تجهيزات احلي عرايس مصر ( الجزء الخامس)

شكرا يا ...........
احبكم فى الله 9 على سرعه ردك
انا ساكنه فى حدائق القبه فى مصر والسودان يعنى قريب من المترو

انا ااسفه والله يا جماعه بس النت كان بايظ والله تعبانه جدا مش فاكره قلتلكم ولا لا بس باركولي عملت بروفة الفستان وطلع حلو جدا الحمد لله بس للاسف ظهره طالع زي ما طلبته بالظبط انما صدره ووشه طالعين واسعينوالروز بتاع الشيفون طالع لونه قوي وفنفس الوقت مفيهوش لامعه زي الستان فحسه ان لونه من تحت مش حلو خالص وبالنسبه للماسكات عملت ماسك الترمس على الجسم كله وعلى ظهري عاوزه اقلكم انو ادى نتيجه تجنن وماشيه علحمام المغربي ولغاية دلوقتي لسه مانزلتش شوفت الصندل ولا الاكسيسوريز وقصتي لسه قصيره جدا والمنرفزني ان شعري بيطول من ورا والقصه زي ماهيه بس الحمد لله انا خلاص بقه مش فارقه اللربنا عاوزه هيكون بس ياجماعه ادعولي فاضل 8 ايام وانا لسه ورايا حاجات كتييييير ربنا يستر بالنسبه للخياطه هيه فالعباسيه جنب معهد الحاسب الاالي كده عنوانها سهل

الاعضاء الجداد كلكم منورين بنات كلكم وحشتوني واحده واحده والله امة الله عامله اايه سبايكي فيت دودي كات 2006 مش عاوزه انسي حد بس كلكم وحشني ومتضايقه ان انا مش عارفه ابقى معاكم كل يوم

:shy: كات انا ساكنة عمارات السعودية جنبك يعني انتي عند هيلتون ع العموم بصي ياستي سيبك من المترو من ش مصر والسودان نفسه محطة الجراج تركبي ميني باص الاخضر رقمه2 مكتوب عليه مسله بيودي حمام التلات وفيه 129 و229 و29 بيودو العتبة بس حتمشي شارع لحد حمام التلات
بالنسبة للوكالة انت اكيد عارفة ولي العهد حتلاقي ميني باص 91 حيوديكي لحد هناك في وكالة هدوم وفيه وكالة قماش وع فكرة الوكالة الهدوم مش معناها وحشة دي فيها حاجات تحفة ومستوردة وفيها قمصان نوم وحاجات كده بس عايزة حد دايسها كويس ع العموم القماش ناحية النيل انت قولي للسواق او مايدخل ع الاسعاف انك عايزة تنزلي الوكالة ناحية النيل وبالتوفيق ياقلبي

:gum: jewayrya فين الخياطة دي بالضبط وكمان خيطتلك في قد ايه والسعر ع العموم دي جنبي خاااالص وكمان عندها تفصيل ع ذوقي وتأجير اول مرة ولا ايه بالضبط ياريت تفيديني بذات في موضوع المده

احبكم في الله9:
:shy: كات انا ساكنة عمارات السعودية جنبك يعني انتي عند هيلتون ع العموم بصي ياستي سيبك من المترو من ش مصر والسودان نفسه محطة الجراج تركبي ميني باص الاخضر رقمه2 مكتوب عليه مسله بيودي حمام التلات وفيه 129 و229 و29 بيودو العتبة بس حتمشي شارع لحد حمام التلات
بالنسبة للوكالة انت اكيد عارفة ولي العهد حتلاقي ميني باص 91 حيوديكي لحد هناك في وكالة هدوم وفيه وكالة قماش وع فكرة الوكالة الهدوم مش معناها وحشة دي فيها حاجات تحفة ومستوردة وفيها قمصان نوم وحاجات كده بس عايزة حد دايسها كويس ع العموم القماش ناحية النيل انت قولي للسواق او مايدخل ع الاسعاف انك عايزة تنزلي الوكالة ناحية النيل وبالتوفيق ياقلبي

