الجزء الثاني..(تجهيــزات عرايــــ قطر ــس 2006)

عمري قطر
كلنا ف الهوى سوا
انضميتي حق قائمتنا
عسى ان تكرهوا شيئاً وهو خيراً لكم
اكيييد التأجيل لصالحنا والله يكتب اللي فيه الخير


خطيبة الغالي
مكاااانج وااااااااااااايد مبين ردي سولفي لنا مثل اول


عروس الدوحه
يسلمو ع الرد


قطريه 75
الله يسلمج انور تجي بـ 3000 ريال مع نقوط
اما بدون ف تجي بـ 15000 ريال
البنات على ماعتقد هم نفسهم بكل بعرس

بنااااات اليوم باعطيكم درس في الحروب العسكريه والهجوميه خخخخ
رحت مساعه الستي اطخ لي كمن غرض دلاقات وحركات الجمعيه انزين الا دخلت دبنهامز منزلين اطقم اللنجري جداد وبجامات وقمصان نوم حلوييييين ولا فوق هاي رحت نكست وايد منزلين بجامات حلووووووه في نكست ونعل وبعدها رحت على لسنزا خذتلي من هناك
نعاله حق البيت الفرو جي عجيييبه حق العبط خخخ لالا حق البجامات اقصد المهم...وخذت بعد ستيانات بوشب الوان خخخ وبعد منزلين اشيا حلوووووه في لسنزا ...قبلها رحت نعومي بعد منزلين بجامات اشوف اشيا جديده بس ما دققت...وعن الثياب في في دبنهامز منزلين والله عجيبين وصنادل كل شي حلو ومره وحده الي تبي تخلص اطخ فلوس من امها خخخ وتخلص كل شي والله في طلعه وحده بتحصل كل شي في الستي واللند بعد...
عاد انا اليوم مرتااااحه نفسيا خلصت كلللللللل شي باقيلي بس شنطه الي فيها ملقط ومقص ومقراض لو عرفتوها وايد زينين الي في الشاهين ...

الأهم الأهم>>>>>>>>>>>>>>>>>>
رحت المعرض مال المجوهرات والساعات بس اشوفه
كنت حاطه في بالي ما اخذ شي نفس ماقلت لكم بتجيني هدايا وحركات المهم...والا اشوفلكم خاتم انما ايييييه والله يههههبل هو خاتمين موصلين بسلسال كله فيه لولو صغار وكبار وايد وايد حلو صج غالي بس شنو ياربي بنات دخل في خااااطري اروح وايي عليه وانا عاد مو علي لين دخل الشي براسي يدرون فيني ما اطلع الا معاه خخخخ وشفت بعد غيره غريييب وحلو بس قلت لا مصختها لأنه وايد غالي الي خذته وماكان فيه الا حبه وحده بس...المهم طولت عليكم اي استفسار عن الستي واللند والمعرض عندي

هلا ام شيوووخ
الحمداللهنج افتكتي
الفال لي >>> باقي لي شوية خرابيط وافتك

المهممم ا تقرير مفصل عن المعرض لأني مارحت وبكره آخر يوم
انا ابي اشتري لي ساعه حق يوم العرس واذا في وخواتم مو اكثر من 4000

والله شوفي في اشيا وااايد حلوه وراقيه وفي اشيا صج غاليه بس روعه...
في ساعات تهبل اي وعن الخواتم ايي في اقل من 4 وايد يهبلون
عندج المكي مسوي تخفيض 50% وااايد عنده اشيا حلوه تره
ممم وبعد اذا ماخذتي بجامات عندي نكست ولاسنزا احلى شي انا شفته ودبنهامز ونعومي بعد فيه واااايد
واللند كل شي عندج نازل من ثياب سفر وكلوانا خذتلي بعد امس حق سفري شي عجييييييييييب...
المهم خلوني اروح ادرس تره باطقها برقده بعد شوي وانا علي مادتييييين الله عيييني باجر
سي يو قايزات

ام شيووووووخ شدي حيلج كلن ولا الدراسه عاد ها تحملي .............

سحابة حب انتي بعد عرسج تأجل ومب محدد ؟ ؟

قطريه 75 فديتج والله تسلمين انشالله بارجع نفس قبل واحسن بعد ..............

