الجزء الخامس من تجهيــــزات عرايس قطــ2006ــر

بنت قطر اذكري الله هالمشاكل عادي تصير بهالفتره والله واقري على نفسج وحصني نفسج وادعي الله انه ييسر امورج

ام شيوخ لا تنسين تاكدين حجوزاتج وتسجلين كل الارقام بجوالج ارقام المحلات والمصوره والفرقه وكل شي

بنااااااااااااااااااااات السالفه اكبر من جذيه بوايد بوايد

بنت قطر فديتج عورني قلبي .. الغاليه لا تضايقين عمرج وكل واحد بياخذ نصيبه واذا المشكله صغيره حاولي تحلينها مثل ماقالو خواتي واذا المشكله اكبر ادعي رب العالمين وان شاء الله الي فيه خير ربي بيسويه واحنا كلنا معاج اي شي تبينه امري .. لا تضغطين على عمرج وخلي في بالج انه الي كاتبه ربي بيصير ..

والشيخه ماعليج امر بغيت رقم الشيخ الي قلتي عنه .. لو سمحتي اختي ..

ام شيوخ ماشاء الله خلاص اليوم الحنه ربي يوفقج ان شاء الله والف مبروك وان شاء الله كل شي يكون تمام بالحنا والعرس ..

امم كنت ناويه اكتب كلام بس طار من مخي بصراحه ...

هلا......بخواتي اشلونكم ان شااء الله بخيييييير :smile:


ام شيوووخ: الله يوووفقج يااارب وتكونين احلى عروووس


ويسهل كل امورج عاد لاتقطعين نبي اخبارج بالتوفيق


اختى دوحااااااانيه اشكرج من كل قلبي والله على ردج بالخاص

والتوضيح والله يهنيج ياااارب


بنت قطر : ان شاااء الله اختي كل شي بينحل لاتتسرعين وهذي الحياة

اخذ وعطى وسمعي الكلام اللي قالوله لج خواتي بنات المنتدى

واذا ممكن ابي رقم اللي يقرا قران طرشيه على الخاص



خواتي انا دوم متابعتكم وصدقوووني لو فيه شي انا اعرفه كنت اقولكم

انا والله ااستفيد اشياء منكم

الله يوفقكم جميييييع

bntqtr

الله يفرجها عليج ان شاءالله ويحل مشكلتج ولاتفكرين بالانفصال على طول كل مشكله ولها حل وان شاءالله الله ييسر لج امورج يارب

ومثل ماقالوا لج البنات انتي من بيئة وهو من بيئة ثانية غير عنج لازم تتأقلمين عليه .. وغير جذي اذا شد رخي انتي ولاتتسرعين

والله ان شاءالله يفرج همج قولي آميــن




ام شيوخ

لاتنسين شي ضروري .. لاتنسين طول يوم العرس تذكرين الله في كل شي تسوينه طول اليوم من تقومين الصبح لين تروحين مع ريلج

والله ان شاءالله بيسر لج الامور كلها وبتطلعين احلى عروس بكره باذن الله .. الله يوفقج يارب والله اني مستانسه لج :)

الله يهنيج ويسعدج ويسخرلج زوجج قولي آمين

السلام
فراشة بوظبي
كوشتي فيها كريستال بس انا اشوفها بسيطة مافيها شي سبشل

واعتمدت هل الوردة في الطاولات والمسكة
فراشة بتلاقين ماجيك في محلات لفلبنيين صوب سوق الديرة تقريبا
بس استخيري قبل لا تاخذينه

وحياج الله في الدوحة واي شي تحتاجينه لا يردج الا لسانج

دوحانية
انا بعد خفت من الكريم وقررت ما استخدمه بليز بنات اللي بتستخدمه تنتبه بليز مابي حد يدعي علي :(

ام شيوخ فديتج والله مومشكلة والله على بالي دايما والله يوفقج

قطر

هههههههههههه وماوصيكم بالسوالف اللي بتطلع مع أهلكم هاليوم ، اللي عندها سالفه تبي تقولها خل تقولها ولي فيها دمعه شايره خل اطلعها قبل مايوصل زوجها ههههههههههه أيام فضيعه والله

.

