تجمع حوامل شهر سبتمبر واكتوبر0يعني رمضان 00حيااكم

أهلين بالعضوات.........
أنا جديدة بينكم...... فيا ريت بس ترحيب....ok يكفي خخخخخخخخخ
موعد ولادتي إن شاء الله 11-10
وأنا من النوع الأول

غادة اليم:
تصدقون أنصدم لما اسمع من مرت أخوي أو أشوف ردودكم تقولون نكره أزواجنا ومانطيقهم فترة الوحام
مرت أخوي كانت ماتحب ريحة أخوي بالمره
وفي بنات يقولون مانحبه اذا شفناه نرجع
والله انا صايره لزززززززززقه للحين ماكرهته
أنطر هاللحظه:dd: خخخخخخخخخخخ

فالله يكون في عون بوالشبااااااااااااااب

وسلللللللللللللام

هلا وغلا فيج
واحة أمل
شخبار الوحام معاج؟؟؟؟؟

صباح الخير يا امهات المستقبل

انا اليوم تعبانه وايد وفي صيحة على عمري ودي ارد البيت بس ما اروم اسوق

حاسه بلوعه ودوخة واشيا غريبه مع اني بعد يومين بكمل الثالث ان شاء الله وبدخل الرابع والمفروض انه الوحام يخف

الدوام ممل وما اعرف شو اسوي

:cry::cry::cry:

هلا بكل الحوامل

كأني دخلت متأخره !!!

أنا بعد حاطين لي موعد مثل اختي فطامي 21 /10 .. يعني في رمضان

هاي اول مرة بتكون ولادتي في رمضان
ومب عارفة كيف اتصرف
العيال وأبوهم من الحين كاسرين خاطري شنو بيسوون

أما عن الوحاااام لا تسئلوني

حالتي ما تعجب العدو والحبيب

لوعة بشكل ما تتخيلونه لدرجة احياناً اجوم اصيح ودموعي اربع اربع :(

بنات شحالكم وشاخباركم منو فيكم طلعت كرشتها؟؟؟؟؟؟؟؟؟؟:shy:
انا وحامي يضحك الصراحه قبل الغده اتوحم واخلي امي تطبخ كل الاكلات وحزة الغده بس اطالع الاكل وما اكل!!!!
اول ما نش لوعه تذبحني بس ما عليكم انا ذبحتها باللومي والملح
مستويه ما داني البشكاره بفنشهااااااااااااااااااااااااا:dd:

هاي اخر اخباري

وكان عندي نزيف وقف النزيف ويالسه اخذ دوفاستون حبتين في اليوم للتثبيت وفوليك اسيد حبه وحده

السلام عليكم ورحمة الله وبركاته،،،

شو أخبار الحوامل اليوم

إن شاء بخير


وشو الوحام وياكم .. الله يعدي هالفترة على خير يا رب


بنات أنا عندي مشكلة صغيرة .. ويا ريت إلي يعرف الحل شو يقولي وما يبخل علي؟؟

أنا في الشهر الثاني (يعني الله يعيني على الوحام)

بس أحس بنفخة غريبة (أقصد بطني)

منتفخ بشكل فضيع اتقولين في الشهر الخامس .. ومو عارفه شو أسوي فيها

مع العلم أن هذا مو أول حمل لي

وما جد مرة استوى لي جذي .. تقول الوالدة وحام عن وحام يفرق .. بس والله تلعوزت وايد

حتى بو الشباب قام يشتكي عند أمه وخواته (بس الحمدلله إنهم وقفوا ويايه)

دخيلكم بنات إلي تعرف شو الحل تقولي وما تبخل علي

السلام عليكم
بنات عندي لكم خبر ما يفرح

أنا سقطت من أسبوع
مع الأسف ماراح أكون معاكم في الرابطة

تدرون يابنات أنا الحين سقطت مرتين ورا بعض
والمشكلة الكبيرة أن الجنين يموت في بطني ولا أعرف أنه مات ألا بعد ما يوقف النبض بشهر

يعني النبض يوقف في شهر ونص


الحمدالله على كل حال

مع السلامة يابنات والله اني حبيتكم
بتوحشوني

بنات أنا من اسبوع احس بشي غريب يتحرك في بطني جهة اليسار و ماني عارفه هذي حركه البيبي والا شي ثاني للعلم اني اليوم 11/3 أدخل الشهر الرابع
اللي عندها خبره في هالموضوع تفيدني بليــــــــز

مبرووووووووووووووك للاخوات وإن شاء الله يتمم ع خير وتربون بالسلامة ويكون البيبي في صحة وسلامة .. وعقبال الباقين ان شاء الله


اول حمل لي وان شاء الله عاطيني الموعد تاريخ 29/09 يعني في شهر رمضان الكريم .. والله يعينا على الصيام ان شاء الله ....

والحين دشيت الشهر الثالث (الاسبوع التاسع) والحمدالله الوحام وقف اشويه .... وإلا قبل تقولون عندي غسيل معده (شاربه حلول) بس الحمدالله سرت العياده وعطوني ميلك (ليدي ميل) وفوليك اسيد آخذ حبه كل يوم .. وعن الكسل مايحتاي اتكلم .. كسل في كسل .. احب ارقد وااايد .. وإلا الشغل ممل وكريه ... ماودي اشتغل ... حتى اني افكر ان استقيل وايلس في البيت ... هههههه

واحس نفسي ثقيله وبطني مليان على الآخر ... حتى الاكل مااشتهيه آكل .. وإذا كليت لقمة او لقمتين حسيت نفسي مليانه و برجع ..... :gum:

هلا بالحبايب أخباركم ان شاء الله بخير الحمد انا توني داخلة الرابع وأحس أن اللوعة خفت عن الأول وحسيت بالبيبي يتحرك .
حمد الله على سلامتك نور الصبح والله يعوضك بالي أحسن منه أن شالله وعسى أن تكرهوه شيء وهوخير لكم وعساه خير .
أخت شاعرية مبروك على الحركات الأولى أنا بعد حسيت فيها أكثر من مرة تأملي للحركة عدل تجنن.