تصدقون من بلادتي امس قلتلكم بروح افتح شنطتي وبكتب ششريت ولافتحتها ولاشي بليييييييده :down:............ مب قايله متى بافتحها بس بسويلكم مفاجأه لين فتحتها حتى الجوتي الجميل لين الحين ماصورته قمة البرووووووووود..................

الموناليزا وين عرست ؟؟ ذكروني بتاريخ عرسها بليز ابي ادعيلها .............


ام شيووووووخ ماشالله عليج هذا كله سويتيه بهالمبلغ انا مهري 120 الف واحس انه الدنيا زحمه الف شي وشي في بالي ابي اسويه بس مثل ماقلتي انتي الراتب نفعج انا ماعندي راتب حتى ساعات اهرب شوي من المهر اذا ابي شي حق الجامعه خخخخخخخ ............

قطريه لؤطه ياهلا ومرحبا فيج............. غلطانه انج ماجهزتي شي ماباقي الا 4 شهور المفروض تكونين بديتي فالاشيا الثقيله مثل فستان العرس والحجوزات مكياج وحنا وشعر وين بتلقين عقب حد يمكيجج.......... يللا شدي حيلج واي سؤال انا والبنات بنساعدج

اشحالكم يا بنات قطر؟:smile:
مشكورين على مواضيعكم الحلوه...الصراحه انتو مسوين حركه في المنتدى:up:.......صح ان هذي اول مره اكلمكم فيها لكني انا متابعتنكم من زمان والله يعطيكم العافيه واتمنى انكم تستمرون على هالنشاط الحلو:clap:....
حبيت اسألكم عن رقم سعاد البلوشي بما انكم مسوين موضوع تجهيزات عرايس قطر.......وبغيت آخذ رايكم بعد...منو يمكيج أحلى سعاد والا دينا الي عندكم في قطر...ماعرف شو اسم الصالون........نسيته مع اني متمكيجه عندهم:think:

حي الله بنت ابوظبي نورتي موضوعنا ...................... برسل لج رقم سعاد البلوشي عالخاص وبالنسبه لي سعاد احلى من دينا اذا هي نفسها الي تقصدينها .......

فديتكم بنوتات والله خففتوا عني بكلامكم ورفعتوا معنوياتي جزاكم الله الف خير
خطيبة الغالي يالله نبي نشتط كلنا مع بعض تدرون اليوم احس براحه اكثر من امس لاني احس اني ما اهتميت كفايه ببشرتي لاني وايد ضعفت وويهي صار شاحب وشعري تساقط وايد واحس انه لحد اخر يوم قبل العرس بتم اجهز ولا بخلص لوووووووول
لكن الحين الحمد لله ببدا اكمل تجهيزي على راحتي وبسوي كل شي من توزيعات وبفكر بكوشة الحنا وشلون بسويها ووحركات للزفه والضيافه وبلف عالمحلات على راحتي وبشوف شنهو الجديد ايييييييييييه ونسيت اقولكم شي مهم ناويه اروح اصور عند غاية الاحلام والا احلام وذكريات علشان اعرض الصور في شاشات العرس والتحميض يبيله وقت وبعدين التنسيق مع المصوره اللي بتصورني ليوم العرس بعد يبيله اقل شي اسبوعين واحمد لله بقدر اسوي كل اللي بخاطري

واكيد البنات اللي بيعرسون قبلنا بيقولون لنا عن تجاربهم


والحين ابي منكم تقولون لي وكل وحده ترشح لي وحده بس احجز المكياج عند من ؟؟؟ انا قبل كنت حاجزه عند عبير شرايكم ؟
لان فالفتره الاخيره قريت وايد بنات ذموها انتو شرايكم ؟
وللشعر ؟؟؟؟؟؟؟ انا قبل حاجزه لبنى
والتصوير ؟ كريستال ؟ انتو شرايكم ؟؟؟؟؟؟؟؟؟


وانشالله اليوم يردون علينا اذا في حجز قريب او لا ؟؟؟؟؟؟




بنات من فيكم بجامعة قطر ؟؟؟؟



واللي سألت عن سوق المرجان هو السوق اللي ورى الفردان اللي بالسوق تدخلين داخل تلقين سلم كهربائي فوق
وخياط ساره بشارع المنتزه بس ياخذ شهر على ما يجهز الجلابيات سواء كانت كميه والا وحده بس

