الجزء الســـ6ـــادس من تجهيزات عرايس قطــ2006ـــر

كلاسيك
انتي روحي وان شا الله تحصلين اللي تبينه
انا الجلابيه اللي عجبتني طلعت كبير عليّ """مقاس سمول :(
ف عطيتهم قياسي وبيطرشونه البحرين عشان يفصلون لي وحده :)

وردة العشاق
المشاطة ما يسوى انج تسوينه حمام مغربي عادي جدا


دلع

زفة الجسمي احسها قديمة شوي ..
الثانية باشوفها اللحين

قاعة الماريوت اذا ما خانتني الذاكرة تكون ل 50 شخص ب 5000 تقريبا
والرفيرا حق 50 ب 7000 يعني تقريبا مب متذكرة

بس الماريوت ما لقيت فيها حجز يمكن تحصلين كلميهم باجر الصبح

الشاي والقهوة جبناهم في خطوبتي من اون لاين اتفقنا معاه ووايد مدحوهم لي
امممممممم والتكلفة على حسب طبعا
حفلتي كانت بحدود ال 15 الف

سحوبه

يبيله امر عليه
ان شاء الله الخميس

مشالله
كلاسيك كل شي كل شي بحدود ال 16 الف؟؟
قصدج القاعه والبوفيه والكوشه والاضاءه والتصوير ولا شلون؟؟
لاتضحكين علي لان مالي خبره كلش

كلاسيك
تدرين قالت لي 400 وشي
وآخر شي طلع حمام عادي صج حراميه
انزين وين احسن صالون حق هالسوالف



ساعدوني بنات مابقى شي على عرسي

عرسي بنهاية الشهر

احلام صغيره جربتيه؟؟
ترى محد مدحه كلللللللش


روحي سيدي يعقوب اللي فالهلال
يمدحونه

مشالله احلام شوفي الوقت يركضضض

دام كلنا مجتمعين اسئلي واحنا بنساعدج انشالله

كلاسيك ممكن رقم اونلاين؟
وبكم اسعارهم


صج نسيت لاقولج ان مخدر املا موجود في كل الصيدليات

وردة العشاق
انا بعد اتصلت لهم وقالت لي نفس الكلام اللي قالته لج

الريفيرا ارتب وافخم من الماريوت ومافرقت 2000 هي مخسره مخسره ........... :)

مخدر املا في كل الصيدليات استخدميه مره ومرتين وبتعدوين عقب تشلين بدونه ..................

كلاسيك

انا شريت مخدر املا من صيدلية السيتي .. بس اعتقد متوفر في باقي الصيدليات ..

دلوعه

خطوبتي كانت في الريفيرا وااااااايد اوكي الصراحه .. انصحج فيها ..

دلوعه قطريه:
تسلمووووووون بنات على ردودكم الحلوه ودعاويكم

والفال لي ولكل البنوتات احم احم

وعن التفرص افا عليج كلاسيك بنتفها من التفرص

بنات شرايكم في زفة الجسمي الف الصلاة والسلام وزفت عيون الناس؟؟ شنو الاحلى

ال2 تلقونهم في موقع الزفه الكويتيه

بنوتات تعرفون كم سعر قاعة الماريوت؟ وسعر قاعة ريفيرا؟؟

انا كلمت العروس الحين تقول هي شافت قاعة الدبلوماسي وفي اكثر من قاعه اللي حجزتها مب طويله وايد

الحين بس ابي رقم وحده اوكي حق الشاي والقهوه


بنات تقريبا كم يبيلنا حق تجهيز الخطوبه؟ اقصد الحفله وكل شي بحدود كم؟

اذا بيتكم كبير عندكم حوش حطي خيمه ملكيه احلى وارخص

ملكت اختي جبنا من محل الكوشه الي في بن عمران الخيمه وكانت روعه
والكوشه خفيفه من عندهم والدي جي + والبوفيه جبنا من فخر الدين وانتي اذا تبغيبن هالبنات الفلبينات عشان التوزيعات والاهتمام بالبوفيه الوحده 150 والبوفيه حق0 6شخص 2500 مع الطولات والكراسي والترتيبات ينسوق لك الماي والورد ومحل الكوشه مع الخيمه والكوشه سو لاختي صحن العصير والمسكه مجانا والورد الي على الطولات ...والقهوه والشاي والمكسرات اعرف وحده والكل قال روعه كنه قاعه اعراس ..

صباح الخير ..

هلا دلع ..
امممم اي أكيد عندهم .. أظن هالمحل حق الفلبينية اللي يقولون عنها البنات ..
و بالنسبة لرقم السودانية جاري البحث ..

بخصوص الريفيرا .. كانت خطوبتي فيها خذناها حق 50 شخص تقريباً يعني 5 طاولات .. بـ7000

و تقريباً التكلفة للخطوبة امممم 15 - 20 الف .. حسب حجوزاتها و نوعياتها غالية أو متوسطة .. بس نصيحة دلوعة لا تبالغون في الخطوبة ترى ما تسوى ..

..

