تجمع حوامل شهر سبتمبر واكتوبر0يعني رمضان 00حيااكم

اختي اغتراب الله يطمنك عالبيبي .. عقبال موعدي .. مليت انتظر :(


هلااااااا نور

الله يعينك .. صحيح شغل البيت متعب احياناً لكنه ممتع وخصوصاً اذا كان
شقه صغيره ..

انا الحمدلله بيتي كبييير ومحتاجه للخدامه .. وهي مو مقصره مريحتني
لكن عااااد تعرفون لازم يكون فيه شوية اهمال .. الله سهل




عزيزتي لاني

الله يكون بعونك .. لا انتي مرتاحه جسدياً ولا نفسياً ..
ما عليش اختي .. اصبري .. حالك يكسر الخاطر



ام فطامي الغاليه .. ديري بالك على حالك لا تاكلين اي شيئ .. الاناناس حاااار


قولولي خواتي .. بدأت تجهزون شيئ للبيبي ؟؟؟

اهليـــــــــــــــــــــــــــــــــــــــن بنــــــــــــــــــات!!
كيفكـــــم؟؟ وكيـــفك الحمل معاكم؟؟
بنات احب اقولكم شي؟؟!!

















انا كنت احسب نفسي في الاسبوع الخامس ورحت لدكتورة عندي موعد لاشعة الترا ساوند
وشفت البيبي(يجنن اسم بسم الله) وشفت نبضة (بسم الله)
وقالت الدكتورة انك بالاسبوع الثامن
والاسبوع الثامن والاسبوع الجاي انشاء الله ادخل الشهر الثالث
ماشـــــــــــــــــــــــــــــــــاء اللــــــــــــــــــــــــــــــــــــه
ماشــــــــــــــــــــــــــــــــاء اللـــــــــــــــــــــــــــــــــــــه
ماشـــــــــــــــــــــــــــــــاء اللــــــــــــــــــــــــــــــــــــــه
:up::up::clap::clap::up::up::clap::clap:

هلا اختي noor
والله انا مثلك ما اقوم بشغل البيت زوجي الحمد الله مقدر ويشتغل بالبيت
بس المشكله شبك الملابس صار مليااااااااااااااااااااااااااااااااااااااااااااااااااااااااااااااااااااااااااااااااان ملابس يبغى لها غسيل
وانا على هالحالة مستحيل اني اتحمل الغسيل
بس هذا اللي شايلة همه والا البيت صغير ويتنظف بسرعه بس :cry:الملابس:cry:

حبيبتيlany
وضحي لزوجك واشكيله همك اكيد راح يقدر هالشي وراح يعذرك عن التنظيف وعن الزيارات
وعاااادي كلنا يجينا وحام وتعب ونكره الحمل
بس صديقيني لما تشوفين نبضة رااااااااااح ترتاحين مررررررررررررره
وبعد انشاء الله 9شهور لما يكون بين ايدينك اكيد راح تنسين التعب وتقولين كان مره حلوووو(r)
الله يقومنا وياك وجميع الحوامل بالسلامة

تحياتي
ام نتالي:shy:

ام نتاااالي مبرووووووووووووك والله يطمنك عليه ويكبر كمان وكمان...

وعقبالنااااااااااااااااا ...انا مييييييييييته حماس يارب يجي السبت بسرعه ابي اسمع النبض:>

تصدقون بنات جالسه اجمع اسامي بنات واولاد احس اني متخلفه ماادري وش اللي ببطني واجمع ههههههههههههههههههههههههه

الله يرد لي زوجي بالسلامه يارب ازعجته كل شوي ادز له مسج وش احساسك وش يعجبك اسامي:|

صباح الورد ياحوامل
صارلي فتره مادخلت المنتدى لاني تعبانه اشوي والوحام متعبني كثييييير
اللوعه صارت ملازمتني طول الوقت
بعد كم يوم باكمل شهرين قالولي ان الوحام يستمر لين الشهر الرابع يعني ليما يبدا البيبي يتحرك ..الله يسهل
lany احنا اهلج وناسج ...انتي مب بروحج ..اهم شي اتفكرين بطريقه ايجابيه ..بكره اتشوفين البيبي جدام عينج ويملى عليج البيت وحياتج كلها .. شدي حيلج والله كريم

صباحكم ورد يااا ورد

شخباركم اليوم

ووينكم بسكم نومم دايما انا الي اصبح اول وحده هههههههههههههههههههههههههه

صباح النور يا ام فطوم

شحالج وشو الحمل وفي اي شهر صرتي ومتى موعد ولادتج

شو هالحاله متى بيردون تواقيعنا والله اشتقت اشوف توقيعي وتواقيعكم كلكم عشان اكون معاكم عالخط لاني كم بحفظ


المهم احينه متى بتبدون تتشرون اغراض البي بي ،،، بصراحة انا في خاطري اسير اليوم قبل باجر ،، وساعات اقول لا بعده توه الناس


ومنو فيكم عرفة بنت ولا ولد وفي اي شهر بالضبط ،، لاني في بداية الرابع مادري اسير اشوف ولا بعده مايبين

السلام عليكم بنات شخباركم.....

