تجهيزات أحلى عرايس مصر - الجزء الرابع

بالنسبة للشعر فانا معاكم انه بجد مشكلة كبييييييييييييييييييييرة
انا شعري فتلته ناعمة بس لا ينفع يتسيب ولا يتعمل ديل "دونكي" حتي فكرت افرده لاني كنت زهقانة منه ومهما الواحد لبس وعمل من غير الشعر مايبقي حلو منظره مش بيبان
رحت فردته باعشاب عند واحدة اسمها مدام فوزية بتسود الشعر بس بتنعمه طبعا انا من ساعة ماتجوزت مهتمتش بيه ابدا ابدا اتهري غسيل ودة بينشفه وبيوقعه مكدبش عليكم هو كان بيقع شوية بس يمكن من قلة اهتمامي بيه اوانعدام اهتمامي بيه بس كان مريحني بغسله وبسيبه لا لف ولا تعب
صدقوني مش هينفع واحدة تنام جنب جوزها وهي لافة شعرها طاقية والبنس طالعة من كل حتة صعب صعب صعب
اللي شعرها نص نص تقصه احسن عشان يبقي عملي معاها وممكن تبقي تلمه كحكة ولا حاجة لحد ماينشف او تنشفه بهوا السشوار
وبرضو مش هينفع السشوار لانه ممكن يتغسل كزا مرة في اليوم
بس اهتموا بيه وبالغذاء اهم حاجة

قلب العصفورة:

صدقوني مش هينفع واحدة تنام جنب جوزها وهي لافة شعرها طاقية والبنس طالعة من كل حتة صعب صعب صعب

يا سلام يا بنتى أنت قلتى اللى فيها فعلاً مستحيل موضوع اللف دة ولا مليون إيشارب مهما كان شكله حلو مستحييييييييييل
طيب ممكن تبعتيلى نمرة مدام فوزية دى وقوليلى يا عصفورة الشعر الجديد لما طلع مش شكله وحش من الجدور ولا ايه النظام؟؟؟

انا اسمى يا قلب العصفور دينا بس انا داخله باسم دودى



الف شكر على الرد انا قاعه الفرح بتاعتى فى مدينه نصر تفتكرى ادور على اى استديو فى مدينه نصر ولا اروح اشوف اللى فى مصر الجديده



هو اسعار تاجير الفساتين ايه من المحل اللى انتى اجارتى منه




ازيك يا جوريه عايزه اسالك هو ايه الشامبو اللى بالكونديشينر ده اول مره اسمع الاسم ده والاقيه فين وبكام






وعايزه اسالكم حاجه يا بنات انا كنت عايزه اجيب زيت كليبوترا لان عارفت منكم ان الشهر ده نازل عليه عرض




بس انا كنت عايزه اجيبه واشيله لجوازى بس انا انشاء الله فى نصف 8 تفتكره يحصله حاجه ولا ايه

vetdodyبصي يا حبيبتي زيت كليوباترا لتطويل الشعر دي مكوناته انا مش فاكراها بالظبط بس تقريبا خلطه زيوت زي زيت خروع وزيت سمسم وزيت بذره القطن وطبعا الخروع بيتقل الشعر والسمسم بيدي لمعان لبصيله الشعر و زيت بذره القطن مغذي للشعلا اما زيت كليوباترا لمنع التقصيف مش فاكره تركيبته بس عموما هو الزيت مش محتوي علي اي كيماويات يا حبيبتي دي مجموعه زيوت طبيعيه يعني مش بتبوظ الا بعد فترات طويله جدا جدا جدا يعني ما تقلقيش علي عكس المركبات اللي فيها مواد كيماويه دي اللي تقلقي منها و بصي عموما هو بينزل في عرض كل شهر تقريبا يعني لو مقلقه اشتريه في الرموشن بتاع الشهر اللي قبل فرحك ولو خايفه متلاقهوش اشتريه دلوقت وشليه مش حيحصل له حاجه ولوعايزه شعرك يطول استعمليه من دلوقت والله انا شعري طول شبر في مده تلات شهور تقريبا وده نتيجه هايله وانا مرتحالها والزيت ريحته حلوه جدا :shy: وو الله دلوقت مفيش لا تقصيف عندي ولا هيشان وشعري بطل يوقع خلاص

