تجهـــيزاتــ عرايـــس قطـــر 2006

هلا فيج روح قطر الله ايبارك في عمرج والفال لباقي البنوتات
عروس والله اسمحي لي ماعرف عن الصيغ وان شاء الله البنات ايفيدونج

يتراوح يعني القصير له سعر وطويل وجذي في ب100وفي85وفي300اللي يجي قطعتين روب وقميص وعنده اشكال والوان تميت محتااره موعارفه شاشتري منه وخذت كميه كبيره انتي قوليله بيطلعلج من داخل اشياء ماتخطر على بالج وعنده نف البجامات للدلع روووعه تجي بنطلون وقميص بس مب غالي مثل ماقتلج يتراوح مابين 80و100 لكن بوقطعتين في ب150و180 300 انتي روحي وشوفي بتحصلين اشياء روووعه


هلا فديتج روح قطر تسلمين حبيبتي

بنات عرسي 29-4 متي احجز المسكه وابغيها هاديه كلش مدورة بقولكم فستاني فخم واايد وله ذيل دائري طويل وكله شغل وروود وطبعا بون يد بس ماسك من صدر وانا موطويله واايد طولي 160 وفستان ناعم اسوي مسكه بيبي دول بس احس بتعبني وانا امشي وماتناسب والا اسويلي مسكه مدورة صغيرة اشرايكم

مجنونة قطر:
باقولكم شي بنات ...


لازم تخلون لكم احتياطي حق يوم العرس 5000 الاف ريال(في يد امج او اختج .) حق الكراسي..احتمال يزيدون الجمهور ( هههههههه ) وتضطرون تشترون لهم كراسي..مب عدله يتمون واقفين ...



صح ,...!

شدعوه محد قالي صح :(

مجنونة قطر:
شدعوه محد قالي صح :(

افا عليج يامجنونه اشلون مانرد عليج بس اسمحيلي مانتبهت خلاص بخلي احتياط لضرورات:)

ههههههههههههه تدرين ليش لانه اكيد ماراح يبقي شي مع اسعارنا النااار خلهم واقفييين ههههههههه

السموحه منج اختي مجنونه والله كلامج صح بس تصدقين انا مهري 70الف بس طبعا كلشي على زوجي والله خذت اشياء خفيفه وموكلشي ماركه فلوسي ثلاث ارباعها طارت باقيلي شوي كلش وكل ماافكر ان 70الف طارت اقول شنو سويت اشدعوه صج الفلوس هالايام مثل الماي

عروس في اول شهر 4 يعني قبل عرسج اب فتره خذي موعد مع اللي بيسوي لج المسكه
انا اشوف سوي مسكه صغيره بتطلع وايد حلوه بتكون ناعمه
وبخصوص سميره محد ايعرف عنها؟؟

هههههههههههه زين رديتوا صج عقلكم طاير مع الفلوس خلكم ريلاكس..... ههههههههههههههههه فديتكم والله ....

لا تتشرون وايد لان اذا سافرتوا بتشوفون اشياء وايد حلوه برا..

انا شريت وايد وتحسفت

تصدقون كم عطر شاريه .... 30 عطر فرنسي و10 غراش كبار دهن عوووود والله انهم للحين عندي هههههههه .... ويوم سافرت ماليزيا.. شفت عطورات للحين ما نزلت الدوحه كان خاطري اشتريها بس قلت وين اودي ( ميرش ) اللي عندي في البيت ههههههههههه




الا باقولكم بنات .. محد تكلم عن سفرات شهر العسل..!!! مين بتسافر ومين بتعسل في الدوحه .!!!



اذا تبون وجهات حلوه باوصيكم ,, ماليزيا.... جزر المالديف ..... احلى بلدان حق شهر العسل ... اما اوروبا ما انصحكم فيها الحين وخاصه مع حملات المقاطعه ..... بيصكون عليكم صكه ...

ووو تحملوا تروحون تايلند ..اوصخ بلاد شفتها في العالم ... حتى يوم رحتها قلت حق ريلي نبي نتم في الفندق ما نبي نطلع ههههههه

كل شي يلوع الجبد عدهم اكلهم وشوارعهم ..انا ما رحتها يوم شهر العسل ... رحتها في ( ذكرى شهر العسل ... )

ما تحسون المنتدى بطئ ..!!!


