تجمع حوامل شهر سبتمبر واكتوبر0يعني رمضان 00حيااكم

مرحبا ياحوااااااامل
بصراحه انا مستغربه دخلت بالاسبوع السادس والكل يسألني
ليش مافي لوعه ولا فيه ترجيع
صج غريبـــــــــــــــــه:think:

لا مو غريبة يا غادة اليم و ما تحسدي نفسك

انا الدكتورة قالتلي في ناس تبدا عليهم هالعوارض متأخر و ما يحسون فيها وايد فالتعب نسبي

انا سؤالي هل الكل يعاني من الام في الظهر

انا ما احس بشي!!!!! ممكن كل يومين او 3 احس بألم و يروح بعد شوي

انا معظم الوقت يالسة او نايمة على السرير يعني ما أبذل اي مجهود تقريبا

الله يعينكم يا حوااامل

بنات كيف الوحدة ممكن تحس انها حامل بولد او بنت؟؟ هل هناك اعراض حد سمع عنها ولا كلها خرافات مالها اساس من الصحة؟؟

أنا حامل بالشهر الأول وهذا حملي الثاني عندي ألم فظيع في الظهر و دوخه وتاريخ ولادتي 23/10/2006

عندي ولد عمره 8 شهور وأرضعه طبيعي وما أدري شو أسوي أستمر بالرضاعه الطبيعيه و لا لا بنات اللي تعرف تقولي

يسعد اوقاتكم


lolyta

والله مادري .. بس سمعت انه لما تكون حركة الطفل اول حركته يعني من جهت المثانه فهي بنت

ولما تكون من جهت السر معناها ولد

والله اعلم .. نسوي سونار ويبين







اختي منال ..

اسألي دكتوره

لاني والله مادري

ومن ناحية آلم الظهر حدثي ولا حرج

انا خلاص مره متعبني وأول مره يسوي فيني كذا

مع اني حملت مرتين قبل




الله يتمم على الجميع

شكرا اسيره الاه

مبروك عليكم كلكم واسمحوولي اتغيبت عنكم
ماشالله الكل يعاني من الوحام واللوعه
دبدووبه حلوه الحمدلله انج طمنتينا غاليتي تستاهليناسيرة الاه هيه والله صدقتي الله يعينا عالشهيه المفتوووحه انا اشووف وزني يزيد الصرااحه وااايد انشالله بحاول اضبط نفسي لانه صديقتي قالت لي اذا زاد ووزنج واايد راح تكون الولاده صعبه وصرااحه خوفتني
وبغيت اخبركم الحل مع اللوعه وخصوصا اختي لوليتا كلي بسكووت واذا حصلتي بسكوت الزنجبيل يكون احسن وربنا ييسرها

انا صرااحه كسوووله لاخر حد وانام وما اشبع نوم حتى بس ماحسيت بالوحاام وصرااحه خايفه اخاف يكون شي فيني غلط لاني سمعت يقولون الوحده اذا توحمت لازم تطمن انه البيبي تمام وصراحه انا متخووفه وااايد
وبعد ظهري واايد يعورني واحس اني مول مب طاايقه حد ابداااااا

انتو شو اخر اخبااركم وتطورات الحمل على فكره انا من يومين دخلت الشهر الثااني

بنات انا قاعده افكر في ملابس العيد حق البيبي امس رحت شفت محل لحظه فيه ملابس ديور وبربريز يهبلون يا حليلهم

السلام عليكم ورحمة الله وبركاته،،،



شحالكم يا حوامل وشخباركم إن شاء بخير

وشخبار الوحام وياكم إن شاء الله تعدي هالفترة على خير يا رب



وألحين بخبركم عن قصتي

أنا الله يسلمكم العادة تتأخر علي كل شهر

وكل ما تتأخر يومين أو ثلاث رحت وسويت اختبار الحمل

أما هالشهر عاد مليت وما فكرت أسوي اختبار الحمل لأني ما أعرف موعدها بالضبط

المهم كنت أحس بألم في أسف بطني يوم أصلي .. أول شي استغربت بعدين قلت لا عادي ما في شي
وطبعاً وكالعادة قلت حق ريلي وكنا يومها طالعين من البيت وكان مار هو الصيدلية ياخذله دواء حق البطن
وقالي شو رايج آخذلج اختبار الحمل .. قلتله OK بس ييبلي أرخص واحد عشان أنا عارفة إنه ما في شي .. بس عشان يطمن

المهم ثاني يوم الصبح رحت وانتو بكرامة الحمام وشليت وياي اختبار الحمل وسويته وأنا مجهزه الكرتون عشان أعقه في الخمام
ولأنه شكله غريب ما عرفت وين تطلع النتيجة ويلست أعابل فيه إلين ما شفت النتيجة واتفاجأة فيها


طلعت حامل والله أعلم من متى لأني كنت آخذ أدوية حق المعدة ويلست أحاتي البيبي ... إن شاء الله ما فيه شي
وعلى طول وقفت الدواء ورحت حق أجرب عيادة من بيتنا (ويا ريتني ما رحتلها)


المهم رحت عيادة ثانية قالتلي ماما .. هذا توه أربع أسابيع وما يبين عدل .. تعالي بعد أسبوع عشان أشوفلج إياه
وإلى اليوم ما رحت .. قلت خليني أتريا شوي ...