انااااااا يت ... بس طبعا متاخرة وااايد



بسبب الوحام وبعض الامراض اللي مريت فيهاااااااااااا


لكن الحمد لله على كل حال ..


تاريخ ولادتي هو 30/9 ... يعني اول اسبوع من رمضان

الله يسهل بس ويثبت حملي

نور الصبح

يا حبيبتي ،، الله يقول وعسى ان تحبوا شيئاً وهو شراً لكم وعسى ان تكرهوا شيئاً وهو خيراً لكم والله يعلم وانتم لا تعلمون

احتسبي الاجر عند رب العالمين وهالطفل بيكون لج طير يوم القيامة

وان شاء الله بيعوضج عنه خير

بس ليش ماتراجعين الدكتورة وتعرفين شو سبب توقف دقات قلب البيبي في بداية الاشهر اكيد في حل لهالموضوع

حاولي تعرفين السبب وتعالجينه وبعدين فكري فالحمل مره ثانية

اتمنى اسمع عنج اخبار حلوه

مرحبا يالغاليات
انا باجر بدش الثالث والحمدلله اللوعه خفت واااااااااااااايد
وأحسن من أول الحمدلله
بس وااااااااااااااااي فيني أكبر مشكله واللي ما أحبها وأكرها
صج صج أكره شي عندي فيني امسااااااااك مو طبيعي
مادري ليش يمكن علشان ما آكل شي ورحت كليت روب
تعبانه ومادري شسوي:cry:

غادة اليم:
مرحبا يالغاليات
انا باجر بدش الثالث والحمدلله اللوعه خفت واااااااااااااايد
وأحسن من أول الحمدلله
بس وااااااااااااااااي فيني أكبر مشكله واللي ما أحبها وأكرها
صج صج أكره شي عندي فيني امسااااااااك مو طبيعي
مادري ليش يمكن علشان ما آكل شي ورحت كليت روب
تعبانه ومادري شسوي:cry:

اختي شربي عصير برتقال فريش ...


وعليج بالتمر ..

وراح يبعد عنج الامساك ...

اشحالكم خواتي ؟؟

كيف اصبحتم ؟؟

أما انا البارحه ما نمت طول الليل من المغص ..

ألم فضيييييييع .. الله لا يوريكن .. قولن آمين :)



بغيت اسأل خواتي

أنا توني داشه الثالث وما فيني بطن .. طبيعي هذا ؟

حتى زوجي يقولي انتي متأكده انك حامل :(

خلاني أوسوس وطول وقتي افكر ..

انتظر موعدي الجاي بصبر حتى اطمن ... ادعولي

هلا بإخواتي الحوامل كيفكم والله وحشتوني
بإذن الله بعد شهر عند موعد مع الدكتوره عشان اسمع دقات قلب البيبي
اختيbirdy123 إذا كان هذا اول حمل اكيد ماراح تطلعلك بطن لسه بدري انا في حملي الاول والثاني وضحت بطني على الشهر السادس
اختي نور الصبح الله يعوضك ويرزقك
بنات بأسئلكم سؤال
هل اللاب توب يضر الحامل
وإذا معنا وحده من بنات جده تقولي اش رايها في الدكتوره نوال السناني

غادة اليم.......مرحبا فيج
وإذا بتسألين عن الوحام حدث ولا حرج...
كل شيء مب طايقته من الزوج إلى البيت إلى الأكل إلى .... إلخ كل شيء ممكن تتصورينه
حتى الطلعات أقول بطلع أغير جو ..... وما شي دقايق وأقولهم رجعوني البيت



همبايه...
الله يكون في عونج



birdy123....أوووووووه على الصيااااااااااح
مول مب قصرين في هالسالفة
الله يكون في العون

مدام انفينيتي
[frame="3 80"]بنات أنا عندي مشكلة صغيرة .. ويا ريت إلي يعرف الحل شو يقولي وما يبخل علي؟؟

أنا في الشهر الثاني (يعني الله يعيني على الوحام)

بس أحس بنفخة غريبة (أقصد بطني)

منتفخ بشكل فضيع اتقولين في الشهر الخامس .. ومو عارفه شو أسوي فيها[/frame]

نفس المشكلة بالضبط

نور الصبح

الله يعوضج باللي أحسن
بس لازم حبيبتي تراجعين الطبيبة وتسألين عن السبب
وإن شاء الله تفرحينا قريب



شاعرية
هذي حركة البيبي حلوة صح!!
الله يمتع عيونج بشوفته إن شاء الله



ام نيلا
الله يثبت لج حملج

الغاليه نورهان

هذا حملي السادس .. عندي ما شاء الله حولهم ويحفظهم بنتين وولدين
ومن 6 اشهر قبل هالحمل فقد جنيني .. وهذا حملي السادس
بس انا ضعيفه مووووت وما فيني بطن .. بطني لازقه في ظهري :)

الله يستر ويرحمني من هاللوعه ومن هالوسواس ..

احس الايام بطيييييئه على موعد الدكتوره :(




الغاليه .. اغلى اسم

الله يكون في عونا .. صدق والله نحن الحوامل محتاجين شيئ مهم تعرفون شو ؟












جمعية الرفق بالحوامل :) :) :)