ااااه اتخيل هل اليوم بيكون عصيب شوي بس حلو
وانامن احين معزمة اقعد عندهم اقصى مدة ممكنه خخخخخ

ومشكورة على النصايح كل شي تقولينه اضيفه للدفتر



الحان امل
12000 ريال!!!!
مب وايد
انا اشوف ان دكاترة رميله شاطرين ويعطونج الادوية ببلاش
ويالغالية انا اسوي رجيم احين ان شا الله استمر عليه
خخخخخ ترى احلى حزة حزة الميلس ")


بنت قطر
بليز فكري عدل قبل الانفصال وترى في بداية الحياةلازم تصير مشاكل
عادي اذا الواحد على اي مشكلة بينفصل جان انفصلنا كلنامن زمان
ونصيحة اذا شفتيه متوتر صلي على الرسول 3 مرات وقولي يارؤوف بهدوءوعقب انفثي بوجهه بس لايحس وان شاء الله تمر سهالات
وخلج باردة في هل المواقف
ولا تنسين حصني نفسج واذكري الله واستخيري باي شي تسوينه
والله يوفقج
واذا ممكن ابي رقم اللي يقرا قران طرشيه على الخاص

بنوتات

ام شيــــــــــــــــــــــــوخ


وصتني اسلم عليكم واااااااااااااااااايد وااااااااااااايد وتقولكم بتشتاق لكم كللللللللللللللكم وحده وحده


وهي الحمدلله كانت مستانسه ونفسيتها اوكي يعني تطمنوا عليها واعذروها لو ماقدرت تشارك من زحمة العرس لان اليوم حنتها والاربعا العرس


وبليز ادعوا لها كلكمممممممم بكل وقت نبيكم تدعون لها وممكن بكل رد تكتبونه اخر شي تحطون دعوه حلوه لعروستنا؟


واخبار العرس يابنوتات ناخذها من كلاسيك


شدي حيلج معانا ونبي كللللللللللللل التفاصيل اوكيك


ودوحانيه بعد اذا حد من هلج حضر نبي تفاصيل العرس


والله يوفقكم كلكم ياعرايسنا

وااااااي بصييييييييح فديتها ام شيوخ :cry: الهل يوفقها ويسهل زواجها يارب...وانشاء الله تطلع احلى عروس واهم شىء ماتنسى تبتسم ابتسامة حلوه خفيفة :shy: مب شقة حلج هااااه لاتقولين ماوصيتج !! :bigsmile:

الفال حق العرايس اللي عقبها انشاء الله :)

كلاسيكو :) خلاص يمه مب شاريه الكريم اصلا اخاف من هالنوعية من الكريمات احس فيها بلاوي مدري ليش...كله اتخيل فيها ديل بريعصي مطحون مدري ليش؟:think:

بنت قطر :( حزنتيني والله ...الله يهون عليج وانشاء الله تنحل الخلافات وماتوصلون للانفصال...طمنينا عليج اختي ترى كلنا نحاتيج :sad:

بنات..من منكم راحت عرس الشيخ جاسم؟ خخخخخخخ نبي نحش شوية؟ مايصير؟؟ (r) اليوم نتفنا هدايا العرس من الحش خخخخخخ

الحلم الهادي ...........

حبيبتي لاتهورين هههههههه شدعوى نحش قصدج نتليقف ونقول التفاصيل ......... انا الي اعرفه انهم جابوا محمد عبده والجسمي ونوال ..وصباح مقعدينها ضيفة شرف.......بس ماعرف شي اكثر : الله يهنيهم

بنت قطر................

اسم الله عليج من الضيقه حبيبتي تعوذي من ابليس وهونيها وتهون استخيري واستخيري واستخيري قبل لاتتخذين أي قرار ...........

ام شيوخ..........(f)(f)(f)(f)(f)(f)(f)(f)(f)(f)
ياي اتخيلج الحين في الحنا والله قلبي يرقص وناااااااااسه عروستنا الشيطوووووووووونه الليله حناها ياربي توفقها و تيسر امورها

هاااي بنوتات...

الصراااااااااحه ماستحملت اني مااشارك في هالمووووووضووع...(*_*) موضووووووووع روووووووووووووووووعه


انه عضووه يديده بينكم واتمنى اني اكوون خفيفه عليكم...

المهم انه عررسي بيكون في بدايه 7 ان شاااء الله..

ومن الحين احاااااااااااااااااتي هم الحف ..شلوووووووون باحف جسمي كله ...؟؟؟.!!!! ومنو بيحفلي اياااه ..؟؟ وانه طوول عمري مامتعوده ارووح عند الصالونات..؟؟!

وانه طوول عمري أحف ريولي للركبه وأوووووووقف .. هل تنصحوني اني أبدأ اتعود احف من الحين جسمي كاااااااامل ..!!؟؟؟


ايييييي وعندي مشكله ثاانيه..
اني اول مابديت احف حفيت بالموووس فالحين الشعره دايما تطلع خشنه وغاامجه حتى لو حفيت بالحلاه ..؟؟ أهئ ..أهئ ابي حل للي عنده...؟؟


وبغيت استفسر عن احسن آله مااتعور ولا تشيل الشعر مثل المووس أو تسود المناطق الحساسه..

