تجهـــيزاتــ عرايـــس قطـــر 2006

كلاسيك انا عرسي بداية 4 يعني يوم 5 ...باروح باجر بعد احذف ماده وايد دسمه حتى المسل قالي احذف وحده احسن عشان ما ينزل معدلي وان شاء الله السبونسر يرضى...
خلاص سويت البطاقه بس باقي ادخل الفلوس فيها واخذ من فكتوريا ودلوعه عن ايام السنه انا بعد عجبتنييي قلت بعد باخذها عجيبه..
ممم بس قفلت من الصبح عيوني على الكمبيوتر شكلي باحول خخ
سي يو قايزات

سييييييي يوووووو قايزه
وترى عندهم قمصان نوم رخيييصه بعد السيل
يعني خذيلج من النيو كولكشن
وبعد لاتطوفين بيجاماتهم
بتلقين من 14 دولار واقل
ومن 20 دولار واقل
يعني لهم كذا تصنيف

يا عروووساااات

بقولكم الحين عن عرس خيتووو


الكوشه والطاولات من ماسيس
وبشهادة الكل طلع روووووووووووعه

اما الاضاءه من كريستال

بقولكم بالنسبه للكوشه لاتاخذون من المناسبات لانه هو وماسيس نفس الشي بس المناسبات يضرب فالسعر

دلوعتها...شلون كوشتها؟ تصميمها والوانها يعني؟...وبكم ختها اختج؟..........وشلون سعر الطاولات؟ والوانهم وشحاط لكم عليها؟؟ :) -----> حشى تحقيق :pain:

والتصوير من كرستال بعد؟؟ والا مين؟؟..........قولي لنا كل التفاصيل فيدتج عشان نستفيد :)

متى كان عرسها؟ توه قريب؟؟

بالمبارك عليها وعقبال كل الصبايا :)

خواتي القطريات حابه اشكركم على الموضوع الاكثر من رائع وخصوصا اني راح استفيد لان اختي كويتيه وملجت على حماي اخو زوجي وانا المسؤوله المباشره للعرس واتمني تذكرولي احسن محلات كوش وطاولات بقطر ومايهم غالي او رخيص مع ذكر المحل باي منطقه

بقولكم شي مهم عن القاعه
عشان القاعه تكون حلوه والعيوب اللي فيها ماتبين

اول شي لازم الطوفه تتلبس بقماش فاتح

والششي الثاني الاضاءه تلعب دوور كبييييييييييير وهي اللي تجمل القاعه

لاتستخدمون اضاءة القاعه السبوت لايت لانه مو شي
فتحو الثريات لكن لاتعلون عالاضاءه وايد
بس اعتمدو على الاضاءه اللي انتو جايبينها

واذا بتحطون اضاءه ملونه لازم اللي عالعروس تكون اضاءه بيضه اما عالقاعه ملونه والله بيطلع شي خرافي

ونجي الحين للتصوير
احنا كنا ماخذين من كريستال
التصوير العادي طلع واايد حلو
اما الفيديو مأساااه ولا كأن هاي هو نفسه العرس

يقولون تصوير الوان الخليج ( فيديو ) احسن من كريستال

امممممم
الدي جي من كريستال عند واحد اسمه بشار

المسكه من رفيرا
وانا عجبني تعاملهم
يعطونج كاتلوج فيه كل انواع الورد اللي فالعالم واللي يعجبج بس تأشرين عليه ويطلبونه لج وخلال 10 ايام يوصل
يعني لازم قبل العرس بشهر تروحون لهم
واي موديل تبونه بس عطوهم الصور وهم يتفننون
والسعر موحد
سواء مسكتي حديقه ولا ورده وحده المبلغ مابيتغير 500 ريال


والحين نجي للفرقه
طبعا غاليه اللي طقت
امممممم يعني كان طقها حلو بس وايد تاخذ راحه بين كل اغنيه والثانيه

طبعا هي طقت لنا حلو لان موصيين اللي تشتغل عنده ولا رحت عرس ثاني كلش ماكان طقها حلو
اصلا ماتغني بس قاعده تسولف مع ربعها ووحده ثانيه تغني عنها

قبل يومين رحت عرس وكانو جابين خالد فؤاد
بصراحه روووووووووووووووووووعه يعني مافي حد يقدر يقعد مكانه هز القاعه وينن العالم
طقه عجييييب


والبنات اللي يوزعون جبناهم من عند ام خالد بس ماعجبوني وايد
ميتين على عمرهم الا اذا ام خالد نفسها اشرفت عليهم يشتغلون بذمه وضمير

امممم


اذا تذكرت شي برجع لكم

الحلم الهادىء:
دلوعتها...شلون كوشتها؟ تصميمها والوانها يعني؟...وبكم ختها اختج؟..........وشلون سعر الطاولات؟ والوانهم وشحاط لكم عليها؟؟ :) -----> حشى تحقيق :pain:

والتصوير من كرستال بعد؟؟ والا مين؟؟..........قولي لنا كل التفاصيل فيدتج عشان نستفيد :)

