شو اشتريتوا من القرية العالمية

ببدأ بنفسي اشتريت دخون ام الشيوخ من القرية البحرينية وكان حلو ونزلت عنه موضوع في قسم العطور .
من القطرية خذينا لوشن دهن العود ريحته حلوة وبعد لوشن بمخلط عطور عربية وعطر نوف عند " اول ما تدخلين الجناح على ايدج اليسار ) وبعد عطر الروز على ايدج اليمين بعد أول ما تدخلين .
من الجناح السعودي اشتريت عطر ولوشن ماله باسم الحلم من عند المروج ، ومن شركة العنفر خذيت مخلط ترابي كانوا يمدحونه في واحد من المنتديات يقولون ريحته وايد حلوة مع البخور وخذيت واحد منه في البيت عجبتهم الريحة بس انا مب وايد .

من القرية الهندية خذيت بنجابي وبفصله ان شاء الله.
ومن القرية اليمنية خذيت بهارات وخذيت أعشاب نظام فيافي لأني إن شاء الله ناوية اجربه .
ومن القرية المغربية ادوات الحمام المغربي

عطور واجبان وصابون :)

وانا اشتريت من القريه العالميه أشياء وايد بس بقول الي اتذكره ..

اشتريت عطورات من القريه الكويتيه..............وبعد من نفس القريه خذت لبس بس شو لبس <<<<<ما شاالله

ومن القريه اليونانيه خذت ملابس حق بنتي الله يحفظها .........ومن القريه الايطاليه خذت طقم شنطه ونعال ..

وخذت بعد لوشنات بس من اي قريه ما حيد ............سمحولي

بس هاذا الي احيده .................السمووووووووووحه

أنا ما رحت :cry: بس انشاء الله ارووووووح وبقووووولكم شووووووو خذت :bigsmile:

انا مامدالي ادور بالقرية لانها واااااااااااااااايد كبيرة بس شريت شيلات ملونة من الجناح البحريني بتشكيلة الفراشة وبتشكيلة الطاوس وسعرهم 45 درهم وشريت معطرات للغرفة والفراش روعة والجناح الهندي خذت منهم الاكسسوارات بالالوان الوردي والسماوي رووووعة وهي مجموعة اساور لليد ب 30 درهم ومن الجناح السوري الملابس القطنية وبسسسسسسسسسسس .

أنا اشتريت من القريه الاماراتيه صابون بريحه دهن العود وااااايد روووعه

زين يالله نبدا نستفيد من تجارب بعض
اخي maha mohd لو تقوليلي اسماء معطرات الفراش اللي خذيتيهم .

عزيزاتي دخون ام الشيوخ ينفع للملابس والا هو للبيت وصج ريحتة فضيعة لهدرجة كثير تكلموا عنة ومنتجات حراز اي صوب بالقرية دورت بالمصرية مالقيتة ؟؟؟والقرية متي بيسكرونهاااااا؟؟؟ واختي akak اللي خذتيهم روز والحلم ونوف شو احسن شي اعجبج فيهم ؟؟؟واللي خذتة من مخلطات البحريني انواع وايدة ومنها مشموم ومبخر بالزعفران واحلي شي وشيوخي وانجل .
انتظر ردكم عزيزاتي :shy:واتمني بنات المنتدي يشاركونا

ما شاء الله عليكن يا بنات الله يهنيكن ان شاء الله

انا اشتريت وايد خاصة النفافيخ هههههههههههههههه
لازم قبل الطلعة ادور الهندي واشتري منه نفاخة وآخر شيء اعتقها وأطيرها


شكلي طلعت عن الموضوع

مممممم خلوني اتذكر اشتريت من القرية الاماراتية عطر كريمي للجسم
اسمه صاحبة السمو ريحته وااااااااااااااااااااااااااااو

ومن القرية الصينية بيجامات نوم قطنية أحمر ووردي مريحين وايد

و من التايلندية الله يكرمكم شباشب خفيفة حق الطلعات الخفيفة
واكسسوارات الشعر وميداليات للموبايل بس أنصححححححكم لا تشترون
الميداليات لانهن يتكسرن بسرعه ..

ومن القرية الهندية اكسسوارات بعد أشوفها ما تستااهل لانها تتكسر بسرعه
وشريت من عندهم توبات جاهزة وايد حلوين حق الأعراس وصابونة طبيعية من الكركم
ما أذكر اسمها المهم انها ما فادتني ..

ومن القرية الكويتية بديات وشيل

والقرية القطرية بعد في وحدة تبيع شيل حلووييين أول ما تدخلون على اليمين

والقرية السعودية عطورهم ما عليها كلام قمممة بس ما اشتريت شيء من عندهم
كل مرة انسى بس ان شاء الله المرة اليايه بقعد على جبودهم وبمر على كل محلات العطور
اللي عندهم ههههههههههههههههه :dd:

وبس هاللي أذكره وعلى فكرة ترا القرية على حد علمي بيسكرونها على بداية شهر 3
يعني اللي ما سارت اتلاحق على عمرها ...

اختي مشكوره علبموضوع....بس لو سمحتي سؤال...
شو تسوي أعشاب نظام فيافي ؟؟؟

maha
شوفي كل واحد وذوقه أنا عجبني نوف لاني احب العطور العربية ، بس عطر الروز عجب الاهل السنة الماضية كنت ماخذة غرشتين وها المرة غرشة بعد منه . بس اللوشنات بالفعل حلوة خصوصا دهن العود ، وريحتها تم في الجسم.
وبالنسبة لدخون ام الشيوخ بعد عجب الأهل وايد وميزته انج دخنتي منه تم ريحته فترة وريحته حلوة بعد

كيكة فواكه أعشاب فيافي تستخدم للنفاس ولوقت الدورة لو سويتي بحث عنها في جوجل ( فيافي والنفاس ) بتلقين معلومات وايد عن النظام وقلت اجرب ها الاعشاب وقت الدورة .

يا ليت الكل يقول تجاربه عشان توفرون علينا اللف في القرية

وانا اشتريت اشياء وايد بس اهم شي والي فادني صدق صابون دكتور جابان من القريه التايلنديه

وايد زينه واتنعم واهم شي اتبيض

جزاكي الله خير عالرد

انا كل ما اسير هناك ما اعرف شو اشتري .. واطلع منها بدون ما اخذ شي

شكرا......................

السلااااااااااام


واااااااااااااااااايد شوقتوني للقريه العالميه


وبالمناسبه حبيت اسالكم بالصيف تفتح القريه والا لا



وشكرااااااااااااااااا

انا ناويه اسير هالاسبوع انشالله عشان اشوف الجناح الكويتي اذا فيه مكياج ماركة شارمل لانه مب موجود الا في الكويت انشالله احصله

**حلا الكويت**:
السلااااااااااام


واااااااااااااااااايد شوقتوني للقريه العالميه


وبالمناسبه حبيت اسالكم بالصيف تفتح القريه والا لا



وشكرااااااااااااااااا

ما أعتقد يالغالية انها بتكون مفتوحة

لان على بداية شهر 3 بيسكرونها اهيييييئ بشتاقلها