الف شكر على ردك:clap:

وانا سعيده انك طلعتى جارتى

يعنى انا ممكن انزل العتبه اللاول وبعدين سوق التلات
تفتكرى ممكن لو نزلت سوق التلات اشترى الصينى وطقم الملاعق وباقى حاجات المطبخ يبقى اوفر من هنا :clap:

اصلى حيرنانه لسه فى موضوع الصينى بالذات
ممكن اعرف انتى اشتريت الصينى منين وبكام؟
عارفه انى تقلت عليكى (f)

عزيزتى احبكم فى الله عايزة اعرف اروح ازاى حمام التلات من مدينة نصر انا ساكنة فى ش الطيران , كمان العنوان فين بالضبط لو حبيت اروح بالعربية
وهم بيعملو تخفيضات فى شهر 8 مثلا ولا لا

ميرسي ليكى
مارو

بصي ياستي سيبك من حمام التلات انا كنت فيه من اسبو وسكوني في الاسعار انت عارفة محطة ش الجراج ناحية الديويدار هناك في محل بتاع حاجات للبيت اسمه الدمياطي اشتري الروافع من عنده وبالنسبة لأطقم المعالق انا شارؤية واحد من سنتين بس شيك بجد مية دهب ومط شغله رقيق كان من حمام التلات 450 اخر مرة لاقيته 470 مع ان الاسعار نزلت يعني المفروض لجيبه ب400 مثلا الصيني شوفي عند الدمياطي انا كنت عنده يوم الخميس وجبت من عنده طقم التوابل وحاجات تيفال وكام حاجة صغيرة مصفاة وصواني منلامين وملاحات وكده شوفي عنده صيني ذوقه معقول وقوليلي انت كنتي في مدرسة السلام في ثانوي ممكن نطلع نعرف بعض لاني كنت ساكنة عند صيدناوي ونقلت هنا من 3سنين بس وكمان انتي خريجة ايه

كات حبيبتى وحشتينى مووووووووووووووووووت وكمان كل عرايس المنتدى امت الله وجويرية وسبايكى و داليدا ودودى وكل البنات ربنا معاكم كلكم يا احلى عرايس
جويرية انشاءالله الفستان حيطلع جميل وتباى احلى عروسة

ممكن طلب تانى يااحبكم فى الله

عايزه اعرف احسن محلات فى حمام التلات علشان الصينى وادوات المطبخ
ووكاله البلح علشان اللبس واقماش الملابس والتنجيد والستائر

ولكى الف شكر

بصي ياستي انت افضل تروحي بتاكسي لسبب ان مافيش ركن للعربيات هناك ولو مصممة خدي حد يلف بالعربية شويه لحد ماتشتري او حتركني في مكان بعيد المهم الطريق انتي حتروحي لحد العباسية ومنه لعبده باشا ومنها باب الشعرية وبعد كده قدامك طريقين يمين عتبه شمال الموسكي وحمام التلات ادخلي شمال وهو في الاخر قبل الكوبري وتلفي لانه الاتجاه التاني ع فكرة حراز بعد الكوبري لو تحبي تشتري منه حاجة هو في الشارع اللي جنب مديرية الامن

بصي بالنسبة لحمام التلات كلهم زي بعض وع فكرة حتلاقي الموديلات مكررة وفيه حاجة تانية بالنسبة لطقم الملاعق خدي بالك انك معاه حتشتري طقم فرداني ليكي ولجوزك فهاتي المعقول والصيني كذلك انا شف حاجات كويسه في حدود 800 او 1000 وربنا يكرمك بس يابنات ادعولي خطيبي مناقشة الدكتوراه بتاعة بكرة ان شاء الله ياااااااااااااااارب يناقش حلو لحس الالمان دول مقرفييييييييييييين ومدوخينو معاهم قولو ياااااااااااااااارب