ونسيت اسألكم بعد........(مصختيها عاد):o
ما عليه تحملوني...........شو احسن سكراب تنصحوني استعمله حق جسمي؟......اريد اوحّد لون جسمي:cry:

خطيبة الغالي........الله يحييج الغاليه
ماعرف والله اذا هي نفسها.....سعاد مكيجت وحده من اهلي قبل 5 سنين تقريبا وطلعت روعه في عرسها.......وحتى دينا مكيجت بنتين يقربون لي قبل سنتين في عرسهم وطلعو بعد حلوين في عرسهم........عشان جي انا محتاره بينهم....فقلت استشيركم عشان آخذ براي الأغلبيه..
أتريا الرقم الغليه ومشكوره وما قصرتي

عمري قطر ........ اي الحين دام اعراسنا شوي تاجلت لازم نهتم بجسمنا وشعرنا شوي............. المكياج بالنسبه لي عبير مب حلو اساسها وايد ابيض ودمج الالوان عندها مش ولابد......... احس سعاد البلوشي نمبر ون حق نعومة العروووووس.......... ولبنى ايه حلوه تسريحاتها ممكن تتمين عليها............ كريستال يقولون الفيديو مب حلو .............. انا مفكره اجيب احلام وذكريات عرسي تصويرهم ديجتال الفيلم ب1500 ادري بتقولون وايد بس بصراحه كشخه تصويرهم ومب لازم اخذ 6 او7 افلام وكلها صور متكرره يعني 100 صوره وكشخه عادي .........................

انا في جامعة قطر :)


بنت ابوظبي انا كل فتره استخدم سكراب معين مره سكراب خيار ومره مشمش ومره سكراب الملح من بودي شوب واذا تبين توحيد استمري على الحمام المغربي ......

خطيبة الغالي وعمري قطر.......شوفو مكياج دينا بعد حلو الصراحه......وايد يغير مكياجها...أنا مجربه مكياجها الصراحه روعه..

ويه خطيبة الغالي طلعتي نفسي في جامعة قهر لووول
انزين انا دافعه عربون حق عبير تهقون ترجعه لي ؟؟
والا اخليها للهديه ؟

بنات من شاف تصوير االبوم عروس وكان من تصوير احلام وذكريات ؟؟
انا لما رحت كريستال وشفت عندها طريقة التصوير الديجيتال ما عجبني الصراحه حسيت انه ما يسوى بس ضبابي مافيه تعكسي ولا فوتوشوب ؟

على فكره خطيبة الغالي تصوير الفيديو عند احلام وذكريات مب شي يطلعون العروس بمقاطع كريهه وكل شوي تفصل شاشاتهم

هلا قايزاااات
خطيبة الغالي
اي صح انا مب في جامعة قهر خخخخ مرتاحه
وحتى رفيجتي مب هناك


وبالنسبه للتصوير
احلام وذكريات
واااااااو بصراحه روعه
رفيجتي يابتهم بملجتها وكانت الصور بدونتزيين الالبوم يعني شرته بنفسها
لانه مجرد ملجه مب خطوبه
بس كان تصويرهم فظيييييع وايد واااااايد حلو
ويسوون حركات حلوه والصور كلش مب مكرره

بالنسبه للمكياج

عبير واايد تمكيج حلو وتحط خفيف

اما سعاد البلوشي ماتعجبني كلش صج ان اساسها حلو لكن مكياجها عادي واقل من العادي يعني تحسينه مكياج بيت
تنفع لخطوبه اما عرس لا
مكيجت بنت خالتي في خطوبتها وطلعت اوكي حلوه اما فالعرس كان عااادي مشكلتها ماتبرز العين
وبعد مكيجت رفيجتي صج ان طلعتها رووعه بس بعد ماغسلت المكياج الف مره واصلا وحده تفهم فالمكياج كانت واقفه على راسها وتقولها شتسوي


بقولكم مافي عرس رحت له والشاشه كانت واضحه
كل الشاشات تطلع العروس رماديه
الا شاشات الوان الخليج
مادري اذا هاي من الشاشه ولا تصويرهم لان آخر عرس رحت له كان من الوان الخليج من بطاقة العرس لين الكوشه

