رابطة امهات ديسمبر... حيااااااااااااااااكن هوووون !!

حبيبتي لا تاخذين اصغر شيء لانها اتعب البيبي في الرضاعه

اخذي اللي اكبر شوي واعتقد ماركت افينت زينه

نسيت اسم الماركه اللي اخذها والله بس اهم شيء ما تكون بلاستك

اخذي لبلاستك للماي بس ايه تذكرت انا اخذ دوم ماركة بايجون

انا طايحه بالصغير .... لان قالوا لي المتوسط يمكن يخليه يشرق ؟؟؟

انتي شرايج؟؟؟؟

قوة شخباركم؟

انا استخدم غسول ماي وملح اول مرة اسمع عن الخل؟؟؟

السلاااااااااااااااام علييييييييييييكم

اشدعوه محد فقدنيالا ثنتين :qaq:

جمانه..و عاشقة علاء (دازتلي بالخاص بعد) مشكوره يا الغالية :flower:

قلنا نتغلى نشوف تحسون فينا ولا لا..ههههه

لا والله صراحه الدوام متعب..:( خصوصا ان بعد الدوام اروح اكمل باجي الاغراض اللي ماخلصتها..

فارجع هلكانه بس يدووب اقرا سوالفكم..ويكون مافيني حيل اكتب..

لا و الحين بعد قطر غيرل خرعتتتتتتتني على سالفة اللاب توب :sad:

ماعندي الا لاب توب..ياليت تفيدوني هل المعلومات اللي قالتها قطر غيرل اكيده ولا لا؟؟!!

قطر غيرل ياليت تقوليلنا مصدر هالمعلومات عن خطورة اللاب توب؟؟!!



المهم شخباركم بنات والله وحشتوني :shy:

قريت سوالفكم وايد حلوه بس ما ادري على شنو ارد ولا شنو لان ماشاءالله فاتتني وايد مواضيع..(مو متعوده) العاده كل موضوع رازه ويهي ههههه


عاشقة علاء حياج الله معانا..:flower: على فكرة انا الدكتوره معطيتني موعد يوم 1\1 و دكتورة ثانية عطتني 29\12..و مرموم عطتني 30\12..و العلم عند الله..اتوقع ولا يوم فيهم بيي يوم مختلف عن هالتواريخ هههه بس ان شاء الله يكون قريب منهم..:smile:

انا بقولكم شنو سويت..

اليوم شريت كفر حق الاستقبال بالمستشفى..و اخييييييييرا

انتوا تسوون استقبال بالمستشفى نفسنا بالكويت؟؟

ولا بالبيت تكون يوميا زيارات؟؟

ولا بعد الاربعين تسوون استقبال اتيمعون الاهل كلهم؟؟

ياليت انعرف عادات بعضنا البعض في الخليج خل نتعلم :shy:


احنا البعض يسوون بالمستشفى و تكون الوالده قاعده عالسرير و تشتري كفر حلو و تسوي بوفيه من الحلويات و طبعا اول ما ايوون الناس يتقدم لهم عصير..و الجاي و بعدها قبل لا يطلعون يمرون على الحلو و يشربون قهوه...و هذا اللي اغلب الوالدات يسوونه عندنا بالكويت..

و في بعضهم يسوونه بعد ماتطلع من الاربعين تسوي بوفيه عشا..

و في لا تخلي الزيارات مفتوحه يوميا..


يله كل وحده تقولنا عن عادات بلدها:)


لي عوده ان شاء الله :yes:

هااي بنات شلونكم
قوه ام فروحه والله انه بروحي مفقوده شلون استفقدج ههههههههههههه
بنااات بليز بليز ابي الي عندهه فكره ترد علي الحين
انه صايره اموووووووووووت في شي اسمه قهوه تركيه الثقيله مادري اتاثر على البيبي ولا لا بلييز ردو علي يعني شاريتلي جيس اشكبره و24 ساعه اسوي لي بس يايني وسواس اقول يمكن ياثر عل بيبي

انا اللي اعرفه شقوره انا المنبهات مو زينه على البيبي

لا جاي ولا قهوه..

