تجهـــيزاتــ عرايـــس قطـــر 2006

شوو اخر التجهيزااات عندكم

من زفة وغيرها وغيرها

ههههههههههههههه الحلم الهادىء والله اني بليده لين الحين ماصورته حاطته في الشنطه وقافله عليه وكله ابي اصوره وانسى....................بس ولايهمج اول ماصوره كلكم بتشوفونه .............. بالنسبه للشعر العالمي يسوون كورسات للشعر ودايموند ودانييل...........

بنات الليله الساعه 2 باروح السعوديه واول مره اسافر فهالوقت يخررررررررع :eek2:بس اخوي لان عنده دوام........ادعوالي اوصل بالسلامه واتوفق فمشترياتي وانشالله الجمعه بالليل بتلقوووووني .......... لاتسولفون وايد عشان مايفوتني شي...........أقصد عشان مايسكروووووووونه :dd:

جوتيج يا خطيبة الغالي له دعايه جامده علقتي البنات كلهم
على طاري الزفات من يومين رحت عرس الزفة كانت شعر واغنية حق مطرب مشهور بس الله لا يوريكم لاعت جبد المعازيم
اول شئ الشاعر مدح العروس من قمة راسها لين اظافرها وبعدين مدح ابوها وبعدين اخوانها بالاسم واحد واحد وبعدين الخوات والام ودخل على العمام والخوال وبعدين العايله يعني عرفنا شجرة العايلة من طق طق لي سلام عليكم لاااااااااااااااعت جبدي تمللت
وعقبها غنى المطرب اغنية كاملة بللللللللللللللللللللل الله لا يوريكم احس حلوج الحريم تقطعت من النودة ترى والله الشئ اذا زاد عن حدة انقلب ضده
جني قلت لكم قصة الف ليلة وليلة وسكتت شهرزاد عن الكلام المباح خشششششششششششششش

خطيبة الغالي ودلوعه قطريه وروح قطر وكل من قدم لي كلمه تريح قلبي يعل ربي يسلمكم كلكم يارب والله احبكم لوجه الله

الحل الوحيد هو قراء القرآن وخصوصا يوم العرس الصبح سورة البقره وركعتين راح بأذن الله هذا اللي بسويه مثل ماقلتي ياخطيبة الغالي الله يتمم علينا بالخير يارب .

بنات باقولكم...
اقترحت على المدرسين انه يقدمون لي امتحانات الفاينل قبل الطلبه وتكون عندي اجازه من شهر 4 كاااااامل لين بداية 5 يعني شهر ونص قبل الصيفي...وبجذي اكول طولت مدة شهر العسل....
بس شنو الدراسه بتتكثف بس انا احس بعد باكون انا المستفيده..زدلوعه قطريه عطتني حافز ..قولولي شرايكم وعطوني حافز دراسه قوي قوي جدا

بنات والله ابي اقولكم من الحين صايره اصيح على اي شي من يومين رفيجاتي يتغشمرون معاي الكليه قمت وصحت ليه ما ادري بس قاعده احاتي واييييد عن يوم العرس...ادري بتقولون شفيها هاي من الحين بس شنو شنو باقيلي 52 ما ادري 51 يوم وكله احاتي يوم العرس وليلة العرس بالأخص وكل شوي اصيح وضعفت وايد وايد وايد ما تتصورون...
شاسوي والله العظيم ابي احد يطمن قلبي ويعطيني نصايح عن ليلة العرس لأني صج صج باقلبها صياح على ريلي:(

قطريه 75 حياج الله معانا نورتي المكان
دلوعتنا القطريه سلامات
خطيبه غالي تروحين وترجعين بسلامه والله يوفقج بمشترياتج حبيبتي ويهنيج فيهم

يابعد قلبي موناليزا وام يوخ فديتكم لاتحاتون والله شاقول لكم بدال موااسيكم والله حاسه فيكم تخيلوا انا باقيلي شهرين و3 اسابيع والله وانا بعد من نوع العصبي ابي حد بس يقولي كلمه ااااااااااااااافففف اقلب البيت وريلي الله يعينه حتي هو حاس فيني يقولي لاتعصبين هدي روحج ماادري ليش هالاحساس مايفارقني ابي اصيح مضايقه متوتره كله مادة بوووووووووووووز شبرين احاول اني اكون كووول وطبيعيه بس ماباليد حيله عشان جذي اقولكم بدال مااهديكم اخرعكم لاني مااعرف شاقول لكم لاني حاسه بشعوووركم حتي ساعات اقول ياربي ليش عرس حفله صغيرة وسلام تخيلوووواااا

لاتخافون حبيباتي والله يهنيكم فديتج موناليزا لاتخافين عيوني وبدعيلج يوم عرسج انا والبنات كلنا ان الله يتمملج على خير

