الجزء الثاني..(تجهيــزات عرايــــ قطر ــس 2006)

منيره المحمود وايد يمدحوونها هي ومكياجها ودورتها

وييييييييييييييييييييييييييه بنات كلكم اف لاين...
it's ok...انا توني قايمه...
مشكوره عمري قطر......
قطريه75 ارجعي صفحه بتحصلين عنوان احلام وذكريات...
اما كازا فلوا قلت لج قي شارع سلوى وانتي جايه من اشارات رمادا على اليمين بس اخر مجمع الي عند الجسر..
قبل الجسر لفي يمين يبين على طول بتشوفينه :)

واااااااااااي موناليزا حسيت بقشعريره ليش مدري لوووول <<<<<me 2
يمكن لانج وصفتي شعورج ...انزين الغاليه موناليزا اذا كنتي فاضيه لنا قولي لنا من حاجزه عنده الحف والحنا والحمام المغربي والتشطيبات وكيف شغلهم تمام والا لا...............

ومرسي

صباح الخير بناااات ... اشلونكم ؟ و عساكم بخير إن شاء الله : )
اسمحوا لي قطعتكم كم يوم ..


هلا عروس الدوحة ..
أي الله يتمم لأختج على خير إن شاء الله ..

بالنسبة لعطوراتي ما كثرت فديتج .. انا ما خذت إلا العود و البخور ( و هذول يخلصون بسرعة ) و الكولكشن اللي شريته آخر شي .. و كم مخلط .. و الباقي هداااااايااااا ..

أما المفارش .. يا عزيزتي هذول تلبيسات بس مو مفارش كبيرة .. تستعملينهم وايد و باحتاج لهم أكيد ..

اممم بخصوص المكياج .. لا مابي وردي و بنفسجي .. باشوف شاختار من الالوان .. و باقول لها تحط لي مكياج يخليني طبيعية ..

الله يعافيج ..
......

هلا قطريــ 75 ـة

الله يسلمج هم يحبون يطلعون بيض وايد ... أذكر أول مرة تمكيجنا عند منيرة الهاجري و حطت لنا base أبيض تخيلي ؟!!! و فوقه أساس أغمق بدرجة لكن ما يبين .. لما خلصت انا وحدة تروعت شنو ذي !! ازيد فوقها بودرة كانيبو مع إن الدرجة غامقة ولا في فايدة .. بس سبحان الله صج الناس أذواق ..

......

هلا كلاسيك

الله يبارك فيج ... و عقبال لكم .. أي الحمد لله اللي افتكيت أحس بهم ..

......

أم شيوخ
هلا الغالية ,, الله يوفقج ..
و زين تسوين بصراحة .. أحسن لج ما يشوفج الحين ..
و بخصوص الشراع .. انا وحدة منقهرة منه لكن يقولون إن بطايقه حلوة ..و الله اعلم ..
و ما شاء الله عليييج تعجيبيني و الله .. أي خلج جذي على طووول و تتهنين يا رب ..
و بخصوص لون الغرفة .. شلون بيصبغ ما يقول لي ؟!!!! هذا اذا انا ما اقترحت من عندي اللون اللي ابيه خخخخ .. بس ترى على فكرة اللي بيسألها ريلها عن لون الصبغ .. الأحسن تختار لون يناسب مع كل شي مثلاً البيج أو الأوف وايت .. و هي تقدر تلعب بالألوان في الاكسسوارات و المفارش .. و جذي ..


.....

هلا دلوعة قطرية

يا عوينج .. و أنتي هاذي حالتج .. يا جماعة بنتنا منظووولة لوول ..
لا سلامات حبيبتي ما تشوفين شر .. عليج بالزعتر و عصير ليمون دافي .. أو مكس برتقال مع ليمون ..
و الله يشافيج و يعافيج ..

.....

عمري قطر

لا حول ولاقوة الا بالله !!
يالله حبيبتي ولا تتكدرين .. عساها خيرة لكم ..
و يا حبيبتي .. كل شي حلوو يلفت بصراحة .. ذكرتيني بالفلبينية اللي في صالون هميااان .. اول ما امسكت يدي بتسوي لي مانكير قالت وااااااو سيم سيم بيبي .. الله يقطعها خلت الحريم اللي قاعدين في نفس المكان يطلون في يدي و يتبسمون .. و ما تشوفين الا ويهي اللي انقلب أحمر .. اقول لها " say ما شاء الله " ^^

......

عروس فرش ..

