تجهيزات أحلى عرايس مصر - الجزء الرابع

اما عن الدكتور هى كانت دكتورة بس مش فاكرة اسمها :shy:
هسأل ماما و اقولك

ايه رايكوا يا جماعه لو نعمل برنامج شهرى للعناية بالوجة والجسم
مش مهم كتر الماسكات بس المهم هو الاستمرار عليها
لانى كل واحده فينا تبقى ما شاء الله كلها حماس فى الاول بس وبعدين كان الله بالسر عليم

ميرسي ليكي يا اونا بس ياريت تساليلي عن الدكتورة عشان لو ليها مكان تانى بتعمل فيه ليزر اروحلها فيه لان المواعيد مش مناسبه ليه كمان جامعة القاهرة بعيدة لانى ساكنة فى ش الطيران - مدينة نص معلش ياجميل تاعباكى معايه

ياجماعه هو طقم الصينى لازم يكون غالى

انا لقيت 3 انواع واحد 2000و التانى 4000و التالت 6500

هم 3 حلوين بس احسنهم اللى 6500

لكن 3 حلوين

بس طقم الملاعق اللى عجبونى كانوا فوق 1500 وده كتير

اه رايكم

كات انا من رأيي تجيبى طقم ب 2000 ج لان الصينى مش حيطلع صدقينى واهتمى بحاجات تانية اللى حتظهر البيت زى المفارش والفازات والتابلوهات والكريستالات والفضيات بتاعة النيش ده اهم بكتير من الصينى وبالنسبه لطقم المعالق انا شايفة انه كتير عليه 1500 دورى حتلاقى ارخص فى واحد فى جنينة مول فى الدور الارضى بيتهيالى عنده اطقم معالق كويسة وارخص من كده

كات ياريت اعرف انتى حتجيبى الصينى منين لانى لسه برده ماجبتش

:clap: كات ياريت اعرف انتى حتجيبى الصينى منين لانى لسه برده ماجبتش

ازيكم يا بنات


عاملين ايه

مقدرش اوصفلكم انا اد ايه مخنوقه من المزاكره وكمان فاضلى شهرين على الجواز والامتحانات مقيضانى ولسه مجبتش حاجه



انا الوصفات الطبيعيه مش بتاثر معايا علشان كده بحب الحاجات الجاهزه احسن



كنت عايزه اسالكم هو ايه البيلنج ده



وكمان انا جاهله ديكور وكنت عايزكم تشاكونى برايكم لانى معرفش حاجه




تفتكرو يا بنات ايه الالوان اللى ممكن ادهن بيها شقتى وتعطى ايحاء بالوسعان وايه حكايه الحيطه الغامقه دى ومكانه بيباه فين



وكمان ايه الالوان الجديده فى العفش والحاجات دى يعنى ايه رايكم نعمل جزء خاص بالديكور

البيلنج عبارة عن تقشير و بيكون اما كميائى او باحماض الفاكهه

مارو
انا مش عارفة مكان العياده لان ماما كانت بتروح الجامعه زى ما قلتيلك
وبصراحة هى ديه اللى اعرفها و عن تجربة

ياريت فعلا يا VETDODY نعمل جزء خاص بالديكور بيتهيالى ده حيفيدنا كلنا واى واحدة عندها خبرة او صور من كتالوجات ممكن تتنفذ تحطها على الموقع , كمان كنت عايزة اسالكم عن حاجة هى مش تبع البنات هى بتكون على العريس بس بصراحة انا وخطيبى لسه بنشترى الاجهزة وبصراحة محتارين فى الانواع مشعارفين ايه كويس وايه وحش فياريت تقولولى لو تعرفوا ايه افضل انواع البوتجازات والغسالات والتلاجات والتليفزيونات كمان لو حد فيكم اشترى بوتجاز بيلت ان يقولى لاننا عايزين نجيب وكل اللى موجود فى السوق مستورد واسعاره غالية جدا

اونا ميرسي جدا لتعبك معايه بس معلش ممكن تجيبيلى اسم الدكتورة وانا ممكن اتصل بالدليل اجيب رقم تليفونها وعنوان العيادة , معلش ياجميل بس انتى عارفة الموضوع ده مقلق اد ايه وانا عايزة اخلص منه