موناليزا مافهمت شنو انكبتي مع دلال يعني قصت عليج ماسوتلج زفه ؟؟؟؟؟

عندج العمادي لدي جي وبعد الوان الخليج اعتقد عندهم زفات

السلام عليكم ورحمة الله وبركاته

بنات عندي مناسبه خاصه جدا بعد 3اسابيع

ابغي اسئلكم من جربت امنه شاهين مكياجها صج يجنن لاني ماشفته على حد وشنو نوع بودرتها؟؟؟

من احسن برايكم اللي جربت الاثنين عبير او امنه شاهين ؟

وسؤال اخير دينا وعبير يمكيجون غير العرايس

عروس الدوحه تسلمين فديتج على الكلام الطيب بالنسبه لدلال ماحترمت مواعيدها معاي فطنشتها وما احب اللف والدوران


كلثم شلونج وينج يالغاليه من زمان ماشفناج المهم بخصوص امنه شاهين ترى الكل يمدح فيها وخصوصا مكياجها اللسبشل انا خواتي حاجزين عندها ليلة عرسي بأذن الله . فتوكي على الله واحجزيها ترى مكياجها انعم بوايد من عبير وبودرتها حلوه بعد . امس امي رايحه عرس وقالت ان العروس مكايجها دفش وتارسين لها البودره مسكينه وهي اصلا العروس حلوه بلا شي لكن بودرتها مخربه عليها وعبير هي اللي مكيجتها .

الله يوفق الجميع ويتمم علينا بالخير يارب .

هلا موناليزا الله يوفقج شاسوي جامعه ملتهتني وزواجي قرب خلاص مابقي شي نهايه 2 والحمدالله تجهيزاتي كامله وتخيلي ليش ابغي اسئل عن مكياج لان بعد عرسي بيومين زواج بنت خالتي فمااقدر مااحضر لانها حالفه على فابغي اطلع نفس مستوي عرسي

بنات باخذ دورة مكياج عند منيرة الانصاري ايش رايكم

شخباركم يابنات اشتقت لكم واااااااااااااااااااااايد

تعالوا شسالفه احس اني ضايعه ماادري شنو صاير فهموني طرشت رساله حق خطيبة الغالي وماردت علي وانا الحين ضايعه
زي الاطرش في الزفه

واحس ان وايد اشيه فاتتني

هلا بنات
شخباركم
اول شي .. احلام صغيرة حمد لله على السلامة وين هل الغيبة ؟؟
ماصار شي ..
سكروا الموضوع وفتحناه بمكان ثاني بعدين رجعنا هنيه

قطريــ 75 ـة
اممممممم منيرة الانصاري ما جربتها خذت عند منيرة المحمود دورة واحسن اني مرتاحة معاها

الموناليزا
طمينيني شصار في موضوعج

ام شيوخ ..
عورتي قلبي والله هاي اللي يصير عادي وطبيعي
انا باقيلي وقت واحس اني صايرة عصبية وايد ودايما احس اني ابي اصيح لين ما اقول بس وماسكة نفسي لحد اللحين
بس انتي استمتعي بهل الوقت لان عقبها بتضحكين على هل الايام

وبالنسبة للاجازة حلوة فكرتج بس وافقوا ولا لا ؟


خطيبة الغالي ..
تروحين وترجعين بالسلامة

بناتات

مين طلبت من قبل من موقع فكتوريا سيكرت ؟! ابي اخذ منها كم معلومه

والله سبقتييييني مجنونة قطر انا ابي اعرف بعد ابي اطلب وابي اعرف كل شي شلون وومتى يوصلونوشكرا

[align=justify]تروح وترجع بالسلامه ان شاء الله خطيبة الغالي...
هلا كلالالاسيك شحالج ...رحت وقلت حق الأدفايزر مالي ووافق الحمدالله وقالي لازم هاي شهر عسل وما ادري شنو ورحت درت على المدرسين اثنين منهم قالولي مافي فاينل بس تستات عاديه والباقي 3 قالوا فيه بس جدمولي الإمتحانات حق شهر 3 ...صج بيتضاعف الشغل علي والدراسه لأني باسبق الطلبه بأسبوعين تقريبا وباخلص جامعه شهر 3 يعني بيكون عندي من شهر 4 كااامل لين بداية 5 عطله تخيلوا بنات يعني بافتل في الهاني مون خخخخ...
وزين بعد انا قبل بنات ماخذه ثياب عجيبه حق شهر العسل وجواتي وصنادل حق السفر يعني مفتتتتكه الحمدالله:)
رحت اليوم وخلصت اغراض الجمعيه كلهم اوف افتكيت ((يعني انه مسويه شي )) خخخخخ