انا ماظنتي بصير زينه مع اني في الاسبوع الثامن ..... يعني مادري يمكن ادش الثالث الاسبوع الياي ... المهم ... بالنسبه للتواقيعنا الفاتحــــــــــــــــــــــــــــــــه عليهم ""

الشي الثاني الله يعينج لاني .... عشان بس تصدقون مو شرط الحب قبل الزواج يبقى .. بس الله يكون في عونج ... شكله زوجك مب مهيئ نفسيا حق الياهل .......... المهم الشي الثاني استانسي انج يمكن تتنفسين عند اهلج بالولاده ... والله يكون بعونج الا بقولج انتي مب ملزومه تروحين حق اهله ... بالطقاق ... خلهم يزعلون استمرضي وقولي تعبانه ... يعني الحين راح تهد الدنيا اذا ما رحتي راعي مشاعرج اولـــــــــــــــى يزعل اليوم يرضى بكره ... روحي اسبوع وترك ... والله هالريايل صايرين مثل اليهال ...بعد

والله بالنسبه لي انا ما ببرز شي الا الشهر السادس او السابع ... اعتقد افضل ....... لأن الحين ما شتهي اروح الا السرير ...... بالنسبه للآحساس الفرحه واني طايره بالأمومه انا مثل احساس لاني لا حاسه بشي وكارهه عمري ... مب لأن في مشاكل بس الوحم لوع جبدي ..وكرهني في الحمال وساعته....

فضفضت لكم ... وخصوصا ان احنا بدوام بعد فالله يكون بالعون ...

صباح الخير يا بنات
الله يخليكم والله ما قصرتوا وكلامكم لطيف كتير خفف عني

الله يساعدنا كلنا ان شاء الله

:)

هلا همباااااااااااايه انا فالاسبوع الثامن انشالله الاسبوع الياي بدش الثالث والله اييسرها بس بعدني اول مادش الرابع بسير اشوف بنت والا ولد

الا اقوول همباايه ليش ماسرتي مااعندج فضوووول (r)؟؟؟؟؟؟؟؟ دامج فالرااابع

وتوااقيعنا عليها السلااااااااااااااااااااام :cry:

وبخصوص التجهيزات من كم يوم شفت بدله بنااتيه حليوه وخذيتها بس ريلي ايقوولي بعده وقت ليش مستعيله اقوووله عقب ما بحصلها دشت خااطري هالبدله واذا ولد يتحمل بلبسه اياها:dd: ههههههههههههه مشكله بعد ورديه هههههههههههههه

ولاني
مااوصيج كلام اختي نور 1979 عين الصح بطقااق غصبن عنهم بيرضوون فالنهاايه خلي الي يزعل يزعل وخلي ولدهم برووحه يروح لهم او انج اتصلي بعمتج بين فتره والثاانيه واشتكيلها من التعب وانج ماتقدرين تروحين مكان والله يعينج الغاليه فضفضي كل الي فخااطرج نحن خواتج هنيه والدنيا تراااها ماتسوى:down:


سلامتج نور 1979 ليش مابتصيرين زينه خير انشالله لايكون تقصدين لوحاام مااعليج تراها فتره وتنسينهااا:smile:

اشحالكم خواتي

أنا نفسيتي تعبااااانه كلش

ما ادري أحس اني خااااايفه من روحة الموعد الثلاثاء الجاي
خايفه الدكتوره تصدمني وتهز قلبي بخبر ما يسر ..

الله كريم ... والله خااااايفه موووووت

فيني وسوااااااااس بيقتلني .. الله يبعد الشيطان عني وعنكم

في حملي السابق الله يحفظكم ويحفظ البيبي قالولي الجنين ميت

كنت توني دااااشه الثالث ... والله خايفه .. هالتجربه لعبة بأعصابي ..


:( :( :(

بيردي 123

افا عليج الغاليه مب زين عليج تفاائلووو بالخير تجدووه وانشالله مابصير الا المكتووب والله يحفظ لج البيبي انشالله حاولي تنسين عمرج وماتفكرين وانشالله تطمنين عالبيبي وتبشرينا

اهلين خواتي ام فطامي .....بيردلي

لو تدرون انا من وين الحين يايه عنددنا مخزن خاص فينا نقعد فيه وناخذ بريك عاد اختكم نور اخذت المفتاح وسكرت على نفسي وفرشت الشال وانسدحت .... ماقدر اليوم اصطبحت بزواع ,,,,, وجبدي ماهي راضيه تركد ... انا قلت ما بتكلم وكا تكلمت وحسدت روحي.. الحين بتقولون ليش ما خذتي اجازه المشكله مالي ويه اخذ اجازه توني يايه من اجازه اربع ايام .....

بيردلي لا يهزج ريح ان شاء الله البيبي تمام ... ام فطامي اخذي الي فخاطرج لا يطلع على اليهال طبعه ورديه ... مشكله بعدين ....

