تجمع حوامل شهر سبتمبر واكتوبر0يعني رمضان 00حيااكم

اختي فساتين شيكي الخاص عندك

طيب حبيت اسألكم مين بدا بطنها يظهر

او متى يبدا البطن بالظهور

وينكم يا بنات شاركونا

انا طلع من الاول بالرغم انه اول حمل اختي لوليتا رديت عليج عالخاص

و أنا بعد اسمحولي انضم لكم .. أنا في الثالث و موعد ولادتي 27-9-2006

انا توني في الشهر الاول بطني لين الحين ماطلع بس احس ان التنوره صارت اتضايقني شوي يعني احس اني ارتاح بالجلابيات اكثر ..

ياربي ..انا تعبانه واااااااااااايد الحين ولايعه جبدي وااااااااااااايد ..انا في الدوام الحين واعد الدقايق بس ابي اطلع ..
ادعولي تراني تعبانه وااااايد ولايعه جبدي ومصدعه ..

أهلين خواتي ... شخباركم والله وحشتوني


والله يا يبارك حق الحمل الجدد وانا معاكم :shy: الا اقول شخبار التواقيع وينها ... عسا ما شر

بالنسبه لي والله حبوب اللوعه كأن اكلها وماكلها كله واحد اللوعه اقوى من جذي انتظر بفارغ الصبر ... اني اخلص الشهر الثالث .. بس الخوف ان يخلص الشهر الثالث واللوعه ما تروح....... بنات ...... بيتي كاسر خاطري .. احس الغبار بكل مكان بس ماقادره انظف او اكنس ... اقصى ما يكمن فعله اني اغسل الملابس لأن الغساله اتوماتك ولا تتعبني بشي ... بس الباقي ما دري شا سوي .. وزوجي المسكين بعد الدوام على طول مسدوحه في بيت اهلي,, ماااااشوفه الا بعد العشا ,, وبعدها ابي انام .... الله يكون في العون مليت والله مليت ...... اقول اذا رجعت تعتقدون برتاح لأن انا ما ارجع بس افكر اني احط صبعي وارجع يمكن ارتاح شرايكم ؟ تدروين الكتشب ..كتشب هاينز الي اموت عليه صرت ما طيق شكله ,,, ومن افكر فيه تزيد اللوعه ...... مع اني ما عرف اكل شي من غيره قبل
افتقده ..

تحياتي لكم

* الغلا *:
بالنسبه لي انا معاكم في شهر سبتمبر 17 / 9 تقريبا 24 / 8
في الاسبوع 12 ان شاء الله يعني في الشهر الثالث
احس بشي مادري طبيعي ولا لا ؟؟
احساس باللوعه ملازمتنى طول اليوم
بس ماني قادره ارجع
مادري وش الحل ابي ارتاح من اللوعه وارجع

انا مثلك .. اختي الغلا ..

لدرجه اني ابي احط صبعي عشان ارجع ...

الي تلقى حل ... تقول ...غير الليمون الاسود

مبروك ل rockerbabe

الله يكون بعونكم جميع

والله اشتقت اني اكل و في اكلات تخطر على بالي احب اكلها بس احس بنفس الوقت اني ما اقدر

ان شاء الله يكون كله اجر و ثواب و عافيه لنا كلنا

ضحكني موضوع الكاتشب يا نووور... الغريب انه جا على بالي اكله الحين .. ههههههههههه

و انا مثلك غيرت نوعين دوا و ما في فايدة للوعة و احسه بالعكس يزيد منها و من الزواع

تعالوا نقرا الفاتحة على تواقيعنا

كنت احبها عشان كل ما اقرء مشاركة بنت اشوف هيي بأي شهر الحين و مين سابق مين بس الحين ما اعرف شو بنسوي

ان شاء الله يردو بسرعة

الله يعينكم والله وسيهل عليكم هالفتره لانه صعبه وايد

انا صراحة ارجع بدون اي او ادنى مجهود

اذا انتو مو قادرين ترجعو طبيعي حاولو ترجعة بأي طريقة

احس بترتاحون اكثر بس مب وايد

"إسأل مجرب و لا تسأل طبيب"

لوليتا ياليت اقدر .. انا مره صادني تسمسم ,, الله يكافي السامع .... وقعدت يوم كامل ارجع .... لين حسيت ضلوع ظهري تقوست من الترررجيع فكل ما تذكر الترجيع اموت من الخوف ونفس الوقت ابي ارتاح ..... مادري اسمع كلامج ولا اتقي الترجيع ... ولا شنو ياربي حتى وانا اختار لون الخط .... اختار شي ما يلوع جبدي ...

