الجزء الثالث ... ( تجهيــزات عرايــس قطــ2006ــر)

اي والله احلام صغيره صح كلامج
بنات بليز الكل يوقف كتابه اليوم
واعتقد كل وحده من نفسها اصلا مابتشتهي تكتب عقب اللي صار
خلونا ندعيله احسن

الصراحه بنات انا انسدت نفسي صج لو طلعت دوحانيه الي نعرفها جد بتضايق:(
الله يرحم ابوها ان شاء الله

ام شيوووخ هي دوحانيه اللي عرسها 23-3 اقري رد الاخت نور وضحت لنا سالفه فوووق

اي وعليه قالت لي والله ما تستاهل بس الله كاتب هالشكل الله يصبرهم ان شاءا لله

شنوووووووووووووووووووووووووووووووووووووو!!!!!!!!!!!

دوحانيتنا !!!!!!! عروستنا !!!!!!!!!! صارفيها هذا كله متى !!!


لاحول ولاقوة الا بالله والله قلبي متقطع الله يرحمه ويغفر له خلاص بنات اليوم مابنكتب شي لاتجهيز ولاغيره ادعوا لدوحانيه ان الله يصبرها ويثبتها .........


نور الدوحه امانه توصلينلها عزاي وعزا كل البنات والله العظيم متضايقين عشانها :cry::cry::cry:

مجنونة قطر ............. عظم الله اجرج والله يغفر له انشالله بنات شصاير حد حاسدنا :cry:

اي والله شصااااااااااار
جنها عين والله

بس هذا يومه مابيدنا شي غير ندعيله ونقرى الفاتحه على روحه

استغرب منكم والله تدرون خواتي بين الشرك والايمان لحظه اخواتي كل كلمه عليها حساب ما يلفظ من قول الا لديه رقيب عتيد

ماتستاهل ما يجوز نقولها لان الله العادل المقدر الاقدار


صابتنا عين كيف ولكل اجل كتاب منذ كان نطفه كان في اللوح المحفوظ انه ستوفى في هذا اليوم

ما اصدق كل هذا خواتي الصبر عند الصدمات لابد منه

خواتي نتذكر ان تقديرؤ الله لا اعتراض عليه ولا راد له

ممكن كلامي شديد عليكم ولكن خوفي عليكم اشد كله الا قلوبكم ارعوها حق الرعايه لنكون من اهل الجنه اتباع رسول الله صلى الله عليه وسلم

لنشرب معه من الكوثر


اختي مجنونه قطر عظم الله اجرك وصبرك على مصيبتك وغفر له رب العالمين

اللهم ثبته عند السؤال ووسع قبره واحشره مع الانبياء والصديقين

صح كلامج ام حمد جزاج الله خير واانشالله بندعي لهم بالمغفره والله يصبر اهلهم بس وقت الضيق الواحد مايعرف شيقول...

بنات شصاير.. اللي يتأجل عرسها واللي يتوفى عندهم حد.. عين وصابتنا لاحول ولاقوة الا بالله


الله يرحمهم ويرحم جميع موتى المسلمين ان شاء الله


ويغفر لهم يارب ويصبر اهلهم


لا حول ولا قوة الا بالله


والله قلبي عورني


ان لله وانا اليه راجعون.. هاى يومه ومحد يعترض اللهم اني لا اعترض على قدرك ولكني اسألك اللطف فيه

اجرنا واجركم :(....


و صح لسانج ام حمد ......

عظم الله اجرج حبيبتي مجنونة قطر....
بس لازم نقول الحمدالله على كل حال ماتعرفون الصلاح في وين وهاي كله الله كاتبه ...

عظــم الله أجركـــم >>>>>>>>>>>>>>>>>> مجنونة قطــر & درحانيـــــة



اللهم إغفر له و ارحمه و عافه و اعف عنه و أكرم نزله

ووسع مدخله وأغسلـــه بالمـــــاء و الثلـــج و البــرد

و نقه مـن الخطايا كما ينقى الثــوب الأبيض من الدنس

وأبدلـه دارا خيرا من داره وأهلا خيــــرا مــن أهلـــه

و أدخلـــه الجنــة و أعـــذه من عــذاب القبـــر وثبتــه عنـــد الســـؤال

اللهـــم آميـــــــــن



رفيــج ريلي ابــوه متوفي يــوم الخمــيس في اللــيل ...... لا يكــــون!!!!!:think:




الحمدلله على كل حال ...... انا قبل عرسي بأقل من اسبوع توفى واحد من أهل ريلي وما سويت عرس







كل وحــده سألــت عني>>>>>>> ثنكيووووووو:flower:







بصراحـــــة قبل ما ادش النت كنت احـــس بضيــقة ومالي خاطــر ادش قــلت خلنــي ادش واشوفكم عشان اوســع خاطــري لكن تضايـقت زيــاده





شريفة شريم>>>>>>>>> تجي البيت بس المكياج العادي تسويه بــ1200 ما يستاهل

ايه والله يابنات امس بليل كنت كله اتقلب موقادرة اناام قلت خل ادخل اوسع صدري شوي معاكم والا اشوف رد اخت نور تميت بس دقيقه انار شاشه كمبيوتر مش مستوعبه الخبر خصوصا ان عرسها بعد 3 اسابيع وغير هذا في وحده نفس اسمهااا

جزاج الله خير ام حمد والله من صدمه موعارفين شنخربط ونقول

لكن الحمدالله على كل شي

والله ان ضيقه حايشتني كلش

نور الدوحه ارجوج قوليلها كلنا البنات قلبنا وياااها والله تاثرنا لها واايد والله يكون بعونهااا وطمنينا عليها ارجوووج

ام حمد القطريه


صابتنا عين كيف ولكل اجل كتاب منذ كان نطفه كان في اللوح المحفوظ انه ستوفى في هذا اليوم



احنا قصدنا ان اغلب العرايس تأجلت اعراسهم وبعد يصير جذي؟؟
ولا احنا ماقصدنا ان العين صابته ومات
الله يرحمه ويغمد روحه الجنه

وتعرفين على قولة خطيبة الغالي صج الواحد وهو متضايق ماينلام

السلام عليكم


حبيت أعزيكم الغاليــــات


الله يرحمه ويغفره


عظم الله أجركم


الله يصبر هله


وبالأخص أختنا الغاليه دوحانيه

بنااات تدرون اني ماقدرت اكتب شي حق دوحانيه
بالموضوع الخاص للتعزيه

كل ماجي اكتب يدي ترتجف واقوم

لا حول ولا قوة الا بالله

مجنونة قطر

عظم الله اجركم حبيبتي
ويارب تكون اخر الاحزان ان شاء الله


اانا لله وان اليه راجعون

اللهم إغفر له و ارحمه و عافه و اعف عنه و أكرم نزله

ووسع مدخله وأغسله بالماء و الثلج و البرد

و نقه من الخطايا كما ينقى الثوب الأبيض من الدنس

وأبدله دارا خيرا من داره وأهلا خيرا من أهله

و أدخله الجنه و أعذه من عذاب القبر وثبته عند السؤال

اللهم آمين

عمري قطر فضي رسايل عندج احاول اراسلج يطلع ممتلئ

بنااات انتوا فيكم ضيييييييقه؟؟


انا احس اني مخنوووقه
مالي خلق حد