شو اشتريتوا من القرية العالمية

رحلة تسوق خفيفه في القريه العالميه الاسبوع اللي فات كان حصادها ما يلي:

1- القريه السعوديه ... عطور من محل اعتقد اسمه المعراج ... خذت عطر مس ديور و عطر حلم للجسم و خذت جل للجسم من مس ديور كان الحساب 100 درهم قال لي يطلع لج عليهم جل مجانا و خذت جل عطر حلم يعني صار عطرين و جلين بسعر ثلاثه و الله ريحتهم روعه بس مشكلة الجل ريحته ما تمسك على طول يا دوب ساعتين

2- القريه التايلنديه: ملابس داخليه صح سعرهم رخييييص الحبه ب خمس دراهم بس و الله في اللبس رووووووووووووووووعه الطقم بعشر دراهم دانتيل و عندها بعد بش اب و الله بخمس دراهم بس لما جربته فضيييع بسير هالاسبوع باخذ كل الألوان
و عندهم بعد قمصان نوم روعه شيفون ب عشر دراهم

3- القريه الهنديه خذت نعول موديلات هنديه حق بنتي و طلعوا جنان عليها فديتها
و خذت من القريه الهنديه قطع بنجابي بس بفصلهن جلابيات و بركب القطع على بعض القطعه كانت ب خمسين درهم بس الوانهم روعه

و صار الوقت ليل و اضطريت ارجع و في السياره شفت امي شاريه اطقم للسرير من القريه الصينيه ب 100 درهم بس وايد فخم
قلت برجع هالاسبوع باخذ لفه محترمه قبل لا تسكر القريه

سوري على الاطاله

ماشاء..الله.عليكم..
وايد..حلو؟؟
كملوا..بعد..

انا..ما..رحت؟؟ :(

ان..شاء..الله.أروح..

[grade="FF7F50 FF4500 FF0000 8B0000"]ههههههههههههههههههههههههه محـــــد قدي يروح القريه العالميـــــه بس والله ما عيبتني شرات السنه اللي طافت ...

اتمشى واطلـــــع .. هيه تذكرت قبل لاا اطلع لازم اتعشــــــى ..

بس اتذكر وشيه اغراض شريتها من هناك ...

خذت بيجامات قطنيه من القريه السوريه وشكلهم روووووعه فاللبس وشكلهم سبورت ..

وخذت شويه كريمات من القريه اللبنانيه ...

وخذت الصابون المغربي من القريه المغربيه ..

وخذت شويه جلاابيات من القريه المصريه ...

وخذت طبعا من اجبان ام حمزة من القريه الفلسطينيه ...

اممممممممممممممممممممممممممممممم ...

اوني ما شريت شي ...

خخخخخخخخخخخخخخخخخخخخخخخخ ...

بنوتات يا ريت كل وحدة تقول عن العطــــور والجل ومن هالسوالف وشو اكثر شي عيبها ومن اي قريه شرتهم ...

ومنتجــــــــــــــــاااات حــــــراز وين الااقيهم فالقريه العالميــــــه ؟؟[/grade]

الله الله على دبي وعلى القريه العالميه رحت قبل اسبوع روووووووووووووووعه اشتريت من القريه الهنديه صندل خنفشاري واخذت من الصينيه مفرش سرير فخم ومن ستغافوره قميص نوم ناعم وشنطه واخذت من الكمبودي مخلطات دهن عود ومن الالمانيه زيوت عطريه لها اسماءورود المانياوفيه الف ليله وليله وفيه طيور الحب كذا اسمائها ومن تايلند اخذت حلويات غريبه وجل مقشر رهيب لما تحطينه تفركينه وتبدا تطلع البلاويتحسفت ما كثرت منه وبعشرين درهم واجد اشياء

اختي foteaash ممكن اسم المقشر او صورتة اذا امكن
وبنات دبي خدمة متي بتسكر القرية وين الاقي منتجات حراز

لا تنسون ارووووووووووع اجار في القريه القطريه...اجار وبهارات وكل شي حلو للطبخ والمطبخ ...صج روعه..والي تبى تجرب تجرب اجار البطاطا ...واجار الباميا...والزيتون والمشروم...يم يم يم

انا هالأسبوع كله ف القريه من الاربعاء لين الجمعه

أنا أسير عشان أجرب كل شيء واول شيء أتعرف ع تراث الدول وثاني شيء أجرب أكلاتهم هههههههههه خذت وااااايد حلويات من القريه الصينيه واليابانيه وغامرت

وكلت حلوى رهيبه وي براته من القريه الباكستانيه

وخواتي خذوا جلابيات من القريه الهنديه

ووووووووووو بعد شووووو هيه أختي خذت لها كمن شنطه

و القريه اليمينة رووووعه وحتى القريه القطريه

ولا الاماراتيه عجيبه واحلى مافيها السياره اللي ع البوابه

وووووووووووو وايد أشياء شريت وبس

انا سرت الاسبوع اللي فات:


القريةاليمنية : خذت طين الماسك (للبشرة ) + مر

القرية الفلسطينية :اجبان و مكدوس و لبنة من محل ام حمزة والمحل الثاني اللي مجابلنة + مجسم صغير لخريطة فلسطين