بس انتي عاد زودتيها وايد ..شاريتلج كيس و 24 ساعه تشربين فيه لا طبعا غلط..


انا من فتره لي فترة احن على موكا فربتشينو مال ستار بكس.. و بعد ما اشربه احس حركة البيبي تزيد لان منبهات موزينه..

فقمت اقلل منه


ديري بالج..هذي نصيحتي لج :)

[QUOTE=ليتك معي]مشكوره اختي نووووووووووووووووووووور

انا قصدي نوع ماركه المرضاعه وحجم الحلمه؟؟؟؟

لاني خذت 4 مراضيع افينت مع زياده 4 حلمات وحجم الحلمه ( om) اصغر نوع مع مصاصه

لوقت الازمه






ليش الحلمة لها حجم معين :think: ؟؟؟؟؟؟

هلا وغلاااااااا بماما فرووووحة مابقى ينور المنتدى

بقولج من اللي قالي عن اللاب توب حبيبتي انا يوم كنت اتعالج عن الحمل امي قالت للدكتور اني استخدم اللاب توب وكم مره تنصحني تقول لي بيسبب لج عقم بس ماسمع الكلام وعقبها كلمني الدكتور وقالي عن مصدر خطورته وعواقبه على الحمل وقام يعيد ويزيد انه يسبب عقم ويسبب اعاقة في مخ الجنين ويتلف خلايا مخه وبعدها بكم زياره عطاني مقال من مجلة زهرة الخليج او سيدتي ناسية والله بس نفس الكلام اللي قاله لي قريته بالمقال ومن عقبها كرهته وماعدت استخدمه وكنت احط اللاب توب على بطني وانسدح على السرير عااااد ياماما فروووحة انتي حطي الاب توب على طاولة وانشالله خير ...

وبخصوص المستشفى اكيد انسوي استقبال ونفسكم بالضبط بس مانسوي بوفية حلويات احنا انقدمه يعني انجيب خدمة التضييف (الاتيكيت) وهي تقوم بالواجب وعقب مانخلص الاربعين انسوي عشا بوفيه ونعزم حبايبنا وربعنا والاهل بس ماعتقد الكل يعني اللي حاب .

شقوووووورة حرام عليج يالدبة لاتشربين منبهات وااااااايد مب زين على البيبي :sad: ويأثر على دمج مب من زين دمنا الحين بروحنا نحتاج زياده:pain: .

صبااااااح الخير بنات؟؟ شلونكم عساكم عالقوة..

بالنسبة للمراضع انا خدت 3 ماركة بيجون 1 بلاستيك صغيرة للماي وثنتين زجاج وحدة صغيرة ووحدة متوسطة وخدت 6 حلمات سمول.. وقلت بجوف الوضع اذا احتجت باخد انا اذا بالدوام بيكون الرضاعة صناعي بس اذا رديت بحاول طبيعي..

وبالنسبة للاستقبال ام فرووحة احنا ماعندنا جدي بالبحرين احنا بالعادة المقربين والربع والاهل يجون المستشفى نقدم لهم عصير وشاي ومالح وحلو والتوزيع.. بعد المستشفى بعد المقربين كلش يجون زيارات عادية للبيت وبعد الاربعين لما نرجع الشقة نرتب مرة الاهل ومرة الربع وتكون زيارة على مستوى بس تطول يعني يمكن بعد 3 او ا4 شهور من الولادة او حتى اكثر..

بيني وبينج احسها زحمة الاستقبال بالمستشفى؟؟

حبيباتي..
قطر جيرل ..القيوانية..نوووووور,جمانه,,ليتك معي,,
شكرا لانكم اخذتوا بخاطري وراضيتوني..خلاص رضيت عنكم وبدش اسلم عليكم واعرف اخباركم ..

