الجزء الخامس من تجهيــــزات عرايس قطــ2006ــر

اوكي دلوعه ولايهمج بداوم معاكم 24ساعه:)

بنات من احسن دكتورة جلد امي تقول نوال شعراني حد سمع عنها ؟؟؟

ظهري متشوه حفيته وتحسفت كله حرار وملمسه يخرع بليز هيلب مي :pain:

هاااي قايزات
توووووني فاضيه والله
وحشتووووني قيرز
اخبااااااااااااركم

«®°·.¸.•°°·.¸¸.•°°·.¸.•°®»دوحااااانيه«®°·.¸.•°°·.¸¸.•°°·.¸.•°®»
فدييييييتج احلى شي انه صرنا نعرف بعض عدل واحنا ما ندري خخخخ
عيل يمكن شفتج في عزى الأهل وانا ما ادري :)
خلالالاص افا عليج اجي اتقهوى عندج خخخخخ

بناااات بتوحشووووني والله العظيم بس نعمل اييييه خخخ ماباقي الا 3دايز والله مو مصدقه خخخ

|؛¤ّ,¸¸,ّ¤؛|دلووووووووعه|؛¤ّ,¸¸,ّ¤؛|
الحمدالله النفسيه تمااامو لا تخافين علي الحمدالله :)

بنااات باقولكم عن صالون مايا
الصراحه والله شغلهم وايد اوكي ((سألوا مجرب)) رحت لها اليوم انا والفيشل وحف الحواجب والويه وايد زين تره والمانكير والبدكير بعد اوكي

اي استفسارات تانيه دانا حاطره واللهي :shy:

السلام عليكم ورحمة الله وبركاته


اتمنى ان تقبلووني اخت جديدة في بيتكم ...


الي حسيت فيه بالدفا والتعاون وهذي الخصال مب غريبة على بنات بلادي



واسمحوا لي اني اقول حق

خطيبة الغالي :ألف شكر على موضوعج وبالتوفيق


ام شيوخ :ماشاءالله عليج روحج المعنوية بتخلي عرسج يكون عرس اسطوري الكل بيتكلم عنه ان شاءالله...


دوحانية : قلبي معاج يا الغالية وان شاءالله الافراح يايه ...بالتوفيق..


قطر : جزاج الله خير على كل النصايح الماسية الي ذكرتيها ..في ميزان حسناتج يارب


عروس الدوحة والموناليزا وعروس قطر و كلاسيك و الحلم الهادئ و سحابة حب و
ام حمد القطرية وغادة ...


وكل خواتي الفاضلات اعتز بتجمعكم ويارب اقدر افيدكم ..






انا من ملجتي كانت من شهر و خطوبتي شهر 5 باذن الله ..ودي لو تساعدوني باقتراحاتكم بخصوص ...


1/ فستان الخطوبة (اي لون الي دارج؟ و شنو القطع الماشية غير الحرير؟)


2/مكياج الخطوبة (عند من؟ وشلون يفضل يكون سموك ولا عادي؟)

3/التسريحة (شنهي الموضة ؟افله ولا اسوي تسريحة كاملة ؟وبخصوص اكسسوارات الشعر شنو الدراج هالايام؟)


4/ المسكة

5/تزين قلاصات العصير - سكينة وملعقة الكيك (وين احسن مكان؟)


6/أفكار لدخلتي خصوصا ان ودي ادخل مع ريلي على الناس


7/افكار لاستقبال المعازيم - افكار لتزين الطاولات



اممممممممم وبس


<<<<<<<<<<داشة على الثقيل


احبكم في الله

ام شيوخ :) الله يتمم لج على خير ...اول ماتردين من السفر طبي هنيه وقولي لنا كل شىء عن العرس ياحلى عروس بالمنتدى (f)

كلاسيك...انا مجمعه عندي اسماء العطور العربية من المنتدى اللي مدحوها البنات وهذي هي اللسته:-


مخلط كشخة من العربية للعود
حنين( بخاخ) من عطورات الحرمين
خلطة الفرسان من عبدالصمد القرشي
دموع الذهب من القرشي
نواف من الشركه العربية
دهن العود المعتق "اجمل"
المخمرية والمخلط "اجمل"
بخور "سيدة الخليج" للبيت من اجمل
مسك العروس "القرشي"
كريم جسم "فجر" من حامل المسك "انتاج بيت"