يعل


ذكرني بكروت ابحار ههههههههه

الله لا يردنا لها...

مجنونة قطر:
ما تحسون المنتدى بطئ ..!!!


يعل


ذكرني بكروت ابحار ههههههههه

الله لا يردنا لها...

هههههههههههههههههه مجنونه اي بطي صاير:)
المهم ماليزيا ايش الحلو فيها؟؟؟
بعدين تعالي تايلند ليش مابغيتي تطلعون من الفندق خخخخخ

كل شي حلو فيها ... تشوفين كل شي تنفتح نفسج .... غير جي تمشين ولا حد يطالعج ولا جنج ماشيه .. ولا يسوون مثل البلدان الثانيه يشوفونج جنج نازله من الفضاء ههههههههه .... غير جي اكلهم حلال لانهم مسلمين مب مثل تايلاند الوصخه لوعت جبدي في كل شي ...

شوارعهم متروسه الله يكرمكم كلاب..... غير جي اكلهم نصه خنازير...... وحتى لو كان دجاج او لحم ..يكونون قاليينه في زيت خنازير لانه ارخص.... وع وع لوعوا جبدي.... ما ترتاحين من اكلهم .. يوم رحنا هناك .. ما كنا ناكل الا الفواكه
تخيلي غدا وعشا كله فواكه ما امنت في اكلهم كلش...


باحاول بكره انشالله انزلج الصور .....

يالله بنات استأذن انا بكره باروح الحسا.....

ما تبون شي من هناك صح هههههههههه

يالله باي وتصبحون على خير...

مجنونه اتروح وترجعين بالسلامه ان شاء الله اذا لقيتي شي سنع حق العرس جيبي لي خخخخ
وانا في انتظار الصور:)

بنت قطر قصدج الفال لي انا ودلوعه :$ خبرج احنا للحين من البنوتات ههههههه

مجنونه قطر تروحييين وترجعين بالسلامه ..

طبعا مافي مجال مقارنه بين ماليزيا وتايلند .. تايلند وصاخه استغفر الله مع اني مارحتها ولا ابي اروحها بس هالشي معروف .. فرق كبير بينها وبين ماليزيا وسنغفورا .. ماليزيا حلوه ومعروفه لشهر العسل .. واحنا يوم رحنا ( انا وهلي) واايد استانسنا وسنغفورا بعد حلوه بس كلها يابانيين جنج ف اليابان جايين يتسوقون لان ارخص من بلادهم ..

هاو آر يو اول << شعندي ^^

شلونكم عرايس وحشتووني .. ما يسوى علينا هالتشرد من مكان لمكان !!

بنااااااااااااااااااااااات باسأل في وحدة منكم

شافت بعينها شغل الدر المنثور في عرس مب صور !!!!

و على فكرة تراني متوهقة ما بقى شي على عرسي و انا ما أكدت حجز الطاولات و الكوشة :"(

لما رحت باسحب العربون من ماسيس وزين ما عطتهم وايد بس 500 قال لي راعي المحل إنهم مسويين خصم 8000 على المبلغ الكامل للي حاجزين طاولات و كوشة ..
المهم طلعت الكوشة بـ13 و الطاولة حسبها على 600 ,,, زين انا مابي الكوشة ابي اغيرها قال لا الخصم على الأثنين !!!!
و العربون ما يرجعه كاش آخذ بداله أي ثاني و قلت مب مشكلة باخذ المسكة .. و باحجز الطاولات و الكوشة عند الدر المنثور ..

رحنا الدر المنثور 3 ايام وانا رايحة ورادة و اتصالات مع فلان وعلان .. استقريت على طاولة و كوشة وقلت خلاص باحجزهم رحت لهم

أمس و كللللللللللللللللللللللللللللللللللللللللللللش باتفق على السعر الأخير و بادفع عربون الكوشة و إذ ...