التايلاندية : ملابس داخلية على 5 دراهم..بس نوعية جيدة + بخور حليمة

الفلبينية : مكواة البخار (تنفع للعبي) + جلابيات خفاف للبيت بالدانتيل + جلابيات بديزاين مغربي ب 35 درهم + شبشب للبيت

القطرية : قمصان + بديهات + اكسسوارات

الكينية : مواعين ملونة للفواكة + قهوة+ شاي

السورية : طقم لحاف صناعة كويتية

و الله هاذا كل اللي اذكرة ...و اذا تذكرت شئ باكتبة لكم

أتوقع القرية تكون مفتوحة في الصيف

لأنهم على كل مهرجان يفتوحونه ... ولا تنسون مهرجان صيف دبي

العالم كلها ياية دبي

لازم اتكون مفتوحة

والله أعلم


ادعووووووولي أسير هالأسبوع

من فتحوها وأنا أقول الأسبوع الياي :cry:





لا والحين طالعين لنا بسالفة اليويلة

وناااااااااااااااااااااااااااااااااااااااااااااااااااااااااااااااااااااسة

ما تتطوف

انا اليوم سرت اوني كاتبه في الورقه اللي شريتوه عسب اسير اشتري و في الدرب صرخت صرخه
ريلي قال بلاج قلت له لا ماشي قال والله قولي قلت ماشي نسيت الورقه اللي كتبتها عسب اشتري هههههههههه

و اخر شي اقوله البنات قالوا و البنات قالوا ... قال هذا المنتدى اللي ايب الخساير ههههه

سرت عند الدكتور جابان و ما عرفت اي صابونه اشتريها
اشتريت 3 صابونات حق الجسم .. مختلفات كوكتيل سويت ههههه .. و صابونه البابايه
و اشتريت من الشايع رش للفراش و بخاخ للملابس و العبي
بغيت اشتري اجار بس ما عرفت من وين اشتري
اشتريت حلوى ما احيد من اي قريه جاكو و عليها طبقه ما اعرفها بس طعمه لذيذ
و اشتريت ترمس من السوريا قعدنا نضارب انا و ريلي عليه كل شوي يقول اكلي شوي شوي ههههههه
و شريت اكسسوارات بعد ما احيد من اي قريه ههههه
و في نص القريه زعلت منه و ما شريت شي .... و يوم قال خلاص خلينا نطلع قلت له لا خلنا ندور مرة ثانيه ههههههه بغى ينتحر نمشي من 6 لين 9 و انا اقوله لا انا ما تعبت

السلام عليكم ورحمة الله وبركاته
أنا سرت قبل اسبوعين واشتريت من
1-القرية السعودية : جل للشعر والجسم كلمة لروعة شوي عليه، كريم لليد من نفس الماركة بعد روعةعلى فكرة الاثنين بنفس الريحة (كوكومس)، خذت المسك الحجر من القرشي.
2-القرية البحرينية : عطر اسكادا بخمسين درهم بس ريحته اتم بالملابس اكثر من الاصلى
3- القرية الايرانية : منفوش بالزعفران(شعر بنات) 5 بعشر دراهم اليهال يخلصونه بساعته من لذته
4- القرية الكويتية : زيت الحشيشة للشعر، خلطة سرية للمتزوجات (تضييق،تنظيف،تطهير)
5- القرية اليمنية خذت عسل مفيد للكحة ،سدر ، حنة
وسلامتكم

للعلم

القريه مستمرة حتى تاريخ 3 مارس

و ما تفتح في الصيف يا خواتي

لانه في الصيف ما عندنا مهرجان في الصيف عندنا مفاجآت صيف دبي و اللي هوه عباره عن فعاليات في المراكز و الأماكن المغلقه

لانه الجو يكون وااااااااااااااااااايد حلو فيخافون انهم يفتحون القريه في الصيف


للعلم :)

:confused:الكرتون ابيض مع اخضر حسب النوع انا اللي اخذ بالبابايا وفيه بالحليب والفواكهه وعليه صوره النوع مثلا بالحليب ابيض وازرق وبالفراوله ابيض وزهر وكذا بس والله ما اعرف انزل صور whitening peeling gel nature bright من ماركه artis

up up up

:)

ان شاءالله اسير قبل اتسكر

شـــــــدوووا حيلكم وين الردود .... ما بقى شي للقريه وبتصكــــــر !!!!!!!!!!!

خاطري اروح واذا رحت بخبركم شو اشتريت

علي فكره في ملابس للاطفال في القريه السوريه ؟

ادعولي اروح

ان شاء الله بروح باجر القريه ^.^

بنات واللي يعافيكم اللي تسير القرية قبل الخميس تخبرني شو الاسعار بالنسبة للمغربيات لان خاطري اخذ هل اسعارهم رخيصة عشان الاسبوع الاخير بالذات...

أنا خذت عطر اسمه (الزعيم) من عطورات البحرين من القرية البحرينة
خذته هدية حق زوجي ووايد عيبة ريحته قوية وحلوة :)