بس بنات والله ساعدوني شاسوي صايره اصيح ما استحمل بسرعه حتى في الكليه رفيجتي تقولي انه قرب العرس وما ادري شنو ولا طقيتها بصيحه...ريلي تم يقولي هاي سنة الحياه وهاي شي طبيعي والله بيطمن قلبج وما ادري شنو صج كلام يريح بس بعد احس اني خايفه اكثر من قبل...:(
طولت عليكم المسامحه

عروس الدوحه
ام شيوخ
وكل العرايس فديتكم لاتخافون
انشالله هي ليله وبتعدي على خير
اكيد شي يخوف
بس بعد حلو
موحلو لما كل الانظار تكون متوجهه عليج
الكل يشوفج
حتى اليهال الصغار ينتظرونج
لانج
العرووووووووس
يالله عاد عن المصاخه والدلع استانسوا يبه
والله هذي ايام ماتتعوض
واقولكم اللي فيها الصيحه تصيح
لاتضغط على نفسها ولا بيطلع كل هالتوتر بيوم العرس
وانا حاضره لكم لو تبون تسولفون وتفضفضون انا وكل بنوتات المنتدى موجودين


وبالنسبه للطلب من فيكتوريا سيكرت انا جربت وكان كل شي اوكي


خطيبة الغالي
تروحين وتردين بالسلامه


احلام صغيره
انتي وين اختفيتي فجأه شصاير يمه لايكون كل العرايس يتغلون جذي خخخخخخ

ام شيوخ .. حلو .. يعني بتقدرين تاخذين راحتج عقب العرس :)
شدي حيلج هل الفترة .. معنه صعب تركزين
والله ادري بس الدراسة بعد مهمة
انتي متى عرسج نص 4 صح ؟
عموما صج كلام دلوعة ترى هل اللحظات ما ترجع اسمتعي فيها وخلي التوتر عشان تطلعين احلى عروس (( وانا ادري انج بتطلعين ان شاء الله ))

دلوعة شلونج وشلون صوتج اليوم ؟
ان شاء الله احسن ؟
ضحكتيني بكلامج عن اليهال
بنت خالي من قبل ما تقرب صوبي لو شنو سويت لها
من يوم شافتني في الخطوبة وهي تموت في شي اسمه كلاسك وساعات اشوفها تطالعني وتسرح فديتها
من ذاك اليوم مسميتني العروسة :)

واقولكم اللي فيها الصيحه تصيح
لاتضغط على نفسها ولا بيطلع كل هالتوتر بيوم العرس

المشكلة اني عودت نفسي اكون قوية دايما وحتى مشاعري ما ابينها جدام حد فاحس تجيني فترات ودي اصيح وخلاص تعودت ان ما تنزل من عيني دمعة .. بس تعالي خل اشوف فلم ولا موقف مؤثر شوفي دموع اربع اربع هههههههه
القهر اني وااااااااااااااااايد صايرة عصبية مع الكل وهل الشي مب عاجبني كلش
وما استحمل حتى في شغلات تافهة تشوفيني عصبت
مع اني قبل والله نادر نادر نادر ما اعصب
والدراسة اووووف وايد متضايقة منها يعني قبل الملجة احس اني لما كنت اعطي بحث ولا تقرير اعطيه وانا مرتاحة لان عارفة اني سويت احسن شي اقدر عليه الفترة الاخيرة هذي احس ان شغلي كله خرابيط ..


اممممممممممم جني طلعت عن الموضوع الاساسي ....
دلوعة استحملي انتي قلتي فضفضي :)


الحلم الهادئ مختفية ودوحانية مختفية عسى المانع خير

افا عليج كلاسيك خذي رااااااااااحتج
وشفتي شلون كل الناس تجذبهم العروس ويحبون يشوفونها
يالعروووووووووسه
تلاقينها تتخيل العرس وشيصير والفستان ويمكن تتخيل نفسها مثلج بعد
وعن صوتي وييييي رد طبيعي
كللللللللووووووووووششششششش
ودوحانيه صج مختفيه لاحس ولا خبر
اكيد عندها مخططات سريه بس خل ترد لااااااازم تقولنا عن كل الاخبار واخر المستجدات لوووول

مرحبا بنات :)

كلاسيك..تسلمين على سؤالج يالغالية........الله يعينج..قرب الصج قرب خخخخخخخ (اخرعج)

انا موجوده بس حطيت موضوع في ركن التسوق وتوقهت..صندوق الخاص مدحوب عندي :( وانسخ نفس الرد واطرش لامة محمد ..شسوي صج توهقت خخخخخخ

يالله ..العرايس اللي قرب موعد عرسهم من؟ موناليزا؟ ومن بعد؟ عشان نشوف تجهيزات اخر اللحظات شنهي؟ ونساعدهم لا ينسون شىء

شرايكم؟