهر العسل كل أسبوع أروح أسأل تقولى الجديد لسة ما جاش وأنا مستنية اهوه
تطويل الشعر الحاجة اللى بجد فادتنى زيت جدايل العلبة النتبتى بس كان جه فترة فى بورسعيد وما جاش تانى وزى ما قلتلك جربى أم الجدايل من عند أيمن الأفندى متجبيهوش من الفار لأنه بيبعه ب 90 جنية وعند أيمن ب 70 بس
هقولكم كمان يا بنات على منتج تحفة للشعر عن تجربتى من منتجات st. Ives واسمه mud miracle وهحطلكم صورته ده حمام بعد ما تغسلى شعرك 10 دقائق وتغسليه بس رائع وأنا عموماً بثق أوى فى منتجات الشركة دى وتمنه حلو جداً بـ 30 جنية

مارو موضوع الحبوب خلى بالك منه بس أنا هحاول اقولك على قد ما أعرف
أول حاجة فى كريم اسمه تيراكورتيريل خلى بالك فى منه للعين والجلد وهو شبه التيرامسين ولونه اصفر ورخيص تقريباً بــ 3 جنية ده تحطية على الحباية بالظبط مش على الوجة كله لكن لو جزء كبير من وشك فيه حبوب جربى كريم كودراديرم بـ 4.75 تقريباً ودة مش الوش كله على الحبوب بس ممكن تفرديه شوية مش لازم يكون بالظبط على الحباية زى التانى بس برضة يا مارو لما تجيبى أياً منهم تحطى حتة على حباية متدارية فى وشك وتشوفى هيمشى مع وشك ولا لأ
بالنسبة للعناية الطبيعية يعنى الماسكات عندك اللبن النيدو وتخلطيه بماء الورد وطبعاً ماء ورد حراز مفيش زيه وتسيبيه على وشك بالنسبة للمسام قريت ماسك للمسام بس مجربتوش وهو طماطماية مبشورة وعليها 1/2 ليمونة وبشر 1/2 ليمونة بس أتوقع أنه هيكون كويس لأن الليمون قابض للمسام
وهقولك على حاجة كمان عارفة الحبوب دى فطريات وعدوى فالمهم أوى التنظيف هاتى كوباية كبيرة بتاعت الحمام وحطى فيها غطى ديتول مليان واغسلى وشك بيها والله أنا عملت الموضوع ده أسبوع قبل خطوبتى والحمد لله صفى بشرتى
كمان يا ستى مهم أوى كريم الليل
وكمان الصن بلوك أنا مش بحط ماكب فى الشغل وبحط spectra pan هو تحفة بس دهنى شوية يعنى أظن يكون صعب تحت الماكب
طولت عليكم بس يا رب أكون رديت على كل اللى انت سالتينى عنه (f) (f)

أمة الله
ميرسى يا جميل على ردك

ودى صورة المنتج بتاع الشعر يا جماعة

ميرسي اوى ياداليدا على تعبك معايه , وبجد كل اللى انت قولتيه مفيد جدا ومشعارفة اشكرك ازاى , داليدا انتى فرحك امتى , ياريت تقوليلي , وربنا يكرمك ولو احتاجتى اى حاجة انا تحت امرك بجد مش هزار

مارو
أنا كنت حابة أسألك بصفتك من بورسعيد وعارفة الصينى هنا شكله إزاى يا ترى هى نفس الأذواق اللى فى حمام التلاتاء ولا مختلفة ومين أحسن ويا ترى فى فرق أسعار
قوليلى يا بنات برضة أنتم شفتوا الصينى يتاع حمام التلاتاء يا ترى تقليدى ولا مثلاً فى الأطباق اللى بتكون مش محددة الشكل كدة وكبيرة شوية وكان البنات قالول فى الجزء الأول عن محل جانتينو فى وسط البلد للصينى يا ترى حد شافه

إيه يا مارو بس الكلام الحلو ده كسفتيى والله يا حبيبتى إحنا إخوات
بالنسبة لفرحى أنا من حزب اخر السنه إن شاء الله معاكى أنت وكات :salam:

داليدا حبيبتى انا ماروحتش حمام التلات عشان كده مشعارفة احكم بس بيتهيالى فى المحلات العادية نفس الازواق وبالعكس انا حاسة انى شوفت فى بورسعيد عند الزغبى والعصفور الازرق والهدى تشكيله اجمل من القاهرة

:gum: داليدا حبيبتى انا ماروحتش حمام التلات عشان كده مشعارفة احكم بس بيتهيالى فى المحلات العادية نفس الازواق وبالعكس انا حاسة انى شوفت فى بورسعيد عند الزغبى والعصفور الازرق والهدى تشكيله اجمل من القاهرة:salam:

ازيك يا توتة معلش مش شفت رسالتك الا دلوقتى

ايوة نورهان بياجر والدليل انى انا مأجرة فستان الفرح بتاعى من هناك ان شاء الله فرحى فى شهر 8 قوليلى انتى فرحك امتى ان شاء الله .

بنات بصوا اللينك دة للعضوة الرائع بنت عذارى فيه كل موضوعاتها بصراحة البنت ما شاء الله عليها جناان وفاهمة كويس فى العناية بالجسم واللى عاجبنى أكتر أفكارها فى تعطير الجسم خدوا بصه كدة على الموضوعات

عندك حق يا مارو أنا بحب العصفور الأزرق قوى حاجته بجد بتعجبنى وأذواقه سيمبل قوى بس الهدى ده اللى فى النورس ولا مش هوه؟؟ عارفة أنا شفت طقم عند واحد فى مرحبا ألمانى بس ب 6000 جنية وشوية بس بجد خرااافى بس أنا عن نفسى مش ممكن ادفع فى شوية أطباق وكوبايات السعر ده بس بجد المحل اللى فى مرحبا ده فظيييع فى ذوقه

داليدا انتى قصدك على شيفلد , لكن الهدى اللى هو فى ميدان المنشية , كمان الزغبى عنده حاجات مويسة ومش غالى , بصي نصيحة منى ماتدفعيش فى طقم صينى اكتر من 2000 ج لانك مش حتستخدمية كتير .

أمة الله واحدة من بنات خالي مفصلة عند نادية الشيخ وكان تكلفته 3500 ومش عارفة بتأجر ولا لأ واختها كذللك ببس عند خياطة تانية اما في بنت خالي كانت مفصلة عند خياطة سكر في جليم بعد فيكتوريا ع طول وانتي جاية من العصافرة بس اسعارها جميله ومش بتأجر لكن انتي ممكن تعملي فستان بسيط وتبعيه لأي اتيليه بعد كده وع فكرة انتي مش كلمتلي الريجيم

صباح الخير على العرايس
مارو حبيبتى ازيك واه اخبارك
احبكم فى الله .......... معلش كان نفسى اساعدك
امه الله.............. اخبار التجهيز اه معاكى
داليدا........ اهلا بعضوه اخر السنه وربنا يسعدك
اسبايكى ......منوره
وسلام على كل البنات لو كنت نسيت اسم حد