هلا كلاسيك ..
تونس هاذي صاحبة صالون جون إيبيل اللي مشاهد يونيك .. هي تونسية ( واضح من الإسم ) بس خبرة في عالم الشعر خخخخ من صبغات و قصات و معالجات للقشرة و التقصف و الجفاف و حمام الكريم و الزيت ... الخ من هالسوالف .. إذا تبين تروحين لها تحجزين قبل ..

..

يا عرايس لا تفوتكم خلطة بنت عذاري جزاها الله كل خير .. حلووووة يالله ابتدوا بها :

http://www.3roos.com/forums/showthread.php?t=176542

بناااات

مستغربه من كلامكم

عبالي الخطوبه تكلف اكثر

يعني هي قالت بتحط ميزانه 40 الف مع كل شي

لما انا حسبت طلع تقريبا 30 الف

يمكن لاني حاطه اسعار تقريبيه قولوا لي شرايكم

الكوشه
7000

البوكيه
1000

الاضاءه والتصوير الفيديو والفوتوغراف
5000

دي جي
2000 مع الزفه

السكيورتي
1000

الضيافه (المعجنات والشوكلت اللي تتوزع بالقاعه)
500

التوزيعات
300

القاعه
7000

وعلى فكره هم معازيمهم 60 شخص تقريبا

تجهيزات العروس =6000 تقريبا

1000
للحنا
حمام مغربي
حف الجسم
تنظيف بشره
انا ادري انه اقل تقريبا بيكون ب 700 بس خليت مبلغ احتياط


تجهيز العروس للحفله
5000


الفستان
4000 اكثر شي لان بناخذ جاهز ومادري شلون الاسعار نبي شي فخم بس سمبل

بحدود 300 الجوتي

المكياج حجزنا سعاد البلوشي اتوقع 500 او 700

الشعر للحين مادري من احتمال لبنى وماعرف كم اسعارها قلت تقريبا 300


شرايكم تتوقعون جذي حساباتي صح ولا وايد؟؟
وبليز ابي رقم حد من اللي يسوون القهوه والشاي
واسعارهم شلون

وابي اسئلكم عن الضيافه اللي عالطاولات المعجنات وهالسوالف من وين اخذها وبكم؟
معازيمهم 60 يعني بحدود كم بتكلف؟
بيتي فور ومعجنات لكل طاوله

مجنونه قطر
اوك اتفق معاج بس انصيحيني شنهي الانواع الزينه

دوحانيه
الموس ماينفع حق العرايس كلش يعني لو بستعمل موس عزت الله كل يوم في الحمام علشان احف
لان عيبه مثل ماقلتي يومين الا مشوك وطالع
بنااااااااات لاتضحكون علي جد والله ماعمري ماحفيت ولا استعملت الحلاوه ولا منطقه علشان جيه ماعرف

@@ ام الشيوخ عندنا
يا مرحبا بمن حبا ودبا
هههههههههههههه
هلا وغلا شلونج
ومبرووووووووووووووووووووووووك الف الف مبروك وعقبالنا والله يتمم علينا يارب
قولي لنا شسويتي في العرس
تيبستي ولا شسالفه؟؟؟؟؟؟؟؟؟؟؟؟؟

اشحالكم صبااايااااا وعرااايس ^_^

سوالفكم حلوه بس شوي شوي خلتوني ارد اقرا
الصفحات اللي طافتني ^^

المهم بغيت اسئلكم <<<مب متزوجه لا تخافون

بخصوص التقشير الكرستالي من افضل فهد الباكر ولا خالد البياري
لانه رفيجتي كان تسئل عن شي يبيض وينعم البشره ممكن تساااعدوني ^_^

وبنت قطر كلامج صح ترى الموس ما ينفع حق يومين بس انصح كل وحده
تتعود تسوي الشغله بنفسها ^^

بنت قطر.؟

انواع شنو ؟
الحلاوه ؟

كلاسيك ماوصلني شي
ومشكوره لانج عبرتيني :)

بنات للبوفيه انا جبت يوم الحنا مطعم البيت الشامي اكلهم لذيذ والكل سأل من أي مطعم

وبخصوص الزفات عندكم زفه جديده انا حطيتها بعرسي وايد حلو ه احلام ورجاء بالمليح يغنون مع بعض رهيبه ورجاء اول مره تغني لزفه وصوتها طاله ماشالله

اممممم ايه والحمام المغربي وهالسوالف والحف عند ام احمد السودانيه حليووووه وارتحت لشغلها

وللعروس الحف بالحلاوه احسسسسسسسسسسسن بألف مره من الموس حتى لو تقعدون 3 ايام تحفون اخذوا حلاوه قطعه صغيررره وشيلوا مساحه صغيره شوي شوي وبيخف الالم بالتدريج
نصيحه لا تفكرون بالموس ابد

ولا تنسون تأكدون حجوزاتكم كلها قبل العرس بيوم والمسكه اذا من محل ثاني لانهم احيانا ينسون

وبعد اممم اذا تذكرت شي بقولكم وأي سؤال انا حاضره