الجزء الثاني..(تجهيــزات عرايــــ قطر ــس 2006)

مرحبا...............


توني راده من جامعة قهر >>>>> تعذيب دوامي...............

شخباركم بنات مريت عالي كتبتوه انتوا الظاهر تجمعاتكم فالليل وانا وحده انام بدري لان كل يوم اقوم 6ونص ماقدر اسهر.................

قطريه لؤطه والي يسألون عن المكياج بقولكم رايي عالي انا شفته............

دينا.........أساس مب حلو والعروس ماتبرق مب وناسه يعني............
عبير...........ماتدمج الالوان عدل.............
شريفه المهندي ...حلو للي يحب الثقيل والالوان..............
سعاد القطريه.........نعووم ويصلح لخطوبه ومناسبات ..........
سعاد البلوشي........ روووعه للعرايس اساس مرتب دمج الوان حلو ماتبالغ فالالوان.. بس ماتصلح للي يحبون الثقيل لانها ناعمه ....
مها العامر........قمة الدفاشه
حصه حامد ونجلا العبيد............تعامل زفت.............
فاديه.........مكيجت بنت عمتي حلو بس ساعات تخورها...........

الي تسال عن البجامات اعتقد اهات قطر او قطريه لؤطه بعد نسيت من ههههههه مقفله حدي بس في موقع فكتوريا سيكرت اسعار حلوه وبجاامات وقمصان نوم موديلات راقيه وتوصللج في اسبوعين...................................

وبعد شنوو......اممممممم التصوير ياام عيون ذباحه المشكله انه ماتلقين الي تبينه والاستوديوهات محدوده .......... اذا تبين انا عاجبني احلام وذكريات اذا بتصورين صور شخصيه انا شايفه وفيه وحده اسمها ثريا هناك..........

السلام عليكم

ام حمد القطرية :)
عندج جلال لونه بيج .. مدري شفيني على البيج كل شي عندي لونه بيج ..

خطيبة الغالي ..
دوامك ثقيل الله يعينج
اي كلمت اليوم سعاد البلوشي وحجزت عندها الحمد لله حصلت حجز :)
وباكنسل الحجز ويا الباقي ( ما خليت حد ما حجزت عنده )

والحمد لله اني حجزت للتصوير ودفعت العربون ..
واللي تدور عن التصوير مرة اخت هنيه عطتني رقم مصورة اسمها عايدة وتقول شغلها حلو ..
اذا تبين باطرش لج الرقم

هلا بنوتات
سوري عالانقطاع بس تعورفون سالفتي ويا بلاعيمي لووول
مشكورين عالنصايح ولاعت جبدي من الليمون والبرتقال والعسل بس الظاهر بتم جذي اصحى وارد امرض

يالله الحين بجاوبكم
اول شي مشكورين على سؤالكم وثاني شي ناسيه من اللي سئلت عن مادري شنو فبخورها شوي
احلام وذكريات يسوون حركات بالصور غير حركتج ووقفتج يضبضون الصوره بعدين ويركبونها على بعضها

وام شيوخ فهمينيييييييييي شسالفتج ليش الصياح يمه مافي شي يخرع
ليش في احلى من انج تكونين عروس؟؟

خطيبوه شاطره خلج جذي وشاركي

الموناليزا ودوحانيه اعراسكم قربت وايد الله يوفقكم وبندعيلكم

بنات بليز قلتلكم اني ماخذه السفيد اب اليوم المهم شلون اسخدمه بالضبط...انا جربته اليوم بس انه يعني يمكن غلط افركه على جسمي ويكون ماي عليه وهال شكل صح جي؟
باجربه بعد اسبوع بعد واقولكم النتيجه :)

نات اللي سألوا عن شنو اللي تستخدمه عبير حق اللمعه ....

انا شفته عندها يعني بعيني...عيل وشو ..بريولج ههههههههه


المهم
اللي تبي باطرش لها عالخاص







































هههههههههههههه
شدخل باقول شي سري



لا لمعتها بو 10 مادري 15 ريال

الرش اللي في سوق الجبر..من عند البيارق مادري الثاني مال الاكسسوارات .... مادري شسمه




انا يوم شفته عندها رحت شريت لي....منه ....








واذا تبون لمعه بودره حق اماكن معينه بس

عند ماركة فور ايفر صج صج راقيه ...
اذا لقيت لها صوره باحطها لكم ...


بس
يالله ادعولي اجيب ولد ولا بنت .... :)

حبيبتي مجنونه يالله يرزقج الي في بالج واذا كان ولدى ولا بنت كله خير


والله ايهون عليج يالغاليه .,.




مشكور خطيبة الغالي انج مانسيتي اقولج فديتج دزيلي الموقع على الخاص عشان ااشوفه


وماتقصرين .,...



ترى بنات الي يبي شي من الصالون الازرق ترى فيه تنزيلات ...<<

السلام عليكم .. كيف الحال جميعاً بدون إستثنااء ..

هلا عروس فرش ,,,
موجودة فديتج بس تدرين خلاص يا دوب أكمل تجهيزي .. ما عاد عندي وقت يكفيني ..