احم
انا في جامعة قهر >>> ملقووفه

اظن خطيبة الغالي الي سألتني عن الشنط مالت جفنجي المهم اي نزلوا شناط حلوه وحتى تعطيج خصم فيهم راوتني وحده حلوووه ب 3800 يمكن بس قالت اذا تبين تاخذينها بعطيج بعد خصم بس انا ماخذتها لأنه ماخذه جفنجشي نفس لونها...المهم لو عندج بطاقة نت طلبي شناطهم من النت ارخص تره واحلى واجدد...
بنات اليوم بعد شفت في المعرض ياعات جفنجي وايد حلوين راواني وحده كانت ب 11 الف مسوينها اظن ب 6 او 8 ما اذكر والله وهاي جلد تههههههبل والي بدون جلد ب 3 شوي...وفي النيو كولكشن اغلى شوي بس بعد رااقيه هاي للمعلومات يعني

السلام عليكم


شلونكم بنوتات شخباركم ؟؟



هاذي اول مشاركه لي معاكم بهالموضووع


وانا ليحن لا معرسه ولا مخطوبه قلت بسألكم


عن التصوير اكيد عندكم خبره


ابي مصوره تصويرهاا حلوو اتيي البيت


بس اهم شي يكون تصويرها مظموون



تنصحووني بمن؟

ام شيووخ
ان شاء الله بكره باروح المعرض

خطيبة الغالي
اي تأجل والحمدالله تحدد بالصيف ان شاء الله

المكياج >>> سعاد البلوشي
الشعر >>> مرسيدس ولبني
التصوير >>> ألوان الخليج أو مريم الفلبينية

بنات وين احلى محل للمسكات !؟؟
وبعد اكرر سؤالي .. ابي وحده للدي جي

السلام عليكم يابنات بلادي

الله يوفقكم كلكم ان شاء الله انا متابعة لكم من فترة وحبيت اسلم عليكم
وبصراحة سوالفكم حلوة الله يهنيكم واللي اعراسهم تأجلت كل تأخيرة فيه خيرة

صدقوني بنات احلى ايام ايام الملكة

[عيشوها بالطول بالعرض استانسوا

ذكرياتها بتم في بالكم طول العمر وبتقولونها لعيالكم ان شاء الله

ادلعوا على ريايلكم هاي فرصتكم السانحة ادلعوا عليهم طبعا دلع فيه نوع من المحبة واستثارة للمشاعر طبعا بدون مبالاغات

ترى عقب بيعطيج سين بعد الزواج ههههههههههههههههههههههههههههههههه

واهديه هدية حتى لو بدون مناسبة
لو وردة حمرا مع بطاقة فيها عبارات حب

الله يسعدكم ويهنيكم

بنات انتم ماقصرتوا ذكرتوا كل شي تحتاجه العروس تقريبا

بس حبيت اذكركم باشياء بسيطة كللش

تبييض الاسنان مهم ترى تطلع الفضايح بالفيديو ا

الاظافر سواء الرجل او اليد سوي لها بدييكيرومناكير هم بعد تبان اظافر اليد بالفيديو والصور وانتي ماسكه المسكة

حافظي على ابتسامتج على الكوشه لاتبوزين ولا تسبهينا

قري سورة البقرة صباح يوم العرس

وقبل لاتدخلين اقري المعوذات

اثناء دخولج في الزفة للقاعة



انسي كل شي

قطي كل شي وراج

وتذكري بس

ان هذا اليوم يومج

والفرحة الاكبر فرحتج

وهي الجسر اللي بنقلج لبيت غير بيت هلج

بينقلج لزوج المستقبل وشريك حياتج

خلي الفرحة واضحة بعيونج ولوني القاعة بألوان فرحتج وابتسامتج واثبتي ان هاي اليوم بيتم خالد في ذكرياتج
لاتخربينه
ولاتسمحين لاي شي بسيط من عدم تنسيق او ترتيب كنتي متوقعته بالقاعة يخرب يومج

ترى الناس مهما سويتي لهم
بعد بيطلعون عيوب والكمال لله
اذا تذكرت اشياء ماقلتوها وبسيطة بس مهمة بقولها لكم

الله يوفق الجميع