وترى اللي قالت عنهم دلوعه فظيعين :) عن تجربة ..خاصة معجون العربية للعود اللي يجي في علية هرمية لونها بني من المخمل هذا حلو لتدخين البيت والملابس..وعطر الشيخ النسائي تلاقيه في باريس جاليري او فيسيز ب700 ريال بس صج روعه روعه روعه احسه a must have من قلب :)

لاتنسين تعملين حساب ابو الشباب معاج :) بكم عطر كشخه ودهن عود ..عشان يقول بنت حلال مانستني خخخخخخخ

الحان أمل :) الف مبروك على الملجه والله يسهل لج يارب...وبالنسبة للاسئلتج لي رجعه انشاء الله واكيد البنات مب مقصرين

خطيبة الغالي
ليش حفيتي ظهرج يا حظي ..
سويتي نفس غلطتي حفيت يوم الخطوبة وظهري كان صافي واللحين يخرع ..
المهم جربي عايدة .. او رميلة الدكتورة هيا او مها مدري المهندي .. هاي اوكي

دلوعة قطرية ..
العطورات اللي قلتي عليها اغلبيتها جربتها بس خاطري بشي جديد


ام شيوخ ماشاء الله ماشاء الله
توني بس مستوعبة ان عرسج باقيله 3 ايام
الله يوفقك ويسعدك يا رب
لازم اشوفج باجر ان شاء الله :)
انزين وين بتحفين جسمج ؟؟


الحان امل ..
حياج الله بيننا والف مبروك على الملجة :)
/ فستان الخطوبة (اي لون الي دارج؟ و شنو القطع الماشية غير الحرير؟)
اممممممم صراحة مقدر افيدج في هل الشي .. ماعرف وايد حق هل السوالف

2/مكياج الخطوبة (عند من؟ وشلون يفضل يكون سموك ولا عادي؟)
خليه خفيف لا تقلين وايد عشان تتغيرين عدل يوم العرس
وانا ارشح لج دينا او امنه شاهين .. سعاد البلوشي البنات وايد يمدحونها وانا حاجزتها لعرسي

3/التسريحة (شنهي الموضة ؟افله ولا اسوي تسريحة كاملة ؟وبخصوص اكسسوارات الشعر شنو الدراج هالايام؟)
امممممممم من رايي الشخصي سويها نص تسريحة والاكسسوارات بيسويلج اياها مع الفستان

4/ المسكة
بدون تردد .. جورج في كازا فلورا

5/تزين قلاصات العصير - سكينة وملعقة الكيك (وين احسن مكان؟)
امممممممم اتوقع عنده بعد او عندج الغردينيا

6/أفكار لدخلتي خصوصا ان ودي ادخل مع ريلي على الناس
كل ما خليتيها بسيطة كانت احسن خل الاشياء الجايدة حق العرس .. هاي وجهة نظري
بس شوفي اذا دخلتي بروح بيمدج تصورين وتاخذين راحتج مع هلج ..
بس بعد دخلتج معاه حلوة
امممم يوم دخل ريلي علي حطينا مرحبا يا اجمل عروس احممم احممم " انا طبعا " مالت راشد واحلام

7/افكار لاستقبال المعازيم - افكار لتزين الطاولات
امممممممممممم بصراحة انا مع البساطة لا تكلفين وايد عقب بتتحسفين


وهاي وجهة نظري :)



الحلم الهادئ
العطورات العربية
وذكرتيني بعطر الشيخ اووووووووف اموت على ريحته .. بس انا احب الرجالي اكثر ..
وبالنسبة لابو الشباب صراحة ما اقدر اتفوق على ذوقه بالعطورات ..
مرة كان عندنا وطلع وجاء ابوي عرف انه كان موجود من ريحه عطره ماشاء الله

بس انا ابي بخور وعود معطر بعد .. خذت من الحريم اللي يبعيون .. وخذت من وحدة قطرية هنيه ... ام تركي .. عندها عود يالمسك والعنبر حلو ..بس بعد ابي بعد

امممممممم على فكرة اتخذت خطوة مصيرية ورحت سويت حمام مغربي عند نعيمة في حلا ..
شعور حلو بالانتعاش .. وحجزت عندها موعد الشهر الجاي عشان ما اتكيسل
"" وحدة ملتزمة بالمواعيد "

اختي الحان امل

الف مبروك الملجه والله يتمم لج على خير ان شاءالله .. ويوفقج وييسر لج امورج ويسخر لج زوجج ويسخرج له يارب ..

