تجهـــيزاتــ عرايـــس قطـــر 2006

خطيبة الغالي انا الحمد لله مهتمه بشعري وبشرتي بس غصبا عني شعري يطيح من التفكير بتتذكريني بعدين قبل عرسج لما شعرج يطيح لووووووووووووووول

::::::::::::::::::::::
بنات موضة التيجان للحين دارجه والا خلاص ؟؟؟؟؟؟؟؟ وشنهي موضة الطرحات الحين ؟

ضيافة النخله انا بعد عاجبتني واااااااااااايد واخر عرس رحتله كانت موجوده بس من متى اسال ولاحد يقول لي من وين.............

زين ليش ماتلبسين شبكتج فالعرس ولاماتناسب ؟؟؟؟؟؟؟؟؟؟؟؟؟

بالنسبه للطرحه الحين دارجه موضة الاكسسوار الي يجيج على هيئة نص دائره من فوق لين تحت يعني على طول الطرحه دوائر بدورلج صوره ادري مافهمتي شي......
التيجان موجوده موضتها ماراحت بس لازم يكون تاج على مستوى ..............

شوفوا بساااااااااااااااااااام فتوح في دبي يعلم المكياج الحين بسرعه

عمري قطر
انا استخدم هل الخلطة
3 ملاعق حليب بودره + 3 ملاعق هرده + 4 ملاعق سنفرة للجسم يفضل المشمش +عصير ليمونه كامله + شوية ماي ورد لين تتماسك الخلطه
بس قبل اشقر جسمي

وعندج هاي بعد
3 ملاعق حمص مطحون + 3 ملاعق اكسجين بودره + 4 ملاعق سنفرة للجسم + عصير ليمونه
مع الساونا نتيجته روعة بس انا كسولة

في المشطة قالت لي قبل العرس تعالي كل يوم وبتفتحين اكيد
اللي سوتلي اسمها داليا جسمي احسه فتح شي بسيط مب وايد وخذت تقريبا 700 ريال
واذا الجلابية هندية البسي اكسسوارات هندية احسن

شوفي تحني مع هلج واللي يبي الصبح وخلي الناس بالليل انا باسوي جي

بالنسبة للهدية امج لازم ماتجي معاج تحملي ترى بينقدون عليكم

خطيبة الغالي
يا ريت تطرشين لي رقم اميرة

1- ماترقصوووووووووووون والي ترقص بالعصا على راسها
2- ماتبينون نفسكم كلش يعني صيدولكم زاويه على جنب وقزوا
3- لاتكشخوووووووون ولوحصل خلج بعبايه كشخه وبس........
4- ماتطولون فالعرس سلموا وعقب تدرون شتسوون ؟؟ تدلون الباب ؟؟ بيباااااااااااااااااااااااااااااااي
5- اذا يه حد يسلم عليكم لازم تمثلووووووووون الحيا يعني شوي وتطيحون خخخخخخخخخخخخخخ
فهمتوا الشروط........... ماعندنا بنات يروحون اعراس وراج عرسج وانا اسمحلج تحضرينه

هههههههههههه
ان شاء الله بس اعتقد اني مب رايحة مااحب حد يشوفني مبهدلة


على فكرة خلي الحمام المغربي مرة بس في الشهر مب اكثر ودايموند دفشين جسمي تجرح يوم رحت لهم

من قال ان الام ماترووووووووووووح؟؟؟ بالعكس تروح واهم شخص بعد انا متاكده من هالشي !!!!!!!!!!

خطيبة الغالي
لالالا ماتروح صدقيني اسالي الوالدة وبتقولج

فراولة قطر مبروك النيو نيك نيم .. =) حلو أنا احب الفراوله .. ^^"

خطيبة الغالي اذا رويتيهم صندل العرس انا بعد ابي اشوفه شمعنىىىى =(

كلاسيك سؤال لوسمحتي .. تشقير الجسم من وين تاخذينه ؟ نزيه ؟ ولا من وين ..؟

ايي جنه الأم ماتروح الهديه والبنات اللي مو متزوجات ..انا ولا عمري رحت هديه ..

سالتها تقول كل عايله ونظريتهم بس اغلب العوايل وحتى ربعي امهاتهم معاهم ......................