[QUOTE=احبكم في الله9]بصي ياستي سيبك من حمام التلات انا كنت فيه من اسبو وسكوني في الاسعار انت عارفة محطة ش الجراج ناحية الديويدار هناك في محل بتاع حاجات للبيت اسمه الدمياطي اشتري الروافع من عنده وبالنسبة لأطقم المعالق انا شارؤية واحد من سنتين بس شيك بجد مية دهب ومط شغله رقيق كان من حمام التلات 450 اخر مرة لاقيته 470 مع ان الاسعار نزلت يعني المفروض لجيبه ب400 مثلا الصيني شوفي عند الدمياطي انا كنت عنده يوم الخميس وجبت من عنده طقم التوابل وحاجات تيفال وكام حاجة صغيرة مصفاة وصواني منلامين وملاحات وكده شوفي عنده صيني ذوقه معقول وقوليلي انت كنتي في مدرسة السلام في ثانوي ممكن نطلع نعرف بعض لاني كنت ساكنة عند صيدناوي ونقلت هنا من 3سنين بس وكمان انتي خريجة

شكرا ياجميل فعلا انا اعرف الدمياطى وهروح اشوفه الاول
ياريت الالقى عنده اللى انا عايزه :clap:
على الاقل ممكن اشترى من عنده الحاجات الرفيعه (f)

ربنا معاه انشاءالله ياامت الله ويخلص المناقشة بتاعته على خير , بس ياريت توضحيلى عنوان حمام التلات اكتر . معلش انا اسفة بتعبك معايه

:clap: ربنا معاه انشاءالله ياامت الله ويخلص المناقشة بتاعته على خير , بس ياريت توضحيلى عنوان حمام التلات اكتر . معلش انا اسفة بتعبك معايه:shy:

امت الله 9 , يعنى بلاش نروح حمام التلات , طيب لو تعرفى حد عنده صينى باسعار كويسة ياريت تقوليلنا

صدقيني ياكات انا اشتريت حبة رفايع لاتذكر بحوالي 750 عبارة عن ملاعق فرداني وشفشق فيه 4 كوبايات للمية وكل الادوات زي المغارف والمؤوار والمساكات بتاعة السمك والكيك وهكذا ومخرطة رحت لاقيت نفسهم عند الدمياطي وكمان ارخص في كل حاجة 3ج او اكتر ده غير الشيله من الموسكي لحد هنا فروحي عنده افضل اما بالنسبة ليكي يامارو معتقدش انه بيعملو تخفضيات وروحي وشوفي

صدقيني ياكات انا اشتريت حبة رفايع لاتذكر بحوالي 750 عبارة عن ملاعق فرداني وشفشق فيه 4 كوبايات للمية وكل الادوات زي المغارف والمؤوار والمساكات بتاعة السمك والكيك وهكذا ومخرطة رحت لاقيت نفسهم عند الدمياطي وكمان ارخص في كل حاجة 3ج او اكتر ده غير الشيله من الموسكي لحد هنا فروحي عنده افضل اما بالنسبة ليكي يامارو معتقدش انه بيعملو تخفضيات وروحي وشوفي

:shy: امت الله 9 , يعنى بلاش نروح حمام التلات , طيب لو تعرفى حد عنده صينى باسعار كويسة ياريت تقوليلنا

مش فاهمة يامارو انتي مش عارفة ايه بالضبط في الوصف لو عايزة تكلميني ع الخاص واشرحلك بالضبط انا تحت امرك وايميلي تحت ع فكرة بتوع حمام التلات دول بيستهبلو بذات الايام دي علشان عارفين ذنقة العرايس ع العموم روحي وخدي فكرة ولو عايزة اي شئ اتفضل واقولك
اه افتكرت بما ان في م نصر انتي طبعا عارف سيتي سنتر اللي هو في مكرم عبيد فيه من ع اول الشارع عدي الناحية التانية اكنك رايح ع سيتي ستارز في محل ادوات منزليه ع اليمين انا دخلت عنده مرة بالصدفة من فترة وكانت اسعاره حلوه روحي وخدي فكرة
يمنع وضع الايميلات