حبيبتي بالنسبة للفستان اهم شي يكون اللون مناسب لج سواء كان حرير او غيره .. بس انا افضل الحرير والكريستالات وايد فخمه

ومكياج الخطوبة وايد عندج يحطون مكياج عندج سعاد و شريفة المهندي وامنه شاهين ونورة الفهيد و تماضر وشوق

والتسريحه حلو يكون شعرج نازل وتسوين تسريحه بس اذا الموديل يبي شعرج يكون مرفوع فترفعينه :)


ممممم مافهمت قصدج عن تزيين الطاولات يعني انتي بستسوينها في قاعه ؟ بتحتاجين محل ينسق لج وتبين احسن محل ؟

وبالنسبة للكيكه تبين افضل محل للكيك ؟ عندج الشيراتون وايد حلو لكيك العرايس ..

وان شاءالله راح ارجع لج والبنات بعد بيفيدونج ..

انتظريني :)

الحلم الهادئ

شرفني ان يكون ردج اول رد ...

الله يبارك فيج حبيبتي وبالتوفيق

::::::::::::::


كلاسيك


انا اتفق وياج مية بالمية على مبدأ البساطة بكل نواحي حفلة الخطوبة عشان نخلي البلاوي للعرس

امممممم بالنسبة لدخلتي وياه فضلتها لانها مب تقليدية مثل دخلة العرس

وواهلي بيسلمون علي هقب ما يلبسني الشبكة ويطلع ...

حضرت خطوبة سوتها العروس ودخلت مع ريلها كان شكلهم وااااااااايد حلو ...

ألف شكر على ردج الغالي والله يبارك فيج يا قلبي

<<<<<<<رمانسية

حبيبتي بالنسبة للحمام المغربي ترى يمدحون شغل المشاطة

وشغل ام محمد في دانيال تسويه بـ 250 ريال قطري

وفي حمام مغربي بدهن العود يسويه صالون ريتشي بالنصر ذي خاص للعروس قبل موعد عرسها بيومين يسوونه بـ360 ريال قطري.....


اي صح

بغيت اذكرج لا تنسين تاخذين العود الكمبودي الحطب الخالص (مب معطر )بتحتاجينه وااااااايد وانتي عروس

اخذي العود الكمبودي الدرجة الاولى (عبدالصمد القرشي / الشايع/أجمل ....)اقترح عليج ما تاخذين منه اقل من تولتين لج وحق ريلج ...


:::::::::::


روز قطر
تسلم لي اناملج الغالية الي كتبت لي الدعاء والرد..

خطوبتي بتكون في البيت مب في قاعة ..

واتوقع عدد المعازيم ما يتعدون الخمسين شخص اهلي واهله وجم بيت من الجيران وصديقاتي المقربات بس


والطاولات بتكون عادية طاولات البوفيه للمعازيم بس انا ابي اتفنن في تزينها ...

فكرت احط طاسة ماي وفيها شموع و ورد منتف ...


واحط دفتر للتواقيع عند الاستقبال ...


واخلي بالتوزيعات ورد جوري ملفوفة فيه حبة كافي راقية ........؟

ما ادري انتي شرايج؟

الحان امل

حلوة افكرة احس وايد بسيطة وحلوة في نفس الوقت

تعرفين ان شاءالله بجيب لج صور نفس فكرتج اللي قلتيها علشان تاخذين افكار زياده وبالتوفيق يارب

حياج الله اختي الحان امل..........مبروك الملجه وانشالله بحاول ارد على اسئلتج .........

