الجزء الســـ6ـــادس من تجهيزات عرايس قطــ2006ـــر

سحوووووبه ...


س>> وين احصل حلقان كريستال كشخه ؟؟
حلقان والله مادري بس نوران الي في الستي يفصلون لج الي تبينه اعتقد

س>> ابي اسم محل عبايات مو كشخه حق عرايس .. ابي موديلات بسيطه حق كل يوم

عندج داري رويال بلازا...سوق الاحمد.... فيرست تشويس ......

س>> وين أحصل جينزات حلوه؟

زارا + سالسا الي في اللاند مارك جنزاته كشششششخه + مانجو عنده ساعات


س>>من احسن حنايه؟ ابي حنه تصبغ مو بس يومين وتطير

زبيده .....................

س>> تصوير الفيديو "الوان الخليج او مريم الفلبينيه ؟؟

اعتقد مريم الافضل على حسب الكلام

دوحاااااااااااااانيه .........


حبيبتي سوي فستان كشخه او لبسي من الي فصلتيهم بس لازم يكون يبين شوي فهمتي قصدي؟؟ يعني يكون فيه قصات او حركات .......... من حقج تفرحين بزواجج ولاتحطين دي جي بس حطي ميوزك هااااديه عشان تسوي جو شوي ............ الحين شنو ناقصج تجهزينه قوليلنا بنساعدج ولايهمج ............ حطي اللسته وحبه حبه بنساعدج ............ :)

دوحانيه
مشكوره يالغاليه
والبنات ماقصروا ور ييسر لج امورج وان شاء الله تكون احلى حفله


الحلم الهادي
يعني احجز من؟؟ زبيده ولا سوده؟؟


بنت لغالي
يعطيج العافيه ماقصرتي




بنات ابي اعرف سميره بشنو تحف البطن والظهر ؟؟ وبكم؟؟؟

سحابه...زبيده غالبا تكون مشغوله ...وحناها حلو مثل سوده ...اذا لقيتي اي وحده فيهم توكلي على الله :) ترى كل اللي في المحل شطار لا تحاتين

مشكوووره ،،

هلا قايزات

اخباركم

العنود ..
اممممم وين مكانه صالون ريتشي واذا عندج رقمهم ممكن تطرشينه لي
انا اللي اعرفه صالون روش اللي بالغرافة


دلوعة فكرتج حلوة .. باطرش لج بالخاص ..

-%-عذاري-%-
الله يوفقج ويتمم عليج يا رب
الحمام المغربي عندج نعيمة في حلا
تنظيف البشرة مدري ويا ريت البنات يعلموني


برنسيسة قطر ..
في محل شفته عنده قمصان نوم واسعاره زينه عند سناء


فديت الدوحه
هلا والله زين انج بديتي العناية بالبشرة من اللحين مب نفسي لي يومج اتكسيل اسوي شي

مريم الفلبينية مدري صراحة ولا مرة شفت شغلها
اكثر شي هل الايام كريستال والوان الخليج



بنات اللحين حناء زبيدة مضمون انا وايد محتارة اخذ زبيدة ولا نسرين امممم زبيدة اخبر حناها ما يصبغ !!


سحابة امس شفت في الحياة بلازا حلقات في كذا مكان روحي شوفي
وشقررتي بالنسبة لليلة الحناء ساري ولا جلابية ؟
العبايات عندج داري بالحياة بلازا


بنت الغالي
ولكم باك ..
ومبروك على النك الجديد


دوحانية ..
البسي فستان كشخة من اللي خيطتيهم
والله يتمم عليج ويعوضج خير يا رب

امممممم نسيت ارد على الحلم الهادئ
سميرة تسوي 8 جلسات ب 600 ريال
تجيج تحط حمام زيت على شعرج مساج سريع وتروح
بس كل مرة تحط شي غير
وشعري اقدر اقول انه نوعا ما تحسن عليها بس ما كملت عندها ال 8 جلسات

حلا قطـــــــــــر..........


قبل اسبوعين حضرت خطوبه وكان الدي جي من عند دلال قطريه بس صج كان واو ......... وهي بعد تمسك مايك وتعلق عالي يرقصون يعني تسوي ربشه ..........

مساء الخير ..

شكراً على ردودكم .. و جزاكم الله خير ..

..

بنت الغالي ..

اممم ما أقدر أحط موسيقى أو شي لأن مب عدلة .. : )

مشكلة أنا مفصلة فستانين .. واحد لثاني يوم و الثاني للهدية .. ما أعتقد إنهم يصلحون ..

و بخصوص تجهيزي .. تقريباً خالصة بس عندي شغلات أبي أزيدها ..



..

سحابة حب ..

اممم هي أصلاً تشقر الجسم قبل , ففي مناطق تتشقر و اللي ما يتشقر أعتقد و الله أعلم تشيله

بالعسل مثل ما قالت ..

..

حلا قطر و كلاسيك ..

ما قصرتوا .. بس مثل ما قلت حق بنت الغالي .. انا مفصلة فستانين بس ..

..

حلا قطر ..

أنا يوم خطوبتي جبت دلال .. و صج صج ربششششة و هي لا شافت الناس مشتطين و يرقصون و جذي .. تندمج معاهم و تعلق .. يعني تسوي جو ..

..

أم حمد القطرية ..

اي هو لازم في ضيافةعلى الطاولات و جذي .. بس لأن لين الحين ما تحدد التاريخ بالضبط ..
فما حجزت شي ..