حتى لو ماعندج مصرف ثاني .. تقدرين تدبرين كل شي و تتجهزين بمهرج بس و إن شاء الله ما راح تحتاجين لزيادة .. و تبين رايي أحسن لج عشان تحطينه في بالج ما تاخذين أكثر منه على أساس إن عندج غيره ..
أنا مثلج .. كل شي ماخذته على القد و قد القد .. و الحمد لله لحد الحين باقي من مهري 20 الف " قولوا ماشاء الله " ..
و لا تاخذين من رويال فلاورز .. صراحة غالي .. و اللي في المحل تحر و تماطل .. و الله يوم خطوبتي سوت فيني مقلب ما انساه .. الحين أروح لها و اراويها وردة ابي مثلها أو نفس اللون لمسكتي " مودية لها وردة من ماسيس خخخ " .. اصدمتني يوم الخطوبة مطرشة لي المسكة شكلللها غير تماماً غير اللون ابي تركوازي حاطة لي بنفسجي بغيت اصييييح من الحرة .. و قلت لها ابي فراشة حطت لي فراااااشة زرقا شكبرها !!! يعني الصراحة حرام الفلوس اللي بتاخذها و آخرتها الشغل أي كلام .. و انا ما انصحج بهم ..
و من جورج ذي ؟ و لا وين محللللله ؟؟

.......

خطيبووووووه ..

عن الدلع يالله ! شنو إكتئاب ما إكتئاب .. شصاير لج ؟!!!
ردي شاركينا مثل أول و علمينا عن أخبارج و مشترياتج .. حتى لو ماعندج شي جديد سجلي حضورج بس ..

......

سحابة حب ..

امممم في وحدة جبتها يوم خطوبتي للدي جي بصراااحة روعة .. بشهادة كل اللي حضروا بس أكيد مب أحلى مني خخخخ
بادز لج رقمها .. و شوفيها ..
و مرسيدس على كم تسوي الشعر للعروس ؟ << مادري سألت من قبل هالسؤال ولا لا ^_^

......

بنت بوظبي 82

يا هلا و مرحبا فيج الغالية .. حياج الله ..
بخصوص الاستفسار كل وحدة دينا أو سعاد لها ستايلها حد يمدح هاذي و حد يمدح الثانية .. بس ثنتينهم حلو شغلهم ..

......

لمار 2

يا هلا فيج .. كلامج يريح بصراحة و يصيح في نفس الوقت

.......

إحساس طفلة

ابي رقم أميرة فديتج ..

........

قطرية لؤطة

أنتي تتكلمين عن طاولات ماسيس و شراشفهم مب حلوووة ؟!!!!!! بصراحة حرام ..
انا درت أكثر من مكان للطاولات .. و الله العظيم ما شفت شراشف مثل اللي يحطهم ماسيس .. أغلبهم سادة و لا مخمل ولا مادري وشو .. لكن اللي عنده غير ..

.........


فراولة قطر

يا هلا فيج ..
اقتراحج بصراحة واااو .. و دي لو أشارككم .. لكن للأسف ما بيكون عندي نت .. باحاول إن قدرت لكن مب من أول شهر خخخ ..

........

الموناليزا

و الله ما تدرين شكثر فرحانة عشانج .. الله يتمم لج على خير و تتهنين ف حياتج و يبارك لج في صحتج و عمرج و زوجج .. و يارب نشوفج بعد العرس بكم شهر أو مادري متى بالضبط مداومة في ركن الحمل و الولادة ^_*
و الشعور اللي تقولين عنه .. انا لين الحين ما احس إني عروووس مادري ليش .. كللل شي عندي عااادي .. و إن شاء الله هالشعور يكون حلووو .. و أنتي بعد بتوحشينا حبيبتي ..

.......


و أخيراً كتبت الرددددد خخخخ الحمد لله .. . سوري بنات بس جمعت سوالفكم كلها و ردي عليكم في رد واااحد .. من جذي السوالف كلها متداخلة ..

........

خلوني أعطيكم أخباري ..

بخصوص الذهب : الصراحة رحت المعرض لكن الصج ما أشوف أسعارهم تناااسب الكل .. انا رايحة وقلت خلاص باخلص بآخذ الذهب و الساعة من المعرض و باخلص على كثر ما حنوا علي و قالوا لي روحي و اسعارهم عجيييبة ..
في تشكيلات حلوة لكن أسعار كللش مب شي .. ما خذت الا ساعة بـ5000 للعرس و بسسس غيرها ما خذت شي ..
و المشكلة أنا ما أختار الا الغالي .. كل ما أشرت على شي يقولون لي 24 ,, 50 ,,, 30,,, 8 ,, 214 ,,, 3 ,,, طبعاً بالمليون و الألف <<< مشكلة هالبنت الله يعين الريل ^^

هاذي آآآخر أخباري ..