تقول لي اوووو عندي عرس قبل عرسي بيوم ؟؟؟؟؟؟؟؟؟؟باشوف الشباب و بارد لج إذا في إمكانية ولا لا ..

عاد انا محتارة الحين شاسوي .. اخاف تقول لي اوكي باجهز عرسج و يوم العرس تسوي لي أي كلام و لا يطلع شغلهم مب ذاك الزود

و اكون كنسلت ماسيس و شغلهم أدري به مضمون لكنهم غاليين ..

فاللي شافت الشغل بعينها تقول لي و تطمني :"( انا من المحاتاة حتى ارقاد ما رقدت ..

بلييييييييييييييييييييز و الله ما بقى شي .. ابي اتفرغ حق أشيا ثانية بصراحة ..

زين و بعد أبي أسألكم الحين انا باطلع من القاعة لبيتي على طوووووووووووول .. تهقون أشتري مفرش ولا لا ؟؟ لأن أكيد السرير ما راح يخلونه أهل ريلي خالي !!! فاشرايكم ..؟؟


بعد شنو .. اي في محل اسمه كشخة بلازا في السيتي و لهم فرع عند السوق عنده أشيا حلوة ..

بعد وشو يا دوحة .. اممممم اي اللي تبي عود مطيب تاخذ من ( مشتاقة لقطر ) و الله إنها إنسانة ما في منها .. خذت من عندها غرشتين عود بالمسك و عود زايد و صغار ,,,, لكن صج تحسفت لو إني ماخذة الكبار على الأقل .. لأن صج صج صج الريحة حلوة و ما تروح بسرعة .. و تعاملها حلو ما شاءالله عليها ..


خطيبة الغالي !!!! الحمد لله على السلامة يمه وينج أنتي ؟!
بس كأنج مكثرة من الذهب ؟؟ تتهنين فيهم إن شاء الله

أنا افكر أشتري لي كم قلب و خواتم و أشيا خفيفة .. لأن القلوب اقدر البسهم مع البوديات و البلايز و التنانير أما الأطقم الكبيرة
بتنلبس مرة مرتين و عقب بيتمون .. كفاية الشبكة اللي ما لبستها غير 3 مرات .. و يوم العرس مب لابسة شبكتي ..

زين على طاري الذهب بنات اللي تشوف حلقات كبيرة شوي و حلوة وأسعارها زينة تقول لي لا تنسوووووووني ..

روح قطر الفال لج ان شاء الله:)
وصح تايلند مشهوره اب وصاختها يالله ماعليهم شرها ههههههه
على طاري سنغفوره ان كلها يابانيين والله تدرين خاطري اروح اليابان بتضحكين علي.:)))


دوحانيه الحمدلله انتي شلونج؟..بخصوص الدر المنثور بصراحه ماحضرت لهم عرس وان شاء الله البنات
اللي احضروا ايفيدونج,,انزين ليش مارحتي للمحل اللي اسمها اليجانت اظن شي جذي في طريق سلوى اظن شغله حلو على اللي سمعته
كشخة بلازا في السيتي ايبيع ايش هالمحل؟؟.>>تبي اتعرف عشان تبي اتجهز
دوحانيه اتعرفين عن سميره شي؟؟.أيش اتسوي للعروس؟

مجنونه قطر تروحييين وترجعين بالسلامه

هلا والله بدوحانيه والله حبيبتي ماشفت شي للدر المنثور واول مرة اسمع عنه هني بالمنتدى بس ليش غيرتي زين ان ماسيس سوالج خصم ب8000 بس شغلهم مضمون

شوفي اذا عاجبج شغل المنثور استقري عليه خلاص

بغيت اسئلج اللحين من شوفتج لماسيس والدر المنثور الاثنين نفس المستوي والا في واحد احلى

بقولج ليش لاني خلاص افتكيت كلفت خوات زوجي بمهمه طاولات وكوشه فبغيت اعرف منج اذا نفس المستوي بخليهم يمرووون عليه


