الجزء الســـ6ـــادس من تجهيزات عرايس قطــ2006ـــر

مشكوووره الغاليه
ماابي اروح حق دكتور خلاص تعقدت من الكرستال اللي خرب ويهي
بس الحين صايره اشرب وايد ماي واحط كريم البودي شون"فيتامين هـ
والحمدالله ويهي مافيه حبوب بس اقول لج صاير ناشف من عقب الكرستال

بخصوص الروب انا ودي احط على ويهي روب وعسل يقولون زين بس اخاف
لأن مابقى شي عالعرس .

سحابة حب حبيبتي الروب لو مانفعج مب ضارج ........... روب وعسل طبيعي عادي بس عشان الجفاف.......... اذا عندج زيت زيتون طبيعي او زيت لوز دهني ويهج قبل النوم ...........هالشيا مب ضارتج صدقيني اهم شي ويهج ينووووووور يوم العرس.......... والجفاف بيبين لازم تعالجينه بطرق طبيعيعه وسهله

خايفه يضرني

لأني سمعت ان الروب يطلع كل الحبوب اللي تحت الجلد
بس الحمدالله بشرتي صافيه

انتي مجربه تحطين ماسكات على ويهج؟؟

ابي شي مجرب

انا مجربه وايد بس مابعطيج ماسكات انتي تقولين ويهج ناشف .........يعني قصدج متقشر ولابس ناشف ؟؟

سحابه
شنو الكرستال الي تقولين هنه نشف ويهج؟؟تقصدين التقشير الكرستالي ولا شنو؟ووين استخدمتيه

واذا كنتي تقصدين التقشير الكرستالي هاي شي طبيعي يتعب البشره لفتره علشان جيه الدكتور لما بيسوي لج التقصير يقولج ابتعدي عن الجو الحار والشمس لانها تضر
وعلشان جيه سحابه احنا نقول اي وحده تبي تسوي اي شي لشعرها او الوجه والجسم لازم تسوي قبل العرس بشهور علشان تبين النتيجه في الوقت المحدد وحتى بعد لاسمح الله اخترب شي يكون عندج وقت تعدلينه
واذا على الجفاف استعملي كريمات الترطيب او كريمات الليلل والنهار ترا وايد اوكيه

سويت تقشير كرستالي عند دكتور اللي يستر علي "وكنت التزم واحط الكريمات اللي عطاني اياها
ويهي من كثر ماهو ناشف لما احط كريم احاس يبين متقشر
رحت حق الدكتور نفسه وقال لي اتم استعمل الكريمات اللي و عطاني اياها للكرستال
بس انا خليتها لأنها اصلاً كريمات تقشير .. وبس تميت احط بروحي على ويهي كريم مرطب مال البودي شوب

:(

زين اعطيج شي تجربينه مره وحده ........ودى الجفاف من ويهي ...............


ملعقة روب + ملعقة زيت زيتون + ملعقة زيت اللوز + قطرة بيبي اويل


جربي هالماسك مره وحده مب ضارج ................تقدرين تستغنين عن واحد من الزيوت لوماعندج ...

مشكووره
بحاول بكره اجربه >> يالله بسنا سوالف

بس يايت لو تجاوبووني على اسألتي اللي سألتها مرتين بالموضوع ومحد رد عليّ
:( مع ان الاسألأه بخصوص التجهيز

فديت الدوحه
العفو الغاليه احنا خوات
وعن رقم احلام وذكريات للاسف ماعندي


مجنونة قطر
صح كلامج كللللل شي هناك ارخص ارخص بوااااااااااااااايد
يعني العروس الذكيه هي اللي تجهز من هناك وتوفر وبنفس الوقت تاخذ الاحلى والمميز


نور قطر



بنت الغالي
مع ويهج كنت ابي اطرشلج عشان اقولج عن تغيير النك خفت اقوله هني يعتبر سوالف


بنااااااات انتبهوا لاحد يسولف ترى عندنا فترة اختبار لمدة اسبوع لاتنسووووون


سحابة حب
الشغابات تلقينها في لالون اللي فاللاند بس غاااالي مايسوى

العبي اذا تيبن اشيا عاديه شوفي سوق فالح

الجينزات مانجو


بنت قطر
سوري عاللقافه بس زبيده اللي في هيلتون
اللي فالفنون نسرين


الفيديو اتوقع الوان الخليج احسن لان كريستال مايمدحون تصويره الفيديو






بنات ياويلكم لاتسولفووووووون خفوا شوي

انشالله محد بيسولف وبلتزم بالقوانين :)


سحابة حب كتبي اسالتج مره ثانيه حبيبتي

هلا بنات :) وحشنا الموضوع والمنتدى ويلكم باك كلكم

سحابة...الشغابات ماعرف والله....العبي عندج سوق الاحمد فيه شغل حلو بحدود 200 و 450 للموديلات البسيطة وسوق فالح البنات كلهم يمدحونه بس ماشفته

بالنسبة للجنزات...عندج زارا تشكيلته كبيرة صوب الملابس السبور ...وعندج "موتيفي" يجيب تنانير وبناطيل جينز وايد وبشكل ثابت في كل كولكشن........وروحي دبنهامز اكيد بتحصلين بعد

