تجمع حوامل شهر سبتمبر واكتوبر0يعني رمضان 00حيااكم

اصبحنا واصبح الملك لله مع اني ما اتوحم مادري ليش ناااشه لايعه جبدي الله يعين

احس ما عندنا شغلة و لا مشغلة الا سالفة اللوعة و الزواااع و القرف

صباخ الخير للجميع

وينكم بنات ما شي مشاركات

اولاً ،،،، صباح الخير

ثانياً ،،،،، انا زعلانه لان صار لي كم يوم مادخلت النت ومحد سال عني لاني من النوع الي في خير و ما اقصر وارد عالبنات

ثالثاً ،،، انا سألت سؤال وتوقعتكم تعبروني شرات ما اعبركم بس الله يسامحكم

رابعاً ،،،،، وين التوقيع مالي ما اشوووفة؟؟؟؟؟؟؟؟؟؟؟؟

هااااااااي ياحوامل
شلونكم انشالله بخير
لاااااااااااااااااااايعه جبدي من كل شي وانتوا؟؟؟؟؟؟؟؟؟؟؟؟؟؟:pain:
أدري مثلي خخخخخخخخ:yes:
المهم بغيت أسألكم الليمون مايضر البيبي
صايره أموت على شي اسمه ليمون:cool2:
سوييت شوربه حطيت ليمون
كليت بيض حطيت ليمون
كليت اي جبن هم حطيت ليمون مادري شالسالفه
شالسالفه ومنو مثلي خلي نشوف بنت ولا ولد خخخخخخخخخخخ:bigsmile:
يقولون اذا كثرتي بالحوامض يكون في بطنج ولد صج؟؟؟؟؟؟؟؟

هلا همبايه صباح النوروافا عليج لاتزعلين واسمحيلنا عالقصور بخصوص الزهرا والله ماعرف سالت كلهم يقولون زين بس يوم اقوولهم اي دكتوره اوكيه محد يعرف اللهم يمدحوون المستشفى وخدماته000

مرحبا غادة اليم حصلت حد مثلي انا اموت عالحامض والمالح وما اظن يضر 0ومن يومين باديه ارجع وادوخ استغربت قلت يمكن من كثر ما احن انا ماتوحمت وما لاعت جبدي حسدت عمري والحين اقوول ياحرام كنت مرتاحه قبل0بس مادري الي تحب الحوامض تكون حامل بولد اول مره اسمع فرحتينا ههههههههههههههههههههههههههههههههههههههههههههه بيلس اتحلم الحين

وين باقي الشعب يابنات ووينكن عسى غيابكن خير

هلا يا حوامل شخباركم مع الوحام ؟؟؟؟؟؟؟؟؟؟؟؟؟؟؟:pain::pain::pain:

انا و الحمد لله دخلت على الشهر الثالث و الحين انا بالاسبوع الثاني من الشهر الثالث

بس من كم يوم و الوحام بدا معاي حتي اني اول ما اصحى من النوم ابدا ازاوع و احس نفس الشعور لما ابي اروح انا بالليل

و صرت من يومين احس بشعور غريب بالليل هو اني اول ما اتقلب على بطني تبدا عندي الالم البطن بشكل فظيييييع:cry::cry::cry:

حتى اني كرهت نفسي و صرت ما البس و اتكشخ لما اطلع او لما اقعد مع زوجي لدرجة اني احس اني مقصرة من ناحيته
حتي المعاشرة صارت مرة بالاسبوع بس
وصرت اكره ريحة البيت اول ما ادخله---تخيلوا اذا جلست عند امي بالايام ما احس بلوعة او ضيق بس اول ما ارجع بيتي بس من عند الباب احس اني بزوع الله بعين كل الحوامل على حملهم ان شاالله

هلا بالحوامل كيف انشاءالله بخير وبصحه وعافيه ...

المهم يالغاليات انا الامس سرت عند الدكتوره اوراس ..والحمدلله طمنتني على البيبي وقالت كل شي الحمدلله تمام واستمر باخذ الحمض الفوليك

واحلى شي كان يوم سمعت دقات قلب البيبي ..


اما الوحام والزواع مثل ما انا لازم كل يوم ارجع واحس مالي بخاطر بشي وما احب اقعد في بيتي ...


موعدي مع الكتوره بعد شهر ..


وسلامتكم ..

