الجزء الثالث ... ( تجهيــزات عرايــس قطــ2006ــر)

خطيبة الغالي وقطرية لؤطه الآية الكريمة هي "قل لن يصيبنا الا ما كتب الله لنا هو مولانا وعلى الله فليتوكل المؤمنون "
لأن الله سبحانه وتعالى هو اللي يكتب ويقدر الاقدار مب رسوله والمؤمنين..

حبيت بس اصحح الآية

بعدين يا عرايسنا ليش التشاؤم ترى التشاؤم معدي ينتقل من واحدة لين الثانية
والله لا تتشائمون وعند الله خير وأفضاله تستحق الحمد والشكر عشان يزيدنا اكثر لكن لما الله ينعم علينا ويلاقينا كله طفرانيين ومتضايقيين بالعكس ما يزيدنا لأن الله سبحانه له سنه ما تتغير ان احنا اذا شكرنا يزيدنا واذا كفرنا لا
"لئن شكرتم لأزيدنكم ولئن كفرتم إن عذابي لشديد " ومن شكر النعمة ان الانسان يتذكر ويستحضر شقد الله منعم علينا.

اذا تضايق حد منكم بس قولي حق نفسج "انتي شتبين اكثر من جذي .. كل شيء عندج "وبتلاقين نفسج تحمدين الله وتشكرينه.

تفائلوا .. انتو عرايس ..ترى اظن ان فينا طبع يا هل قطر .. دايما تروح علينا المناسبات السعيده في المحاتاه والحنه والضيقات وبعدين نكتشف ان احلى الاوقات مرت علينا واحنا ما ندري .. لا حقين على الهم استمتعوا بأيامكم الحلوة ودايما ظنوا بالله خير لانه سبحانه عند ظن عبده به .. فأحسنوا ظنكم بالله وبتلاقون الخير يجيكم أما اذا انتظرتوا الشر فما راح يجيكم -بعيد الشر- الا اللي انتو توقعتوه.

جزاج الله خير اختي غرشوب

شخباركم بنااااااات وينكم يللا كل وحده تدخل وتكتب لها كلمه ................... وحشتونا

السلام عليكم ورحمة الله وبركاتة

شخباركم بنات.....

نفسيتي تعبانه....وووايد مضايقه....

الظاهر لازم....اشرب ريد بل مره ثانيه...

وياج خطيبة الغالي

بنات من احسن وحده حق الشعر لأن سعاد البحرينية بس للمكياج واذا تعرفون بكم الشعر للعروسة فجزاكم الله خير

هلا بنات.......عروس الدوحه..تبين الصراحه فكرة حفلة بسيطة وايد حلوه وانا اشجعها بس في حالة وحده...اذا اهلج مقتنعين واهل ريلج بعد...عشان عقب محد يقول انه مقصر وماسوى لج حفله كبيرة...يعني اذا تضمنين ان محد يقول هالكلام...توكلي على الله

انا والله لو اظمن ان محد يتكلم عليه بانه مقصر ومن هالسوالف ..خبرج الناس متخلي حد بحاله...لو اظمن هالشىء جان طبقت هالفكره بس امعصي :) احس اكل بيتكلمون وعشان جذيه الفكره بالنسبة لي مرفوضة

خطبطب ..شخبارج؟؟ شلون جامعة قهر ؟؟.......تدرين عاد؟ احلى ايام عمري هي ايام الجامعه احسها ماتتعوض :) بتعرفين عقب لين اشتغلتي شلون ايام الجامعه حلوه

السلام عليكم ..............
انا جديده على المنتدى وحبيت اشاركم فرحتكم لاني مثلكم عرروس توني فرش وعرسي في الاجازه بس ريضه وتوني ماشريت ولا شي ولاسويت شي ....
انا عندي نصايح لكم وحبيت من خبرتي وخبره خواتي وصديقاتي اعطيكم هالمعلومات والتجهيزات الي تنفع لكل عروس
ونسيت اقول شي... خطيبه الغالي انا يوم شفت تجهيزاتج عرفت ان ماسويتي ولا شي وصرفتي فلوسج على اشياء بسيطه وباقي لج اشياء وايد تسوينهاا,,, اعطيج هالغراض علشان ان شاء الله تنفعج وتنفع االاخوات

نقول بسم الله
(المــــلابس الداخليــــــه)
ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة

ماركات الملابس الداخليه)
ايتام
شانتيل وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه

