تجهـــيزاتــ عرايـــس قطـــر 2006

انا ماقصد المكينه اقصد اني قريت عن الة حلاقة خاصه لهالمناطق يمدحونها وااااااااايد وودي اجربها لان عقدتي شي اسمه حلاوه ماقدر وابي اتعود قبل الزواااااااج ......اذا لقيتها وجربتها بقولكم ................

تصدقين باربي حتى انا بشرتي وايد تعبت من عقب السفر ماهتميت فيها احس يبيلي اهتمام تقدرين تسوينها في صالون دايموند عندهم برامج عنايه بالبشره ........ بس ماجربتهم للامانه............ بسال لج وبقول......... انا ناويه ابدا علاج عند د.نوال شعراني لان عندي حبوب في صدري تروح وترجع ..

اي لبنى ............ ممممممم اخر عرس حضرته كانت هي مسويه الشعر تصدقين يمكن احجزها ولامرسيدس.......... روح قطر تقصدين سعاد البلوشي ؟؟

والحنا ايه حجزت زبيده خلاص ............

لا اقصد سعاد القطريه .. انصح خواطر غلا فيها .. نفسج انا متولعه بمكياجها لوول

سعاد البلوشي للعروس احس مضمونه وماعليها كلام خصوصا الستايل الي احبه .. الكلاسيكي الناعم لاني ماحب العروس تكون حاطه مكياج دفش .. اذكر عرس رفيجتي العام .. مكيجتها بربع ساعه تخيلي ؟؟ بس شنو كانت نعووومه وحلوه .. في النهايه كل وحده وذوقها ..

وقولي لنا عن المكينه بليز اذا جربتيها .. = )

اي اكيد بقولكم عنها بس خل القاها اول هههههههه ........انا شريت وحده بنفس الاسم من دبي بس اللون غير و توهقت فيها ماعرف استخدمها شكلي الليله بقعد اكتشف فيها خخخخخخخخخ.........

انا حاجزه سعاد البلوشي ومرسيدس حق عرسي

سحابة حب ارسلي لي رقم مرسيدس حبيبتي وسعاد البلوشي و متى عرسج فالصيف ولاقريب ؟؟

شووفي الخاص

هلا بنات :) يازين لمتكم والله

خطيبة الغالي...والله محلك سر...لاجديد تحت ضوء الشمس للحين الامور مش واضحه..........والله ان سويت شىء باقولكم على طوووووووول شدعوه عاد بخش؟ :think: ليش يعني باكتشف الذره؟ خخخخخخخ

اقول.....تلحلحي يالله وحجزي المكياج والشعر لا تجينا عقب وتنزلين موضوع تصيحين فيه خخخخخخخخ......شرايج بسعاد البلوشي..تدرون؟ كل العرايس اللي انبهر بمكياجهم ..لين سالت عنه..تطلع هي مسويته.......واااايد فنانه ومكياجها تحسون راقي ونظيف جدا ..انا ناوية عليها باذن الله بس خل الموعد يتحدد عشان ارنها بتلفون خخخخخخخخخ

والشعر كلن يمدح مرسيدس ولبنى :) يالله توكلي على الله واحجزي ترى هذولا اهم شىء تحجزينهم من الحين وتعزلين فلوسهم في ظرف
اقول..رجعي حق لستته دوحانية وراجعي كل اللي فيها لايكون نسيتي شىء..ووزعي المبالغ في اظرف احسن لج....واكتبي على الظرف حق شنهو هالمبلغ

وصح كلام دلوعتنا...حطي لج 5000 حق الطوارىء تدري اكيد بتحتاجين شىء

انا بعد من راي روح قطر...احس لاطقم اللي خذتيهم كفايه....لان بتجيج هدايا ذهب وايد...ليش ماتشترين لج خواتم الماس حلوه حق الكشخه عقب لان ترى الخواتم اهي اللي بتبين اكثر...لان الاطقم ماتصلح لكل وقت في البس بعكس الخواتم والتعليقات تقدرين تلبسينها باي وقت.

الخواتم الحلوه بتتراوح بين 1800 لين 5000 واكثر...طبعا على حسب الالماس والموديل ونوع الالماس اذا رماد او قطع باجيت

احس "مكي" عنده تشكيلة حلوه واسعاره زينه ويسوي خصم حلو والتعليقات عنده حلوه وراقيه ..والملكيه بعد حذاه في الستي سنتر روحي لهم وخذي فكره وسجلي الاسعار والموديلات اللي تعجبج

وروحي سوق الذهب ترى بتلاقين شغلات حلوه

وعقب اشتري.........لاتشترين على طول ..خذي لفه اول شىء وخذي فكره عن الموديلات والاسعار

سحابة حب :) اختيار موفق......المكياج والشعر:up:

مدري من سالت عن تنظيف البشره.........فيه كورسات خاصة للعروس في محل في البستان..اسمه "لابيل" عنده لبنانية تسوي تنظيف واهي شاطره

وفيه بعد تنظيف صالون جاك ديسانج وايد حلو

وفيه بعد تنظيف بشرة عند "لبنى" المغربية اللي في صالون باريس نيلز في اللاندمارك روعه :)

طبي وتخيري

شرايكم بالطقاقه ابتسام السعوديه
ومن عنده رقمها وتعرفون بكم تجي؟؟؟؟؟؟؟؟؟؟؟؟؟

خطيبة الغالي
زين بتسحبين العربون
بشري شصار اليوم سحبتيه ولالا؟
يالله اليوم تقعدين قعده وتقسمين 75 الف حق كل شي مفهووووم؟
وتخلين 5 الاف احتياط
بنتم وراج انا وروح قطر لين نشوفج رسيتي على بر مع هالصرف

انا قريت ان ابتسام فنانه وايد يمدحونها باكثر من موضوع بالمنتدى

بس ماعرف كم تاخذ ولا رقمها..السموحه

مشكووره عالرد
وبانتظار اللي تفيدنا

ابتسام الزري يمدحونها
واظن قريت مره انها تجي ب 15 الف
مومتأكده

هلالالالالالالالالالالالا بنات شوالاخبار لي مكان عندكم ولا لالالالالالالالالالالالالالالالالالاااا

سحابة حب روحي الموضوع الي هناك شوفي مادري في اي صفحة بتلقين وحده كاتبه انه عندها ارقام ومن ضمنهم ابتسام ارسلي لها رسالة خاصه خلها تدز لج الرقم .. وترا ابتسام تحب العرس الي فيه رقص اذكر في العرس الي شفتها فيه كل شوي تقول يلا يا بنات عاد قومو وجي اتم تشجعهم ..لان العرس ماكان فيه ناس وايد ترقص ..

دلوعه ايوا تعجبيني ههههههه ماينفع معاها الا جي p=

الحلم الهادىء كلامج 100% صح

مشكوووره الغاليه عالرد
طلبت منها الرقم وللاسف ماردت

غلا دبي حياج اكيد لج مكان = )

سحابة حب وييي خساره = (

اكييييييييييد لج مكان غلا دبي
روح قطر
اي لازم نتم على رايها ونحن عليها
خخخخخخخ امها وخالتها لووووول

مشكووووريين معنا انا زعلانة من خطيبة الغالي

خطيبة الغالي لييييش ماسرتي القرية العالمية اشيا واااايد تهبل