المهم حبيت اسألكم:الرضاعة الطبيعية سهلة والا شلوووون؟؟يعني الوحده بتعرف ترضع والا يبغي لها تعليم بعد؟؟لاني خايفة واحس ما بعرف؟؟ويمكن اهون وارضعه صناعي..شنو تنصحووووني؟؟

مع الف سلااااااااامة,,

:sad: :down:

صمت الامل اتصدقين انا وايد افكر بهالسالفه مادري بعرف والا لا وكل يوم اجرب
وضعية الاصابع هههههههههه
احس سهل بس مايندرى ...جمانه مرضعة من قبل تقدر اتفيدنا.

جوجو اشفيييييييييييج مادة البوووز خيتوووووو ؟؟؟؟

**صباح الخير على احلـــــــــــى امهات**

ليتك معي حبيبتي انا الصراحه اخذ الصغير والمتوسط بس مره وحده انصحتني بالمتوسط

تقول الصغير يتعب البيبي في الرضاعه وانتي بعد اسئلي قبل لا تاخذين احسن ....

.........................................................................................................................................

قطر غيرل حبيبتي ايه في احجام للحلمات ولاحظي على علبتهم بتلاقين الاحجام S\M\L ..

واسئلي بعد ايش الافضل قبل لا تعورن بلاعيم البيبي....

........................................................................................................................................

ام فرووووحه حبيبتي والله افتقدناج وااااااااااااايد انا متعوده الاقي ردودج بكل صفحه

هالمره طولتي كم صفحه ما رديتي ولا شاركتينا الغاليه....

........................................................................................................................................

صمت الامل هلا وغلا فيج حبيبتي والعفو الغاليه اخت وعزيزه لازم نرحب ونهلي فيج

وبعدين بخصوص الرضاع الطبيعيه سهله وافضل لج من المراضيع ولاتستخدمينهم الا وقت طلعتج

...........................................................................................................................................


شقوره حبيبتي لازم تبتعدين عن المنبهات والله مو زينه للبيبي ومثل ما قالت اختي ام فروحه

اذا بخاطرج اشربي مره على الاقل ومو كل يوم تشربين ترى يأثر عليج وعلى البيبي

............................................................................................................................................

نوووووووووور ليش صـــــــــــــــاخــــه؟؟؟

رحت قسم التسوق خخخخخخخخخ

جمانه اشفيج حبيبتي ليش زعلانه

هلا بيكم وينكم ..اليوم الخميس بالبحرين اول خميس تداوم الحكومات..بعد النظام الجديد عاد احنا الخاص نرتاح بالعادة الخميس من زحمة الشوارع لان الوزرات مايداومون عاد الحين حتى الخميس زحمة....

صمت الامل وقطر غيرل انا بعد افكر بالرضاعة ماعرف هل للازم يكون حجم الحلمات بالصدر لها حجم معين عشان الرضاعة ..انا اتذكر اختى تعبت بالرضاعة ماتعرف وتتألم وتصير يابسة الحلمة ومتشققة مدارها وانتفخت صارت تخرع راحت لدكتورة عشان تورمت وعطتها كريم وقالت لها لاترضعين..الله يستر انا خدت من مذركير كريم للحلمات من الحين..

اليوم من قعدت الصبح ومتمللة حدي ومالي مزاج شيء...

احسن شيء اسكت عشان ما انكد عليكم...


:( :( :(

عسى ماشر جمانة شفيج؟؟ لاتضايقين بالج عشان لا يأثر عالبيبية

جمانه الغاليه

عسى ما شر حبيبتي كسرتي خاطري والله

عاد يالله عن الدلع والتغلي ... شاركينا بموضوع حلمات المراضيع

شنو افضل بنظرج S ولا Mوانتي ايش اللي جربتيه

جوجو مع ويهج اشفييييييج عاد يلا بلادلع قلنا حامل بس مو تدلعين
<<<<<<<<<<<<<<<<<<<<<<<<تعلمت اسلوب الدفاشه من جمانة

فضفضي لنا ياعمري لاتكدرين

بنت البحرين شنو يتشقق حلمة الصدر والاالمرضاعه قمت اتخيل احلمت صدري تتشقق احححححح يعور


نوووووور صج اتخيل السمووول مايقدر يمص منها الفتحه وايد صغيره صح والا قمت اخوووره؟؟