وافضل ستيانه تشد الصدر الكبير هي
PUSH UP

موجوده عند كل الماركات..... انتي بس قوليلهم هاالكلمة

بس حتى البوش اب في اكثر من نوع

اذا تبغون وين باالتحديد تلاقونها مثلا عند ماركس آند سبنسر

ملابس النوم

ملابس النوم:
طقمين ارواب
قمصان طويلة بدون ارواب عدد :
قمصان قصيرة عدد:
بجايم حريري عدد
بجايم قطنيه عدد

كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد

متوفره عند

نعومي


(ملابــــــــــس البيـــــت)

أقمصة قطنية طويلة عدد
أقمصة قطنية قصيرة عدد
أطقم شورتات قطنية+جينز عدد
تنوره قصيره عدد
تي شيرت عدد
بناطلين عدد
فساتين قصيره عدد
بودي عدد
........



(ملابـــــــــــــس خـــــروج)

يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنه بياخذ على الرسم مع ان الرسم عادي ويقدر اي احد يرسمه
عندك اقرب خياط خذي مجموعه من المجلات المعروفه

سيدتي- الجميله-كل الاسره-زهره الخليج-اسرتي-لها


تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجج
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجج طلعه أو مطعم
وبناطلين حلوه لشهر العسل


(الـــذهب )


لاتكثرين لأنه راح تجيج هدايا سواء من اهلج أو من اهل زوجج
خذي لج طقمين أبيض واصفر واذا كنتي ماتحبين الذهب الأصفر
لاتكثرين منه لانه حلاته يوم الصباحيه اذا جيتي بتسلمين على اهله وبس
فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند داماس او مجوهرات المفتاح




(الشنـــاط)

الموضه في الشنط المشكوكه
راح تلاقين أشكال حلووه باالمره وخذي لك ثنتين عمليات
لما تطلعين مع العريس


وهذه ماركات شنط حلوه

فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات



(اغراض الحمام)


طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:أحلى الرغوات:
صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض بس يا بنات تبون نصيحتي(حاولوا قدر الامكان الابتعاد من الحلاوه ولا تستعملونها بستمرار لان الحلاه وخصوصا في المناطق الحساسه تسبب ترهدلات فيه لان نزع الشعر من جذوره وبقوه تسبب اتلاف الاعصاب في ذيك المنطقه وبعدها تموت الخلايا فيها يعني لو نزعتي مرات ماراح تحسين بالالم لانها ميته وفي الاخير تسبب برود جنسي) ارجوا انه وصلت هالمعلومه لان مو من عندي الكلام هاي كلام الدكاتره عن نفسي انا مااستعمل الا مكينه الحلاقه ماركه براون صحيح ان ماتشيل من الجذور بس طريقتها امنه ولا تجرح وتخلي المكان املس وناعم.... المهم نكمل

غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه <<<تعلمينه انك رومانسيه بعد ماتطلعين متسبحه خلفي ورى طلعتج من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين




(علاجـــــــــــات)


بندول
نصيحه

بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها
لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها
باالنسبه لصديقتي في بدايه زواجها مااخذت ولاشي..وجلست 9 شهور تقريبا بعدين حملت
وكل وحده تختلف عن الثانيه فيه ناس ماحملت الا بعد سنتين أو سنه
وفيه ناس من أول شهر ونادرا ماتسير..ونصيحه لاتفكرين ابدا بحبوب منع الحمل لأنها تخرب البشره والنفسيه وكلها تنعكس عليك




(الجـــــــــــــــزم)


شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام



(العطــــــــــــــور)


هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوووووووه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا


وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب <<
مون فلورمن بودي شوب<<



(المفــــــــــــــــــــارش)


اختاري أثنين فقط
واحد أبيض وواحد مشجر
واخذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش



(ماكـــياج)
ماكياج الصباح
اختاري كريم اساس خفيف تلقينه عند ماكس فاكتوروبودي شوب
اما الأرواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار
مكياج الليل
ماكياج الليل لازم يكون اكثف من النهار
باالنسبه للأساس احلى شي

ماك..جفنشي....كريستيان ديورويجي ضغاط يعني زي البخاخ ..كانيبو...فور ايفر وابتعدو عن نينارتشي يطلع قشور ويخلي وجهج كأنو مصبوغ في بويه