عن المفرش اشدعووه اكيد بيشترووون مايبيلها ذكاء

محل كشخه بلازا شنو عنده بالظبط ؟

بنات بغيت نصيحتكم انا عمري ماحفيت وجهي وعندي شعر بس خفيف لكن واضح وطبعا تعرفون خطوبه اختي بعد كم اسبوع وغير هذا عرسي اشرايكم احف وجهي والا اخليه مثل ماهو ابغي نصايحكم ؟اما سوالف تشقير ماتشقير مااحبها

وبغيت اسئلكم في وحده اشتركت ببرنامج عروس باحدي صالونات افكر بسندريلا او مشاطه او دايموند اشرايكم

صح بغيت اسئلكم من افضل حق بوابات الامن عشان جوال بوكاميرا سمعت عن 3في الدوحه بس

النجمه الذهبيه والخدمات الامنيه وقروب 4 ابغي ناس مشددددين كلش

من تنصحوني؟

عروس وانا نفسج ابي ناس متشددين ايطلعون عين المعازيم ههههههههههه
وبالنسبه لحف ويهج انا بالنسبه لي مستحيل لان على طول ويهي ايحبب على حسب بشرتج اذا انتي امجربه من قبل وعادي حفي واذا ماجربتي تحملي اتغامرين في خطوبة اختج
وبالنسبه لبرنامج عروس انا نفسج محتاره ايقولون صالون دانيال زين بس ماعرف محتاره فيه

يا هلا و مرحبا ..

بنت قطر يا هلا بج و الله :

لا تذبحيني على إليجااانت .. رحت له في بداياتي << شدعوة ,, أول ما قررت اشوف الكوش و جذي .. و شفت شغلهم العام في شهر سبعة الكوشة من أروع ما يكون مع الإضاءة طاللعة عجيبة .. رحت لهم و لقيت الطاولات عندهم حلوة بعد وعدنهم افكار المهم لما استقريت على كوشة قالت لي بـ 30 الف مع الإضاءة !!!!!!!!!!!!!!!!! أقدر آخذها لكن بيني وبينج حراام ..

كشخة بلازا عنده قمصان نوم ناعمة و جلابيات البيت و عنده شيل .. و عنده أطقم الفوط 11 قطعة او اقل والله نسيت بـ700 ريال ..

عندهم الجلابيات القطن الخفيفة .. ناعمين وايد ..


هلا عرووس شحالج ؟

اممممم شوفي انا شفت ماسيس و شفت أمسيتي و الدر المنثور .. لقيت إن ماسيس من ناحية الشغل مضمون لكن أسعاره في المقابل مرتفعة .. و الزين فيه إذا حجزتي الطاولة خلاص ما يعرضها لغيرج الا عقب عرسج .. يعني انا ريلي بغى يشوف هالطاولة ما خلته المرة قالت له لا ما اطلعها زين ريلي يه ^^ و الشين إذا تبين كوشة ما طلعت الا مرة أو مرتين تكون غالية بعد ..

أمسيتي خليهم على جنب امممم اسعارهم حلوة للطاولات .. لكنهم يقيدونج في الألوان ..

الدر المنثور ,,, بصراحة أسعاره حلوة و في المتناول و تعطيج مع الكوشة إضاءة و في أشيا تنضاف من الإضاءة بقيمتها طبعاً .. يعني تجيج الكوشة و اللي انا ابيها بـ10 ..
و الطاولات حلوة بعد توصل 550 اول سعر سمعته عندهم 430 << ما صدقت !!
بس العيب إن الكوش طالعة أكثر من مرة ,,, و الطاولات لو ناس حاجزينها حق شهر 4 و انتي تبينها حق 3 عادي بتطلع لج قبل ^^

بإختصار ماسيس و الدر المنثور في نفس المستوى بالضبط لكن اللي يفرق الأسعار + الشغل طبعاً ماسيس أضمن .. و ترتاحين لشغلهم ..أما الدر المنثور لا يزال التحقيق جارياً ..

و ماسيس بيسوي خصم على الاثنين 8000 ريال ما قلت شي .. لكن انا علي الكوشة و ريلي عليه الطاولات .. و هي غالية بصراحة ..
فأنا متشتتة .. باشوف والله و إن شاء الله بتتيسر ..