مرحبا يالغاليات
بقولكم شنو صار معاي بأول مراجعه عند الدكتورة انا الحين بامريكا بس انصدمت من اللي سووا معاي
أول شي سوتلي فحص لصدري تبي تشوف اذا في اسم الله علينا سرطان بالثدي ولا لأ
وبعدين سوتلي فحص مهبلي وااااااااااي عالفشله استحيت:o
ومادري شنو خذت من تحت الله يغربل ابليسها بيشوفون في سرطان بالرحم ولا لأ
بصراحه حلوة منهم ان يسوون كل هالفحوصات
بس بعدين قلت لها عن حبوب الفوليك أسيد قالت مو شرط أكتبلج بما انج تاكلين خضروات
وبس عطتني فيتامينات
وضاااااااااااااااااق خلقي:sad:
ماخلتني أسمع نبض البيبي وقالت تعالي بعد 4 اسابيع
وخايفه لاني صايره ما آكل شي وكله لايعه جبدي خايفه اني ما آخذ حمض الفوليك من الخضروات وخايفه عالبيبي:cry:
ادعولي انشالله مايصير في البيبي شي

السلام عليكم ورحمه الله وبركاته

انا اول شي مستانسه ان في بنات بيولودن معاي في 23 أكتوبر 2006 يعني احتمال في العيد و ان شاء الله العيد عشان اكمل صيامي والله يقدرني اما بالنسبه لي قبل لا اكتشف اني حامل كنت حاسه اني حامل وخايفه اتأكد لأن كانت تسواروني مشاعر ولازالت غريبه من الخوف والرهبه ... وان شاء الله ربي يسهل علي وعلى الجميع ...فقبل لا اتأكد سويتها مناحه وصياح لأني من شمخ انا اصيح واتدلع الا عمليه ولاده ياآآآآآآآآآآآآآآآآآآآآآآآه شي مو سهل ,, والغربيه اني الحين مو فرحانه بالحمل .. لان اللوعه والدوار مللوني وضايقون والحاممض يعني على الحامض بموت على اي شي حامض ... ومالح ..... بس اللوعه ما تبي تروح حتى مع الحبوب الي وصفتها لي الدكتوره .... بعد احسها ما تروح الا شي بسيط واما الدوره احس اني امشي على مطبات مائيه المهم يابنات .. ززوجي صرت مقصره في حقه موقادره مو موطايقته بس مو قادرة من اللوعه .. والصراحه يكسر خاطري ويسوي نفسه عادي ويحاول يهدي فيني ويقولي عادي .. بس من ناحية واجبات البيت هو متساعد معاي وايد وايد وايد .. وابوس يدي ورى وجدام ... بس الفرحه حق الحامل مو حاسه فيها ليش مادري هل لأني للحين ما احس الامومه ولا شنو .... لدرجه من كثر ما تلوع جبدي والدوار كرهت الحمال وانا توني في الحمد هل هذا طبيعي ؟
ابي اشوف مشاركاتكم .. وانتظركم ....

شحالكم انا الوحام تعبني وخلاص لقيت حله كل يوم في الليل قبل ما ارقد احط لومية وملح عند راسي يو انش اكلها!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! والله ويهي مستوي شرات قطوة الاخت لاني:eek:

زعلالالالالالالالالالالانه منكم
ولا تسألون
كنت منومه بالمستشفى الاسبوع الي طاف ولا حد فيكم سأل

خلاص مخاصمتكم



لالالالالالالالالالالالالالالا
خلاص مافي فايده اقولكم زعلانه
خخخخخخخخ

وايد مصدقه روحي


المهم
انا بديت مرحله اللوعه و الدوخه
طول الوقت لايعه جبدي و مو قادره اكل

كرهت اكل البيت

بس بقولكم شي

خصوص للحوامل اول مره

يمكن هالفتره ممله

بس انتظروا لما تحسون بحركه البيبي

هنيه تبتدي احلى مراحل الحمل ان شاء الله

قوارير: الف سلامة عليكي و ما تشوفي شر ان شاالله .. خير طمنينا عنك شو ستوالج؟؟؟

امي كل دنيتي: الله يكون في عونك عزيزتي.. عالقليلة لقيتي حل لموضوع اللوعة انا من يبتو سالفة الحامض لاعة جبدي و ما اعرف شو اكل....