وعموما قبل ما تشتري بصي علي الصلاحيه او اتصلي بالموزع واسألي علي صلاحيته الشركه ادري برضه:shy:

[frame="2 80"]dalida_palac
vetdody
قلب العصفورة
cat2006
JEWAYRYA
Softrose
مارو_82e
Hanya[/frame]
اني احبكم في الله :shy: (w) (w) (w) زهره لكل واحده فيكم (f) (f) (f) (f) (f) (f) (f) (f)(r) :flower: :flower: :flower: :flower: :flower: :flower: :flower: :flower: :yes: :up: :clap: :clap: :clap: :clap: :clap: :clap: :clap:

وانا كمان بحبكم فى الله وبحس ان كل واحده فيكم زى اختى بالظبط

ازيكوا يا بنات بقى كدا محدش يسئل كنت تعبانه بقالى يومين سخنيه غريبه مجرد ما مفعول خافض الحراره يروح اسخن تانى ادعولى
هانيا شكرا قوى على الفايل المفيد الى بعتيه و ربنا يجزيكى خير

والله يا نونا الشعنونه كنت لسه داخله ابعتلك رساله علي الخاص اطمن عليكي والله الموضوع كان مضلم من غير ويا ستي أسأل الله العظيم رب العرش الكريم ان يشفيكي شفاء لا يغادر سقما ابدا
(f) (f) (f) :flower: :flower: :flower: :flower: :flower: :flower: :flower: بوكيه الورد ده علشانك
[frame="2 80"] اني احبك في الله[/frame]

هانيا جزاكي ربي خير يا حبيبتي علي الملف :shy:

amt-allah
بجد أنتى بنوتة كلك ذوق ورقة وأنا كمان بحبك وبحب كل البنات فى الله


نونا
سلمتك معلش إحنا ملبوخين بس سلامتك ألف سلامة يا قمر

دينا
عاملة اية فى الامتحانات

قلب عصفور
متنسيش يا قمر تبعتيلى بيانات مدام فوزية

بنات
روحوا الهى وانت جاهى تبقوا أحلى عرايس

جزاك الله خير يا داليدا انا اصلا سبحان الله مفكرتش فحاجه غير الروز لان انا كمان بحبه انا يا ستي مش هعمله بحجاب لاني مش عملاه ختلط ان شاء الله انا بفكر فالايفازايه على خفيف وربنا يسهل

amt_allah حبيبتي بجد جزاك الله خير على تعبك معايا وربنا يكرمك والله يا بنتي انت تستهلي مني بوكيه حقيقي بصي يا ستي انا بالنسبالي اللون اللانتي قصدك عاليه ده الليلا عاوزه اقلك ان انا معظم لبسي اللون ده وقوضة نومي مبيضاها اللون ده والناس كلها زهقت مني من كتر ما بستعمله فكنت عاوزه اغير علشان الناس تحس اني مختلفه شويه بالنسبه للصور ما شاء الله جميله اول موديل وتالت موديل تحف وبالنسبه للموديل انا ان شاء الله هيبقى الشبكه مع العقد حتى بالمناسبه كنت عاوزاكي تقوليلي عملتي اايه يومها لاني مش عارفه اظبطها خالص النساء فالمسجد ولا فالبيت وانا هنزل امتى واجع امتى مش عارفه حاجه ومش عاوزه ابين قدام ماما لانها مش موافقه على الفصل وانا محتاسه خالص

