أكثر الهدايا التى نفعتك بعد الولادة؟؟؟

مشكوره اختي رانيا البحرينيه على الموضوع .................موضوعج واااايد مفيد

بالفعل مفييييد جدا الموضوع..ماتقصرين يارانيا..

حلوة فكرة هراسة الأكل.. ماخطرت على بالي..

بالنسبة للهدايا اللي يتني كان أغلبها فلوس.. و الباقي سرير صغير من أختي حطيته في بيت اهلي بعد ماطلعت من المستشفى و فادني طبعا.. والعربانه بعد جدا مفيدة.. و الكرسي الهزاز ياني منه 4.. استخدمت 2 و الباقي وديتهم هدايا لأن بعد ماولدت اكثر من وحده كانوا والدين و خذت من هدايا ولدي.. يعني الاشياء المكررة و اللي حسيت انهم بيستفيدون منها بالذات اللي أول بيبي..
ياني كرسي الأكل بس ما استخدمته.. والمشاية اللي وايد نفعتني ..و ما أذكر شو بعد.. بس الحمدلله ماحد ياب ملابس.. لأني كنت استمتع باختيار الملابس.. مع ان اغلب المحلات ظالمة الأولاد.. كل الملابس الحلوة للبنات..

ادعوووووووووووووووولي ربي يرزقني بنوته حلوة..

وربي يرزق الجميع الذرية الصالحة..

دموع الأمطار،، لا شكر على واجب،، أشكرك أختي.

المزاجية،، الحمد لله وصلتك هدايا مفيدة،، بخصوص هراسة الأكل سمعت أن ناس كثيرة أستفادت منها... إذا وصلتنا هدايا كثيرة من نفس النوع وبحالة جيدة لا مانع من نعطيها هدايا للآخرين حتى لا نركنها في البيت بدون مايستفيد منها أحد...

بجد الموضوع مفيد جدا
انا لسه حامل فى الشهر الرابع بس باقرأ عن كل حاجه مفيدة علشان اعملها

جنة الرحمن،، الله يقومك بالسلامة وتشوفين هدايا البيبي....

بصراحة الموضوع وااااااايد مفيد
وبالنسبة لي
استفدت اكثر شي من العربة وكارير اللي جابتهم لي اختي

تحفة الأبرار،، أشكرك على المشاركة،، شكل الخوات ما يهدون الا العربات آنه وأنت وكم وحده من الي شاركوا قالوا خواتهم أهدوهم العربات,,,,

السلام عليكم ورحمة الله وبركاته
الموضوع الصراحة قمة في الروعة
بالنسبة لي جتني هدية من صديقة الطفولة
وكانت عبارة عن خلاط من بلاك أند ديكر على حجم كف اليد وأكبر شوي
استخدمته في هرس البطاطا والخضروات المسلوقة
الحجم صغير وسرعة في التنظيف
والحين بعد ما سار عمر بنتي سنتين وسبع شهور
سرت استخدم الخلاط في خرط البقدونس
العجبني في الخلاط حجمها الصغير
قارنوها حتى بالثوم والبصل الجنبها

السلام عليكم
موضوع شيق للنقاش بصراحه انا بعدني حامل
بس انا دايما اهدي فلوس لاني اكون محتاره
والحين اختي بتولد قريب واعرف انها بتولد ولد خذت لها لوازم البيبي من ملابس واودات الشاور والبوكس من مذركير ماخليت شي
وخذت لها جهاز الصوت وطبعا المشايات والهسوالف اتفقنا انا واخواتي الباقيات كل وحده تاخذ لها شي وطبعا انا خبرتها بان اللبس ومستلزماته للشاور والقماط ووالمفارش انا علي
وانا عني بصراحه خذت للبيبي مالي ملابس من الوان تنفع للبنت وللولد لاني في الرابع وبعده الجنين مايبين نوعه وماكثرت ليما اتاكد
وااما بخصوص الاشياء الي بيستخدمها البيبي بعد الثلاث شهور ماباخذها بشوف الي بيوصلني وبعدها باخذ
وتحياتي للجميع

انا بعد تقريبا الهدايا اللي جاتني نفس هدايا البنات ....

بس يوم حملت اول مرة عمتي تكفلت بكل لوازم البيبي لين 3 شهور يعني فديتها ماقصرت يابت لي شنطة عوووودة مليانه ملابس وحفاظات والحليب والمراضيع كل شي تقريبا ... مع انه كان خاطري انا اشتري هالاشياء بس ماحبيت اكسر بخاطرها وعليه ...:sad:

وطبعا جاتني هدايا وايد منها المشاية واستفدت منها وايد وكرسي الاكل وااااااااااايد استفدت منه :clap: جاني منه اثنين خليت واحد حق ولدي والثاني خشيته حق بنتي فديتها وبعد استفدت منه وايد وللحين استخدمه احيانا وهي عمرها سنه وتسع شهور وطبعا جاتني فلوس والكرسي الهزاز والجاري والبانيو ( طبعا من كل شي اثنين او ثلاثه )...والسرير العود جابته خالتي فديتها