الأساس الستيك عملي جدا وخليه في شنطتك للطواري بس تمررين الأصبع بشكل سريع عند اللزوم..وخصوصا شهر العسل راح تحتاجينه في السفر اذا نزل العريس لمحطه البنزين طلعي الستيك وعدلي اللي خرب هههههههههههههههههه<< هذا ان سافرتي بسياره وخذيه من ماركه كريولان

كونسيلر فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع ههههه والأصفرعلى جسر الأنف والبني على جوانب الأنف

كريم اضاءه

ريفلون..ماك..كريولان

بودره اضاءه ماك..بودي شوب

بودره بلمعه مافيه زي ريفلون خذي كل الثنتين البيضاء والبرونزيه

الكحل كريولان لانكوم وكحل القلم الجاف من جفنشي خطيييير

الشدو كريولان ..فور ايفر ..ماك..ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل


(IsaDora )

البلاشر روحي لمكياجي تلقين عندهم ماركة
الوان البلاشر حقتهم روووعه


مثبت الماكياج بخاخ من جفنشي.أو فور ايفر

المناكير خذي هذه الالوان بصلي..وردي..احمر..عنابي

الماسكارا هيلينا روبنشتاين ..بروجو..نيفيا

الأرواج
ماكياجي
فور ايفر
زهور الريف
جلوساتهم تهبل
نيفيا
شانيل
جفنشي
شسيدو
لانكوم
كريستيان ديور
مزيل ماكياج
ميلك للبشره
كريم مرطب للبشره
غسول للبشره كلين آند كلير

شنطة مكياج عشان تحفظين اغراضك فيها من الضياع وعشان يكون حملها سهل



(اكسســوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير

توكات"بنس للشعر"
بعض البكل الجميله موتحطين ميكي ماوس وارانب خلاص كبرتي ههههههههههههه



الأجـــــــهزه
استشوار عدد 2
فير لتلفيف الشعر
فيه فير على غاز يجننن تحطينه بشنطتج اليدويه وتكوين فيه الخصل اللي جدام اذا كنتي من النوع اللي يحب يحط خصل مستقيمه على الوجه
وخذي معاج كم اسطوانه غاز صغيره طبعا الأسطوانه بطول الأصبع وتجي ثنتين مع بعض بـ40 ريال _مو تاخذين سلندر الغاز مال البيت وتوهقوني وتقولون بنت قطر قالت جيه ههههههههههههههههههههههه
يستحب ويفضل أن تشترين الجهاز اللي هو الأستشوار البخار حق حمام الزيت راح يفيدك كثير اول الزواج خصوصا انك احتمال تتزوجين في اجازه و
24 ساعه مقابلك ماتقدرين تحطين زيت لمده4 ساعات اما استشوار البخار حطي الزيت واجلسي نصف ساعه تحته واستحمي قيمته تقريبا 800 ريال
مبخره



متفرقــــــات

كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير<<حتى مايخرب الروج

زيت السمسم <<<ياما من الشعر الجاف اللي بتشوفينه على الأقل رطبيه لو 10 دقائق بزيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين لنا رحلتكم في شهر العسل
لبان فيه لبان ايراني ممتاز عند محلات البخور داخله عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه



ترا حاولوا في ليله العرس قبل لا تدخلين على الكوفير وتتمكيجين حاولي انج تاخذين حمام وتتنقعين بماي دافي مع زعفران ونص قلاص ماي ورد ترا يقلل نسبه الافرزات العرق اذا كنتي متوتره ويقلل التوتر نفسه بعد ماتتبخرين وتتطيبين راح تلزق فيج ريحه العطورات لان الزعفران وماي الورد تثبت الروايح....
وعندي نصيحه ثانيه اذا كان عرسج في فندق مثلا شرتون او فور سيزن حاولي تاخذين غرفه فوق علشان تجيبن الكوفيره مع الي تمكيج وطبعا خواتج علشان تختصرين الوقت مثلا لو تكشختي في البيت وخلصتي الساعه 8 ونص لين ماتطلعين وتوصلين يبيلج مليون ساعه وانتوا تعرفون الشوراع والزحمه...


