الجزء الســـ6ـــادس من تجهيزات عرايس قطــ2006ـــر

ايه تذكرت بنات اللي حاجزه فرقة انوار ترى عندهم دي جي والسماعات طبعا هي نفسها مالت الطق وجذيه بتضمنون ان الصوت بيطلع واضح

دلوعه ميزانيتج التقريبيه صح ........بس سؤال الخطوبه على رفيجتج ؟؟؟ لان المفروض انها عالرجال ؟؟

قاعة المختصر في الريتز وايد راقيه بس اعتقد ب13000احنا دوم نسوي فيها الحفلات الصغيره ...........


بالنسبه للفستان فيه محل في السد بجيبلج اسمه جديد يجيب فساتين من لبنان ....بحاول اذكر من الي قال لي عنه وبجيب لج اسمه واسعاره في حدود 3 او 4 الاف ............


اذ تبين للشاي والقهوه اعرف وحده احنا نتعامل معاها للمناسبات .......... هي مره قطريه بس فنانه يحليلها .......

دلوعه ..احس ميزانية الضيافة شوية !! يعني حتى لو كان 60 شخص؟؟ يعني سلة حلاوة معقولة بتوصل 350 ريال بروحها؟؟ شلون بعد تبين لج سلة معجنات 150 وسلة او صينية ميني كيك مثلا بعد 200 ريال وهالاسعار متوسطة بس مب ممن الغالي

حلاوه = باتشي "لايعلى عليه"
معجنات = اوبرا او لاميزون او ماسيس
ميني كيك = ماسيس

عشان جذية احس يبي لج تحددين الضيافة وتزيدين المبلغ شوي

على الطاولات خليه سمبل دام فيه توزيعات....يعني القهوة والشاهي وصينية معمول وصينية بقلاوة مشكلة...وصينية مكسرات مشكلة بس يكفي ويزيد !

بالنسبة للفستان دام جاهز..خليها تدور الحين في الستي الملاحت هناك وايد وبتحصل شىء بهالسعر في الجعيدي او السينية او عطيف! ويمكن اقل بعد

فيه محلات ثانيه بس احس مب شىء في الفساتين او دفشه مثل جلامور وغالي على الفاضي نادر ماتحصلين فستان حلو وناعم عنده !

وفيه محل حلو في الرويال بلازا ماعرف اسمه بس شفت فساتين راقية وحلوه بس غالي شوي ..مجابل اللفت فوق

الله يسهل امور رفيجتج والفال لج :)

عمري قطر
انا حاجزه انوار للعرس
وماحجزت دي جي .. يعني شرايج احجز معاها؟؟


بنات تعرفون وحده تجي البيت تسوي مساج؟؟

اي سحابة حب اتصلي المساج الفلبيني يرسلون لج وحده .............. اعتقد اسمه المساج الفلبيني



بنات من تعرف وحده للحف والخيط ابي اتعامل مع وحده تجي البيت.............قبل كنت اتعامل مع نور بس فتحت صالون ودبلت اسعاااااااااااااارها ..........بليز الي تعرف احد تقول لي

بنت الغالي جربي سميره

بخصوص المساج الفلبيني >> انتي جربتي ؟

سحابة حب حبيبتي انا ما دريت ان انوار عندها دي جي الا يوم العرس قالي المصري وهم يركبون السماعات انتي كلميها وشوفي اذا في مجال يسمعونج الزفات اذا عندهم او انتي تجيبين لهم سي دي تأكدي منها احسن

السماعات انوار تجيبها معاها؟؟

بنت الغالي
لا الخطوبه مب عليها العرس والخطوبه عليه بس هو بيعطيها مبلغ بحدود 400الف وهي تتصرف فيه حق حفلة العرس والخطوبه
هي اول شي خافت يكون مايكفي بس انا قلت لها لا اتوقع يكون كافي
تهقون يكفي حق العرس والخطوبه؟

والله تسوين خير لو تعطيني اسم المحل لاني لما فكرت قلت مافيه الا عطيف او جلامور ومب لين هناك

وبليييز طرشيلي الرقم وبحدود كم اسعارها


الحلم الهادئ
ايييه من جيه ابي رايكم لاني ماعرف بس حطيت اسعار من مخي
انزين تهقين الف تكفي للضيافه؟ اللي تتوزع بالقاعه بس

