تجهـــيزاتــ عرايـــس قطـــر 2006

هلا والله هلا بخطيبه غالي والحمدالله على السلامه لكني زعلانه منج الصراحه اشفيج عندج بس 120الف وخلال 3 خلصتي نص فلوسج وحبيبتي محد ياخذ اطقم هالكثر وااايد عقب العرس بهديه العروس بيجيج واايد ناس ياخذون ساعه خواتم سلاسل وبالكثير طقمين واحد ابيض وثاني اصفر وخلاص لاتشترين وتقولين كشخه ماكشخه بعدين بتصيحين هالايام الفلوس كانها ماي تحلص في دقيقتين اشفيج ياماما اسمعي اخذي نصيحتي خلصي فستانج وكوشه وطاولات وزفه وتصوير ومكياج وشعر والباقي قسميه على كل شي وصدقيني دوووحه نااار واي مساعده قوليلي من كثر الاسواق صرت اعرف الاسعااار

شووفي اللحين جيبي ورقه وقلم كتبي الفستان 12الف من الفراشه اوكي وسويه ناعم لاتقعديني تفلسفين ذوقي صعب وماادري شنو ارضي بالقليل وخليه ناعم كلها ساعتين وينقط بالكبت

الشعر عندج مرسيدس او لبني او مدام زاكو

المكياج عبير دينا شريفه سعاد

الحنه زبيده رحاب او غيرهم

اللحين كتبي وانتي متى بتفصلين ياحظي تحسبين الخيايط سهله فكري اما تاجرين او تترين جاهز او تفصلين قرري باقي على عرسج شهرين مافي وقت

اوكي بعدها بكره العصر مري الدر المنثور احجزي كوشه طاولات والستيج وخدمات الامنيه اللي عند الباب عشان جوال بوكاميرا اوكي وارضي بالواااقع

اذا تصوير عليج روحي واختاري الوان الخليج او كريستال

الزفه وديجي العرس عندج دلال ب3000 احجزيها

بس بعدها كملي تجهيزاتج وعطيني شنو تبين وشنو باقيلج وبقولج الاماكن والاسعار

ولاتزعلين مني لكني ابي مصلحتج اذا خلصت فلوسج بتوهقين محد بيزيدج

وانا خلاص ماراح اروح هناك اوكي افهموها

باقولكم شي بنات ...


لازم تخلون لكم احتياطي حق يوم العرس 5000 الاف ريال(في يد امج او اختج .) حق الكراسي..احتمال يزيدون الجمهور ( هههههههه ) وتضطرون تشترون لهم كراسي..مب عدله يتمون واقفين ...



صح ,...!

هلا عرايس شخباركم....

بنات وين افصل فستان العرس دلوووني على الاماكن ومن احسنها واسعارها شلون لاني حاطه ميزانيه ومابي اغيرها


خطيبة الغالي حرام عليج شقاعده تسوين اذا تميتي جذي بتضيعين المهر كله وبتقعدين تصيحين بتقولين إحساس طفله قالت

شوفي انا اول مااستلمت المهر حطيت لكل شي ميزانيه وان شاء الله تكفيني وماراح اغيرها..
واللي ساعدني على هالشي موضوع دوحانيه فديت قلبها.. واختي الغاليه الله يوفقهم ويتمم لهم على كل خير ويحرسهم من شر الحساد

شوفي انا باكتب لج اللسته وانتي حطي الميزانيه على اللي يناسبج

-اول شي فصلي فستان العرس وفستان الخطوبه
-حجز المكياج
-حجز الشعر
-حجز الحنا
-حجز المسكه
-الجوتي الله يعزكم
حجوزات المكياج والشعر والحنا والمسكه بتكون حق العرس والخطوبه يعني يبيلها مبلغ

- قمصان نوم امم جم خذتي عشان اقولج اذا تزيدين اول لا
- طقم الحمام
- البجامات
- الملابس الداخليه
- جلابيات البيت
- العبايات اعتقد يكفي اللي فصلتيه وقفي عن هالبند واذا زادت الفلوس رجعي له
- جلابيات كشخه
- جواتي وشنط
- تنانير وقمصان
- اكسسوارات
- المكياج والعطور
- شنط حق الزهبه (شنطة السفر - شنطة مكياج -شنطة مجوهرا ت شنطة اكسسوارات)
- استشوار وآلة بروان
- ذهب وساعات امم اعتقد هم يكفي وقفي عن هالبند بيجيج ذهب وايد بعد العرس بس خذي لج ساعه على الاقل
-فساتين الهديه والصباحيه
- المفرش

الله يعينج والله...هاى بعد غير الطاولات والكوشه

هاى اللي تذكرته الحين..

