الجزء الســـ6ـــادس من تجهيزات عرايس قطــ2006ـــر

بنات أنا أبي أسأل عن مكياج الهام
من جربتة
ضررررررررروووووري


وبعد من جربت نجوى
وشلون أخليها تسويلي التسريحة أنا شعري خفيف واااايد
ومابي أحط وصلات أو حشوة؟ حجزتها حق عرس أخوي


وبعد بنات أبي أشتري لمعة حق الجسم يعني مثل الكريم يوحد للون وبلمعة حق عرس أخوي
وين ممكن أحصله؟؟؟؟؟؟

اجمل احساس :) وروح قطر...حيا الله البنات الحلوين...ايه صح اسمه توني وجاي.....مدري توم وجيري :)....اللي يقصون فيه حريم انجليز ومتخصصين في الشعر بس ...صبغ وقص وجذيه بس للشعر

شفت 3 من ربعي قاصين عنده وصراحه شغل مرتب وبروفيشنال حده :) يعني مضموووووون بس ترى غالي شوي يعني القصة ممكن توصل 150 او 200 ريال مب اقل

وشفت وحده مسوية عندهم هايلات بس حركته غريبة مدري شلون اوصفه لكم...بس ماخذه لها خصل مخشوشه ومسوية فيها هايلات ماتبين الا لين ردت شعرها على صوب معين ...يعني ممكن تخشه وممكن تطلعه ويكون باين :) فله حق التغيير

كل اللي جربوه يمدحونه وايد

بنات انا سالت رفيجتي عن رقم نجلاء عبيد واول ما تعطيني اياه بطرشه للي يبيه بس سجلو لي اذا تبونها عشان اشوف طلبكم او طرشولي خاص اخاف ماشوفه

دوحانية ماقصرت معاج احلام صغيرة قالت لج الاماكن
تحملي تروحين السيف ولا العالي لانه بصراحه غالي على الفاضي
عندج سوق المحرق وشارع البوكواره وعندج بوابة البحرين ومحل الف واثنين حلو
واذا تبين قمصان نوم روعه روحي محل بداية في مجمع يتيم راعية المحل قطرية

شوشو
اذا تبين شي يلمع جسمج روحي لايف ستايل هناك في بودرة للجسم و3 انواع
انا جربتها بصراحه وايد حلوه عالجسم
وعندج محل نكتار عنده كريم للعروسه ريحته تجنن وفيه لمعه وايد حلوه

الحلم الهادى أنا أبي رقم نجلاء العبيد

وأكون شاكرة لج

مشكورة أختي العنود

العنوووووووووووود

حبيبتي بما انج توج راده ومجهزة من الخبر بليييييييز قولي لي عن اسامي محلات تبيع فساتين جاهزة لان عندي عرس صديقة عمررري يعني اكثر من اخت بعد فترة وابي فستان حلوووووووووووو

وانا ناوية اروح الخبر فياليت تساعديني باسامي المحلات الحلوة:shy:

ابي رقم لبنى اللي تسوي تسريحات العرايس
وشرايكم فيها

شوشو ..طرشت لج الرقم على الخاص

سحابة حب...بطرش لج الرقم...يمدحونها لبنى بس ماجربتها شخصيا

مساء الخير ..

العنود ..
مشكورة حبيبتي ..

..

سحابة حب ..
لبنى مضمونة و شغلها مرتب و حلووو .. إذا ما وصلج رقمها قولي لي ..

السلام عليكم ورحمة الله وبركاته

شخباركم مع التجهيزات والدواره من سوق لين سوق ، ومع زحمة الشوارع اللي ماتخلي الواحد يخلص شغله عدل :(
اليوم يضيع وانتي ماخلصتي شغلج :(

المهم خل ادخل في موضوع التجهيزات وايد أحسن .

shosho2007 :
بخصوص نجوى ، سوي شعرج عندها وأنتي مغمضه ، شفت تسريحاتها على 3 ، وكل مره تسوي شعرهم غير وماشاء الله من غير وصلات ولا شي .
وانا جربتها في عرس بنت عمتي ، مع خوات العروس والعروس ، صج شي حلو ومرتب وغريب ، واخت العروس تحاتي شعرها خفيف وشلون بتسوي لها ، لكن ضبطت التسريحه من غير وصلات ، رفعت شعرها ونزلت لها خصصصصصل بعد ، ومابين شعرها خفيف ، والحلو انها ماتحط سبري وايد ، والفيييييير عجيييب عندها ، على قولتها خلي شعرج اسبوع ومراح يخترب .

واغلب الاكسسوارات اللي جبناها لها للشعر هي ( حلقان ) ضبطتهم لنا عدددل ولا كان حاطين حلقان في شعرنا كلش ، ومره قصت دانتيل مقطع من فستان بنت عمي وحطت في شعرها ، ماتتعطل المره كلللللللش هههههههههههه .

