تجهيزات أحلى عرايس مصر - الجزء الرابع

dalida_palace:
cat
قوليلى هى حلوة فعلاً مجموعة العناية بالقدم بتاعت أوريفليم أنا شفتها فى البروشور بتاع الشهر اللى فات ويا ترى نزل على خصم الشهر دة ولا لأ؟؟ أصل مشفتش البروشور لسة بتاع يونيو

صباح الخير يا داليدا

انا سعيده ان احنا تقريبا بنكون اون لاين فى نفس الوقت:shy:

اتمنى انى اتعرف عليكى اكتر انتى بتشتغلى اه

مجموعه اوريفليم جميله جدا :clap: وهى نزلت الشهر دة مش اللى فات وعليها تخفيض 40 % وكما الشهر الجاى بس مش كل المجموعه فى حاجات معهلش تخفيض(f)

سوفت روز....... ربنا يوفقك ويبعد عنك المشاكل وتحدوا الميعاد قريب ان شاء الله

مارو .........ازيك واه اخبارك
اولاد حراز جنب مديريه امن القاهره بس ان هجيب من رويال هاوس هو فى مصر الجديده فى عمارات عثمان اللى عند الميرلاند

هنيه.......... شكرررررررررررررررررررررررا ياهنيه على النصائح الغاليه

بليز حبيبتى كنتى فى الموضوع اللى فات اتكلمتى عن محل أختك بتجيب منه تسترات البارفان بس مش قلتى بيانات كتير عنه قيا ري تقوليلى عليه وميرسى يا قمر :shy:

بنات
اوعوا تفوتوا اللينك دة من ايديكم بجد خطيييييييييييييييييير

ملف للخلطات الخاصة بتفتيح لون الجسم وتبييضه ونعومته الرجاء المشاركة من الجميع

cat2006:
صباح الخير يا داليدا

انا سعيده ان احنا تقريبا بنكون اون لاين فى نفس الوقت:shy:

اتمنى انى اتعرف عليكى اكتر انتى بتشتغلى اه

مجموعه اوريفليم جميله جدا :clap: وهى نزلت الشهر دة مش اللى فات وعليها تخفيض 40 % وكما الشهر الجاى بس مش كل المجموعه فى حاجات معهلش تخفيض(f)

قطقطوتى الحلوة
أنا اللى مبسوطة أننا سوا أون لاين شوفى يا ستى أنا هبعتلك كل حاجة عنى بس على الخاص :shy: ويا ريت أنت كمان تبعتيلى لأنى بجد بحسك بنوتة رقيقة وعسولة خالص وأنا كنت شفت مجموعة العناية بالقدم فى برموشون مايو بس مكنش عليها تخفيض بس ما دام عليها يبقى اجيبها إن شاء الله لأنى الصيف والسليبرز بتخلى الريجلين تعبانة دايماً وميرسى يا أحلى قطة

هنونة ميرسى على النصايح يا أجمل هانيا

vetdodyربنا معااكي وتخلصي بسرعه ويوفقك ان شاء الله
dalida_palaceوالله للاسف المعلومات دي هيه بس اللقدرت اعرفها والمشكله اني لسه ماروحتش المحل لغاية دلوقت بس ناويه انزل ولما هروحوا هعرف اوصفهلكم بالظبط بس هانيا قالت كذا محل تاني كويس للبرفانات ممكن تسالي فيهم على موضوع التستر

dalida_palace بصي ياستي مافدتكيش فالبارفان ممن افيدك فموضوع الشعر انا برده شعري في فلو خفيف وبيهيش بس الحمد لله ناعم مش مكسر قوي بس كان زمان هايش جدا دلوقتي لا بعد ما جربت حاجات كتير جدا بس دلوقتي لازم بغسله بعد الشامبو بالكونديشونير لانو بيدي الشعر ريحه تحفه وبيخليه ناعم بس لازم يتشطف كويس بعد كده لما بخرخ من الشاور وانا مثلا خارجه بعدها فبلبس الاشرب والبااندانا اللتحته برجع افك شعري بيكون نشف بالقيه نعم جدا جدا سبحان الله مع ان دي مش طبيعته بس لما باخد شاور وانام علطول باقوم الاقيه هايش جدا بس اكتشفت بعد كده ان ده سببه المخدات القطن انا قريت الحكايه دي عالنت ففعلا ابتديت لو هاخد شاور وانام اربط شعري باشرب بقوم بلاقيه كويس او اضفره بعد ما بينشف بيدي فلو حلوه بعد ما يتفك بالنسبه لمشكلهة زوجك انك مش عاوزه تلفيه قدامه ممكن تربطي ايشرب رفيع وناعم على جنب والوانه حلوه وتربطيه فيونكه قبل ماتنامي هيدي شكل حلو وفنفس الوقت يأدي الغرض وممكن بقه تاخدي شاور الصبح وكمان حاولي من فتره للتانيه تغيري نوع الشامبو لان ده بيخلي الشعر ناعم بس صدقيني اهم حاجه الكونديشينر