واللي عالطاولات من وين ناخذ وبحدود كم حق 60 شخص؟

اييي اللي في رويال بلازا حلو انا خذت منه من فتره

يبيلنا نرد ونشوفه

ومشكوووووووره عالرد الحلو والدعاوي الاحلى




حلا قطر
يمدحون ام ياسر للحف والحمام المغربي

دلوعه :) مشاء الله 400 الف تكفي وتزيد بعد...يعني حطي للخطوبة 30 الف زي ماوزعتيها واعتقد بيزيد عندها شوي فلوس بعد

وحطي للعرس العشا مثلا 150 الف هذا حق 400 شخص مثلا في احسن قاعه سواءا الريتز او الفورسيزن او الشيراتون بيكفي

والباقي تعتبره مهرها بس خل تحجز من الحين باختصار تروح لهم وتقول لهم زوجوني باي تاريخ عندكم خخخخخخخ لان مراح تلاقي :)

هلا بنات شخباااركم..


مابقى شي على عرسي الصراحه متوتره وووايد..


ام الشيوخ وباقي البنات بخصوص الشناط حق الفندق والسفر قولو لي شنو احط ....


بنات للحين ماسويت حمام مغربي الصراحه اخاف اسويه بالصالون تعرفون وحده اوكي للحمام المغربي وتجي البيت..


حلا قطر وين احصل حلاوه ميم ؟

دلوعه بالنسبة للضايفه يعتمد من اي محل بتسوون الطلاوت؟ خلوه يجهز لكم ضيافة الطاولات مره وحده!

واذا تبون شىء راقي ومميز تعاملوا مع اكثر من محل مثلا البتفور من "الذواقة للموكلات المغربية" اللي في الغرفاه شغلهم روعه وغريب

وللكوافي باتشي وفوشون...والبتفور عندج "لونوتر" والميني ساندوتش عندج "لاميزون" والكيكات الصغيره عندج مايسس شكلهم روعه وطعمهم حلو بعد

وعندج بعد شوبان اغراضهم روعه

بس اذا مافيه وقت للف والدوران خلو الطاولات مع ضايفتها من ماسيس وشغله مرتب ونظيف وحلو

او فوشون بس اتوقع بيضرب ضربته لانه غالي بزيادة

التوزيعات حق 60 شخص سله وحده متوسطة من كل صنف تبون توزعونه مثلا

*لقيمات - سلة من تيك اوي
* كوافي - سلة من باتشي
* بتي فور - صينية كبيرة من الذواقة المغربي
*صينية كبيرة مصفوف فيها الكيك الصغير كلش "ميني كيك" من ماسيس
* كابتشينو الخيام - وايد حلو للحفلات وسعره معقول خاصه ان العدد 60

اتوقع يكفي :) لانه فيه ضيافه على الطاولات وخلو الترتيب الافخم حق العرس :)

مشالله عليج الحلم الهادئ
نفعتيني وااااااااااايد والله مادري شكنت بسوي بدون نصايحكم
واظن 400 الف بدون المهر؟ مب متأكده
وهي خايفه تسألني يكفي ولا لا ههههههههه اقولج ماندري بالدنيا لووووول

خلاص عيل الضيافه بسوي مثل ماقلتي
والطاولات والكوشه احتمال من رويال فلاورز
بس تدرين نسيت احط ميزانيه حق تزيين الطاولات
كم يبيلنا تقريبا؟ لان الظاهر جيه بتزيد عن ال30 الف
ولا مب لازم تزيين حق الخطوبه؟ لانها عائليه

وعن حجز العرس هم حظهم حلو لقوا حجز على نهاية 8 تقريبا

عذاري

عندج ام ياسر حمام مغربي ؟؟؟؟وحلاوة ميم انا اخذها من كارفور صج حلوه فالاستخدام ............


حلا قطر.........

نفس الكلام ام ياسر بس الله الله بالاهتمام عاااااااااااد نبي نشوفج احلى عروس واعزميني خخخخخ ....

دلووعه

ماشالله 400 بتكفي وتزيد بعد بس لازم تكونين وراها وراها لاتخلينها تلعب هههههه ..... انا سوالف الاسعار مب وايد خبره فيها الحلم الهادي بتنفعج اكثر مني بس شوفي بالنسبه لتزيين الطلاولات خلوها بسيطططططه يعني ورد وبس....... يعني مابتزيد عن 30 بوااايد ............... وبالنسبه للبوفيه انا عجبني بوفيه اوبرا حلو اكلهم ......... ومرتب ........


