رابطة امهات ديسمبر... حيااااااااااااااااكن هوووون !!

كنده ميرسي ميرسي يا ألبي على الجدول الرائع عجبني وااااايد

ماما فروووحة أنا شفت هذا الكرسي للنيو بورن بس مو بالخليج طبعا بالخارج هم اللي مهتمين أكثر اما الخليجين قاطعين عيالهم بحضون الخدامات والا بحضونهم.

البرازيلية نفس معاناتي بالضبط ماقدر اتنفس وثقيله وايد وايد مع ان مالي بطن واذا ألبس العباه مايبين بطني واذا على السر ترى لين الحين ماطلع برى وانشالله مايطلع وماما فروووحة خووووش نظرية الضعيفه يطلع سرها والله ضحكتيني هههههههه وانا ضعيفه وزني قبل لا أحمل 53 وسري داخل من قلب وكل يوم اشيك اخاف يطلع ويفشلني بس اذا طلع باحط عليه لزززقة خخخخخخخخخ:bigsmile:
مابي زوجي يشوفه ويستلمني.

ميـــراج عمري اخذي راحتج وحازينه بقصصج وقولي كل اللي بخاطرج

جمانـــة عطي حسون (أوكتفيد) دوا الكحة خليه يرقد رقده مب صاحيه خخخخ
<<<<<<<<<<<<<<<<<<<<<< مجرمة

ام فرووحه والبنات.. دورت لكم دوارة لما حصلت هالموضوع عن كراسي السيارة للاطفال.. فيه كل الانواع .. ما قصرت مشرفتنا رانيا... :)

من هنا

صباااح الخير يا حلوات...

شخباركم اليوم؟؟

الله يقطع ابليسكم ضحكتوني على سالفه السر..كل وحده اتريا سرها يطلع على برع لووووووووووووول ترى مو شرط يطلع انا لما كنت حامل بولدي كنت نفسكم كل يوم اشوفه اخافه يطلع ويفشلني بس الحمد الله ما ظهر هههههههههههههههههههههههه

كنده...مشكووره الغلا على الجدولصدق مفييد..

انا بعد ما طلع بس صار مكانه مسطح عدل...


احنا نسمي اللي سره طالع على برع " مقرون" هههههههههه

القيوانية انشالله بعد انا مايطلع

جمانه شكل سرج بيطلع هااااااااي بدايه دامه تسطح خخخخخخخخخخ

بنات انا لين الحين مافيني حكه ولاتشققات حتى عوار صدري خلاص راح بس لين اتمقط اول ماقعد من النوم وقت ما اتمقط تحت سري يعورني لان بطني ينشد ليكون هذي بدايه التشققات؟؟؟

صبااااح الخير ......


(*) والله حلوه سالفة السر هذي انا سري صاير نقطه من كثر ما دبه ممقوطه...

واللي سرهم يطلع اللي في الاساس قبل الحمل شكله مدور ويبين واللي غايص ما يطلع


(*) Mirage965..... حبيبتي انتي من هل البيت و لاتحرمينا طلتج:smile:

(*) Qtr Girl.... اذا عن التشققات كثر ماتدهن بالكريم والزيوت لاحظت ان بدى في الورج وبطة الريل

امس مرت حماي تقول اللي مايتشقق بطنهم في البدايه الله يعينهم في الثامن والاكثر في التاسع

يصير بطنهم لوحه فنيه:dd: الله يستر يعني انا منهم

شخباركم بنات..
وحشتووووني..اني الحين في الدوام ..زين قدرت ادخل واشارك ..مراجعين واااااااايد عندنا..انكسر ظهري وعورني راسي ..كل ما نعرض عليهم وظيفة ما تعجبهم..

البارحة رحت مذركير اللي في السيف والللي في مجمع البحرين وما شاء الله اخذت اشياء واااايد للبيبي..بس تعبت من المشي..وزوجي تغربل فيني كل حين اوقف شوي وارد امشي..

بنات احس بحرارة في صدري..ترتفع لي لحلقي يصيير لكم جدي؟؟

تحياااااتي لكم وللبيبيات..

يا هلا وغلا بالحلوات...

بالنسبه للحكه الحمد الله خفت وانا دايما استخدم زيت اللوز احسه واااايد اوكييه بس انا نفسج يا قطر غيرل اول ما اقعد من النوم يكووون شاااااد مره... ما ادري ليش؟؟؟ مع اني اكووون مدهنتنه قبل النوم...

سري كان مسطح اقصد في حمالي الاولي...

الحين للحين على داخل :)


[line]

للتو عدت من عند الطبيبة.. وسألتها عن المضاد..

فقالت لي عادي واحنا احسن شيء نعطيه للحامل هو هذا المضاد.. عشان تعالج الالتهابات وما ترجعلها مرة ثانية ان شاء الله..

من قبل كنا نستخدم keflex بس هذا الدواء قديم والحين حل مكانه الدواء اللي عندج..

ووصتني اشرب سوائل كثيرة ..


بتوكل على الله ان شاء الله وبشربه...

الحمدلله اختي جمانه هذا اللي قالت لج عنه كنت استخدمه.......

اسمعي الكلام وكثري سوائل ...