الالوان الدارجه هي الاخضر الغامج والبنفسجي الغامج ... قبل اسبوعين حضرت خطوبة رفيجتي كانت لابسه الاخضر الغامج وكانت وااااااااااااااو وايد كان روعه وغريب............
المكياج عندج سعاد وسعاد البلوشي >> اذا تحبين الناعم نفسي
الشعر حلو انج تسوين نص رفعه يعني مب رفعه كامله لانج بترفعينه فالعرس بس ممكن اشوفلج صور اذا ودج .........
تزيين الطاولات..... حضرت خطوبه كانوا حاطين احواض سمك صغيره على الطاولات والي بتطلع تاخذ معاها الحوض >> حلوه الفكره
الكاسات.......... ممكن تودينها لماسيس او رويال فلاورز وهم يضبطونها لج بالالوان الي تبينها
الدخله........ حلوه فكرتج انكم تدخلون بنفس الوقت بس لازم تلقين اغنيه تناسب او تكتفين بالموسيقى ......ولين توصلون تحطون اغنية .......
والله يوفقج ياااااااارب

الحان أمــل

هذي لج :)


حلوة حركة الشمعه في الصحن وبنفس لون الشمعه ورد منثر

ألحان أمل هذا هو اللون الي اقصده واسمه أخضر ملكي

الغاليه هاللون ما يناسب الا البيض لو حنطاويه يسمرها
ايش رايك في البنفسج الفاتح

او البرتقالي الميت
او الزيتي الي مثل الفاتح قريب من لون ورق الشجر
او ممكن

لو كانت بيضه بيطلع عليها روووووووووووعه ............ هي سالتني عن الالوان الدارجه وانا قلتلها والالوان الي قلتيها بعد حلوه ........

كلاسيك..انزين شلون الحمام المغربي عندها؟ شسوت لج بالتفصيل وبكم وين محلها؟

البخور عندج راقية من اجمل حلووو وايد للبيت وللثياب...وعندج بعد معجون العربية للعود لاتفوتينه..والعود المعطر عندج مال القرشي معروف بروعته وريحته اللي تهبل ماستغني عنه اخذي منه كمية لانه صج روعه واهو اعتقد يسوي عرض عليه يعني ان خذتي 3 غراش يسوي لج خصم حلو

بعد العود المعطر عند الرصاصي واجمل..ولاتنسين المحل "الجزيرة" اللي في لارويال بلازا عنده بعد انا خذيت منه عود بالعنبر وكان روعه

واذا حد بيروح الامارات وصي على بخور وعود معطر من عند "ام عوض القبيسي" شغلها حلو بهالسوالف

الله يهنيج بذوق ريلج بالعطورات وبكل شىء انشاء الله :) بس بعد لاتنسينه لانها بتكون لفته حلوه منج واكيد عرفتي ذوقة الحين وتقدرين تاخذين له شىء يعجبة

انا اشوف الاخضر الملكي اللي قالت عنه خطبطب وايد حلو وزاهي :) وبيطلع مع المكياج حلو ...لازم تفكرين بالمكياج بعد مب لون الفستان بس...فيه ناس الوان معينه تطلع عليهم حلوه والان ثانية ماتطلع عليهم حلوة فكري انتي وشوفي على لون بشرتج شنهو احلى لون واختاري لون الفستان عليه

مدري احس فعلا المكياج مهم بتحديد لون الفستان والا شرايكم؟

انا مثلا احب البس الوردي والتركوازي والازرق والماروني لان الوان المكياج تطلع حلو علي بهالالوان ....لكن مثلا مافكر اسوي فستان بيج او بني لان الالوان الترابية مب حلوه علي :)

اليوم شفت على وحده اللونين وردي الي قريب البنفسجي الغامق مع بني محروق طالع روعه

روز قطر


ما تتخلين شكثر نورتيني بصورج ...ألف ألف شكر وعساج على القوة


:::::::

خطيبة الغالي


اللون الاخضر الملكي هو الدارج هالايام وفكرت فيه بس وقفت عند عائقين

اول حاجة اني كنت لابسة بملجتي فستان اسود مشكوك يعني لون غامج.....

وثاني حاجه ان بحنتي احتمال كبير اسوي اللون الاخضر احسه يهبل مع الذهب الاصفر ..


يعني الزبدة لوسويت خطوبتي فستان اخضر والحنة بعد اخضر بيصير الالبوم كله اخضر باخضر مع انه خاطري باللون الاخضررر بصراحة...


ألف ألف شكر حبيبة قلبي


:::::::::::


أم حمد القطرية

معاج حق لون البشرة يلعب دور كبير في اختيار اللون المناسب للبس .....

