الجزء الثالث ... ( تجهيــزات عرايــس قطــ2006ــر)

هلا قايزات كلكم والله وحشتوني ...طافني وايد بس المهم جيت توني مصحصحه شوي الله يسلمكم صايدني تسمم وترقدت في الطواري اليوم وتوني بس صاحيه تمللت من بطحت السرير..
والله يابنات لو تشوفون شكلي تقولون صايدني شي كله من الترجع والتعب وحطولي مغذي مرتين وحاله حاله زين كان ريلي بيجيني بعد زين ماتهور...جان شافني في حاله كلش :(
المهم انا خلاص تعبت وانا اكتب تبون الصج بس قلت اسلم عليكم...باروح انبطح وان شاء الله باجر او الي بعده امركم...
سي يو

اسمله عليج ام شيوووخ هذا بسبب قله الاكل اكلي تري مب زين اسمله عليج يمكن جاتج عين تحملي بروحج وروحي رقدي عدل وابتدي من بكره فطور غداء عشاء لازم حتي لو ماتشتهين غصبي روووحج مايسوي عليج وراج عرس

أم شيوخ وانتي بعد وحشتينا ... سلامات يالغاليه ماتجوفين شر روحي ارتاحي الحين لتعبين نفسج وايد
وبكره خلي امج تقرى عليج واكلي عدل

سلامتك ام شيوخ...اللله بنفسج....وماتشوفين شر.....

خطيبة الغالي...ريد بل مره وحده.....هههههههههههه ....."الصراحه سبب النشاط....زفه سنعه من شيخ الشباب..."

عذاري....وين خياط ساره....

بنات..تصبحون على خير....

هلا قايزات >> التحيه المعتمده فالموضوع ،، اسمحي لنا ام شيوخ
انا اليوم بطوووله كنت فبيت جدووو عشان جي ماشاركت
بس غريبه ان محد افتقدني :(


المهم بسم الله نبدأ الاجابه على ردود الاخوات العزيزات

1-خطيبة الغالي .......... ربيع السنه القادمه
2- عروس فرش
3- أم شيوخ
4- كلاسيك
5- دوحانيه
6- وردة العشاق
7- عذاري
8- لحظة عناد
9- سحابة حب >>> اول سبعه
10- اهات قطر
11- عروس الدوحه
12- عمري قطر
13- قطرية لؤطه
14- الحلم الهادىء
15 - أحلام صغيره
16 - love's Bird

دلووعه قطريه
بانتظار الرد العملاق

فراولة قطر
كلنا هني خوات .. تحسين عاشييين ف بيت واحد
الله لايرحمنا من بعض

كلاسيك
تروحين وترجعين بالسلامه
مانبي الا سلامتج .. رجعي بسرعه مكانج بين بالموضوع

الحلم الهادىء
صح الشنطه وايد حلوه .. اختي مستفه عليها بس المشكله
تبي الشنطه من غير ماتشتري شي

فراشة بوظبي
حياج الله .. واكيداذا بنجي الامارات راح نطل عليكم بموضوعكم قبل

خطيبة الغالي
لا غلط 6 ... اول سبعه

لمار2
وييسر لج امورج كلها يااارب
مشكوره ع الدعوه الحلوه

عذاري
عليييج بالعافيه اتخنين ان شاء اله بكل اللي شريتيه
ماسألتيهم متى آخر يوم للتنزيلات؟؟

آهات قطر
بالتوفيق يااارب

ام شيوووخ
سلامات الغاليه ماتشوفين شر
ان شاء الله باليهووود

عروس الدوحه
شخبااار؟؟ وين وصلتي بالتجهيز ؟؟

آهات قطر
وانتي من اهله .. احلام سعيده


تحياتي حق كل بنات قطر حتى اللي رديت عليهم

آهات قطر

خياط ساره في شارع المنتزه اذا تعرفين ربشه للعبايات هو بأول الشارع اللي مقابل محل ربشه

وانتي من اهله (f)

-%-سحابة حب-%-

الله يعافيج يالغاليه .. آخر يوم 18-3 التنزيلات الحين 20 %

مشكووره

هلا عذاري...والله عطر كوكو مادموزيل ترى وايد حلو للصبح ريحته تعجبني وايد...لالا تحطين العطر العادي للشعر ترى مب زين...اخاف يخرب شعرج لانه فيه نسبة كحول ومواد عطريه...اكتفي بالدخون لشعرج وشوفي في دبنهامز اتوقع تلاقين العطور الخاصة بالشعر انا مره خذيت من عندهم من لانكوم...او اطلبي من موقع من النت خاصة المواقع الكبيرة والموثوق بمنتجاتها