:shy: اونا ميرسي جدا لتعبك معايه بس معلش ممكن تجيبيلى اسم الدكتورة وانا ممكن اتصل بالدليل اجيب رقم تليفونها وعنوان العيادة , معلش ياجميل بس انتى عارفة الموضوع ده مقلق اد ايه وانا عايزة اخلص منه

ياترى يا اونا البيلنج ده ايه مميزاته يعنى احنا نعمله ولا مالوش لزوم

:clap: ياترى يا اونا البيلنج ده ايه مميزاته يعنى احنا نعمله ولا مالوش لزوم

مارو_82:
ياريت فعلا يا VETDODY نعمل جزء خاص بالديكور بيتهيالى ده حيفيدنا كلنا واى واحدة عندها خبرة او صور من كتالوجات ممكن تتنفذ تحطها على الموقع , كمان كنت عايزة اسالكم عن حاجة هى مش تبع البنات هى بتكون على العريس بس بصراحة انا وخطيبى لسه بنشترى الاجهزة وبصراحة محتارين فى الانواع مشعارفين ايه كويس وايه وحش فياريت تقولولى لو تعرفوا ايه افضل انواع البوتجازات والغسالات والتلاجات والتليفزيونات كمان لو حد فيكم اشترى بوتجاز بيلت ان يقولى لاننا عايزين نجيب وكل اللى موجود فى السوق مستورد واسعاره غالية جدا

صباح الخير يا مارو(f)

بصى بالناسبه للاجهزه الكهربائيه
عندك فى الغسالات ايديال 18 او 20 برنامج

الثلاجات .... بصى ان ارجح كريازى
ايديال صوت الموتور عالى لكن توشيبا معرفش عنها شئ

البوتاجازت......بالنسه للعادى مش البليت ان علشان معرفش حد جربه(w)
تكنوجاز ثم كريازى ثم يونيفرسال
المهم الامكانيات زى الاشعال والفرن والشوايه لا يكونوا مشتركين فى الاشعال
وكمان حجمه على حسب المكان عندك
كمان فيه ملون واستليس طبعا الاستليس احسن

التلفيزيون ........ كل تقريبا نفس الامكانيات انتى اختير الحجم والشكل اللى يعجبك


بالنسه للصينى ان متشكره على رايك :clap:
هاحاول اسال ماما على الاسماء المحلات واقولك
علشان انا مش فاكره الاسماء اقوى:sad:

كيب ماشى انا مش عارفه اعمل موضوع جديد ممكن واحده تعملنا موضوع الديكور ده علشان احنا كلنا محتاجينه

صباح الخير ياكات ميرسي جدا على معلوماتك بس كان فيه نوع تلاجات وغسالات عجبونى اوى مشعارفة سمعتى عنها ولا لا اسمها white whale بصراحة تقفيلها وشكلها تحفة كمان التلاجة من بره سيلفر وانا كنت بدور على اللون ده وماكنتش لاقيه منه غير تلاجات 22 قدم بس الحمدلله لقيت فى النوع ده تلاجة سيلفر 18 قدم , ياريت تقوليلي رأيك لو سمعتى حاجة عن الماركة دى كمان البوتجازات انا عاجبنى تكنوجاز البومبيه الجديد وكمان عاجبنى ان الرف بتاع الفرن بيطلع لبره لما تفتحى الفرن لان ايدينا مش ناقصه حروق انتى عارفة

:clap: صباح الخير ياكات ميرسي جدا على معلوماتك بس كان فيه نوع تلاجات وغسالات عجبونى اوى مشعارفة سمعتى عنها ولا لا اسمها white whale بصراحة تقفيلها وشكلها تحفة كمان التلاجة من بره سيلفر وانا كنت بدور على اللون ده وماكنتش لاقيه منه غير تلاجات 22 قدم بس الحمدلله لقيت فى النوع ده تلاجة سيلفر 18 قدم , ياريت تقوليلي رأيك لو سمعتى حاجة عن الماركة دى كمان البوتجازات انا عاجبنى تكنوجاز البومبيه الجديد وكمان عاجبنى ان الرف بتاع الفرن بيطلع لبره لما تفتحى الفرن لان ايدينا مش ناقصه حروق انتى عارفة

يابنات عايزة اعرف مقشر ( سكرب ) كويس للجسم وواحد تانى للوجة لو فى حاجة تضيق مسامات منطقة الجبهة والانف , ميرسي ليكم يابنات
ايه منتجات همالايا والاقيها فين وياترى موجودة فى مصر ولا لا