الحلم الهادي

:)

قطر

اخبارج واخبار البيبي
اممممممم مكن رقم نجوى هذي
وبالنسبة للاكسوارات انا فستاني مع الطرحة مدري بعد لازم اشترة اكسسوارات للشعر ولا تكفي الطرحة
امممم وللبادكير والمناكير عجبني شغل المشاطة واعتقد عندهم البرافين ذيه
تنظيف البشرة مدري بصراحة انا ادور حد زين لان بشرتي حساسة

مشكوره حبيبتي كلاسيك عالسؤال
انا بخير والبيبي بخير مابقى شي وبيشرف ان شاء الله ، الفال لكم يارب .
بخصوص المشاطه اقتراح حلووو ، بس مع زحمة الشوارع ماعتقد اروح له شكلي بروح باريس نيلز وبسوي كل شي ، وبعد النفاس ان شاء الله بجييب سميره وإن شاء الله ماتكون مشغوله .

واللي تسأل عن القهوه والشاي ، في وحده قطريه اسمها ام فهد سويت عندها في عرسي ، والمره مشهووووووره جداً ، وتجيب الدلال من عندها مع اطقم الفناييل واطقم الشاي ن وعندها دلال اشكال والوان ، يعني مراح تتوهقون ، بس اللي اذكره سويت قهوه بس ، لأن اغلب تضيفي كان سويت حتى اللي عالطاوله فقلنا لازم قهوه مايصير شاي .

بحاول اجيب لكم رقمها ، بس اللي عندها الرقم تفيد البنات وعشان تعرفونها اكثر هي مشهوره باسم ( ام فهد رحمه )


الحلم الهادئ :
استفدت منج حق اماكن التضيييف ( شوبان ولينوتر والضيافه ) باخذ جوله عليهم انا والصواني ن خلاص ابي اخلص كل شي .

كلاسيك :

بجيب لج رقم نجوى ، انا بصراحه ماعرفه لأن العروس كانت حاجزه لنا .
وبخصوص الاكسسوار ، اخذي احتياط حبتين او 3 سكون شكلهم حلووو وصغير ، يمكن تحتاجهم مالة الشعر حق الطرحه ، ماتعرفين شنهي الأفكار اللي بتطلع في راسها هذاك الوقت .

وتنظيف البشره قلت بكلم البياري بشوف اذا عندهم تنظيف عادي بروح له .

بنت الغالي
افا عليج وراهاااااا وراها
لان لو عليها هي وعلى برودها؟ لابنسوي شي وولا بيتم شي من الفلوس
هي قالت بتحط 40 الف حق الخطوبه وانا قعدت احسبقلت لازم اقل خخخخ خل تتعلم توفر من البدايه
لان هالفلووووس بتنفعها عقب وانتوا بعد ياعرايس حاسبوا وخلوا مبلغ للطوارئ هاي اهم نصيحه


والورد قصدج عالطاوله الوحده ب30 زين والله مابيطلع وايد لان المعازيم كلهم 60وتعالي انت وييييينج ماطرشتي رقم مال القهوه انطرررررررج وابي اسعارهم عشان احطها بالدفتر

قطر ابي رقم نجوى بليز

لبنى تقول ماتقدر
وبثينه ماترد خير شر

دلوعه اذا المبلغ بدون المهر عيل بيكفي تسوي افخم عرس وتحط الكوشه والطاولات من احسن مكان اذا حبت لان مشاء الله بيكون المبلغ وايد حلو

اللي اعرفه ان القاعات الحين رافه اسعارها الدبل عن العام الماضي يعني عشا في الريتز حق 400 شخص بيصك المية الف قولي مع الكوشه والطاولات بيوصل 150 بالراحه واذا تبي شىء فخم تحط في حسابها 200 بس حق تجهيزات العشا والقاعه والباقي تخليه للتجهيزات والذهب وتتبحح في المجوهرات دام مهرها مب محسوب بهالمبلغ

الله يبارك لها والفال لج :)

بنت الغالي :)

دلوعه...ياحظي ..بن الغالي تقصد مابتزيد التكلفة عن ال30 الف اللي حطيتيها ..مالتقصد ان الطاوله ب 30 ريال !! شدعوه والله لو صرت جت بتطلع اغلى خخخخخخخخخخخخ

دلعلع ...ماخبرج جذية شفيج ركزي :) ههههههههههه