وبالنسبة للمعرض رحت له عورني قلبي و طلعت مع إن عادي لو بآخذ .. بس خلني ما شية على تقسيمي مابي أخربه .. و الحمد لله على كل حال ..

**

هلا أختي نور ثري ^^ ,,,

الله يرزقج بالزوج الصالح و تشاركينا .. و هاذي فرصة تكتسبين خبرة من هالموضوع .. عقبال ما نشوفج مشتطة مع التجهيز ..

**

قطرية لؤطه ,,,,

إذا تقصدين ماسيس ترى هاذي ما لها خص في شي .. تبين تشوفين الطاولات .. انزلي تحت تلقين أجدد الطاولات معروضة ,,, و إذا حجزتي خلاص يشيلونها ما يخلونها لين عقب عرسج .. و هذا الزين فيهم ..
و إذا تبين ينسقون لج بينسقون لج علىذوقج و تختارين كل شي من إلى .. و تروحين اليوم الثاني تشوفينها ..


**
هلا كلاسيك ,,,,

الحمد لله على السلامة حبيبتي ,, تو ما نور الموضوع ^^ .. قولي لنا شخذتي و شسويتي ..
و الله يوفقج في دراستج ..

**

آهات قطر ,,

هلا فيج أختي ,, و إن شاء الله بتوصلج الأرقام اللي طلبتيها ..

و ش تنطرين يمه ما تبتدين تجهزين ,, قولي لنا شتبين تاخذين و بنساعدج إن شاء الله : )

**

مريم5 ,,,,

يا هلا فيج ,,,
أختي رايج و نحترمه لكن مهما كان إذا ما اعجبج شغلهم .. لا تذمينهم بهالطريقة .. و الله إحنا نكرههم من قبل لا نتعامل معاهم و السبة سوالفكم ..
و أتمنى يا أختي ما تزعلين من كلامي ..

**
عروس الدوحة ,,

هلا و الله .. الحمد لله أنتي اشلونج ؟

أي كورس الله يخليج .. قدمت إعتذار هالفصل ,, و الله المستعان حبيبتي ..
و تبين إكسسوارات عادية ,, بصراحة ما شفت أحلى من اللي عند الكابينة اللي في اللاند .. احذا المتحجبة .. صج تشكيلات حلوة وايد .. لكنهم غلايا ..

و تمي على حجزج .. أنا مثلج حاجزة عندها من رمضان و على اللي سمعته كله ولا أفكر أغيّر ..

أنا تمكيجت عند فادية و هي تحط اللمعة على العين و الجسم ,,, و حلو مكياجها لكن الله يعينج على مواعيدها ..
و هي كريمة في من ناحية البودرة لدرجة التلطخ ^^

و ترى مو كل مرة تطلع اللمعة حلوة على العروس..

**
سحابة حب ,,

امممم شريت 3 من دبي بـ 430 // لقيت مثلهم في محل bed & bath اللي عند سوق آل أحمد من نفس الماركة لكن أغلى شوي بس ما يتعدون الألف .. و هم تلبيسات بس بآخذ لهم حشو من مفروشات العروس بـ 100 تقريباً ..
و خذت لي واحد من معرض الدبلوماسي بـ 120 .. هاذي تلبيسات ..
و مفرش كاااامل بـ 250 من المعرض بعد 12 قطعة ..
و الثاني عادي من عند امي ب 100 ريال ..
إذا تبين اسم ماركة المفارش هاذي اللي خذتها من دبي انا حاضرة .. : )

**
غرشوووووووووووووب

هلا و مرحبا ..
الغالية في وحدة جبتها يوم خطوبتي عشان تصورنا أنا و خواتي و بنات عمي .. و بصراحة الصور طلعت ثاني يوم و كانت حلوة وايد حتى بآخذهم باعرضهم في العرس.. هي سودانية حجزناها من استوديو العدسة الذهبية .. اتصلي لهم و اسالي عنها أما الفلبينية لا تقربينها ..

..

• بنات اللي حجزوا و خلصوا .. خلكم على حجوزاتكم لا تشتتون أعماركم و كل مرة تحجزون حد غير .. إلا إذا كان الحجز مب أكيد .. هني تحجزون حجز ثاني .. و عقب تلغون واحد .
• البنات اللي توهم بيبتدون يحجزون خلكم مع المضمون و المجرب .. و ابتدوا احجزوا من الحين للتصوير و المكياج و الشعر و حتى الحنا .. و خلصوا من فستان العرس .. و خلاص ابدوا تستقرون على شي معين .. انا حجوزاتي هاذي كلها حجزتها من رمضان ولا غيرت الا الشعر بس من زمان مب توني ..
• إذا في عرابين ادفعوا مبالغ كبيرة و خلوا باقي المبالغ بروحها في ظرف و خلاص انسوه و لا تاخذون منه و تصرفون منه حق شي ثاني :: تحملوا .. قسموا امهوركم و رتبوا اموركم و بتتسهل إن شاء الله ..
**
انا اليوم رحت سوق الذهب .. بس عشان آخذ فكرة .. و لقيت أطقم حلوة وايد ناعمة بس فخمة و أسعارها مناسبة يعني شي بـ1300 -1700-2000 يعني اسعارهم وايد اوكي ..