نوور 1979: اعتقد عزيزتي كلنا مثلك، و انا ايضا مقصرة مع زوجي و الحمد لله انه متفهم و حاسس فيني لانه شايفني كيف اتعذب جدامه

غادة اليم: انتبهي واااايد على اكلك.. انا اخر مرة كلت فيها خضار يمكن من شهر بس اعتمد على الوليك اسيد.. اذا كنتي ما تاكلين كلمي هذه الدكتورة الي عندكم، الغريبة انه معروف ان الحوامل كلهن يتوحمون و يزوعون. الله يكون بعونج

الفوارس و غدوووة: انا مثلكم اكره بيتي.. بخاطري اروح اعيش في بيت ثاني

و اشم روايح غريبة لكل شي

الله يكون بعوووونا كلناااااااااااااااااا

قوارير ما تشوفين شر يالغاليه والحمدالله على سلامتك ...والله لا تلومينا .. ترى كل وحده ولاهيه في لوعتها .... هههههههههه

لوليتا .. الحمدالله عندكم نفس احساسي ....يعني اتطمن ان نص الحوامل مو مبسوطين في الشهور الاولي وكارهين الحاله الي هم فيها مشكوره رفعتي معنوياتي

لا تيبون طاري كره البيت بس ما ابي اوصل للمرحله هذي ..... لأن احس فعلا زوجي بعاني مقصره وبعد مسدوحه في بيت اهلي ... كفايه شهرين النفاس الي بكون فيهم مع اهلي :)

بس ترفعون معنويه الواحد

امي كل دنيتي:
شحالكم انا الوحام تعبني وخلاص لقيت حله كل يوم في الليل قبل ما ارقد احط لومية وملح عند راسي يو انش اكلها!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! والله ويهي مستوي شرات قطوة الاخت لاني:eek:

يعني خلاص مافيكي لوعه الصبح ولا شي .... ولا دوار ؟

قولي لي الله يرحم والديك

المشكلة عندي اني ما اكل و اخاف عل بيبي... الكل يقلي كلي اي شي بس ما اقدر

و جربت الادوية و ما نفعت معاي

اخاف احلف بس على ما اتذكر اخر مرة كلت فيها سلطة او خضار من شهر

و اصلا انا ما اكل شي غير خبز محمص

شوفي اختي لوليتا
انا لمه رحت حق الدكتوره قالت لي كلمه ,,و ما اظن بنساها .... قالت لي انتي كلتي او ما كلتي الجنين يكبر وبيكبر ... لأن يتغذى من جسمك ....... يعني لا تحاتين وايد ... لأن مرده بتنفتح نفسك ..وبترجعين تاكلين عشان جذي انا ما غصب انفسي لأن الدكتوره قالت لي لا تغصبين نفسك ...

والله يحفظك

الله يبشرك بالخير و يطمنك

انا الصراحة دائما اشتكي لطبيبتي بس دائما تنصحني اكل وجبات صغيرة جدا

وصراحة فعلا حسيت كلامك منطقي

شكرا لج مرة ثانية


وين اختنا فطامي اليوم؟؟؟ مختفية .. طمنينا عنك

السلام عليكم ورحمة الله وبركاته
ياحوامل 2006 انا موعد ولاتي بأذن الله 28/10/2006 يعني بعد ارمضان بأذن الله
ياريت لو انسوي رابطه ونتابع اعراض الحمل مع بعض ..
انا حاليا في الشهر الاول وبدت معاي اعرض القثيان وتعبانه منها وايد ..رحت للدكتور وكتبلي ادويه الحمدالله ساعدتني اشوي لكن مب وايد ..نزل علي اشويه دم وانتو بكرامه لكن الدكتور طمني وقالي عادي وعطاني حبوب...

الف سلامة عليكي يا عروس الاسياد نحنا اصلا مسويين هني رابطة لنا و قاعدين نتشارك الاراء و المواقف الي تصير معنا و اهلا بيج و يانا

بنات انا عندي سؤال للبنات الي يعانون من الوحام و الزواع: ممكن تقترحون عليي وجبات للفطور و الغدا و العشا مع السناكس بينهم

انا احاول اكل بس معدتي ما تتقبل شي ... مرات ايلس اصيح من اليوع بس ما اعرف شو اكل.. مثلا لو تخيلت قطعة لحمة و دجاج ازوع بس عشان تخيلتها.. بعدني لا شميت ريحتها و لا شفتها..
جرب الشوربة بعد لازم ازوعها يا كلها او نصها بعد ما اكل
احس روحي تعبت واااايد.. حتى الماي ما اشرب مثل اول.. الله يكرمكم بس لون البول عندي وااااايد غامق

حبيت أسألكم لو ممكن تساعدوني بمقترحات للوجبات الي تاكلنها كل يوم

الله لا يراوي حد الي امر فيه كل يوم من معانات و تعب

الله يجعله بميزان حسناتنا يا رب

وينك اليوم يا همباية مختفية

سلامتكم يا بنات