ان شاء الله عمتي ... P:

اشدعوة ليتك معي صج التشققات توصل بطة الريل اعنبووووووووووه مب حمال هااااااي جهاد مايسوى علينا انتشلخ من فوق لين تحت بس صج يوم قالوا اللي يبي الدح مايقول اح

مساء الخير

شخباركم

انا مب زينه امس كنت عند الدكتورة وطلعت فيني التهابات وعطتني مرهم وتحاميل افف لوعه

وقالت لي اسوي تحليل السكر وانشالله خير مايكون مرتفع عندي

انا عن نفسي انشالله بسمي بنوتي عوووشه على امي الغاليه بس محد من هلي يدري بخلي الاسم مفاجاة لهم

اي والله اختي (*) Qtr Girl (*) انتشقق من فوق لين تحت حتى ذاك المكان يتشقق:pain:



ما تشوفين شر اختي (*) دلوعة حمد (*) شنو نوع الالتهاب اللي فيج في الافرازات او البول؟؟؟

(*) Qtr Girl ....... حلو اسم شوشه :smile: انا بعلم نسيتي انا بنت بلادج....:dd:

هلا وغلا حوامل

شخباركم ؟؟اشلونكم؟؟؟؟؟

والله ضحكتوني على سوالفكم واخر شيء كنت افكر فيه السر

لاني ماشاءالله مثل ما قالت اختي ليتك معي دبــــــــه ومستحيل يطلع

الاغايص عدل بعد خخخخخخخخخخخخخخخخخخخخخخخ :dd:

.................................................................



قطر غير ضحكتيني والله اي والله مب حمال هذي بس يالله تبين تصيرين ام لازم تتحملين

ولا ام ببلاش خخخخخخخخخخخخخخخخخ. :dd:

....................................................................................................................

وسلامتج اختي دلوعة حمد وان شاءالله راح تفتكين من هالاتهابات

...............................................................................................................

جمانه اشلون بعد السر مسطح هذي بس عندكم في البحرين يمكن :think:

السر يا طالع او غايص مثلي يعني :o

..........................................................................................................

ليتك معي الشر مايجيج

الالتهابات في الافرازات قالت لي الدكتورة فطريات

دلووووعة حمد ترى انا كان فيني نفس اللي فيج وفطريات شديده وقالت لي الدكتورة تحملي لان كيس الماي بينبط عندج اذا ماعالجتيه ومن كثر الالتهاب والفطريات عطتني حبوب نوعين وتحاميل 3 حبات لمدة 3 ايام بس ياليت تكتبين لي اسم التحاميل اللي عندج

وقالت لي الدكتورة بعد العلاج بالحبوب لمدة 5 ايام وبعدها وقفي اسبوع وارجعي للتحاميل اللي هي مدتها 3 ايام وقايه


نووور صج سوالف الحمل شي غريب الا سر والا تشققات وحكه والتهابات الصراحه انصدمت من اشياء واااااااااايد لا وكل شي في صوب وسالفة الوحم والنسااااااه اللي بهدلتني في صوب صج كابوووووووس والله كابووووووووس

جمانة عادي ما صار شي .. الظاهر البنات يتنطرون عليج الفرصة من زمان (احم .. تربط عصاعص)
بس تعالي .. شلون تخلين ولدج بروحه بالشقة !!

Qtr Girl .. أخاف احازيكم تسوون مثل هذيج الانجليزية كنت معاها بالعيادة قبل اسبوعين
بس عطيتها رؤوس اقلام من غيرتفاصيل ... الا طلعت المنديل وقامت تمسح دموعها.. قلتلها هييي انتي
انا قاعدة اضحك واسولف ..خلاص ماني قايلة شي .. قالت لا عادي الحامل تصير حساسة شوي ..
وانتو كلكم حوامل هني ماشالله ..ابتلش اسكت منو والا منو
بس علي فكرة صج ضحكتيني علي اللزقة اللي علي السرة ..عاد انا مثل ام فرروحة كنت اظن ان
بس الضعاف تطلع سرتهم برة.

اما الكراسي تعالو هني تشوفون الوان واشكال .. شي عادي وشي ديلوكس ..وشي سوبر ديلوكس
زوجي اذا شاف بنوتة حلوة علي وحدة من هالعربانات جنها قاعدة بمرسيدس .. يقول يحقلها (يموت علي
البنات).

ليتك معي .. بطل عليكم لين تملون ولا يهمج

بنات بالنسبة للتشققات في زيت اسمه Bio Oil.. صراحة عجيب.. انا شفته في مجلة خاصة
للحوامل ..كنت ناوية استخدم زيت اللوز بس كله اكسل وافكر بان يدمر الملابس.. بس هذا بسرعة
ينشف ويطري الجلد..ويستخدم حق كذا شغلة مو بس التشققات.

مساء الخير....

دلوعه حمد... سلامات الغاليه وما اتشوفين شر ان شاء الله...واسم عووشه وايد حلو وكفايه انه على اسم الوالده الله يحفظها...

ليتك معي...خوفتيني الصراحه وش ذاك المكان اللي بتشقق بعد ليكووون اللي في بالي لوووووووووووول