و قبل رحت الرويال بلازا و لا لقيت شي

و على فكرة ترى لين الحين .. ما لقيت لي جواتي و لا نعل و لا شي رراااقي !!! يعني اشلون امشي حافية ؟؟؟
: (

هذا كل شي عندي لليوم ..

قطريه لؤطه
تصدقين اني داخله اقول لكم عن الصالون الازرق
عندهم سييييل 50%

على فكره اللي مقاسها متوفر خل تنظر لين آخر يوم
انا السيل اللي فات رحت الصبح آخر يوم عجبني صندل اسود عااادي كلش بــ600 قلت حرام مايستاهل
عاد رحت بالليل مره ثانيه مع خالتي قولوا حصلته بكم








مابتتوقعون
بــ

















200 ريال

والله خذته على طول ماصدددقت
وبعد خذت لي قميص نوم كان قبل السيل بـ 2000 ريال
تدرون بكم كان >>>>>>>>>>>>>>>>>>>>>> 90 ريال
ماعجبني وايد مع انه ناعم والكل قال لي اخذيه بس سعره بصراحه مصخخخخخره


اليوم رحت بي اتش اس منزلين مفارش حلوه
شريت لي واحد وااااااااااااايد جميل وشكله كشخه لونه بيج

شخباركم بنات

ادري صايره واااايد كسلانه وماادش بس شسوين انشلت شوي وظروف
ومن عقب مارديت احس الموضوع وايد تلخبط علي وضيعت
وبعد بدا دوام الجامعه ومافي وقت مثل قبل

هلا أحلام صغيرة : )

وينج ؟

ننتظر مشاركاتج معانا .. و الله يوفقج حبيبتي ..

هللااا بنوتات..

تصدقون كنت برد على كل وحده بس مشالله من كثر الردود نسيت شبكتب..

الي تسال عن الرش المعه تحصلينه في محل في شارع النصر مال ادوات صوالين والله ب15ريال
خذت ذهبي وفضي رووووووعه

وكلاسك بليز طرشي لي رقم عايده
وشرايج في تصويرها اوكي والا يعني؟؟
وكم اسعارها؟؟

بنات هاي هي اللمعه اللي قلت لكم عنها جبتها من موضوع الاخت موناليزا

اسمها دايموند باودر من make up 4 ever

بصراحه شي خيالي....

انا اذا احطها حق اي عرس يستخفون على اللمعه

عندي مثل اللي بالصوره

ذهبي وابيض ...

مجنونة قطر
اي لمعه منهم لان في نوعين بالمحل نوع بعلبه حمرا كبيره ونوع علبته صغيره

عروس فرش قصدج النزيه ولا شسمه لاني مادل المحلات وولا اعرف شي فيهم ق6 حدي الستي

يمكن تحصلين فالنزيه..بس انا خذته من شارع النصر اظن اسمه سولتير او شي جيه

اي لمعه منهم لان في نوعين بالمحل نوع بعلبه حمرا كبيره ونوع علبته صغيره

لا حبيبتي اللي علبته صغيره حطيت لج الصوره شوفيها ..:)

بنات والله انكم خرعتوني لاني للحين ماسويت شي حق عرسي وعرسي شهر6 ماحجزت الماكياج ولا الشعر ولا الحناولا حتى فستان العرس ولا التصوير ولا شي
الجامـــــــــــــــــعه الزفت بدت واحس ان ماعندي وقت لاني ارد البيت متاخر وحتى بشرتي تعبانه وايد انصحوني شسوي

@@

اختي حجوزات المكياج و الشعر و الحنا كلللها تصير بالتلفون .. اقعدي يوم و اتصلي و احجزي ..

اللي يبون منج عرابين : جمعيهم مرة وحدة و في يوم مثلاً الخميس وديهم ..

الفستان شوفي لج يوم فاضية فيه أو جدولج مب مزحوم أو حتى روحي الضحى .. عند المصمم و اتفقي معاه ..

اممم شنو بعد و التصوير تقدرين تروحين في أي وقت تحجزين .. يعني لو تفضين عمرج شوي بتخلصين حجوزاتج ..

و كان عندج وقت في الإجازة .. أنتي رتبي جدولج و كل شي بيستوي .. لا تحاتين حبيبتي : )

توكلي على الله ..

مجنونة قطر جزاج الله خير كنت ابي انزل للبنات لمعة فور ايفر صج عجيبببببببببببه
بنات كل وحده تشتري لها اللون الابيض الصدفي وتوديه معاها يوم العرس احتياط بلا مذلتهم يؤؤؤؤؤؤؤ بندفع 2000 ريال بفتش بشنطتها وبحط لي لووووووووووول


بنات خلاص مانبي نحاتي ونتردد وكل يوم لنا راي بنتوكل على الله واللي حلوه بدون مكياج بتطلع احلى بالمكياج اكيد كلكم حلوات وقمرات شتبون بعد

وساعات المكياج من حلاته يحتاج اي لمعه .... على حسب يعني
بس الجسم احس انه ضروري يلمع والا انتو شرايكم ؟