انا في فطامي ما شتفها همبايه .. مادري ما لمحتها ,,,, انا من الفضول رحت اشوف رابطه شهر يوليو مساكين يعانون واحنا تونا بالحمد ..... وحده مسكينه كل ثلث ساعه بالحمام .. الله يعزكم ......(..) مسكينه والله انا مو ويهه جذي ياربي ..... الله كريم بس ..

بروح اكمل نوم لين يخلص الدوام

اشوفكم ان شاء الله بعد الويكند ...

أغتراب
الله يبارك فيك حبيبتي
ويرجع زوجك بالسلامة يارب
وانشاء الله تسمعين نبضه يوم السبت بس هاه علمينا:shy:


بنات تصدقون اني بديت اوسوس من كثر ما اسمع ان الجنين يموت صرت مرررررررررره خايفة

السلام عليكم ورحمة الله وبركاته
هاي أول مشاركة لي في هذا المنتدى
هذا ثاني حمل لي
والولادة في شهر سبتمبر 24
ادعولي تكون الولادة الثانية طبيعية لان الاولى يبت بنت وكانت قيصرية
والله لا يعيد القيصري ثاني.....
بالنسبة للوحام كا عندي وحام غير على اللبن الأب
بالنسبة للاستفراغ الله يعين...

ام فطامي .. نور

حبيباتي .. والله هذا شيئ متعبني
ويمكن الشيئ الوحيد اللي بيريحني أو يتعسني
يعني بيسوي حد للي أنا فيه هي الزياره الجايه يوم الثلاثاء

اشجد خايفه ..

بس والله السوالف معاكم تخلي الوحده تنسى هالوساوس لو فترة قصيره ارتاح منها



حبيبتي ام نتالي
لا تخلين فكرة موت الجنين تدخل حياتك والا بتصيرين مثلي .. الله يحفظك الغاليه




عيون فلسطينيه
وعليكم السلام ورحمة الله وبركاته

وسعوا المجلس شوي خواتي عندنا ضيفه يديده

حياج الله اختي ولا تحاتين .. مو شرط الولادة الثانيه تكون بعد قيصريه


انا مسويه 3 عمليات واذا الله رزقني بهالبيبي بيكون رابع عمليه
بس انا وضعي يمكن يختلف عنج .. انا مشكلتي الحوض وايد صغير

بس ما قلتي حبيبتي ليش سولج عمليه بالبكر .. تعبتي ؟؟


وحياج مرة ثانيه

اعوذ باللله من ابليس

وربي وربي ياام نتالي اليوم اهلي مهزئيني نفس تفكيري لانتي انا مررررررررررررررررررررره خايفه

خصوصا اني للحين احس اني على عماي وخايفه عليه موووووووووووووت

مرحبا ياحواااااااااامل
انا دشيت الثالث
وخف الوحام وااااااااااااايد
بسسسسسسس
انشالله ما يحوشكم اللي حاشني
من بديت أبلع هالحبوب وانا الحين صارلي 4 أيام ويمكن 5 بعد لا خروج وانتو بكرامه ولا شي
امسااااااااااااااك مو طبيعي
والله وانا بالحمام أقعد أبجي:cry:
كلمت دكتورتي وقالتلي عن شراب مسهل
شربته ومافي فايده
شي مو طبيعي اللي أمر فيه:cry:
لدرجه تركت الحبوب وماقمت أبلع ولا شي
ورحت شريت من الصيدليه
حقن شرجيه
وهم مافي فايده:cry:
تعبت تعبت تعبت
مادري شسوي:sad:

صباح الخير يااحلى حوامل
طبعا اغلبكم نايم الحين لان اليوم عندكم ويك اند لكن احنا بقطر عندنا دوام اليوم ..
عموما حبيت اسلم عليكم واطمن على الوحام عندكم
انا تعبانه وااايد لين الحين وفي 21/ 3 راح اكمل شهرين بأذن الله ..
قمت اوسوس من كلامكم ودي اطمن على البيبي ..ربي يحفظه يااااااااااااارب
عموما اتمنالكم ويك اند حلو وااااااااااايد وبعيد عن اللوعه ...

عروسة الاسياد / اغتراب

لا تاخذين في بالك اللي نقوله

نحن خوافات .. وان شاء الله يبعد عنا هالخوف والوسواس



خلاااااص بنات اسكتوا .. لا تيبون طاري الموت .. وحام وبس


اختي غادة اليم

اشربي ماي عالريق ينظف المعدة
بس والله محد يلومك لو بكيتي .. مجربه وربي .. لو صرخت محد بيغيثني

ذاك اليوم الصبح .. عيالي بالمدرسه وزوجي بالدوام والخدامه تنظف بعيد

وانا حالتي حاله بالحمام الله يعزكم

بس نصيحتي لا تجهدين عمرك تراه مب زين .. المفروض ينزل طبيعي بدون جهد جهييييد.. خطر

امسكي اي شيئ في الحمام واقرئي اللي مكتوب فيه .. اشغلي روحك في ذيك اللحظة
مثلا اقرئي اللي مكتوب عالشامبو او على معصار معجون الاسنان اي شيئ عليه كتابه

سنعود اليكم