<<< سوووا مثلها مع الردود إذا رد طويل .. تفتح صفحة وورد و تكتب الرد و تنسخه هني ^^

ولكمو دوحانيه مراااااااااااااااااااااحب الغاليه......
صباااااااااااااح النور
وين هالغيبه..عسى خير..

مشالله عليج اما فالردود مانسيتي حد..
والله تصدقين مارتحت لها رويال فلور انا اخاف من الي تكلم وااايد..والي يقول بسوي لج وبزيد لج كله كلام..
وجورج الي في كازا فلوا في شارع سلوى,,
والله المعرض انا مارحت له بصراحه انا لدخل راسي شي خلااااااااااااص اموت واخذه خفت اروح وينحرق قلبي والا العب فالفلوس
وعقب احط يدي على خذي.....
وعن المهر صراحه الله يعين..

مرحبا بنات

ابغي منكم شئ واحد بس .. تدعونلي يجيني الرجل الصالح .. والله خاطري اشاركم في الموضوع :sad:

موناليزا

الله ايوفقج حبوبه ومبروك مقدمنا ومثل ماقالولج البنات اقري على عمرج ولا تحاتين انشالله كل شي ايصير تمام

* * *


اقولج دوحانيه اهي اصلن ماروتني اشياء وايد بس روتني الي على طاولات وسوتلي طاوله كلش ماعجبتني مادري انا

برد لها وبشوف مره ثانيه


* * *



مراحب نونو يهلا فيج والله يرزقج الزوج الصالح انشالله وتبشرينا

شاركي اشفيهاا تستفيدين ^_*


* * *

صباح الخير ..
انا رجعت بالسلامة بعد سفرة متعبة شوي
والحمد لله تم تحقيق الاهداف المرجوة من الرحلة :) ماعدا شي واحد :(
اللي هو المفرش للاسف الشي الوحيد اللي دش خاطري مفرش ب 3000 .. !!
وقلت دام في وقت ما راح استعجل عليه
اما بقية الشغلات لا اوكيه

خطيبة الغالي مشكورة على الرقم .. باتصل لها اليوم ان شاء الله

والموناليزا .. فديتج والله .. ان شاء الله توفقين وتتهنين يا رب
ومبروك مقدما .. :)

عروس الدوحة ؟ اخبارج ؟ :)

انزين ادعولي يا بنات عندي امتحان وحدة ونص وانا خبر خير طناش قريت المادة قراية في السيارة

السلام عليكم ورحمة الله وبركاتة...

اخواتي..ابغي منك رقم سميره.."حق الخلطات"....واذا عندكم وحده ثاني ..تسوي حمام مغربي....

وابغي رقم ..سعاد البلوشي....علشان...الهديه...

انا حجزت عند منيره الانصاري....اشرايكم فيها.....

وابغي اعرف احسن صالون حق تنظيف البشره...غير مركز العنايه بالبشره....

السلام عليكم

تبوون رايي في مكياج دينا بصراحة خرطي...؟؟؟؟ مكيجت زوجة اخوي في العرس شهر واحد وبصراحة لوعة المكياج وبالصور طالعة كنها معرقة...والكريم الاساس زفت بصراحة ومب ماركة لني شفته واعرف كل الماركات الحلوة واللي مآخذته من فتول حتى الظل كله عادي.

اقولكم وش سوت...؟؟؟ بعد ما خلصت مكياجها قامت العروس تشوف المكياج قالت لها انزين حطي لي لمعة العروس حلاتها تبرق..؟؟؟ قالت لها لا انا مكياجي حلو من غير لمعة...والله انها بغت تصيح من القهر مارضت تسوي لها لمعة لا في جسمها ولا في ويها إلا بالغصب...حطت لها شوي في ويها...وجسمها ما حطت لها ولا شي لا وقالت لنا غيروا مسكة العروس لنها ما تناسب مكياجي..
على كيفج نغير مسكة العروس...؟؟؟ تبط الجبد..انا قهرتني لما مارضت تسوي لها لمعة قلت والله لو دريت كان جبت وياي لمعة من البيت.