متى كان عرسها؟ توه قريب؟؟

بالمبارك عليها وعقبال كل الصبايا :)

القاعه بكبرها كان لونها بيج الفاتح اللي جاي على ابيض ( اوف وايت )

الطوفه ملبسينها بالمخمل البيج
والمسرح كان عباره عن اعمده عريضه من القماش الملفوف المكسر ( ادري مابتفهمون بس هو مب عمود صلب لا مسوينه بالقماش يعني لافين الفماش على شكل اسطواني من فوق عريض ويضعف لين تحت )

وفوق المسرح فيه تاج جاي على ذهبي من الشنتون يعني كله بالاقمشه مافي شي صلب
بس من بعيد يبين كأنه شي صلب مب قماش

طبعا الكوشه كانت كبيره بشكر فضيع وضخمه وهاي اللي معطي فخامه وهالشي اللي يميز ماسيس عن باقي الاماكن

وبعدين الطاوله كانت عباره عن طابقين الطابق المرتفع عليه الورد والاكسسوارات وماحطينا اكسسوارات وزرع عالي عشان الناس تقدر تشوف العروس عدل والنازل عليه الصحون والاكل لان الاكل ماكان بوفيه بل يتوزع عالطاولات
الصف الاخير للطاولات كان مثل المدرجات طاولات مستطيله يعني مرتفع عن الباقي
والطاولات اللي عند الجسر كانت مستطيله يعني مثل لجنة تحكيم

العرس كان فالدانه
صغرنا القاعه من الجهه اللي فيها الباب اللي تطلع منه العروس بالقماش المخمل اللي لبسنا به الطوفه
وحطينا قدام الحاجز اللي سويناه شي مثل القوس او البوابه تناسب الكوشه ونازل من منها ستاره ثانيه
طبعا وقت الزفه اول شي كانت موسيقى هاديه والاضاءه موجهه عالقوس والستهره مافنتحت الا لما بدى الجسمي يغني وطبعا العاملات بالبدله الرسميه كانو واقفين ورى الستاره وفتحوها

الاضاءه كانت مجمله القاعه
الاضاءه اللي عالقاعه بكبرها ملونه اخضر وارزق وبنفسجي ووردي واصفر واحمر لكن الوان فاااااتحه مب اللي يحطونها في الديسكو
اما عالطوفه اضاءه بيضه موزعينها عالارض بحيث من تحت تكون الاضاءه قويه وتبدى تختفي لما توصل السقف

غير الاضاءه اللي موجهه عالمسرح والعروس هذي اضاءه بيضه

بالنسبه للاسعار
الكوشه والطاولات 95 الف بطلعة الروح
45 طاوله
الاضاءه 20 الف
التصوير ودي جي الزفه 5 الاف او 8 ماتذكر عدل

اي والعرس ماصار له شهر

تووه قبل اسبوعين ونص

دلوعتها مبروك زواج اختج الله يهنيها يارب ..

وان شاء الله الكل يستفيد من تجربتكم .. =)

الله يبارك فيج يالغلا

دلوعتها مبروك زواج اختج

بنات تخيلوا اخت زوجي اليوم مرت ماسيس قالها ماعندي كوش ب17الف اللحين كل كوش صارت 30الف وفوق تخيلوااا الاسعار غلت موووووووووووووت

بنات ابغي وحده لدي جي غير دلال سمعت عن اميرة دزولي الرقم واي وحده غير دزولي رقمها بالخاص

وبغيت اسئلكم عن صالون لاندمارك حد جرب عندهم شي

نسيت مريم الفلبينيه حلو تصويرها حد جربها ابغي اخذها عشان تصورني انا وخواتي صور عاديه للخطوبه

بطرش لج رقم دي جي وحدة كنا جايبينها يوم خطوبة اخوي وايد حليوة ومتعاونه
ومريم الفلبينية وااااايد شغلها حلو كانت مصورتني من قبل

يا جماعه حاولت اخذ الدورة عند منيرة المحمود قالت لي وااااااااااااااايد زحمه شا سوي ابي اخذ الدورة قبل لاداوم يعني محد فيكم سمع عن دورات منيرة الانصاري انا كلمتها كلامها وااااايد مريح بس خرعتوني من مكياجها

اختي قطريه عمري ماشفت مكياج منيرة المحمود اول مرة اسمع فيها هي مكياجها رووعه ويشابه مثل من من القطريات؟

وبغيت ائلكم محلات اصغر على للدهن العود والبخور موجودة بقطر

اختي قطريه دزيلي رقم مالت دي جي وشو اسمها وكم تاخذ؟ بللليز ابغيهااا

كلثم..ايه موجود ....


بس مدري هو نفسه جنيد ولا لا.....

كلثم:
اختي قطريه دزيلي رقم مالت دي جي وشو اسمها وكم تاخذ؟ بللليز ابغيهااا

طرشت لج الرقم على الخاض بش ناسية كم سعرها بس وايد خيرة وحليوة
وعلى فكرة دلال اللي تقصدونها هي دلال المري نفسها

بنات ووين مكان اوركيد

ووعطوني احسن محلات كوش وطاولات غير ماسيس والمناسبات