نونا
اللهم اشفها انت الشافي لا شفاء الا شفائك شفائا لا يغادر سقما انا ااسفه جدا معاكي حق تزعلي مني بس انا مش عارفه والله يا بنات اقعد زي الاول عالموضوع لان انا لغاية دلوقتي لسه محددتش معاد العقد بس مكن يكون فاي وقت ممكن يكون الشهر ده فادعولي بالله عاليكم يا بنات لاني مزنوقه جدا ونفسيتي بقت زفت وتخنت ومش عارفه اتصرف فاي حاجه وحاسه اني مش لاحقه اعمل اي حاجه

دودي انا بعد كده هقلك دودي بقه لاني بحب الاسم ده الكونديشنر ده هوه البلسم وطبعا موجود من كل الانواع بس انا بالنسبالي بستعمل هيربل ايسينسز لان ريحته تحفه والوكونديشنر بيخلي ريحت شعري بجد خطيره وبستعمل اللهوه بالكيوي والافوكاد الللونه موف او ليلا شويه او البلاعشاب وكمان الكونديشنر بتاع دوف حلو جدا بينعم الشعر خالص وريحته كمان جميله وجربت فتره بتاع بانتين برده كان تحفه وريحته جميله

صباح الفل علي عيونكم ياقمرات
دلوقتي دندون كانت بتسال علي سعر ايجار الفساتين انا كنت مأجرة في شهر 9 ب500 بس انتي لازم تفاصلي بس لو موسم مش هتنزلك كتير بس لازم تفاصلي مع اي محل مش دة بس
وهما بيدوكي الطرحة والجيرب
بالنسبة للاستديو فيه مذا فرع لكادو وفيه استديو في مدينة نصر في الحي السابع عند مصر والسودان دة اصلا الاستديو المفضل لي كل ماحب اتصور اروحله عشان قريب مني ممكن برضو تتفرجي علي صوره واضاءته بنفسك عشان تقرري لان كل ماكان قريب مالقاعة يبقي احسن

داليدا حبيبتي كنتي بتسالي عن مدام فوزية انا هقولك علي التجربة كاملة زي ماحصلت معايا بالظبط
اولا الاعشاب دي بتسود الشعر ومينفعش تصبغي معاها ابدا..
لازم قبلها تبقي كاوية شعرك وتروحيلها تحطلك الاعشاب وتلفي شعرك طاقية لحد ماتنشف في الغسيل متعبة جدا جدا لازم حد يغسله له بالرااااااااااحة خالص لان الاعشاب بتكون ناشفة عالشعر عشان تشوفي نتيجة حلوة لشعرك يبقي ممكن نقول بعد 3 اسابيع بعد ماللون يكون نزل من شعرك خاااااااااااالص والريحة تكون راحت بعد كدة بقي يبقي شعرك طبيعي جدا وجميل
بس لاززززم تغذيه زبادي وحمامات كريم وكدة
انا شعري كان طويل شوية عملتلي ب 130 تقريبا وبصراحة ناوية اروحلها تاني لان جزور شعري طولت بس بعد الولادة ان شاءالله.

فيه علي فكرة حاجات من دي كتييييييييير عند الكوافيرات...يعني في شركة اسمها دكتور بيوتي دي منتجاتها كلها طبيعية وناس كتير جربوها عندهم حاجة كدة برضو لفرد الشعر واحدة لون بني وواحدة اسود ممكن تكلميهم وتساليهم بس انا معيش رقمهم والله بس ممكن ممكن احاول اجيبهلك
انا حبيت اقولك التجربة بصراااااااااااااحة شديدة وربنا يحاسبني لو كنت خبيت حاجة اوحش حاجة فيها بس غسيلها بس انا شايفة تعب كم اسبوع وراحة شهوووووووووور
استخيري وقرري وانا معاكي ان شاءالله

الف الف سلا مه عليكى يا قمر معلش يا نونا انتى عارفه الامتحانات واللى بتعمله فى الناس



جوريه انا مش بحب استعمل بلسم هو مفيش شامبو تكون راحته حلوه وتفضل فى الشعر مده طويله