مارو معلش انا اتاخرت عليكي بس للاسف خالتو بتروح تبع نقابة الاطباء وهيه اللعارفاها فقالتلي لما تروح المره الجايه هتعرف الجلسه بكام بس هسالهالك عالعنوان

جويرية ميرسى على نصايحك يا جميل ويا ريت تحاولى تدلينا اكتر على المحل يا جميل

بنات حبيت أقولكم على شئ ظريف استخدمته وهو مرطب الشفاة من نيتروجينا :clap: :clap: زى زبدة الكاكاو
واسمه بالظبط
Neutrogena Lip moisturizer
with PABA sunblock protection
SPF 15
وتمنه 4 جنية بس
وبجد ممتاز بيرطب الشفايف ويفضل مدة طويلة وطبعاً موضوع ال SPF دة ممتاز عشان الحر البشع اللى إحنا فيه دة ميثأرش على الشفايف وبجد نتيجتة بتبان بسرعة

يا بنات كنت محتاجه نصيحتكمبخصوص فستان العقد والخطوبه ان شاء الله هوه انا لسه محددتش بالظبط المعاد بس عاوزه موديل لاني محتاره جدا اولا اختي جابتلي قطعتين قماش مطرزين مش كبار صغيرين يعني لازم معاهم قماشه تانيه هما تطريهم حاو قوي ورقيق المشكله انهما دارك سيلفير وانا سمره ومنتش عاوزه حاجه تغمقني تفتكرو اايه اللون اليليق معاهويبقى شكله حلو عاليه ويفتحني وكمان انا طويله فمكنتش عاوزه موديل يبيني طويله فخايفه من الفستان الواسع اللهوه منفوش يعني تفتكروا اايه رايكم بس انا بحس ان العروسه لازم فستانها يبقلى واسع ةالله انا تعبت فموضوع الفستان ده جدا يلا مستانياكم بقه انتو تحلوها معايا

جويرية بصى يا جميل أنا مش شايفة أن العروسة لازم يكون فستامها منفوش ولا حاجة لا يا قمر ممكن يكون ساك أو سمكة أوكى بس أهم حاجة أنك تختارى موديل قطعتين عشان يخف موضوع الطول اللى أنت قلتى عليه ألوان مع الدرك سيلفر أظن الروز لأن أنا أصلاً بموت فى الروز مع الجرى بس مش عارفة يمشى مع القماش اللى عندك ولا لأ والروز جماله أن بينور الوش ولو أنت محجبه إيشارباته سبحان الله بحسها تلبق على كل الناس عامة لو لقيت أفكار موديلات هحطهالك

داليدا بلس مفيش شعر بيكون ليس كده من غير ما يتعمل فيه حاجه لان بجد التراب والهوا ببيبوظوه فلازم يتلف
جويريه بصي السيلفر الغامق ممكن يليق عليه الفوشيه الموفيه هو لون ما بين الفوشيه والموف انا فستان العقد كان كده وكمان انا سمرا مع الميكب وشعري كان كله والحمد لله كويس كمان انتي قلتي عقد و لا خطوبه لو خطوبه لازم يكون منفوش وبالعكس المنفوش يقصرك مش يطولك ولو عقد يعني اعملي الفستان لا واسع ولا علي اد جسمك حديكي مثال لفستان يعني حاجه بسيطه بس مش الموديل انا قصدي النفشه اللي لا هي واسعه او ي ولا علي قد جسم بالظبظ

بصي دول كمان

وده كمان

بصي بالنسبه للون شايفه اللون اللي في بلوزه البنت دي هو ده اللي انا قصدي عليه

بصي النفشه البسطيه دي

ازيكم ياأحلي عرايس ربنا يكرمكم جميعا كلكم زي السكر ومتعاونين ماشاءالله

دكتورتنا معلش انا مش عارفة اقرا اسمك اوي
بصي ايمي في العمارة اللي لازقة في السنتر ونفس العمارة فيها كادو بتاع الصور
عنوانهم سنتر هارون للتاجير
28 شارع عثمان بن عفان ميدان الاسماعيلية .
انا كنت ماجرة من اتيلية سندريلا في الدور الثاني وهو تقريبا اخر محل في اخر دور
ايمي الكاشف في الفلة اللي جنب السنتر بالظبط بالظبط لازقة فيه حتي فيه هناك منادي للعربيات اساليه هيقولك علي طول بس دي مش كوافيرة دي ماكييرة وبتربط طرح بس ممكن تجيلك مكان مانتي عاوزة ممكن تروحي وتتفرجي علي صورها

كادو بتاع الصور في نفس المكان بالظبط...انا كنت عاملة مجموعة ب 200 جنيه وفيه اقل وفيه اكتر تقريبا لحد 300
بس احجامه كبيرة والاهم صوره اللي تجنن والله تجنن

ولو عاوزة اي حاجة تاني اامري
ربنا معاكم

مشكوره فديتج على هالموضوع