صحححححححح

بنات قطر
أذا تعرفون وحده متزوجه وفستان عرسها طايح بجبدها دزوها لي
ابي فستان عرس بس شرطي يكون ابيض طولي 160 ووزني 60

هلا حبيبتي خطيبة الغالي000
الصراحه عجبني موضوعج ودي اساعدج00
هاي بعض المعلومات اللي يمكن تحتاجينها00
1- فستان العرس تقدرين تفصلينه من عند الفراشه00
2- الكوشه والطاولات والتصوير تقدرين تاخذينه من الوان الخليج + الديجي لان على حسب مامسمعت اسعارهم حلوة
وكوشتي مالة الخطوبة كانت من عندهم
3- فستان الخطوبة تقدرين تفصلينه عند البرنسيسة او فلنتينو او تشترينه جاهز من عند العطيف اللي في السيتي0
4- المكياج عندج دينا ، سعاد، عبير أو شريفة 0 وانا انصحج بسعاد لانها صج فنانة
5- والحنا عند زبيدة ماجربت بس يقولون يجنن
6- الأطقم تقدرين تاخذين اطقم الماس تجبب من عند مجوهرات السليمان اللي في سوق الذهب
7- عبايات عملية من 500 لين 1000 عندج فير ليدي اللي في السيتي او محل الفهيم اللي في سوق الديرة ترى عباياته حلوة
8- ملابس السفر اذا كنتي تبيتن شوي طويل من عند الجعيدي في السيتي0 ومن انوتا بعد
9- العطورات العربية عندج اجمل والرصاصي، سيد جنيد
10-طقم حمام عند الصالون الازرق او محل في اللاند مقابل المتحجبه يبيع شغلات حلوة وبعد عنده طقم فوط+ روب للحمام بيعجبج واسعاره حلوة مابين 400 لين 1000
11- الملابس الداخلية عندج ماركس ونعومي وشادو اللي في اللاند مارك
12- البيجامات ترى مافي في الدوحة في دبي احلى
13- وماكينة براون يقولون في اللولو
وبالتوفيق حياتي والله يهنيج00
واذا بغيتي اي شي او اي استفسار مايردج الا لسانج عزيزتي00

وعندج المسكه تقدرين تاخذينها من شوبان او زهرة الغردينيا00
واذا بتجيبين فرقه اخذي المحبه وهما يسوون لج زفه بعد00
وتوزيعات المعازيم يعني من الشوكولاته والكيك والفطاير اخذيه من الاوبرا او فوشون او سي سايد
والقيمات من تيك اوي
اممممم00
ماادري بعد
اي شي يجي على بالج سال وان شاء الله بنساعدج

اي شي يجي على بالج اسالي وان شاء الله بنساعدج

عفوا بنات ..

سيتم إغلاق الموضوع لان الصفحات تجاوزت العشرين ..وهذا مخالف لقوانين القسم

بإمكانكم فتح ملف جديد .

ومشكورين .






لووووول هاي الكلام مكتوب لنا يابنات قطر بمنتديات عالم حواء
مادروا ان احناتركناهم قبل مايغلقون موضوعنا المميز

:)

خلاص لحد يروح هناك اوووكي

وين البنات
راقدين؟؟

لووول وهالاغلاق لاحقنا بكل مكان ..

هلا خطيبه غالي سويت لج ميزانيه على فلوسج عندج 120الف اوكي صرفتي 36الف بقالج 84الف

اول شي فصلي فستان العرس وفستان الخطوبه العرس ب12الف وخطوبه طبعا مع قطع ب2000او اشتري ب2000
-حجز المكياج 2000
-حجز الشعر1000
-حجز الحنا600
-حجز المسكه1000
-الجوتي الله يعزكم200
حجوزات المكياج والشعر والحنا والمسكه بتكون حق العرس والخطوبه يعني يبيلها مبلغ