قلب العصفور انشاء الله انا لما اخلص الهم اللى على قلبى ده هروح واشوف الفستان وكمان الاستديو



انا هخلص الامتحانات يوم 30 هبدء انزل واشوف الفستان المشكله انى كمان هبدء التدريب يوم1 واخلص قبل فرحى باسبوعين



شيفين يا بنات الزنقه اللى الواحد فيها ربنا يستر انا مش عارفه ازاى كل يوم اروح التدريب وبعدين انزل علشان اجيب الحاجات اللى ناقصانى واللى تقريبا كل حاجه ناقصانى فاضلى حاجات كتيره جدا



ربنا معانا كلنا

قلب العصفورة:
داليدا حبيبتي كنتي بتسالي عن مدام فوزية انا هقولك علي التجربة كاملة زي ماحصلت معايا بالظبط
اولا الاعشاب دي بتسود الشعر ومينفعش تصبغي معاها ابدا..
لازم قبلها تبقي كاوية شعرك وتروحيلها تحطلك الاعشاب وتلفي شعرك طاقية لحد ماتنشف في الغسيل متعبة جدا جدا لازم حد يغسله له بالرااااااااااحة خالص لان الاعشاب بتكون ناشفة عالشعر عشان تشوفي نتيجة حلوة لشعرك يبقي ممكن نقول بعد 3 اسابيع بعد ماللون يكون نزل من شعرك خاااااااااااالص والريحة تكون راحت بعد كدة بقي يبقي شعرك طبيعي جدا وجميل
بس لاززززم تغذيه زبادي وحمامات كريم وكدة
انا شعري كان طويل شوية عملتلي ب 130 تقريبا وبصراحة ناوية اروحلها تاني لان جزور شعري طولت بس بعد الولادة ان شاءالله.

فيه علي فكرة حاجات من دي كتييييييييير عند الكوافيرات...يعني في شركة اسمها دكتور بيوتي دي منتجاتها كلها طبيعية وناس كتير جربوها عندهم حاجة كدة برضو لفرد الشعر واحدة لون بني وواحدة اسود ممكن تكلميهم وتساليهم بس انا معيش رقمهم والله بس ممكن ممكن احاول اجيبهلك
انا حبيت اقولك التجربة بصراااااااااااااحة شديدة وربنا يحاسبني لو كنت خبيت حاجة اوحش حاجة فيها بس غسيلها بس انا شايفة تعب كم اسبوع وراحة شهوووووووووور
استخيري وقرري وانا معاكي ان شاءالله

عصفورة الأمورة يا ستى متحرمش منك على ردك الوافى ده بس كنت عايزة أسألك ملهاش أتثر خالص على الشعر يعنى مش بتتعبه خالص أنت قلتى أنك شعرك بيقع بس دة يمكن من الحمل بصراحة أنا بفكر فيها جداً والموضوع دة هيحللى مشاكل كتير أنا زى ما قلتلك شعرى حلو الحمد لله بس لازم لف وطبعاً مش ممكن ألفه ادام جوزى مستحييييييييييييييييييل وأنا عارفة أنك نقلتى تجربتك صح بس معلش قوليلى يعنى أنت كنت تغسلى شعرك وتحطيلة سيريم وخلاص على كدة لا لف ولا حاجة خالص حتى وهو مبلول وسؤال كمان ممكن وأنا عماله الأعشاب لو حبي اسشورة و أعمله فير عشان التغيير يعنى ولا مش ممكن؟؟
معلش أنا عارفة أنى زهقتك بأسئلتى بس أنت طيوبة ويا رب تقومى بالسلامة وتجيبى أحلى نونو إن نشاء الله

JEWAYRYA:
جزاك الله خير يا داليدا انا اصلا سبحان الله مفكرتش فحاجه غير الروز لان انا كمان بحبه انا يا ستي مش هعمله بحجاب لاني مش عملاه ختلط ان شاء الله انا بفكر فالايفازايه على خفيف وربنا يسهل