ومنيرة الانصاري بعد ما صارت تمكيج بنات بس العرايس ومدربة بنات ويشتغلون وياها بالصالون اللي فتحته،، بطيييييئييييييين وبشكل يرتفع ضغطج..تخيلوا انا من الساعة2 لين الساعة اربع ونص و9دقايق تسوي لي مكياج ولو شفتوه بتزوعون عليه لا وهذا مكياج اسبشل بعد بـ500ريال وانا اقولها سوي جذيه وعدلي مني.
والمصيبة اني كلمت منيرة وقالت لي ذولي ثقة وانا مدربتهم كأني أنا اللي حاطة المكياج...والله ولا يعرفون يحطون شي تجص على العالم تآخذ فلوسهم وتسوي لهم مكياج لوعة....

تبون نصيحتي كل وحدة تحط حق نفسها أبرك...اعنبوا شالمكياج هذا اللي بتحطه بــ2000 ريال والا 3000ريال...ساعة والا ساعة ونص صج ماديات واستغلاليات...وكلهم والله مكياجهم نفس الشي...بس كل وحدة ويدها...

حسبي الله عليهم على اللي يسوونه في الحريم والبنات...زوجة اخوي الكبير حجزت عند هالخايسة حصة حامد وراحت يوم العرس واتصلت فيها من عند الباب وقالت لها انا جيت...تعرفون اشقالت لها..؟؟ قالت لها انا رايحة السوق اشتري اغراض حق العيال قالت لها بس انا حاجزة عندج قالت لها في صالونات وايد روحي أي صالون...

والله قهر قهر قهررررررررررررر

هلا بناات اشلونكم ماشاءالله ردودكم واايد اسلم على الكل خطيبه غالي فراوله الحلم الهادي ام شيوخ عمري قطر دلوووعه لمار2 قطريه75 قطريه لؤطه عروس فريش بنت بوظبي والسموحه من اللي نسيت اكتب اسمه

موناليزا فديتج لاتحاتين ولاشي الله يعنيج باقيلج اسبوع انا قلبي عورني لاتخافين حبيبتي كلنا قلوبنا وياج وبندعيلج

هلا دوحااانيه اشلونج يامن طول الغيبات جاب الغناايم اهاا اللحين فهمت سالفه المفرش افتكرته كااامل من مجاميعه هذا معاج حق لازم تبديل يومي وراح تحتاجينهم والله يوفقج وتخرجين هالكورس ياارب خلاص مابقي شي على الامتحانات

هلا كلاسيك فديتج حمدالله على السلامه والله يوفقج بالامتحاان والمفرش خليه بعدين لين شهر 6 بتحصلين اشكال والوان

سحابه حب والله ودي اساعدج بس مااعرف حد للدي جي شوفي محلات الوان الخليج كريستال عندهم اخبر على 1500 بس مب ااكيد مش متذكره

نور فديتج شاركي معانا وان شاءالله الله يرزقج بريال صالح ونسمع عن قريب خبر ملجتج

هلا فيج اهات عن منيرة ماشفت مكياجها بس رفيجتي من يومين تمدحها تقول حلو وناااعم واذا تخافين منها اخذي سعاد البلوشي نااعم ولوك طبيعي وعن تنضيف البشرة مالي خبرة والارقام بتوصلج بس رقم سميرة مااعندي اتمني البنات يدزونه لج

عمري قطر عبير ماراح ترد لج عربون احجزيها للهديه

انا لما غيروا حجز واجلنا العرس كنت حاجزه دينا مارضت ترجعه وحجزتها للحجز الجديد والحمدالله اني حصلت عندها حجز

ماادري من سئل عن احلام وذكريات يمدحون تصووويرهم بس اقولكم للعرس خلوا كريستال او الوان الخليج اضمن واحسن لانهم بروفشنال ومتخصصين للعرايس اما خطوبه ملجه صور تذكاريه اخذوا احلام وذكريات

صح بنات من كم يوم مرريت سوق الاحمد وشفت محل تحت ااااااه ذبحتي اكسسوارات عجيبه موطبيعيه بغيت اشتري لكن طلعت لاني مستعجله فحبيت اسئلكم يمكن تعاملون مع محل للاكسسوار بس رخيص لان هالمحل خواتم على 45و50وفوق واادري ان في محلات تبيع ارخص ونفسهم بالظبط فقلت اسئلكم يمكن عندكم خبرة لاتقولون شاهين وفتول لا ابغي غير

وبغيت اسئلكم عندكم كريستال اللي ينحط على نقوش الحنه بس مش ملووون بس ابيه يلزق لزق مايطيح ويبرق برق وين احصل نفسه

ان شاءالله بس انتظر خطوبه اختي تخلص واكمل تجهيزي باقيلي شغلات خفيفه

يوووووووووووووووووووه مريم قههههرررررررر صج حصه حامد تبط الجبد تري صج هالبنات ماادري اشفيهم من ينشهروون يرتفع خشومهم ويزيدون في فلوسهم ياااربي

عاد دينا صدقتي فيها تري اللمعه تلعب دووور في العروس لو خفيفه وخصوصا عند العيوون يااربي الله يعني على دينا ميته خوف حجزتها وتحسفت الصراحه بدون مبالغه حتي اسلوبها لما اكلمها ماادري اشلووون بس شاااسوي حجزت وخلصت وموراضيه ترجع العربون

الله كريم

واحسن كل وحده تكتب تجربتها عشان نستفيد

اخواتي...