بنات ترى فيه منتج حلو للشعر...اسمه هير فوليوم...اهو ينفخ الشعر ويعطيه شكل غليظ وهو بخاخ وريحته حلوه يعني يخلي شعرج كانه معطر...انا جربته من ماركة لانكوم وينباع على خمسين ريال في دبنهامز ..خذيته مع الشامبو ماله فللللللله

لين صارت عندي مناسبه وحبيت اسوي شعري بالبيت مثلا او اسشورة بنفسي ابخ منه على شعري وهو مبلول وابتدي اسشوره ويطلع عجيب منفوخ وكان شعري وايد غليظ مع انه عادي جدا بس تاثير البخاخ فظيع فلاضافه الى الريحه الحلوه

انا ماتشجعت اشتريه الا لما شفت نتيجته على شعر رفيجتي.هي شعرها خفيف وايد ومره شفتها كانها شاكيرا قفتها شكبر !! قلت لها (من اين لكي هذا؟؟) وقالت لي عن هالمنت العجيب...وصرت ماستغنى عنه...حتى لو رحت الصالون اوديه وياي واحط منه قبل لاتبتدي تسشورني

جربوه وبتدعون لي :)

عذاري...انا ارشح لج سعاد القطرية..لانها بتطلعج نعومه وحلاتها الخطوبه تكون بمكياج ناعم وبسيط مش قوي...هذا رايي ومدري انتي شتحبين؟ بس ترى شريفه شريم شاطره بالمكياج وتسوي لج على الطلب واذا عندج صوره تسوي لج نفسها بعد
سعاد تروحين لها البيت..لانها مارتروح بيوت حق وحده بس لكن اذا بنات وايد بتروح...اما شريفه فهي تمكيج في صالونها (مدى) في الدفنه..ومدري اذا تجي البيت او لا هذا اللي اعرفه والله يوفقج يالغاليه ويهر امورج كلها

ام شيوووووووووووووخ شماكله؟؟ قولي لي عشان انا ام المطاعم :(...ماعليج شر يالغاليه تحملي بعمرج

سحابه :) انزين اشتري انتي العطر وسلفيها الشنطه وقبل العرس ردي اخذيها خخخخخخخخخ والله تحفه ماتتفوت :)

لا حول ولا قوة الا بالله


بنات

كل اللي يحب اختنا دوحانية يدخل هالموضوع

:( :( :( :( :( :(

اضغط هنـــــــــــــــا

هلا بنوتات"GuyZat" .. =)

كلاسيك تروحين وترجعين بالسلامه ان شاء الله نبي سلامتج وتيك كير ..

ام شيوخ ماتشوفين شر الحمدلله ع سلامتج ..

لمار2 تسلمين ع الدعوه الحلوه فديتج ..

فراولة قطر نفس الاحساس والله .. احس الكل هني خواتي ..

عذاري كوكو مدموزيل ناعم وشبابي .. كوكو شانيل حلو بعد وكلاسيكي .. في عطر شعر كوكومدموزيل وفي اللور وفي No5 وكلهم حلوين .. لا موزين تعطرين شعرج خصوصا لو شعرج من النوع الي يتأثر بسرعه .. وعليج بالعافيه العطورات تتهنين فيهم يارب ..

آهات قطر عليج بالعافيه وتتهنين بالاغراض الي شريتيها ..

خطبطب وااو تعجبيني تقريبا الجدول بيكتمل مابقى الا بنتين تقريبا .. ^.^

سحابة حب بالعكس والله مكانج مبين اقرا الردود وافكر متى بيجي ردج ..

دلوووعه ماتشوفين شر والله يوفقج بالدراسه وبانتظار ردج العملاق "ع قولة سحابه" لولـ..

امم .. كنت أبي اقول لكم شي .. !!

اييي .. ماماتي شرت لي شنطة مكياج من كم يوم .. لاني احن ابي شنطه ولما اطلع ما اشتري مادري ليش لول .. طبعا مستحيل تكفي مكياجي .. قلت بحط فيها الميك اب الجديد الي ماصار له وقت عندي .. عاد انا من النوع الي اخلي الشغله بعلبتها وانسى هاي أي لون وانسى استخدمه .. ف اليوم فتحتهم كلهم ورتبتهم وحتى باقي المكياج الي مو بالشنطه رتبته .. ونااسه احس اغراضي صارت وااضحه لوقت الاستخدام خصوصا الجديده .. ووبس :$

سلام لباقي البنات الحلوات .. =)

لا حول ولا قوة الا بالله والله آسفه كتبت الرد وماشفت الخبر استغفر الله اسفه والله .. بليز سامحوني

واللللللللللللللللللللللللللللللللله كنت متضايقه ومالي خاطر اكتب وتضااااااااااااااااااااااايقت اكثر لما قريت خبر وفااااات
ابو دوحانيه والللللللللللللللللللللله قلبي عورني تذكرت باباتي الله يرحمه ...