جزانا ربنا وإياكى كل الخير يا جويرية أنا بجد يا حبيبتى بموووت فى الروز وبحسة لون رائع رقيق ويشد النظر فى نفس الوقت بحس والله البنت وهى لابسة أى حاجة روز كأنها وردة الايفازية دة أحسن شئ أنا بحبة رائع ويسحب الجسم ويدارى أى عيوب وينفع لكل الأجسام استخيرى الله ثم توكلى عليه وإن شاء الله تكونى أحلى عروسة

بس كنت حابة أسألك أنت لتى أنك عملتى حيطان أوضتك اللون اللى أمة الله قالتلك عليه دة اللون الطوبى تقريباً قوليلى إيه رأيك فيه ويا ترى حستيه ضيق المكان أنا كمان بفكر فيه لأوضة النوم إن شاء الله ومتحرمش منك يا قمراية

JEWAYRYAا بصي يا حبيبتي انا مشكلتي ان الش بكه كانت مختلفه عن العقد بصي يا ستي انتي تروحي تتفقي مع الكوافير اللي انتي حتعملي عنده وبتكوني من قبلها عارفه ميعاد العقد حيكون امتي عشان تبقي عارفه حتخلصي امتي والافضل ده في نظري انك تكوني في نفس المكان اللي حيتعقد فيه يعني لو العقد في المسجد يفضل تكون النساء كمان في المسجد عشان صدقيني وانتي بتسمعي العقد وهو بيتم ده احساس تاني خالص و لو انتي عايزه تكوني في البيت يبقي افضل العقد كله يكون في البيت بس المسجد افضل عشان مكان واسع تقدري تعزمي اللي انتي عايزاه وصحابك كلهم وقرايبك يكونوا حواليكي كمان عشان لما تمضي وتبصمي تبقي قريبه من مكان العقد واحد من الرجال حيدخل خالك باباكي ويمضيكي ويبصمك وطبعا كفايه الصلاه اللي بتكون جماعه قبل العقد انتي لازم تكوني متوضيه قبل حط المكياج خلي اخر حاجه عند الكوافير المكياج وطبعا بعد العقد العريس بيدخل يشوفك وتركبي العربيه معاها وتتفسحم شويه وفي النقطه دي البيت بيكون افضل لانك ممكن تدخلي وتغيري لبسك وتلبسي لبسك العادي عشان تتفسحي وانتي مرتاحه او لو في المسجد اجلي الفسحه لتاني يوم عشان تكوني لابسه براحتك الفستان شويه حيأيدك والكاب كمان الغطا اللي حتلبسيه فوق الفستان انا عقدي كان في البيت عشان بابا كان مسافر ووافق قبل سفره بيومين و شرط ممنوع النزول فيوم العقد خد اخواتي معايا عشان نتفسح :angry: المهم لو حيجي العريس ياخدك من عند الكوافير متزعليش مني بس ده الصح ان لازم حد يقعد ما بينكم ورا عشان لسه حيكون مبقاش جوزك او هو يسوق وانتي تقعدي جمبه عشان المسافه ما بينكم و بصراحه المسجد ليه مميزات والبيت كمان يعني في السمجد صعب عمامك وخيلانك يدخلم يشوفوكي علي عكس البيت بصي الافضل تتستخيري وتتكولي علي الله يا حبيبتي وان شاء الله تكون ليله حلوه و تبقي احلي عروس انا عشان كنت منقبه وهو كان مشافنيش غير مره من شهر 9 لحد شهر 2 كنت مرعوبه معجبهوش بس والله سبحان الله الحاجه اللي انتي تراعي ربنا فيها قبل كلام الناس ربنا بيبارك فيها ويخليها احلي ليله في العمر استعيني بلله وتوكلي عليه

أمه الله ميرسى يا عرى على كلامك مع أنى أظنك قصدك على جويرية بس أهى خبرة ليا برضه إن شاء الله ويا رب تفضلى قمراية طول العمر فى عيون وزجك