RoO7 QtR
اخذه من الجمعية تعرفين البودرة مالت ويلا لونها كحلي
والاكسجين معاه بس اخلطي معاه حليب رينبو وحطي طبقة فازلين وماراح يحرقج

خطيبة الغالي صح كلامج واللحين عادي بس امي مستحيل تجي :(

مشكووورة كلاسيك تسلمين .. بشوف ف الجميعه .. ^^

السلام عليكم


شلونكم بنات


انتو تكلمتوا عن البخور ونسيتوا شي مهم


المبخرة

لحد ينساها

مرة شفت عند وحدة مبخرة مع الصينية

من تعرف من وين ناخذها

نات بليييز الي راحت اللند هال يومين والي بتروح في هال اسبوع يعني تقولي اذا مانجو وزارا وهال محلات نزلوا بضاعه جديده وبالأخص قمصان ابي اخذلي حق تنانيري الي مخيطتهم....اي والبي اتش اس الي بتروحه بعد تقولي اذا في بجامات حلوه والحرير والعادين بعد تقولي والي يسلمكم ابي اخذلي شناط حلوه حق اليد...
والي يسلمكم ابي اخلص اغراضي لاعت جبدي
مشكورين مقدما...
((لا تنسون ابي مساعدة كل وحده بليز))

اي وابي تقولون لي عن حركات المسكات ...انا قلت باروح اشوفها شهر 3 احسن في ماسيس شرايكم...

عروووووس قطر

شفت في تريم كذا نوع واسعارهم حلوة بعد
بس انتي كاسريه في السعر

ام شيوخ ..
لا ما رحت الفترة الاخيرة اذا رحت ان شاء الله باقولج

RoO7 QtR
اخاف انسى .. جربي التشقير في منطقة صغبرة قبل وعقبها بيوم حطيه على جسمج
مرة جربت نوع ثاني وحرقني

بنات ..اللي بيروحون دايموند..كل شىء عندهم زين الا المنيكير والبديكير وتنظيف البشرة ترى لووووووووووعه

العروس اللي تبي تروحلهم..ممكن تسوي عندهم حف او حمام كريم للشعر او حمام مغربي (مع اني ماجربت حمامهم) بس يمدحونه

لكن ترى المنيكير والبديكي مالهم لوعه كلش ...وتنظيف البشرة خرابيط والله وماركه تعيسه بعد ومن الرخيص...انا جربت عندهم كل شىء عشان جذيه انصحكم

هلاااااا بنوتات
عروس الدوحه
الله يسلمج يالغلا

وانا اليوم احسن شووووي
بس الصوت للحين مفييييييش خخخخخخ



بالنسبه للمبخره والبخور وصينية العطور هذي تلقونها في سيد جنيد
عنده الوااااااااااااان واشكال
طبوا وتخيروا لوووووول جني عيوز
بعد سئلتوا عن شنو امممم
ماذكر من اللي كانت تبي تروح العرس
روحي بس خلج نااااااعمه وتمي بعبايتج
سشوري شعرج وحطي بودره وكحل من داخل العين وجلوس شفاااف بس وشوية بلاشر وردي خلي لوكج ناعم مثل البيبي



اي تذكرت عروس الدوحه سئلتي عن العرس اللي بتاريخ 15
اعرف وحده بتعرس بهاليوم
هي توها بأولى جامعه؟
لاني مادري بأي قاعه

دلوعه ..سلامات ماعليج شر انشاء الله...............هالبنيه ماترقعت من قبل العيد:pain:

[grade="32CD32 800080 FF1493 00BFFF"]مشكورين بنات>>>>>>>>>>>لكل وحده باركتلي بالاسم اليديد[/grade]

ام شيوخ اقري السؤال الي كتبته لج بالخط العريض قبل .................

الي بتروح عرس انا حطيت شروط لازم تقرونها عيزانه اسوي كوبي يللا عن الكسل واقروووووووووووووووها...............ز

انا اليوم مب طالعه بقعد اسولف وياكم.............................

بكره رايحه الدمام يومين قولولي شاخذ وكم اودي معاي ؟؟؟؟؟؟؟؟

هلا خطييبة الغالي
اخذي كل اللي ناااقصج وافتكي مره وحده
هناك الاشياء ارخص واحلى مانزلت بالدووحه