والبنفسجي الفاتح ........اممممممم اعتقد انه حلو لو دخل لي وياااااه لون ثاني مثل الذهبي..


ألف ألف شكر حبيبتي


:::::::::::::

كلاسيك

اصلا المكياج اهم ما في الموضووع لو كانت الالوان شينة بتشين الفستان مهما كان فخم..

ولو كان حلوو ممكن يغظي على الفستان حتى لو كان ناعم....


ملاحظتج بمحلها يا الغالية


الف الف شكر...


اممممممم افكر باللون التوتي احسه حلو باللبس وبالمكياج ......يمكن ام حمد تأيدني الراي..


انتو شرايكم؟

هلا و مرحبا بنوتات حلوات و عرايس أحلى : )

الله يعينكم على ردي ..

**

قطر ..
ارحم الله والديج حبيبتي .. وانا اقول نكج مب غريب علي قد قارية لج موضوع من قبل...
و جزاج الله خير على إفادة البنات
و كلامج عن سميرة كلللللللللللللللللللللللللللللللللللله صح و عن تجربة ..
يا بنات سمعوا كلام قطر الله يحفظها
و اسعارها حلوة واااااايد خاصة و إنها مب خسارة على النتيجة
و الحبوب اللي استخدمتيها .. أم 300 ريال ؟؟ إذا هي فهي صج ممتازة للحبوب و آثارها ..

**
خطيبة الغالي ..
هههههههههه الظاهر مبين علي .. عسى ما أسجل في منتدى و يتعودون علي الأعضاء .. لازم يقولون لي " ماما " : )
اممم عندج د . ألما الرفاعي .. أحسن من نوال شعراني ..

**
كلاسيك ..
اوبييييه عصبت علي البنت .. نسيت والله راسي مفتر ..
الحين بارسله لج ..
بس شوفي انا ما أمدحهااا انا جبتها للنظافة بس .. لأني تمللت من شكلي .. بس هي يمكن تعجب البنات اللي يستخدمون الحلاوة الهندية أكثر ..

امممم كلاسيك روحي تعالجي عن هالآثار إذا كانت اوفر .. و حتى لو عرستي و هالآثار موجودة .. بتروح كلللها و بيصفى جسمج صدقيني عقب الزواج .. والله يوفقج ..

**
سحابة حب ..
أي تعاملت معاها .. بس سويت عندها جلستين .. و صج بين الفرق .. حتى هي لاحظت .. و هلي بعد ..
لكن ما استمريت .. ابي اعرف بالضبط متى بتعود عشان أستمر معاها ..
و بخصوص الخلطات للويه .. امممم انا سوت لي مرة على قولتها تنظيف بشرة .. بس كان تشقير للويه كامل و عقب حطت لي خلطة و بس ..
شوفي هي أهم شي عندها إنج ما تكونين مسوية تقشير لجسمج أو ويهج .. و إذا حجزتي عندها خلها تشتغل على ويهج عشان توحد لون جسمج .. من منبت الشعر ليييين أخمص القدمين ^_^

**

دلوووعة قطرية ..
إن شاء الله اللي بيروح العرس .. بآخذ منه التفاصيل و رؤوس الأقلام بعد و باقول لكم .. و العذر منكم إذا محد راح من هلي ..

**

ألحان أمل ..
يا هلا و مرحبا فيج و حياج الله دوم معانا و بينّا ..
بالمبارك عليج الملجة .. و عقبال العرس يااارب ..
و مشكورة على كلامج الطيب ..

بخصوص الفساتين .. و الألوان ..
حبيبتي الدارج الحين .. الحرير بخصوص القماش و الأخضر للون .. و الكريستالات صايرة موضة الحين + التكسير في الفستان ..
مادري اذا شفتي فستان باسكال مشعلاني الأخضر .. وايد حلو .. بالضبط هذي المواصفات الدارجة ..

المكياج ..
و الله البنات يمدحون سعاد البلوشي أو الخنجي اللي كانت في يونيك للمكياج و يفضل للعروس سواء خطوبة أو عرس تسوي سموكي أحلى .. أما آمنة شاهين .. حلو مكياجها لكنها بتغيرج .. و التغيير خليه للعرس مرة وحدة ..
و للشعر عندج مرسيدس أو لبنى ..