مادري ...شاقول لكم.....انا بورطه....عرسي شهر....6...

ماجهزت شى..غير حجزت المكياج ..وشكلي راح اغير....


خطيبي ..حجز القاعه..وحجز حق شهر العسل...واليوم طرش لى ...كتالوجات المفرشات حق فرش البيت....

"الريال جهز كل شغله على قول امي..."

بنات من تعرف وين اقدر احجز الفلبينيات اللي يقدمون الشاي والقهوة في المناسبات ؟؟ واذا بعد تعرفون السعر كم يا ريت اللي تعرف تطرش لي على الخاص ..
والله بادعيلها

آهات قطر انا نفسج عرسي بشهر 6 وللحين ماجهزت ^_^
بس خلصت الحجوازات حجزت حق الشعر والمكياج والحنا وحددت ميزانيه لكل شي باشتريه وكتبته بدفتر صغير وحطيته بالشنطه عشان ماانسى شي ولا اتعب نفسي ،،،
والحين اول شي بابدا فيه فستان العرس،،، عقب باجهز عندي شهر 3 وشهر 4 وشهر 5 باخليه حق التنظيف حمام مغربي وتنظيف بشره وهالشغلات

هلا بنوتاات


اممممممممممم ابي حد غير مريم الفلبينيه للتصوير وغير احلام الذكرييات ..


ادري سندرتكم


ومابي اللوان الخليج مايعجبني تصويرهم


ابي غير لوسمحتوا ..


واسمحوولي مره ثانيه

هلا اختي غرشوب والله نسيت اسمهم دووم اشوف يكتبون عنهم بالوسيط هي شركه للخدمات للضيافه والله ناسيه يمكن الاتيكيت شووفي الوسيط

اختي اهات قطريه اول شي سويه الفستان اما تشترين جاهز او تفصلين لان يادوب 3شهور تكفيج لانج ماقلتي انتي باي يوم ب6 لان لو بدايه 6 فماعندج وقت كلش من اليوم روحي اي محل ببالج وفصلي

حجزي شعر مكياج حنه لازم لانهم دووووووووووم فل

حجزي الفرقه اذا عليج وبعد تصوير وكوشه اذا عليج

بعدين جيبي ورقه وقلم ووزعي المبلغ على احتاجاتج مثلا ملابس هالمبلغ جلابيات هالمبلغ وجذي

وبس ابتدي تجهيزاتج من اللحين ولين جيتي بتروحين مثلا الاند كتبي بالورقه كل اللي تبينه من الاند عشان تاخذينهم مرة وحده واي مساعده انا حاضرة

تسلمين والله يا شيخة العرايس عروس الدوحة بصراحة دايما ما تقصرين ولا يهونون خواتي عرايس قطر
الله يوفقج ويسعدج يا رب
الحين باتصل كيوتل اسال عن الاتيكيت
واذا في حد يعرف عن الموضوع لا يبخل علي

تسلمين اختي غرشوب وان شاءالله يطلع الاسم صح

بمريوووووووووووووووووووووومه لا تخوفيني من دينا تكفين حجزت عنده @_@
بس انا كنت شايفه مكياجها حلووو... :(

شصاير فيهم صارت انفوسهم خايسه؟؟؟
على العموم حمدالله على السلامه كلاسك انشالله حصلتي الي تبينه...لاتشوفين الوقت تو الناس انا مثلج والله وطاااااااااااااار الوقت
الحين خايفه اغمض وفتح الحصل باقي عن العرس سبوع وانا ماسويت....

نور هلا فيج الغاليه والله يرزقج الزوج الصالح وشاركي معانا عادي حتى لو مو عروس بتستفيدين فديتج..


اهات جيكي على الخاص الغاليه

بنااااااااااااااااات تكفوووووووووووووووون اللي تمكيجت عند فاديه او مكيجت اي وحده عروس من اهلها هي تحط لمعه للعروس على الجسم والوجه عجيييبه وتبرق من بعيد ولاترووح حد شاف ماركه اللي تستخدمها ابغيهااا موووت عاجبتي