نصـــائح
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلج لاتكثرين من الذهاب لهم اول الزواج علشان يتعود عليك ويسير مايستغني عنك
لاتكثرين رسائل الجوال علشان ماتسيرين لزقه
اذا بغيتي أي شي من السوق لاتستحين ترى حياك ماراح ينفعك ههههههههه
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم جيه لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك يعني خلك بين طلباتك ومستلزماته وراح يتعود على المصاريف الله يعينه ويوفقه

اتمنى اني وفرت عليكم الجهد والوقت يلا كل وحده تجيب الدفتر والقلب علشان تكتب الي قلته علشان تاخذه من السوق...
وبليز بنات بليز دعواتكم

غرشوب ............
وفي وحده سودانيه في قطر تسوي شعر تجي لين البيت بس عليها شغل ايجنن اسمها منى بس ماعتقد تلقين لان زحمه الناس عليها يعني لو بتزوجين يبيلج سنه علشان تحجزين قبل وانتي وحظج...
واانا ياحظي لحد الحين ماسويت شي..

مشكووورين خوواتي على نصاايحكم وهو اليوم كلمني قالي دخلتي الفكرة برااسي بس ارجوج اذا قتلج قوليلي لا ابي عرس هههههههههههه تخيلوااااا لانه ليش انا ماسويت خطوبه ولا بسوي ليله حنه احس ان هالاشياء صرف ومخااسير لاشياء تافهه واسفه لكلامي بس هذا رايي شخصي

عالعموم قالي لا حرام عليج احنا ماسوينا شي لعمرنا جات على عرس وبعدين قال لا تدرين هالفلوس اللي بحطها على عرس بحطها بالبنك بحسابج وهذا من حقج عشان محد يتكلم هو خاايف ن هلى يقولون خذها ببلاش لاخطوبه ولا شي هو هذا اللي خايف منه

قتله هلى مالهم شغل فيني

هههههههههههههههههههههههه

تخيلوا لعبت في نفسيته بعدين قالي خلاص بنسووي عرس اخاف في خاطررج

المهم انا اللحين خليته على رااحته وقتله فكر وقرر وقولي انا في كلا الحالتين راضيه بلي تشووره على سواء في عرس او مافي عرس

والله يابنات لو ادفع دم قلبي على عرس ناس بيتطنزون بيتطنزون وكلها من ساعه 10ونص الى 11ونص يعني بالكثير ساعه وبنطلع والله قهر

عشان جذي خاطري اسوي حفله ببيتنا صغيره ونساافر وكلها كم شهر وناس بينسون وبينشغلون بعروس ثاانيه

bntqtr جزاج الله خير والله يوفقج يا رب
انا سمعت عن منى السودانية يمدحون شغلها بس ما تدرين بكم تسوي حق العروس؟؟

بعدين الاغراض اللي حطيتيها فوق واااااايد مفيده وبتوفر على كل العرايس وقت ومجهود بس يا ريت قلتي لنا العدد يعني كم قطعة من كل شيء.

آخر شيء الله يوفقج يا bntqtr وييسر لج كل أمورج انتي وكل عرايسنا يا رب

يا بنات قطر بليز ابي الفزعه من عندكم............
الي يعرف مصمم ازياء في الدوحه او خياط ماهر حق فساتين اعراس تساعدوني لان ابي افصل فستان خطيبي الله يهداه اجبرني ان افصل ومايبني اشتري جاهز او تأجير...
وانا في بالي تصميم رهيب بس ادور لي على مصمم ماهر والي يعرف يقولي اسمه ويعرف اسعارهم يعني مثلا من كم لين كم وخصوصا انه تفصيل والموديل صعب يعني كم بياخذ؟

وفي شي ثاني انا وايد سمعت عن التقشير الكرستالي انه يبيض البشره والسمره يفتحها والبيضه يخليها حليب..
الي يعرف عياده او مستشفى او دكتور متخصص يقولي وللعلم علشان ماتتلخبطون ترا في تقشير كميائي وفي تقشير بالفواكه وتقسير الماسي وكل هاي عن طريق الدكاتره بس انا ابي التقشير الكرستالي اذا احد يعرفه

عروس الدوحة حبيبتي استخيري احسن لج واستشيري بعد الناس اللي تثقين فيهم وبعدين قرري..

لكن طالما خليتي الكورة في ملعبه خلاص الله يكتب لج الخير وبالفعل كلامج منطقي .. عرس ... الواحدة تجهز له من اشهر وتحجز عند ستين جهة وترهق اعصابها و المحلات كفروا في خلق الله اسعار خيالية ؟؟عشان ساعة !! ساعتين!!

بس الواحد يقول هي مره واحده في العمر .. وخلنا نستانس ..