ومثل ماعررفت ان غلب البنات مدحواا آله برواان..!!!

ممكن اعرف من وين اقدر احصله بالضبط وبكم سعره و؟؟
وهل تنفع حق اليد والريل وغير الأماكن الحساسه..

وسووووووووري ع الأطااااااااااله وعساكم ع القوه

ياهلا فيج عرووووووووسه فتفوته تسعدني مشاركتج معانا ......................

اول شي مبروووووووك الخطوبه حبيبتي ..............

ثاني شي وبالنسبه للحف طبعا لازم تتعودين انج تحفين جسمج قبل العرس يعني الحين عندج 3 شهور تقريبا قبل العرس اول شي بالنسبه لحف الموس احنا كلنا غلطنا هالغلطه بس شنسوي ساعات نضطر نبي حف سريع ونستخدم الموس وهو الي خلى الشعر يستوي يابس و خشن ........ المهم الحين انج تبدين مع المرطبات اذا انتي من النوع المهمل ابدي اهتمي بنفسج اكثر كريمات وحمامات زيت وحمام مغربي كل 3 اسابيع عشان يوم العرس تلقين من البياض .......... بالنسبه للاله مادري البنات مدحوا براون الي لونها ازرق للمنطقه الحساسه بس مالقيتها اذا لقيتيها قوليلي .............. خلج مشاركه معانا وحياج الله

أصدق احساس
ياهلا فيج

نور الحلوه
الله يوفقج

بنت قطر
وعليكم السلام
طمنينا عليج

دلوعه قطريه
صح كلامج

ام شيووخ
صح لسااانج
كلوووولووووش حناج عييين ياأم شيوخ
شخبار النفسيه فآخر يومين؟

عمري قطر
وانا نفسج >> لوووول معليش الايام جايه وبنمر بنفس الموقف

بنت قطر
الله يكتب لج اللي فيه الخير

طيف قطر
حياج الله

دلووعه قطريه
يممممه شعر جسمي وقف
لووول الله يستر يوم عرسي شبيصير
الله يسعدها ويوفقها ان شاء الله

الحلم الهادي
يقولون عرس الشيخ تميم كان احلى

عروسه فتفوته
يامرحبا هلا فيج
اكييييد لازم تبتدين من الحين
براون بكل مكان تلاقينها . انا شريتها من محل براون
وشفتها ف وايييييييييد اماكن غيروآخر كان شفتها فيه كارفور
وان شاء الله تستفيدين من موضوعنا

خطيبة الغالي
شخباااارج؟؟!

دوحانيه
خل اقول لج اليوم شصاااااار !!!
رن تلفوني رقم سميره .. استغربت طبعاُ وقلت زين اللي اتصلت
المهم يوم رديت عليها قالت لي من موزه .. قلت لا لا سحابة حب
قالت آسفه قلت لها انطري انا اللي كلمتج ابي اسوي حمام زيت و و
قالت آسفه حبيبتي ماقدر انا باسافر يوم الخميس لما ارجع
اف وااايد انقهرت .. وقررت اني اسوي مره بالاسبوع خلطه حق شعري
لين ماتتكرم الاخت وتجيني .. وان شاء الله شعري يتحسن مع الخلطات لأنه
مافي الا شوي تقصف وصاير باهت
عاااد الحين همتكم كل وحده جربت خلطه ونفعتها تكتب لي اياها بالتفصيل
بلييييييييز لاتصيرون نفس سميره :(


بناااات لاتنسون تدعون حق ام شيوووخ
الحين قاعده بالحنه ويغنون لها امينه في امانيها >>> على كيفي اتخيل

سحابة :) تبين نصيحه؟؟ خلج من الخلطات الحين مب وقت التجارب ...روحي سوي لج اشتراك عن مدام تونس في صالون ماذكر اسمه :( بل نسيت توني بكتبه سبحان الله !! المهم اكيد البنات يعرفون اسم الصالون اللي حذا يونيك ...هذي ممتازة للعناية بالشعر وكورسات الشعر عندها تمام

اوسوي لج اشتراك في دايموند واستمري مره بالاسبوع لين العرس ....تدرين مب مهم الخلطه بقدر ماهو مهم المساج والبخار لانه لازم اي خلطة تتغلغل لبشرة فروة الراس وتدخل عشان بصيلات الشعر تستفيد !