أحلام صغيره :
شوفي بوفيه مطعم الحمرا دايماً نتعامل معاه ، وحلو البوفيه تبعه ، اما الأوبرا والي فرانس ماقد مره جربته ، او يمكن جربته عند ناس وانا مادري ، بس من تشجيع البنات خاطري أجربه ، ان شاء الله تصير عندنا مناسبه وأجربه .
وبخصوص المكياج ، مايحتاج انتي حطي حق نفسج مسحه خفيفه اااي شادو وكحلي عينج من تحت وداخل ، بس لاترسمينها رسم ، وحطي مسكره تكثثثف ، وبلاشر وروج خفيف .

حلا قطر :
مثل ماقالوا البنت القص والصبغ بعدين ، بس ممكن تقصين قبل العرس نوع من الترتيب يعني .

والبنات اللي يسألون عن المنطقه الحساسه :
لازم تتدربون من الحين ، واذا كلش تتعبون سووها على يوميين هههههه لاتضحكون ، بس جد والله احسن من الموووس ، واحسن من وحده غريبه تتكشف عليكم .
لما تدريبن من الحين لين العرس بيصير الموضوع عندج عادي واريح وانظف .

قولولي وين اسوي بديكير منكير حق اليد والرجل مع ماسكات شمع يعني تنظيف محترم ، أبي أسوي قبل ماولد ان شاء الله .
أنا نوايه اروح ( باريس نيلز ) انتوا شرايكم ؟؟
وابي تنظيف بشره بالماسكات فقط .

بنات ابي اعرف سميره بشنو تحف البطن والظهر ؟؟ وبكم؟؟؟
وقبل العرس بكم يوم احف؟

لحقواااااااااااا علييييييييييييي


الملجه الاسبوع اليااااااااااااااااااي


تهقون نلحق نسوي شي؟؟؟؟؟؟؟؟؟؟؟؟؟؟؟



مره وحده جيه جك بم ملجه شنو ذي


والعرس بنهاية 8



تخيلواااااااا؟؟؟؟؟


بنات تتوقعون نلحق نحجز حق كل شي؟؟؟؟


انا قلت بشوف الميكب والشعر والحنى والحف والحمام المغربي الحين بحجزهم


ذكروي شالباقي؟؟؟


ترى مخترعه حدي

الكوووشه والطاولات
التصوير والاضاءه
المسكه
طقاقه
دي جي


مممم وبعد شاللي ناقص

اهمم شي لاتتخرعين وهدي اعصابج
كل شي ان شاء الله راح يصير

والله نسيييييييييييييييت كل شي
تخيلي تنصدمين جيه
شسووووووووووي

الحين لازم نجهز كل شي في
حدود 10 ايام؟؟؟؟؟

اي خل اكتب عندي اللي قلتيه الكوشه والطاولات

الاضاءه


المسكه كتبتها

طقاقات مستحيل نحصل

مافي الا ديجي

انزييييين كم رقم اميره؟؟؟ مالت الديجي


تعالوا ترى هاي مب انا العروس

هاي ماي بست فريند يعني انتوا اعتبروه عرسي بس واللهمن الخرعه اختبصت وماعرفت اكتب شي ماقلت انه مب انا

المهم البنت مسافره وبترد يوم السبت

ومن اول ماترد كل يوم بنروح ندفع ونجهز وجيه


انا بسوي كل الحجوزات الحين ولى ردت بنبدى نطلع ونجهز كل شي


طيب الحين ليلة الحنا خل نبدى فيها

جلابيه قلت احسن شي اليشمك في غيره؟؟

حف قلت ام ياسر

حمام مغربي احتمال اليديد اللي فالهلال


المسكه من عند اللي فاللاند

الفستان متوهقين في محلات حلوه بغير الستي؟؟

طيب كوشة الحنا نسيت شسم المحل الليدوم تطرونه رويال فلاورز؟؟ ووين مكانه


وكوشة الملجه من وين؟؟؟ تهقين نروح المناسبات ولا ماسيس؟


الحنايات قلت بكلم نسرين او زبيده عندج ارقامهم كان عندي رقم نسرين وضيعته


التوزيعات قلت خل نستقر عالالوان ونشوف اذا بيسوون توزيعات ولالا لو بيسوون بكلم ام حمد القطريه لان شغلها ماعليه كلام وبكون متطمنه

الشعر قلت بشوف لها لبنى او اي حد مب مشكله


المكياج ابي رقم سعاد البلوشي
واتصل مساعه في امنه شاهين ماتردشسوووي؟
رفيجتي تحب الناااعم ماتبي شي دفش