طبعا للخطوبه مكياج 700 وشعر 300 ومسكه 600 وحنه 300

اجمالي مبلغ العرس +الخطوبه من مكياج وحنه وشعر ومسكه وفستان كله طلع 20الف و700ريال اوكي باقيلج 63الف و300ريال

اللحين اذا بتروحين الدر المنثور طاولات ب550 ممتازة وكوشه اخذي على 12الف اوكي لو كان معازيمكم 350 شخص يعني 35 طاوله ضرب 550 يطلع 19250ريال مع الكوشه يطلع 31250

يعني الباقي لتجهيزاتج 32الف وخمسين ريال بتكفيج للتجهيز اوكي

وطبعا اذا تصوير عليج اخذي الوان الخليج ويطلع كامل 10الاف ريال اذا عليييج

- قمصان نوم امم جم خذتي عشان اقولج اذا تزيدين اول لا
- طقم الحمام
- البجامات
- الملابس الداخليه
- جلابيات البيت
- العبايات اعتقد يكفي اللي فصلتيه وقفي عن هالبند واذا زادت الفلوس رجعي له
- جلابيات كشخه
- جواتي وشنط
- تنانير وقمصان
- اكسسوارات
- المكياج والعطور
- شنط حق الزهبه (شنطة السفر - شنطة مكياج -شنطة مجوهرا ت شنطة اكسسوارات)
- استشوار وآلة بروان
- ذهب وساعات امم اعتقد هم يكفي وقفي عن هالبند بيجيج ذهب وايد بعد العرس بس خذي لج ساعه على الاقل
-فساتين الهديه والصباحيه
- المفرش

اللحين اذا تبين اي مساعده قوليلي جيبي ورقه وقلم من بكره روحي الفراشه قوليله ابغي فستان عرس بحدود 12الف وفصليه مافي وقت وفستان خطوبه 2000 مافي وقت بشهر 3 روحي الستي واخذي شي ناعم كلش لانها عائليه وبس بكره من العصر او الظهر اتصلي واحجزي شعر+حنه+مكياج للعرس والخطوبه وبس خلصي

العصر روحي الدر المنثور واخذي طاولات وكوشه ومعاها ستيج وليزر اوكي واحجزي من عندها الخدمات الامنيه للجوال وادفعي المبلغ كامل لاتدفعين عربون عشان ماتتوهقين اوكي وبس

روحي سوق واخذي تجهيزات مثلا سوق الجبر جنبه الاحمد جنبه العسيري وفالح كلهم مع بعض كتبي الورقه كل اللي تبينه من هالاسواق واشتريهم كلهم ارجعي البيت وحطيهم بشنطتج وبس اليوم التالي نفس الشي مثلا الستي الو لاند مارك نظمي وقتج صدقيني مع تنظيم خلال اسبوع وبتقولين عروس قالت خلصتي تجهيزج كااامل وبتفتكين

واتمني اني ساعدتج

جزااج الله خير ماقصرتي

صاااجه يارووح قطر
لاحقنا وين مانروح

الا ماعرفنا شالشروط
اخاااف يغلقون هاي بعد
:(

بنات حد عنده صيغ حلوة للبطايق ؟

والشي الثاني ابي اسوي دفتر معازيم ووين اسوي واخذه ؟

علموووني

مرحبا بنات قطر شخباركم؟؟..انا هذي اول مشاركه لي معاكم
وحبيت استفيد منكم لاني عروس وفي اشياء ابي اسألكم عنها
وايد قريت عن سميره ايش اتسوي للعرايس؟؟..اذا ممكن اتعلموني
والشي الثاني بغيت اسألكم عن قمصان النوم وين احصلي فالدوحه محل قمصان نوم
بس ابي شي كشخه حق اول يوم لان شريت حق باقي الايام بس ماحصلت كشخه حق اول يوم
بليييز ساعدوني

انا شريت من محل الامورة اعتقد اسمه جذي هو مقابل سوق الجبر وعنده اشياء تجنن ماتتخيلينها

عروس الدوحه واسعاره اشلون؟؟

عرووس الدوحه جزاج الله خير وان شاء الله خطيبة الغالي تستفيد من تقسيمج ..

للاسف ماعرف صيغ للبطاقات ولا مكان للدفتر كان ودي اساعدج ..

بنت قطر هلا فيج والف مبروك وان شاء الله تستفيد وتفيدين وبالنسبه لسميره ان شاء الله البنات الي جربوها يقولون لج .. = )