هذي نصيحتي واذا تبين الخلطات ...اشوف لو تنزلين موضوع في ركن العناية احسن لان اللي هناك وايد مهتمين بهالسوالف وبتلاقين تجارب ونصايح اكثر :)

خطبطب خخخخخخخخ ايه هذا قصدي لالالا مب متهورة انا عندي من يضربلي بريك ---> انتي :shy:

ايه مثل ماقالت سحابة حب....صج عرس اخوه كان ارقى ورسمي اكثر وعلى مستوى بس هذا مايمنع ان العرس بعد وايد حلو طبعا...كان فيه 14 مطرب ومطربة ابتدى الجسمي وختمها بعد لان بالبداية العالم مستحين ولا رقوا فخلوه يغني اخر شىء وربش العرب...بس اكثر شىء ربش الناس...رابح صقر خخخخخ ونوال الكويتية :)

الهدايا كانت قطعة ذهبية على شكل مانجو فيها فصين كبار من الصوبين..بلون الموف الفاتح والاصفر الذهبي...بس مدري ماعجبتني لونها طاير شوي.....وغرشة عطر مصمم خصيصا للعرس بطاقتة حلوه حاطين فيها المكونات وانه اهداء للعروسين وايد كشخه بس ريحته عادية وبصراحه ذكرني باطياب العيايز اللي يحطونها بملافعهم الاول خخخخخخ بس العلبة والغرشة شىء صج كوووووووووووووول

ترتيبات العرس والبوفية من شركة فرنسية متخصصة بتنسيق الاعراس ولعبتهم عاد الورد الطبيعي بالهببببببببل في كل مكان ومسوي جو رومانتيك وراقي من كثر الورود وهذا احلى شىء...,المعازيم مل وحده تطلع يعطونا كيس مربع اسود فيه كيكه صغيره نفس حجم الكيكه الصغيرة اللي في اوبرا...والشركة مالت الكيك بعد فرنسية اول مره اشوف اسمهم ماعتقد من هنيه اكيد من برا طلبية

وكان الجو العام روعه والرقص في كل مكان مب على الستيج بس :) واحلاموه رقصت من قلب واستنزلت خخخخخخخخ سوت لهم حركات بعد

الله يبارك لهم ويهنيهم والفال لكل الصبايا والبنوتات قولوا آمين ---< محدثتكم الحلم الصاخب من CNN !

عروسة فتفوته :) حبيبتي تلاقين براون في الولو وفي كارفور ..وتراها زينه بس بتعورج اول ماتستخدمينها بس بتتعودين وهي اسرع واسهل من الحلاوه المصرية ...مع اني شخصيا من محبي الحلاوه الهندية لانها انظف بالحف واسرع.......بالنسبة للسعر ماذكر لاني شريتها من زمان ومدري عن سعر الجديدة لان نزلت موديلات جديده منها

اي اعرف صالون مدام تونس
ماابي صالون ابي وحده تجني البيت

ماقصرتي عالتفاصيل

ههههههههههه اموت في الحلم الصاخب وبصيلات الشعر والشركات الفرنسيه لا لا ماقدر صراحه جذيه انتي تحسسيني بمدى وعيج الثقافي المتمركز في أنحاء البلاد >>>>>>>>>>>>> شدخل خطبطب لاتخورينها
بنات ماقلتولي ابي اسم كريم يصلح للمناسبات حق الجسم يعطي لون موحد ولمعه تعرفون ؟؟

شوفي ياخطبطب يابنت ام خطبطب خخخ
عشان الاثار اللي بظهرج استخدمي اول شي بودرة سمر كيك انا احطها عالجسم وانتبهوا مو تحطونها بويوهكم وتقولون دلوعه قالت
ترى بتخرب بشرتكم
المووهيم
تحطينها بالاسفنجه مع ماي وقبل ماتجف على جسمج تاخذين البودره اللماعه يبيعونها في سوق الجبر محل اسمه البيارق اظن هو محل مكياج فوق والكل يجيعنده عشان هاللمعه مشهوره خخخ
فتحطين اللمعه بسرعه عشان تثبت فوق الماي
وانا حزات اتشطر وارش فوقها مثبت فكس من ماك خخخخ


واتحدى حد يفهم شي من شرحي









ام شيووووخ عروستنا
الحين تلاقونها على كوشة الحنه منسدحه ويحنونها خخخخخخخخخ
والرقص واصل حده خخخخخخ
ربي يهنيها ويوفقها قولوا امين

ثانكس كلاسيك على اهتمامج

ما قصرتي وان شاء الله باجر مسافرة

على الشرقية وعقب بنمر عليكم ^_^

حياج الله يافراشه في بلادج الثانيه ....................

دلوعه مشكووووووره بشوف اللمعه انشالله اقدر اروح قبل الخميس ...........

اي والله ام شيوووووخ فديتها الحين اكيد خلصت الحنا وتطالع الي يرقص والي يلولش ولي يتعشا وهي يوعانه تطالعهم خخخخخخخ.......الله يسعدها يارب