وإذا طلعت حساباتي صح بيكون 28/12/2005أول يوم لآخر دورة
وموعد الولادة بيكون 04/10/2006

أما عن الوحام فحدث ولا حرج لوعة وحرقان وألم في الظهر والبطن والزواع بادي عندي من ثلاثة أيام

وأفكر أروح اليوم عشان اطمن على البيبي بكون ألحين 8 أسابيع


أدعولي بنات إن الله يصبرنا على هذا الوحام ويطلع البيبي بخير وما فيه شي


واسمحولي ترا أدري إني طولت عليكم وايد ...



وسلامتكم ،،،

مرحبا يالغاليات
بغيت أسألكم انا الحين في الاسبوع السادس
بس حاسه بشي غريب مادري شي طبيعي ولا في شي؟؟؟
المهم أكون يوعانه ومجرد آكل وأخلص أحس الاكل واقف وأبي أرجع:cry:
بس مو قادره مادري أحط صبعي وأرجع علشان أرتاح:cry:؟؟؟؟
ردوا علي بليز

انا نفس الاحساس عندي يا غادة اليم بس لو في ترجيع الاكل يطلع بروحه ما في داعي ادخل اصبعي و لا شي
بس نصيحتي لو كنتي اكلتي اكل مفيد لا ترجعينه حرام
بس لو كان شي اي كلام و خرابيط رجعيه احسنلك

مدام انفينتي طمنينا عالبيبي وانشالله بيكون بخير وصحه ويطمنوج وتقر عينج


غادة اليم انا نفس الشي الي اييج وايي للوليتا اتعرفين شوقمت اسوي اكل شوويه ولو يوعانه بس بفترات يعني كل شوي اكل شوويه مب وجبه كامله مره وحده يعني خليالوجبه عمرتين وانشالله تفيدج وكثري شرب الماي

وانا كمان معاكم يا بنات موعد ولادتى 1/10/2006 يعنى فى اوائل رمضان او يمكن فى اخر شعبان المهم ربنا يتمم لنا علىخير ويقومنا بالسلامه يا رب

مو قادره أتحمل اللوعه ودي أرجع بس مو قادره:cry::cry::cry:

غادة اليم ...

انتي نفس حالتي .. مستحيل اقدر ارجع وارتاح

بس احتسبي الاجر .. واصبري هالثلاث شهور

الله يكون بعونك <<<< حاسه فيك والله

بنات في حد بياخذ فيتامينات؟؟؟ غير الفوليك اسيد

والله يا اختي اسيرة الآه تعبت ومليت
مو قادره أتحمل
وحتى للحين ما آخذ لا حبوب ولا فوليك أسيد ولاشي
والله خايفه عالبيبي:cry:
لان اهني بامريكا مايعطون موعد الا بعد 9 أسابيع وانا للحين بالسادس
الله يستر

طيب عزيزتي انتي ممكن تجيبي حبوب فوليك اسيد بروحك من الصيدلية .. هو فيتامين و ما يأثر بشي بالعكس مفيد للبيبي

جيبي عيار 400 ملي جرام او 500 ملي جرام

انا اتمنى افيدك او انتي اسألي من متى يجب على الحامل ان تأخذ الفوليك اسيد لان هني في الامارات كل المستشفيات تعطي الحوامل من اول ما يعرفون انهم اصبحوا حوامل و لمدة 3 شهور

حبيت انضم معاكم

انا ولادتي ان شاء الله مع **منال** و نورهان

بتاريخ 23 اكتوبر ان شاء الله

الحين بالاسبوع الخامس

و الاعراض الي عندي

الشهيه المفتوحه
الام الظهر الغنيه عن التعريف طبعا
الم البطن
قله النوم
و كرهت شي اسمه شاي

طبعا مراجعاتي بالمستشفة تبدا في الشهر الثالث ان شاء الله
و ناويه اراجع في مستشفى الوصل

حاليا استعمل الفولك اسيد فقط

و هذا ثاني حمل لي
و الاول كان ولاده قيصريه :)

شكلي قلت قصه حياتي

مبروك قوارير فرحتينا ربي يسهلها عليج انشالله

وصراحه مستشفى الوصل ممتاز انا ولادتي المااضيه كانت فيه والحمدلله الامور تيسرت
ولين الحين ماعرف وين برااجع الوصل والا ويلكير من ادش الثالث بقرر انشالله

وبخصووص الشهيه المفتووحه كلنا ماشالله

اما قلة النوم غريبه لانه كلنا هنيه نتوووحم عالرقاااااااااد خخخخخخخخخخخخخخخخخخخخخ