أكثر الهدايا التى نفعتك بعد الولادة؟؟؟

lolyta:
اختي مرموم

وين ممكن احصل سرير مثل الي في الصورة و كل هذي الاكسسوارات؟؟

السلام عليكم و رحمة الله و بركاته

أختي ما قلتي لي إنتي من وين ؟

مراقبتنا الغالية مرموم،، الله يحفظ لك مريومة، وماشاء الله الهدايا الي حصلتيهم ممتازة،، يعني فكرة العربة مع كرسي السيارة وايد ممتازة وتنفع للي عندهم أول بيبي،، لأن أختى كانت بتشتري لي خاتم قيمته نفس قيمة العربة مع الكرسي، قلت لها آنه ماحتاج خاتم بهالمبلغ خلي الهدية لولدي، ووصلت لهذي الهدية وصحيح ان الكرسي صار صغير لعبودي لأنه من النوع Group 0، بس آنه لفيته وحطيته بالمخزن حق البيبي الثاني، بس العربة بعدي أستخدمها....

بخصوص الملابس المفروض أن لما نشتري الهدايا تكون المقاسات شوي كبيرة يعني 3-6 شهور يكون الواحد يستفيد منها....

عندكم يا بنات ، خلاط الأكل، ينفع علشان الخضروات والفواكة المهروسة،، واحنه مانفكر بالهدية..



معقم الرضاعات، على حسب قول صديقاتي نفعهم وايد، بس آنه ماستخدمه وأغلي الرضاعة بالطريقة التقليدية في وعاء على النار..
بس غيري يمكن يستفيد منه...



بنات وصلتني هدية عبارة عن طقم رضاعات، ما زلت أستخدمه، يعني كل فترة لما أبدل رضاعات ولدي ما ضطر آروح أشتري رضاعة جديدة، آستخدم هالطقم، طبع كان مع حامل وفرشاة وأستفدت من الحامل بوضع الرضاعات بعد الغسيل...

نهر جاري، أنت الأروع، أتمنى أنك تستفيدي من موضوعنا....

حلوة الهدايا يا رانيا :clap:

خصوصاً خلاط الفواكه وغلاية المراضع..


عطيتينا افكار يديدة ! :up:

أنت الأحلى ياجمانة،، ودنا نفيد ونستفيد يكون مانشتري شي بدون فايدة ومايفيد الأم ولا البيبي، ويتم مركون بالمخزن وغيره...

السلام عليكم و رحمة الله و بركاته

يا هلا يا رانيا...

و عندك كمان هدية روعة...جابها لي زوجي...لما كنت مكتئبة إني راح أنزل الشغل و أترك مريم...و هي :

و هي شفاط الحليب الطبيعي ماركة Medela...و هذه الماركة روعة عن تجربة...و بالكهرباء...و عمرك ما تحسي بأي ألم...و هذه اللي عندي...

الحاجز الي ينحط عند السلم، يمكن ماينفع في أول الشهور بس بعدها ينفع لما البيبي يتحرك،، بس آنه هبودي من كنه نحط هالحاجز تصيده حالة هستيرية هاهاها،، يبي ينشال الحاجز بأي طريقة او أنه بيقعد يصيح إلى مانشيله، عقدنه الولد منه..

فعلا فكرة الشفاطة حلوة،، بس فشلة تشتريها لحد، يعني زوجك مو مشكلة يشتريها،، آنه شريتها بنفسي قبل لا رجع الدوام وكنت أجربها كل شوي يكون اتأقلم على إستخدامها لما أداوم،،، فكرة رائعة يا أم مريم...

السلام عليكم و رحمة الله و بركاته

و جاتني هالمشاية بالضبط...ما تتخيلي كيف نفعتني و فادتني...

والله عطيتونا افكار حلوة ... اختي مرموم هدايا مريم كلها حلوة

انا لو صديقتي هي الوالدة وصديقتي المقربة ماراح استحي منها وبشتري لها كل شي ... حلوة فكرة الشفاطة بس مثل ما قالت رانيا مو لأي أحد

يالله بنات ننتظر أفكاركم الحلوة

أهم شي أنك أستفدت يا RoOoOmy، فلما تشترين هدايا تعرفين أكثر شي ينفع وإ نشاء الله هدية أبنك أو بنتك يارب...

السلام عليكم و رحمة الله و بركاته

تسلميلي يا Ro0o0omy_M...:)

إن شاء الله أجيب لك هدايا أحلى و أحلى في ولادتك (f)...و تقومي منها بالسلامة إن شاء الله...

و بالنسبة للشفاط...لو أعرف إنه صديقتي عاملة...و تحتاجه...بجيب لها إياه...بس مثل ما قلتوا مش أي أحد :)

مرموم، فكرة المشاية حلوة، وماشاء الله الي حصلتيها حلوة وبوجود الألعاب عليها صارت أحلى..