موفقين يابنات كلكم :) وسلامي للكل بدون تحديد عشان لاحد يزعل

دلووعه قطريه
ثاااااانكس

بنت الغالي
بكتب لج الاسأله .. انتي تامرين

الحلم الهادي
ولكم باك ياحلوه
ويعطيج العافيه عالرد


..أسألتي ..
س>> وين احصل حلقان كريستال كشخه ؟؟
س>> ابي اسم محل عبايات مو كشخه حق عرايس .. ابي موديلات بسيطه حق كل يوم
س>> وين أحصل جينزات حلوه؟
س>>من احسن حنايه؟ ابي حنه تصبغ مو بس يومين وتطير
س>> تصوير الفيديو "الوان الخليج او مريم الفلبينيه ؟؟

حناية - زبيدة "الاختيار الامثل للعروس"
نسرين "الاختيار الثاني" صالون الفنون في شارع النصر

وحنا زبيدة تصبغ بسرعه ولونها حلو انا مجربتها اكثر من مره وخلاص صرت ماروح لحد ثاني لان شغلها ممتاز ...مب رحاب اللي قاصين علينا فيها حناها يحرققق ومايصبغ يتم برتقالي يلوع الجيد :( وبسرعه يطير

هذا رايي :)

الفيديو اسمحيلي مادري والله :) اكيد البنات بيفيدونج

مشكووره عالرد
زبيده اللي بالهيلتون؟

صباح الخير ..

هلا دلع (( دلوعة قطرية ))

الله يسلمج .. على آخر شهر سبعة بإذن الله باسوي عشا عائلي .. و عقب باسافر ..

..

سحابة حب ..

اممم بالنسبة لأسألتج ..

سوق فالح عندهم موديلات للعبي و شغل ناعم يعني شي عملي ..

أما الجينزات .. شوفي سبلاش و زارا و مانجو ..

الحنا .. أرشح لج نسرين .. و على ضمانتي ..

تصير الفيديو .. ألوان الخليج ..

..

بنات اللي تبي تسوي تنظيف بشرة تروح حق دكتور خالد البياري .. يمدحون التنظيف عنده ..

..

و أنا جاتني سميرة يوم الخميس .. و أكتشفت بصراحة إذا ما قلتي لها عروس بتهتم فيج لكن مب مثل لو قلتي لها إنج عروس .. و بتجيني على آخر شهر 6 بإذن الله ..

..

بنات بليز , ساعدوني أنا متوهقة شوي ..

الله يسلمكم الحين أنا باسوي عشا مب حفل بيكون في قاعة إن شاء الله عشان خاطر أمي بس .,, عاد الترتيبات و غيرها ما أعرف شاسوي .. شالبس شاسوي شارتب ... الخ .. مع العلم إن ما بيكون فيه أي موسيقى أو دي جي أو مادري شنو ..

: ( لا تطنشوني بلييييييز .. ما عاد عندي وقت ..

تصدقون ابي ارجع أكمل تجهيز و مااااالي خلق .. لا تنسوني بنات بدعائكم في ظهر الغيب إن الله ييسر لي .. محتاجة لدعواتكم :"(

الله يوفقج دوحانيه ويسر امورج كلها يارب
بخصوص حفلة العشا البسي فستان العرس لان كلها مره وحده بتلبسين فيها الفستان الابيض عادي واذا ما ودج البسي فستان كشخه وشوفي لج كوشه نعومه ونسقوا الطاولات والله يوفقج انشالله

صباح الخير بنات دار التميمي

الصراحه شجعتوني على التقشير وان شاء الله بسويه ...

وترى حناء زبيده ماعليه كلام خاصه حق العروس تحنيج نقشات يديده غير عن خواتج واهلج اللي تحنوا عندها وهي تشتغل في صالون هيلتون

انزين بنات ماعليكم امر ابي رقم سميره وصج هي تسوي كورسات حق الشعر ؟؟؟

سحابة...ايه زبيدة اللي بالهيلتون وكل الحنايات هناك فللله وخاصة وحده اسمها "سوده" نقشتها حلوه ونفسيتها حلوه

دوحانية...الله يسهل لج امورج يارب ويسعدج ويهنيج ويبارك لج...آآآميييين

في العشا اللي بتسوونه لبسي فستان العرس عادي وكوشة بسيطة والناس بتبارك وتتعشى وخلاص دام مافيه موسيقى او ديجي ماعتقد بيطولون يعني حاولي تجدمون العشا ماتتاخرون فيه ...والله يوفقج يالغالية


بنات ...امس كنت حاضرة خطوبة...ومكياج العروس مسويته "نجلاء عبيد" رووووووووووووووووعه روعه روعه صج فنانه ...حبيت اقول لكم اذا حد حاجز عندها تراها فنانه من قلب !

فديت الدوحه...والهل نفس سؤالي عن سميرة...خاطري اسوي كورسات حق شعري بالبيت بس ماعرف حد لهالموضوع ويكون مضمون شغله

اللي جربت شغل سميرة على الشعر ياليت تشرح لنا بالتفصيل اهي شتسوي وشكثر تاخذ وقت وشكثر تطلب على الكورس كم جلسه وكل جلسه بكم؟

دوحانيه الله يوفقك ويسعدك
خلاص خليه عشاء بسيط بس لازم ضيافه قهوه وشاي على الطاولات وموالح صغيره
ويمرون عليهم بالحلو
وبعدين الناس تتعشى من البوفيه
حطي شوي ورد على الطاولات