أكثر الهدايا التى نفعتك بعد الولادة؟؟؟

الله يحفظ اولادنا

موضوع روعة

جتني هدايا كثيرة ..مشاية وعربة وهزازت أكثر من وحدة فقسمتها بيني وبين بيت اهلي هاهاها...

وجتني الحفة حلوة ..وشنط لاغراض البيبي عند الطلوع

وملابس ..وبانيو للحمام واغراض لحمام الصغير...وكرسي.. وأكياس حمل البيبي وهاي استفدت منها كثير

ربي يعطيييج العافيه
المووضوووع حلو ومفيد

يوم الخميس رحت زيارة لوحدة والدة من شهرين ( وانا مسافرة فما رحت فيها في وقتها ) المهم احترت ايش اودي لان البنت ما جتني في زواجي بس عشان عمتها واخوات زوجها يتساهلون... امي عطتها فلوس وريحتنا وانا احترت
رحت محل ألعاب وشريت للولد لعبة مرة عملية ... عجبتني >>>>>>>>>> شكلي كل وحدة بتولد بهديها نفس الهدية

عبارة عن مشاية للطفل اول ما يتعلم يمشي ... يتوازن عليها وتطلع اصوات متنوعة وفيها العاب يقدر يلعب وهو واقف ... واللعبة بعد تنفصل عن المشاية





وان شاء الله تعجب الأم وتستفيد منها

أم صهيب،، الله يحفظ لك ولدك ويبلغك فيه..

سحابة حب،، الله يعافيج، أتمنى أنك تستفيدين من الموضوع..

RoOoOmy اخيرا زرتيها،، ما شاء الله هديتك حلوة،، سويت قصتي كل مرة آزور وحدة والد بالبكر أشتري لها سماعات البيبي Monitor يكون تستفيد منها...

حلوة فكرة ال monitor ام عبدالله

شكلي بسويها ... خسارة باقي وحدة بس ولدت قبل ما اسافر وللحين ما زرتها بس خلاص ولدها كبر واكيد تحتاج شي ثاني
بعطيها فلوس وبرتاح ... اذا جهزتها بصورها لكم لاني ناوية احطها بشكل حلو استحي امد الفلوس لوحدها او في ظرف

يعطيكم العافية

فعلا الفلوس مو حلوة تنعطي خالية،، آنه دوم أربطها في دبدوب كبير ، أو دبدوب صغير مع ورد طبيعي وأخلي الفلوس بالوسط مو تكون ظاهرة لأني ماحب الكل يشوف كأن شوفوا شنو أهديتها،، يعني بوسط بطاقة مع ورد بعد حلوة الفكرة..

مشكوره اختي رانيا البحرينيه على الموضوع .................موضوعج واااايد مفيد
عااد انا بعدني حامل بمولودي الاول ......ومادري شو بيهدوني .....انشالله يوم الله بيسهل على بخبركم شو ياني من الهدايا......

اولا مشكوره على الموضوع الحلو ...


اما عن الهدايا اللي بالفعل استفدت منها هي :

العربانه


اللعبه اللي توضع اعلى سرير الطفل


جهاز سماع الطفل عن بعد



مجموعه من ملابس وبطانيات واحتياجاته في الشهور الاولى

مهايات الله يتمم حملك على خير وتخبرينا بهدايا المولود..

فجر العيد، ماشاء الله هداياك حلوة ومتنوعة ومشابهة للهدايا الي حصلها ولدي،، الله يحفظهم.

والله الموضوع حلو

بس بالنسبة لطفلي الأول اكثر شي استفدت من كرسي للاستحمام للطفل اما الباقي الفلوس تنصرف على الطفل على اشياء فاظية

أم حمود، فعلا كرسي الإستحمام مفيد، بس بخصوص فلوس الطفل آنه ماحب المسهم أخليهم له بحساب خاص به....

انا اكثر شئ الملابس.. بروش ثياب ذهب

فطامي أشكرك كثيراً على المشاركة.... الله يحفظ لك بنتك...

مرحبا بنات الصراحة اكثر شئ نفعني كرسي البيبي و الملابس وأكثر شئ كانت خالتي شاريتلي مميات للبيبي نعتني وااااااااااااايد

moya، أشكرك على المشاركة،، ماقلتي لنا عندك بنت ولا ولد؟؟؟

تسلمين يالحلوه على هالموضوع
بالنسبه لي آنا إستفدت من العربه وللحين ماإستخد مت كرسي السياره بس أكيد شيء مهم جدآ وأكثر شيء حصلت على فلوس حطيناهم له في البنك عشان يستفيد منه في المستقبل وحصلت على ذهب طبعآ مابيستفيد منه لأن أنا عندي ولد بس قلت بوديهم محل المجوهرات وبقيمهم وبعدين بعطيهم هدايا للناس وبخلي مكانهم فلوس في البنك عشان يستفيد منهم .

kocheko6116 أشكرك أختي على المشاركة،بخصوص الهدايا آنه حصلت بعد بروشات ذهب كثيرة لولدي، طبعا ماراح أستفيد منهم رحت بدلتهم بهدايا ذهب للبنات.

بصراحة اسرع شي اختفى الفلوس
لكن اللي جد استفدت منه
الشوكلاتة+الذهب
لاني وزعته في مختلف المناسبات


واحلى وأروع وأعظم هديةحصلت عليها
كانت ((((بنـتـــــي)))
الله يخليها لي ويبارك فيها
قولوا امين

الحواس الخمس الله يحفظ لك بنتك، فعلا مافي أحلى من هالهدية...