و التسريحة تكون حسب الشعر و الفستان .. لكن يفضل إنج ما تسوين تسريحة مرفوعة كاملة .. أو خليه على ذوق اللي بتسوي لج ..

شخصياً أقول لج قصيه و عدليه و ممكن تخلينه مفتوح أو على برى .. أو تسوي لج بف بسيط بدون ما ترفع الشعر ..
إكسسوارات الشعر .. يعتمد .. على الفستان .. و الشغل اللي فيه .. يعني حلو التركيز على شي واحد : )
اممم توني مفصلة فستان و كان حاط لي فيه سلاسل نااااعمة في فضية و في ذهبية .. و حلوة للشعر ..

المسكة .. ماسيس أو كازا فلورا .. مسكاتهم حلوة وايد .. و حطي في بالج الفستان و الشغل اللي فيه ..

اممممم مادري الخطوبة بتكون في البيت و لا في قاعة ..
عموماً .. إذا في البيت بتلقين حركات حلوة للكاسات و للصينية في ذا ون .. و للكيك .. اعجبتني فكرة السيف إذا كان القالب كبير ..
وللطاولات .. حطي باقات ورد ماشية مع فستانج و بين كل باقة حطي شمعة .. أو بدونها .. بس سويها مفروشة عشان تاخذ مساحة من الطاولة وماتبين فاضية .. و الصور اللي حطتها روز تجنن خاصة الشموع اللي على الصحن ..

الدخلة ..
جيبي دي جي و يمدحون امممم أميرة على ما أظن .. و محل اسمه نور دي جي .. و عندج المنى ..
و بخصوص ريلج لا تعلمين حد إنه بيدخل غير خواتج بس ووصيهم لا يعلمون احد .. و خلي دخلتكم اثنينكم مفاجأة للحضور ..
بس أنا ما احبذ .. يدخل الريّال الا إذا بيلبس الشبكة لكن قبل أحسها مب حلوة يقعد من اول الحفلة ..

و بخصوص الحنا .. اممممم إذا بتسوين أخضر لخطوبتج .. خلي للحنا برتقالي و ذهبي بتقولين غريب .. انا شفت هاللون على رفيجتي كااان لونه زاااهي وايد .. و في نفس الوقت تغيير .. و ترى الأخضر اللي تقول عنه خطب طب .. زااااهي مب غامق و كاتم ..



و خلي الخطوبة بسيطة لا تبالغين فيها .. و خلي الثقيل للعرس ..

**
أم حمد ..
فديتج بالعكس عادي .. هاللون يصلح للكل لأنه زاااهي .. و هي عروس مع الإضاءة و الميك آب بتطلع خيال بإذن الله ..

خطيبة الغالي


تسلمين يالغاليه

بصراحة أنا ماعرف إن فيه اكثر من سعاد همام

والله كنا بالمدرسة ومدرسة اتصلت وحجزت لي ولما رجعت البيت طلع التاريخ غلط

ولا اعرف رقم سعاد ولا رقم البنت اللي احجزت لي

والحمد لله لقيت رقم سعاد وكلمتها

تسلمين يالغالية

هااااااااااي عررررايس قطر اخباركم ؟؟؟؟


ام شيووووخ نبيج تستانسين علشان تطلعين احلى عرووووس كثري من قراءة الاذكار والدعاء واحنا كلنا بندعي لج حبيبتي وانشاء الله بتطلعين احلى عرووووس وكثري من اكل الفواكه علشان بشرتج وصحتج ونامي بكييير علشان عيونج ما يبين عليها الانتفاخ والتعب يوم العرس ووالله يوفقج حبيببتي


خطبطب خطاطيبو اخطبوط لووووووووووووووووووووووووووووووووووول اتغشمر لا تزعلي فديتج انا الخلطه جربتها مرتين نتيجتها نعووووووووووووووووووووووووومه وترطيب عجيب للجسم


الحلم الهادي بكم سويتي حمامر زيت لشعرج عند دايموند وكم المده ؟ ومن هي اللي سوته لج ؟


اللي تسال تروح عند نوال شعراني تراها ماديه درجه اولى والما نفس الشي واحرقت ويهي بالليزر ونفسيتها خايسه على شنو مدري لوووول


انصحكم تروحون عند د حسن العبدالله والا فهد الباكر والا خالد البياري