عضم الله اجرج دوحاااااااااااااانيه والله يصبركم انشالله والله اني احبج مثل اختي واكثر...
الله يرحمه ويغمد روحه الجنه
ويجعل قبره روضه من رياض الجنه


:cry::cry::cry::cry::sad::sad::sad::cry::cry::cry:

لا ياربي شو هالخبر اي دوحانيه لان في 2 بنفس الاسم

لا ياربي تضااايقت الدنيا انصكت بوجهي كلش دوحااانيه فديتج عظم الله اجرج والله ماادري شنو اقول ؟شنو اكتب ؟

خلاص ضيقه وصلت حدهاااا فديتج دوحاانيه ماتستاهلين يالغاليه

اانا لله وان اليه راجعون

اللهم إغفر له و ارحمه و عافه و اعف عنه و أكرم نزله

ووسع مدخله وأغسله بالماء و الثلج و البرد

و نقه من الخطايا كما ينقى الثوب الأبيض من الدنس

وأبدله دارا خيرا من داره وأهلا خيرا من أهله

و أدخله الجنه و أعذه من عذاب القبر وثبته عند السؤال

اللهم آمين


الله يعظم اجركم فيه والله يرحمه

يااااابنات خلاص قررت الغي عرسي الصرااحه ماتلاحظون كل وحده فينا من يقرب عرسها سبحان الله يصير شي ويتاجل الى اجل غير مسمي وانا موناقصه كفاايه صادتني اشياء واايد من ملجت خلتني اقفل عن العرس واشيله من قلبي وغير هذا عرسي تاجل مرتين خلاص فكرت فيها بروحي اصلا ماابي عرس خلاص قلبي قفل لو موامي تحن كان من زمان سافرت ورجعت سويت حفله صغيرة بس

ان شاءالله بس اقدر اقنعه لاني من صجي الدنيا انقفلت بووووووووووووووجهي

اللهم لااعتراض على قدرك ولكن اللطف فيه يااااااااااااااااااااااااااااااارب

صباح الخير بنات
لا حول ولا قوة الا بالله....الله يرحمه ان شاء الله بس بنات ممكن توضيح
ما اظن ابو دوحانيه لأنه نفس ماقالت وحده في ثنتين دوحانيه ودوحانيه نكها بهالشكل((دوحانية ))والي كاتبين انه ابوها متوفي مكتوب بهال طريقه((دوحــــانيه))
وما اظن دوحانيه الي نعرفها الي ابوها توفى صح ولا انا غلطانه@@

السلام عليكم ورحمة الله

اخواتي استرجعوا واذكروا الله وثقوا انها كلها اقدار
وان الولاده والزواج والموت كلها سنن كونيه من رب العباد فنصبر ونحتسب ولا راد لقد الله

اخواتي الغاليات ارى الياس يتسلل الى قلوبكم ولماذا من الموت لا والله انا امة محمد جيل النصر نؤمن ان الموت حق لا راد له

اخواتي حضرت احتضار والدتي رحمها الله وجلست معها اشهد الدرس الحقيقي للاحتضار

سالت الاطباء عنها وقرات لها القران وشهت اخر لحظات حياتها

اذكرها رحها الله

رايت الموت يقطع انفاسها يتسلل وانا مستسلمه لقضائه لا راد لقضائه

تغير لونها ثم انتقلت لرحمة الله

كانت تتحدث عن جميله ودينها فذهبت باكرا اليها حملتها لتغسلها وشريت لها الكفن

ذهبت المقبره وجدتها مموحشه والاموات تتوافد لتغسل وتدفن ولا معتبر انها دنيا زائله

حضرت خياطة الكفن فكان من ارداء انواع القطن لا جيوب له لنحفظ مالنا

بعد المصممين والخياطين يخيط لنا الكفن لنقابل رب العباد

غسلتها بيدي بعد ان كانت تغسلني وضفرت شعرها بعد ان كانت تظفرني

وكل ذلك لادرك اني في دنيا زائله ولا تسوى عند الله جناح باعوضه

وانا يوم يقفل القبر علينا سنسؤل عن كل دقيقه ما عملنا فيها

ما الدنيا الامزرعة الاخرة بالعمل الصالح

اخواتي الحبيبات لم اكن احب ان احضر لكم رائحة الموت ولكنها حقا سنة الله في خلقه

رحم الله ابو دوحانيه واسكنه فسيح جناته وغفر له وابدله دارا خيرا من داره

وغفر لامي وابي واخي وجميع المسلمين الاحياء منهم والاموات

لا حول ولا قوة الا بالله .. انا لله وانا اليه راجعون ..

ام حمد القطريه....



جزاك الله خيرا ....

انا لله وانا اليه راجعون