السلام عليكم

بصراحة الموضوع حلو ومفيد وممتع

أنا عن نفسي استفدت من العربة المتحركة والكرسي الهزاز وكرسي السيارة وطبعاً استفدت من الثياب المهداة لي وأكيد الذهب بعد .. اشتريت حاجات واجد بروحي واللي جاني والحمد لله أكثر وحلو

ربي يرزق الجميع الذرية الصالحة وتستانسون بالهدايا مثلنا ترى فرحتنا من فرحة الأطفال لين هدوهم أي شي

الفرس، أشكرك على هذه المشاركة،، وفعلا أحنا نفرح بهدايا الأطفال كثير، فمابالك هم...

بالنسبة للهدايا اللي جتني في ولادتي فأغلبها هدايا مالية وصار عند ولدي مبلغ كبيير نفكر نفتح له بهم حساب في البنك .. " احنا بعد مسوين له حصالة وقاعدين نحط له فيها فلوس هذا غير عن الفلوس اللي يحصلها في الاعياد والمناسبات "

بس من الهدايا اللي جتني في الولاده واللي احسها نفعتني :

- عربة اطفال من عند اخت زوجي
- سرير اطفال من النوع الصغير بعد من عند اخت زوجي " لاني ولدت قبل موعدي وكنت بعدي ما شريت سرير لولدي وطبعا لان صرت في بيت ابوي بعد ولادتي كنت مأجله شراء السرير لين قريب رجعتي الشقة لان ما اقدر اطلع وانا توني والده .. فهي سمعت ان ما عنده سرير فجابت له واحد ، ويوم شفته صغير قررت ان اشتري له واحد كبير واخلي السرير اللي جابته في الصاله ينام فيه واحنا قاعدين في الصاله .. خصوصا ان السرير اللي جابته كفاه بس لما وصل 3 اشهر وبعدين صغر عليه ، اما السرير اللي شريته فيكيفه لما يكمل 5 سنين تقريبا "
طبعا تعرفون هالنوع من الاسرة اللي يكون تحتها سلة ووو... ما اعرف اشرح :shy:
بس عموما حسيت اني استفدت منه وايد وشلته عقب ما كبر ولدي وكان بعده جديد وقلت بخليه حق البيبي الثاني ان شا الله في المستقبل ..
- مشاية .. بس ما استفدت منها وايد لان ولدي ما كان يحب يلعب عليها ورديت شلتها عقب ما مشى ولدي ..
- الباقي جته العاب وايد للحين يلعب بهها مثل سيايير كبار وسياكل وو...
- اذكر جته بعد سلة اطفال من عند خالة زوجي بس انا كنت شارية وحده لولدي .. تمت عندي لما ولدت بنت حماتي وانا للحين ما استخدمتها فهديتها لبنت حماتي ..
ها اللي اتذكره الحين ..

بس بعد ولدي حصل هدايا وايد في عيد ميلاده اللعام .. طبعا اكثر الهدايا العاب وفي بعضا ثياب عجبتني ، مع ان ولدي ما كان يدري بالدينا في عيد ميلاده ولا فهم ان عنده هديا.. ان شا الله السنة يبتدي يتفهم لعيد ميلاده



يسلموو ع الموضوع

الله يخلي لك حسون ياماما حسون، ماشاء الله أهل زوجك ماقصروا من الهدايا الزينة...

يالله بنات بعد نبي نشوف مشاركاتكم عشان نتحمس

انا كل الهدايا الي جتني ملاااااااااااااابس ومن ماركات عالميه ....

تخيلوا جاني جكيت لبنتي بقيمه 3000 ريال :( ومقاس 3 شهور يعني ما لبسته الا كم لبسه

والله تحسفت عليه لو انها معطيتني اياه فلوس احسن ....

وجاني ذهب حتى الذهب ما استفدت منه لان الذهب الي جاني مقاس صغير ومالبست بنتي وهي صغيره ....

وجاني كرسي استفدت منه وكرسي اكل ولعبه السجاده الي حاطتها وريمي وجاني الطقم حق الحمام الي فيه ادراج وبانيو

مممم وايش كمان جاني مدس مع افرول وهذا استفدت منه مررررررره لانهم كانو طقم كشخه ومقاس صغير عمر شهر فلبسته بنتي وقت يجوني الناس

بس استفدت من الملابس كثيييييير لأني احب اكشخ بنتي.... والاطقم الي جايتني كلها تقريبا فوق الالف ريال... وانا ما اقدر اشتري لبنتي كل شوي طقم غالي :( والا ودي :D

اييييييش بعد اي جاني من التعليم المبكر حاجر السرير الي فيه العاب و معاه مفرش ارضي مش سجاده فيها العاب ....

ممممممممم جاتني قمصان نوم واستفدت منها بعد .... وجاني خاتم الماس لي من ام زوجي <== اكثر شي عجبها :D

بس الي جاني شي مكرر خبيته عشان بعدين اعطيه احد هديه :)

Bent Cute تسلمين على مشاركتك الرائعة وأفكارك التى طرحتيها،، وماشاء الله جوجو حصلت هدايا رائعة وبنفس الوقت غالية،، الله يحفظها لك...