شو اشتريتوا من القرية العالمية

انا من فترة خذت كم مغربي وكانن الواحد ب اربعمية

و الحين اكيد بيخلونهن ارخص عشان يخلصون

بس اتاكدوا انهن مش وصخات لان يقولون ياهن المطر و توصخن و ساروا وودوهن المغسلة بس بعدهن شوي مصخات و يبعونهن

الحمد لله اني اشتريت قبل المطر

حبيبتي انتي من اي محل خذتيهم لان انا قبل كم اسبوع رايحة لقيتهم على الف وشي ... وانتي متى كنتي رايحة

السلام عليكم
انا اليوم سرت للقرية العالمية وكانت فاضية العصر مريت على كم من قرى
اليمن خذيت عنهم عسل مفيد للكحة وعسل سدر الواحد ب 150 قبل كان ب 250 يعنى رخصوا الاسعار وخذيت قشر البن وزنجبيل ومر
وحلبة بهارات المندي وشاي
سرت الفلسطينية خذيت عنهم زيت الزيتون ب 75 والاسبوع الى طاف مريت اسألهم عن الزيت قالوا لى ب 250 فرق بالسعر انصعقت الصراحة من السعر
الكويتية خذيت عنهم عطر للفراش من الشايع
الهند اكسسوارات
سنغافورة بجامات ونعل واطقم سرير
البحرين الآجار
السعودية مريت لمحل سيد جنيد وخذيت عطر رافال روعة هالعطر وحدة من بنات المنتدى ما دحتنه
سوريا صابون الغار
ايران شاي بالزعفران وشعر البنات
وسلامتكم

حبيبتي ما مريتي للقرية المغربية وشفتي الملابس عندهم ...؟؟؟

السلام عليكم
لا الغالية هالمرة ما مريت
المرة الى طافت سرت عندهم وخذيت العكر الفاسى وطلعت حتى ما دورت باجى المحلات
بس تعرفين القرية بشكل عام وااااااااااااااااايد مرخصين بالاسعار وباجى عليها ثلاثة ايام وبتسكر انتى مري عليها خلال هاليومين
قبل لا يسكرونها

اففففففففففففف والله وايد مرخصين . تقولين زيت الزيتون من 250 لــــــ 75 ... والله واااااااااايد ...

أمس رحت للقريه و خذت :

القريه اليمنيه : قشر البن + مر + بان + طين للويه ...

القريه القطريه : اجار ملفوف + اجار عدس + 3 سكارفات + 2 عطر فزاع واحد مجانا ^.^

القريه التايلنديه : اكسسوارات شعر + ميداليه للتلفون + شموع

القريه البحرينيه : بخور ام الشيوخ ( شميت ريحته وايد عاديه ) بس خذته الاني عيزت و انا ادوره ^.^

القريه البكستانيه : 4 قطع للجلابيات

القريه الهنديه : 4 قطع للجلابيات

القريه السنغافوريه : فراش للسرير شكله حلوووو وايد ^.^

و السموحه

طيب يا بنات في جلابيات كويتيه ......واذا في وين ؟؟؟




وين احلى مفارش السرير في الصينيه او الستغافوريه؟؟؟؟؟



وفي اي جناح احلى الشنط والاكسسوارات ؟؟؟؟؟؟

بليز ردوووعلي ودي اروح هالخميس

بنات مافي وقت شواحسن شيئ ناخذه من القريه بتسكر يوم الجمعه

و الله يا ختيه أحلىىى المفارش للسرير في السنغافوريه ... الشنط في القطريه واحد لبناني يبعهم ال 3 ب 100 درهم ... و الاكسسورات في التايلنديه او ما دشين ع ايدج اليمين اخر محل ع زاويه وحده تبيع اكسسورات خرز واااااااايد حلوه ... و الجلابيات يمكن عند القريه الكويتيه او البحرينيه

و السموحه منج

مون لايت

الغاليه القريه كل شي فيها حلو ... بس ما حددتي شو لي تبينه ؟ ؟

عفـاري المنصوري:


القريه البحرينيه : بخور ام الشيوخ ( شميت ريحته وايد عاديه ) بس خذته الاني عيزت و انا ادوره ^.^

نفس الموقف والله ههههههههههههههه
اصلن لو ما شريته فضيحه كل شوي و اقول حق ريلي ام الشيوخ و ام الشيوخ

هههههههههههههههههه تدرين حتى انا و الله افتضحت كل ما امر ع محل اقولهم تبيعون بخور ام الشيوخ تقولي خالتي ليش شو فيه مميز هالبخور اقولها لو تعرفين يمكن تاخذين 5 غراش و اخر شي طلعت الريحه عاديه جدا جدا حتى البنيه لي تبيع خليتها تشك في عمرها كل مره اقولها انتي متأكد ان هذا هو بخور ام الشيوخ تقول هيه اقولها ما في غيره قالت انا ما بيع الا ام الشيوخ و بنت العرب و من الفضيحه شلت ام الشيوخ خخخخخخخخخخخخخ ... بس بخوووووووور فـــــــــــــــزاع صدق صدق عذاااااااب ^.^

احبطوني ... عيل بلااهم البنات متخبيلن على هالبخووووووووور ...


قصدي ام الشيووووووووووخ


انا ما شريته للحين بس ناويه اشتريه ...


لما اجربه بقولكم رايي ...


وتسلمووووووووووووون ...

عفاري انتي تقولين انج خذتي من القريه طين للويه صح ؟؟؟

شو فايدته ؟؟؟

انا اشتريت شي رووووووووووووووووووعه شي رهيييييييييييييييييييب..يخبل يخلي جسمج ريحته جنان... خبال تذبح بو الشباب

صابونه للجسم...من القريه السعوديه...عطر تشانس...بس صابونه ..للجسم

محل بوعبدبانافع ...


عندهم جل للييد..وعطور للعبايا والمفارش..

MOON LIGHT:
عفاري انتي تقولين انج خذتي من القريه طين للويه صح ؟؟؟

شو فايدته ؟؟؟

الله يسلمج يقول الريال انه وايد زين للبشره بس ما قال من ناحية شو و يقول انه هالطين مستخرج من اليبال عشان جيه خذته ... و الطريقه تحطين ماي عادي بس انا استخدم ماي الورد للويه عشان اخلطه لين ما يستوي مثل القناع العادي و تحطينه 30 دقيقه ع ويهج و رقبج و بعد تغسلينه و سلامتج ^.^

و السموحه

مشكـــــــــوووووورة عفاري وتسلمين يا عسسسسسسسسسسسل ...

بنوتات وين اقدر احصل دخون فــــــــــزاااع الاصلي فالقريه العالميه مب واحد تقليــــد ؟؟؟

ابي الاصلي اللي فالقريه العالميه ووالعطر اللي اسمه فزاع شو رايكم به ؟؟؟

ووين نقدر نحصله انا سمعت انه فالقريه القطريه ؟؟؟

واسمحولي يا حلوات ثاااااااااااانكس ...

عفاري بو فزاع من عند منو ؟؟؟؟
نفس الحرمه ؟؟؟؟

دهن الورد الحينه تقولين اليوم سرت و ما بيوديني المرة اليايه عقبال السنه اليايه ههههههههه

متى آخر يوم للقرية ؟