وبنتي نفس الشي بس زيادة عليه الذهب ونصه طلعته الصراحه ، وحتى المضاعد ماقدرت استفيد منها الا الحين تصدقون لانه يد بنتي صغييييرة :confused:

المهم مابي اطول عليكم ... انا ناويه اخذ الحاجز اللي حطت صورته رانية ... تهقون وين احصله في مذركير وبيبي شوب ولا وين :think:

لانه بنتي ذاااااااااابحتني ماغفل عنها خمس دقايق الا راكبة غرفة الخدم فوق وتدهن بالفازليييييين :dd: ههههههههههههههه كم مرة صايدتها اااااابي اشتريه بسرعه واسد عليها المكان عشان اتحطم مثل عبودي ولد رانيا (r)


ومشكورة حبيبتي رانيا على موضوعج الروووووعه :handup:

بنوتة قطرية أنت الأروع أختي وحياج الله معانا بهالموضوع...

أولا أفدتينا بنوعية الهدايا الي حصلتي عليها..

ثانياً ،بخصوص الحاجز موجود منه في مذركير والبيبي شوب،، طبعا الي بالبيبي شوب أرخص ويؤدي نفس الغرض،،، بس ترى فترة وماراح تستفيدين منه،، يعني لوحد من الأهل عنده أخذيه منهم لفترة ورجعيه،، الحين أحنا في بيتنا أثنين بالمخزن ومخزنينهم لأطفال المستقبل إن شاء الله...

فديتج رانيا ماقصرتي حبيبتي على الرد الحلو ...

انا امس كنت اكلم بنت خالتي وتقولي هالحاجز ماينفع خصوصا انه بنت الحين ماشاءالله عليها تفطن حق هالسوالف ... اشكرة بدز الحاجز وبتركب ..

اقترحت علي اجيب نجار واسوي باب خشب ، صراحه فكرة حلوة وشفت ناس مسوينها ...

جزاج الله خير عالمساعدة اختي وماقصرتي ...

اول شي مشكووووووره رانيا على الموضوع الرائع

انه بنتي لانها اول حفيده من الطرفين فحصلت هدايا كثيره بس كلها فلوس وذهب وما كانت اشياء عاديه لا اشياء حلوه وفخمه ومبالغ كبيره

طبعا الذهب احتفظت بيه ولبستها بعض القطع في المناسبات مثل العيد والفلوس فتحت لها حساب بالبنك ودخلتهم مع فلوس العيادي والهدايا الي بدون مناسبه تحصلهم

اما الهدايا الثانيه الي حصلتها فكانت الكرسي الطويل للاكل بس ما استفدت منه لان بنتي ما ترضى تقعد فيه
كرسي هزاز استفدت منه واااااااايد لان بنتي من عمرها 3 شهور كنت مقعدتنها فيه
شرشف لسرير بنتي استخدمته لاني ماكنت شاريه .........>> ولا كنت شاريه سرير حتى.... بس السله
اخت زوجي اهدتنا سرير وطبعا هديه كلش استفدت منها وهي كانت مخيرتنا بين السرير وبين طاولة تغيير البيبي

اما الثياب فما احبها لان الام خصوصا اذا كان المولود الاول تكون ماخذه لها اكثر من الحاجه

هذا الي عندي الحين واذا تذكرت شي ان شاء الله بضيفه

ناعمة الخدين، تسلمي على المشاركة ويارب يرزقك الذرية الصالحة عاجل غير آجل..

أم ريم،، الله يحفظ لك البنوتة الحلوةـ وماشاء الله على الهدايا كانت من كل جهة ومفيدة،، وعن حساب البنك خير مافعلت لأني العادة أسوي نفس الشي من ولدته سويت له حساب وكل مبلغ يحصله أحط فيه،، حتى أن جدي متعود يعطي الأطفال كل يوم خميس دينار واحد، والحين يعطي ولدي،، من يصير مبلغ بالحصالة رحت دخلته البنك....

موضوع جدا رائع


أنا ما جتلى هداية وايد أكثر شئ فلوس والحمد الله بس جتلى هذى الهدية استفدت منها بس مب حابه لون التورولى

أختى ظبية دبي،،، مشكورة على المشاركة وسامحيني على تأخرى بالرد....

صباحكم ورد..




مشكورين على هالموضوع الرائع..




انا بصراحه بعدي حامل وبكريه بعد..



بس انشاء الله لاجاتني الهدايا بعلمكم بكل شي يااحلى ناس..





دمتم بخير

بسومة... أنت الأحلى
الله يتمم حملك على خير وتقر عينك بشوفة البيبي
وننتظرك إن شاء الله بعد الولادة لتخبريناعن هدايا البيبي.

موضوعك روعه بس انا لسه

بنووووته ومااعرف في هالاامور

تسلمين يالغاليه