في وحده تسوي شعر اسمها هناء شغلها واااايد حلو ومرتب

مشكورة كثير على هالموضوع

بنت قطر يااهلا فيج معنا وحيااج قوليلنا متي عرسج عشان انضمج للقائمه ومن حجزتي مكياج وشعر؟

والله يتمم لج على خير ومشكوورة ياقلبي على نصااايحج اللي كلها مفيدة

بنات حبيت اسئلكم حد جرب منال للشعر وبثينه للمكياج حجزتها لخطوبه اختي

التقشير الكرستالي نتايجه مبهره..ويمدحون الدكتور فهد الباكر بهالامور..الجلسة 200 ريال ويسوي لج 8 جلسات واعتقد جلسه كل شهر

انا فخاطري اسوي هالتقشير بس الفترة احسها طويلة وماتناسبني الحين

بس اللي عرسها بعييييد (الكلام لج يافلانه) ممكن تجربه من الحين ومابيجي وقت العرس الا وهي بيبي فيس :)

المصمم...فيه جميل بثينه جدا راقي وغالي بنفس الوقت بس خياطته روعه واسعاره بين 5 لين 7 الالف على الفستان اذا موديله راهي ومعاه اكسسوار للشعر

وعندج بعد مصمم "ايلي ابو راشد" والاسعار اقل بشوي

وعندج مصمم شغله تمام "انوني" في السد وارخص منهم بشوي

وفيه غيرهم وايد بس هذيلا احس انهم التوب

عروس الدوحه :) لاتوهقين الرجال؟...حتى لو حط لج مبلغ العرس...هل الناس بيدرون عن هالتفاصيل؟ صدقيني بيتكلمون عليه وبالاخير اهو المنقود ومحد بيدري انه معطج الفلوس...حرام احس اهو بيروح فيها وبينظلم ! وخبرج الناس عندنا تتكلم وايد وتحش وايد واكيد بيتمون يتكلمون سنين كل ماشافوج بيتكلمون خخخخخخ باعقدج عشان تسوين العرس :)

لا بس صج احس هذا اللي بيصير مع انه فكرتج عين العقل بس المشكله كلام الناس بيطوله وبيتضايق منه عقب ! وبيقولج ...انا قلت لج بي انتي تفلسفتي !! :(

فكري عدل ولاتقولين محد له خص لان اهلج واهله اكيد لهم راي ولازم تقدرينه وتحترمينه :)

هلا بنات
تعبااااااااااانه واسمحولي بغيب عنكم
باجر عندي امتحانين
ولو تدرون متى راده من الجامعه
والله بموووووووووت
لين 7 وانا اكرف في الجامعه تخيلوااا
ادعوا لي بليييييييييييز
ترى الدعوه في ظهر الغيب مستجابه

دلوعه :) هلا فديتج ..الله يعينج على هالجامعه بس شتسوين بلا لابد منه !

شدي حيلج وبشرينا بالنتايج السنعه :) سيو قايزه

على طاري القايزات...ام شيوخ :) شلونج؟ اشوف اسمج تحت......بشرينا عنج واخر تجهيزاتج وتدلعيج لنفسج؟ ماقلتي لي شماكله انتي عشان تتسممين؟ :( قولي من اي مطعم؟؟ تراني وحده 24 ساعه اكلي من برا والله قمت احاتي

هلا بنات

اشكركم من كل قلبي على سؤالكم ووقفتكم مع اختنا دوحانية
وانا وصلت لها كل كلامكم

والحمدلله الحين نفسيتها احسن

لاتخافون عليها ولا تحاتون

الله يصبرها ويصبر كل اهلها

دعواتكم ^_^

نور الدوحه مشكوره انج طمنتينا حبيبتي .......... وننتظها تطمنا هي بعد..........

اهات قطر.......... أقرب دكان حبيبتي 2 ريدبول واحد لج وواحد لي عندي هوموركات وعوار راس مادري متى بارقد.....

الحلم الهادىء اي والله احس ايام جامعة قهر بغض النظر عن التعب لكن وناسه :)


بنت قطر ياهلا فيج والله نصايحج طيبه وتدل على راعيتها مشكوره حبيبتي وبالنسبه للمصممين انوني السد وايلي ابوراشد وموداليدي..............

دلوعه سلامتج حبوبه والله يعينج هذي الدراسه ماتخلص ................

ام شيووووخ طمنينا عليج شخبار الحين انشالله احسن ؟؟

غرشوب..........اي صح منى حلو شغلها واسعارها رخيصه وايد...واذا تبين ترى الي مع سعاد اسمها سناء بعد تضبط التسريحات ...

عذاري وسحابة حب وعمري قطر وروح قطر والباقي وينكم :)