ساعدوووووووني بليز

ذكروني شاللي ناقص؟؟؟؟؟؟؟؟

بخصوص ليلة الحنه
الكوشه رويال فلاورز >>> شارع سحيم بن حمد جنب باغيت
التوزيعات >> رويال فلاورز يسوون توزيعات وبعد المسكه مع الكوشه
الجلابيه >> في محل بسوق واقف اسمه دراريع الفريج عنده جلابيات حلوه للحنه واسعارها حلوه يجيبها من البحرين
لاتتعب نفسها انا اليوم رحت اليشمك وشيتل والسلطانه وكشخه بلازا "كلهم بالستي " مالقيت شي
وبالنهايه صدفه شفت هالمحل بشوف واقف ودخلته
المكياج >> بروحها خل تحط شي خفيف
الشعر>> بعد شي بسيط شسوار بس
الحنه >> زبيده
دي جي >> تبون امير .. بدز لج رقمها عالخاص .. شرايج فيها؟؟ انا ماحجزت

وبعد شتبين شي يتعلق بالحنه؟؟

العرس او الملجه
الكوشه والطاولات >>ماسيس
المسكه >> ماسيس او كازا فلورا او اللاند مارك .. بس اذا سوت عند ماسيس المسكه ببلاش مع الكوشه
التصوير"فيديو وفوتوغراف"+الاضاءه +الشاشات>> مريم الفلبينيه او ألوان الخليج
البوابات"جوال بوكاميرا >> قروب 4
دي جي >> انتي تقولين اميره .. انا ماعرف
طقاقات >> ان شاء الله تحصلين .. عندج انوار او خيريه
شعر >> لبني او نجوي او مرسيدس
مكياج >> سعاد البلوشي
الفستان >> ماعندي فكره .. بس خل تشوف في وايد محلات يأجرون فساتين

وبعد
آمري

قولي كل اللي تبينه الحين عشان اقدر اساعدج دام اني قاعده اجهز

الله يعطيكم العافيه

بس محد قال شرايكم في مكياج الهام

شوشو

ماجربت الهام



دلووووووعه


شوي شوي علينا هههههه ....... الي اعرفه

دي جي ........ نصيحتي دلال (( ربشششششششششششه ))
ميك اب ........... اليلوشي
فستان ........ اممممم هذي مشكلتنا بس دامها مسافره خل تشتري من هناك (انتي قصدج فستان عرس ولاملجه؟؟)
كوشة الحنا.........رويال فلاورز

مرحبا صبايا و عرايس ^_^

..

دلوووعووو << معصبة على بالي أنتي ... فااااال خير إن شاء الله تلحقينها يا رب و نشوفج مختبصة .. يحليلج و الله .. بس أحسن شي في الموضوع إن الفترة قصيرة بين الملجة و العرس ..

خل نبتدي و كل شي بيصير تمام التمام :

الكوشه والطاولات
ماسيس
إذا للملجة : رويال فلاورز ..

الاضاءه
كريستال أو ألوان الخليج ..

المسكه كتبتها
للعرس أو للملجة : اللي في ميغا مارت + رويال فلاورز للملجة ..

طقاقات مستحيل نحصل
خيرية .

مافي الا ديجي
دلال أو أميرة " امدحوها وايد " .

طيب الحين ليلة الحنا خل نبدى فيها
الحنا : نسرين . وبارسل لج رقمها ..

جلابيه قلت احسن شي اليشمك في غيره؟؟
اممم مادري

حف قلت ام ياسر
أنتي أخبر ..

حمام مغربي احتمال اليديد اللي فالهلال
مادري بصراحة ..


المسكه من عند اللي فاللاند <<< اوكي

الفستان متوهقين في محلات حلوه بغير الستي؟؟
خل تشتري لها دامها مسافرة ..

طيب كوشة الحنا نسيت شسم المحل الليدوم تطرونه رويال فلاورز؟؟ ووين مكانه
شارع سحيم بن حمد أظن اسمه جذي ..


وكوشة الملجه من وين؟؟؟ تهقين نروح المناسبات ولا ماسيس؟
رويال فلاورز بعد عندهم كوش حلوة + محل اسمه المرجان كوشهم تصلح للخطوبة و هذا في بن محمود ..

الشعر قلت بشوف لها لبنى او اي حد مب مشكله
لبنى أو مرسيدس ..

المكياج ابي رقم سعاد البلوشي
بارسل لج رقمها .

واتصل مساعه في امنه شاهين ماتردشسوووي؟
طرشي لها مسج و بترد عليج + كلمي غيرها عشان تتطمنين ..
..


حاضرين لج و لرفيجتج .. الله يتمم لها على خير : )