..

بالنسبة لتجهيزي ..

خالص إلا شوية ..

ابي جواتي و نعل الله يكرمكم زيادة على اللي عندي ..

ملابس للزيارات و حركات كشخة .. بعد ابي زيادة ..

إحتمال أروح البحرين .. بآخذ الذهب من هناك + اللي قاصرني .. فإذا تعرفون محلات أو مجمعات قولوا لي عنها ..

ووو بس ..

..

اممممم اي صج ترى فلنسيا اللي في المرخية مسوي خصومات حلوة على الجواتي عنده .. التشكيلات فيها الجديد و فيها شوي قديم .. كنت ماخذة من عنده جوتي .. بـ 300 وشي الحين بـ 100 وشي ..

بعد .. للأسنان .. في معجون اسمه pearl drops .. يا بنات هذا معجون يبيض الأسنان .. انا من زمان كنت أستخدمه بعد ما أفرش أسناني بأي معجون و لاحظت الفرق على أسناني ..
تستخدمونه مرتين في اليوم لمدة 3 أسابيع .. بس صدقوني نتيجته بتبين مع أول إستخدام بتحسين بالفرق شي بسيط بس لا استمريتي عليه بيبين أكثر .. و بينفعكم يا عرايس ..
تلقونه في الجمعيات ..

الله يوفقج دوحانيه .. وييسر امورج انشالله ..

وسوي اللي قلتي عليه
وانا برايي تلبسين الفستان الابيض اللي كنتي بتلبسينه ...
وتوكلي على الله ..

والله يوفقج انشالله ... ويهنيج مع زوجج ...

اما عن البحرين .. مجمعاتهم معروفه
السيف بس تراه وايد اغلى من السيتي عندنا ممادري ليش ؟
العالي
الدانه
اللولو


هاي اللي في بالي الحين ..

غير جي عندج شارع البوكواره يمدحونه حق العبي والجلابيات
وفي محلات في مدينة حمد حق الفساتين ...


واسمحيلي عالقصور ..



اما اللي اسألوا عن زبيده

اقوللهم .. ر وحوا لها على ضمانتي .... :)




وبالتوفيق للكل انشاله ...

هلا والله بالجميع وحشتوني


هلا دوحانيه انا من رايي تلبسين فستان العرس اللي سويتيه توكلي على الله لان له طعم ثاني حتى لو كان العرس عائلي ومافي موسيقى ماتتخيلين له واقع خاص في القلب والذكرى
الله يتمم لج على خير والحي ابقى من الميت يارب تتهنين في حياتج الزوجيه .

مشكورين خواتي ..

و جزاكم الله خير .. شوركم و هداية الله .. : )

دوحانيه البسي فستانج الابيض ووزعوا على الناس اشرطة دينيه تكون مغلفه بشكل حلو ويكون ثوابها لابوج الله يرحمه وحطيلج زفه بس حطيها اسلاميه واقعدي على كوشتج ويبو طقاقات بس طق اسلامي واللله انا حضرت عرس كان طق اسلامي وكان حلو واتحسين ان البركه فيه احسن لج من الموسيقى والدجي الحرام والله يوفقج بس لازم تنزفين وانا حضرت عرس كان بعد وفاه وكان مرتب بس مادخلو المعرس امكن تسوين نفسهم بس الزفه لازم تنزفين ابوج الله يرحمه بيستانس اذا انتي انزفيتي والله يوفقج

ارجوكم بنات بلادي باقي على عرسي كم اسبوع بس ولحين ماحصلت وحده تحف حلاوه مصريه انه ابي جسمي كامل مع المنطقه الحساسه تدرون عروس ماعرف ارجو الرد بسرعه ولاتحرجوني ؟؟؟؟؟؟؟؟؟

دوحانيه ترى سوي مثل ماقالوا البنات واحسن الله عزاج يالغاليه

الجوري انا عندي رقم ثنتين يحفون بطرشهم لج وشوفي اسعارهم

بس سمعت سميره وااااااايد يمدحونها لكن ماعندي رقمها والصراحه ابي رقمها

لأني ابيها تعتني بشعري من الحين

مشكوره حبيبتي بس شلون حلاوتهم انشاء الله جربتيها
تنظف واللا
وبالنسبه حق ذيك المنطقه يسووون واللا مايرضون

فديت الدوحه ارسلي لي ارقام الي يحفون حلاوه مصريه ولاعليج امر حبيبتي.........

حلاقطر ولايهمج باخذ رقم دلال وارسله لج او دوحانيه ترسله لج ..............

الجووري ........لازم تتعلمين تحفين المنطقه بتتوهقين لين عرستي ............

كلاسيك :) مشكوووووووره على الرد شجعتيني باتصل لها ...والسعر وايد زين...لاني كلمت صالون عشان يسوون لي جلسات وطلع ال5 جلسات ب 600 واذا بيسون لي بالبي بيطلع بالف !!! شدعوه عاد !!

اهي بتجي البيت وبهالسعر و 8 جلسات يعني وااااااااايد احسن :) وانشاء الله يتحسن شعري انا بعد مثلج

عساها بس تجي وتعبرني :) على فكره حنا زبيدة تصبغ عدل ..شخصيا جربتها وايد وحناها وايد اوكيه مع ان يدي من النوع اللي مايصبغ عليها اي حناء بس حناها هي بالذات "ذا بست" :)