الله يسهل عليكم...

ويقومكم بالسلامه..

هاي
يا أحلى حوامل
سمعوا شصار
انشالله 13\1 بدش الثالث
بس والله والله ان ياني اسبوع ماكنت أقدر آكل شي
لدرجة اليوع ياخذ قلبي بس ما أقدر من أشم ريحة الأكل تلووووووووع جبدي
أمس قعدت الصبح
وهاااااتي ياغاده كل الدموع اللي موجوده عندج:cry:
وتميت أقول جدام ريلي كله منك ياليتني ماتزوجت انصدم:eek2:
قال تعالي ياقلبي أطلعج ورحنا المول
والأمريكيات ماشالله جم وحده مرت جدامي وبطنها يمشي جدامها
ويقولي ريلي شوفي كلهم حوامل يعني شصار تحملوا وبعد جم يوم يشوفون البيبي وتلاقين الفرحه ماليه ويوهم
المهم شهيتي للاكل انفتحت
وابي آكل رحت شريت باستا
والله تقولون جذااااااااابه:cool2:
ولا فيني لا لوعه ولا شي
وكليت وتمشيت والله حسيت ان صج الطلعه هذه تغير من نفسية الواحد:up:
واليوم الصبح قعدت والله مافي لا لوعه ولاشي يارب انشالله دوم
وبسسسسسسسسسس
يارب انشالله كلكم تصيرون نفسي وتروح عنكم اللوعه
وانا بصراحه عندي كرشه بس هاليومين اللي ما أكلت فيهم حسيت اني ضعفت
بس مادري بطني أحس للحين مادري هذا البيبي ولا الكرشه:dd: خخخخخخخخخ

انشالله 13\1 بدش الثالث


سوري خطأ مطبعي قمت أخوووره:dd: من حملت
13\3 أدش الثالث

هلا بنات اشحالكم لحقوووووووووو عليه امس حسدت عمري قلتلكم نشيطه وما ياالليل الا وترتفع حرارتي بالليل ومحد كان عندي واليوم الصبح راحت الحمى بس احس ظهري وبطني يعوروني حيل00 وصراحه خاايفه الحين انتظر زوجي ياخذني المستشفى 0ومالت عليهم هم ومستشفيااتهم الله يعين دعوااتكم بنات لاني حااسه عمري متكسره ما اقدر اتحرك ولابسه توب شتوي وبنطلون وزلاغات ومشغله الدفاايه بعد والناس برع ميته حر 0000دعواتكم بنات

الف مبروك ياغداده على دخولج الشهر الثالث مقدما ..وانشالله ماترجعلج اللوعه الممله والفال لي انشالله ولكل الحوامل الي توهم مثلي .. بس الله الله في نفسج لازم تتحملين من الطلعات الوايد لان التعب والمجهود في هالفتره مب زين لين اتكملين الشهر الخامس ..
والبنسبه للترجيع مانصحكم فيه لانه يهد الحيل لكن خلوه للطوارئ يعني اخر حل ..

اسمحيلي قمت اخربط مثلج اقصد غاده ..:dd:

اسم الله عليج حبيبتي فاطمه ماتشوفين شر اجر وعافيه انشالله ..انشالله عارض بسيط ويزول لاتحاتين وطمنينا عليج ..

صباح الخير حوااامل

مرحبا اختي غادة اليم و الله الك وحشة

اعتقد انا و انتي ماشيين بنفس التاريخ لاني انا كمان بدش الثالث في 13-3

يلا بنشوف مين بربي اول

سلامتك فطامي.. ان شاء الله اجر و عافية و ما تشوفي شر