تجهـــيزاتــ عرايـــس قطـــر 2006

امممم دايموند حلو شغلهم .. باشوفهم ..

5 أو 7 ؟؟ بنات اشرايكم ؟؟ متى اقول لها تجيني ؟

شووفي دوحانيه بعطيج نصيحه انا عشان مااخربط دوم ماادفع عربون لا ادفع كاش كامل روحي دفعي تصوير وكوشه وكل شي كاش وفكي عمرج عشان ماتخافين ولاتنقص وتوهقين خلصي امورج ورتبيها من اللحين الايام تركض وماراح يمديج الشهر تشوفينه واايد لكنه يمر بسرعه هوا

بغيت اسئلكم عندنا عرس بتاريخ 15-2 بقاعه الدوحه للاحتفالات في حد معزوم بغيت اعرف من طقاقه اللي جايبينها ان شاءالله انوااااار خاطري اروحلها عرس

نسيت اقولكم حجزت انوار

شوفي انتي شوفي عمرج بتنزلين 10ونص قوليلها 7 بتنزلين 10 او 9ونص قوليلها 5 اضمن

مو انا هذا اللي اسويه الحين كل ما بغيت سحبت ..

بس انا قصدت الفلوس الباقية و المبالغ الكبيرة اللي بتندفع قريب العرس ..

...

خليه قبل العرس بيومين .. يعني 29 العرس خلي الحنا 27 انا جذي ... حناي في 21 و آخر جلسة مع سميرة بتكون في 20

باشوف والله كريم ..


عروس خلاص ما في طلعة لأعراس عرسج قرب لووول سوي مثلي انا ما قمت أطلع و لا اروح مكان الا للسوق ولا الزيارات اما الاعراس من متى ما رحت آخر مرة كان في شهر 8 !!! اللي بيروح بيقول لج ..



اي صج بنات ... اكتبوا كلامكم كله في رد واحد و اقتصدوا في الردود عشان ما نوصل للـ500 بسرعة و يتسكر الموضوع ^_*

وووووووووووووووواااا حرام عليج دوحانيه مااقدر تدرين عندنا عرسين عرس 15-2 مااعرفهم وعرس 8-3 اهل امي وغير جذي خطوبه اختي نص 3 تخيلي وطبعا هالعرسين مااقدر اقاوم نفسي ومااروووح يليت اقدر وبس خلاص بوقف بعدها مب راايحه هههههههههههه

وصج كلامج خلاص بكتب كلشي برد واحد

لا عروس خلاص ما بقى شي على عرسج و المفروض ما تروحين للأعراس الحين .. و لا حقة عقب ..

خلي خطوبة أختج لازم بتحضرين لكن أعراس الناس بعاد شوي .. مب لازم وبيعذرونج " عروس و تستحي " << سوالف عيايز ^^

بعد انتي وراحتج .. بس انا اقول لج دام إن عرسج قريب : )

بنات شخباركم جميعا؟؟
<<شكلج ابروحج موجوده البنات نايمين خخخخ
دوحانيه انا نفسج مأيد ان العروس اتروح اعراس اقريب عرسهاااا
تعالي انيود عروووس مالج حاجه اتروحين<<سكتي لاتفرج اب اقرب صحن جنبها هههههههه
الااذا اقريبين منج انا قبل عرسي اب شهر ونص بيكون عندنا عرسين بس مب رايحه
وانتي حره خيتوو:))))

اي صج بنات ... اكتبوا كلامكم كله في رد واحد و اقتصدوا في الردود عشان ما نوصل للـ500 بسرعة و يتسكر الموضوع ^_*
لووووووووول دوحانيه عجبتني هالجمله
:::::::::::::::::::::
السلام عليكم بنات
شلونكم ؟؟ وشخبار تجهيزاتكم ؟؟
انا ما بقى شي على عرسي ادعوا لي الله يوفقني ويطلع كل شي اوكي
بنات متخرعه من قلب والله ما انام بليوم الا 5 ساعات حالتي حاله رقادي معتفس والهالات السوده واضحه لوووول يا ويلي

اللي للحين ما كملت قمصان النوم تروح نعومي عندهم تنزيلات

وبالنسبه للكوشه اغلب المحلات يقولون هذي ما نزلت الا مره او مرتين او ولا مره بس ما عليكم منهم هم يقولون جذيه علشان يفهمونا انها جديده ويرفعون السعر وانا رحت اغلب المحلات بعضهم ما ارتحت للتعامل معاهم والبعض شغلهم ما احسه راقي
ومن رايي احسن شي ماسيس لاني ولا مره رحت عرس وتجهي القاعه من ماسيس الا وكان كل شي مرتب وكلمة الحق تنقال صج انهم حراميه وينهبون وبالذات الفلسطينيه صج عليها حركات تحملوا منها بالتعامل يعني لا تخلونها تاخذ عليكم وايد مابي احط بذمتي بس سمعت من كذا وحده انها سببت مشكل بين العروس والمعرس او ام المعرس حبيت انبهكم لهالنقطه لاني عادتكم مثل خواتي

واللي حاطه في بالها ماسيس ومحتاره تتوكل على الله وتحجز عندهم

بنات انا للحين ما حجزت الدي جي للحنا والعرس ابي ارقام بنات للدي جي وشنهي اخر الزفات الجديده ؟؟
وابي رقم سميره لاني مسحته بالغلط من جوالي وبكون شاكره لكم

واللي عندها اسم محل او ارقام محلات يركبون ليتات عالبيت تدزهم لي ؟ وشلون الاسعار؟
بنات تصدقون للحين ما لقيت صندل للعرس اللي شافت ابيض او اوف وايت وحلو والكعب عريض تقولي في وين
لان اكثر اللي شفتهم الكعب ضعيف واخاف يشقق الفستان من تحت

::::::::::::::::::::
بالنسبه لي انا فحجزت
الكوشه والطاولات ماسيس
المسكه المناسبات
التصوير كريستال
مكياج عبير
شعر لبنى
حنا زبيده
الفرقه أنوار
دي جي ؟؟؟؟؟؟؟؟؟ الللي عندهم علامات استفهام ابيكم تساعدوني فيهم
الزفه ؟؟؟؟ ابي افكار
البطاقات الشراع
الليزر ؟؟؟؟؟؟؟ ياليت تفيدوني بخصوص الاسعار وكم احتاج وشنهي الانواع ؟
سيتي كلر من كريستال
الشاشات كريستال
الدخان وهالحركات ؟؟؟؟ شلون اسعارهم ؟ وفي اشياء غير الدخان والفقاعات
توزيعات الحنا ؟؟؟ غير الحنا شنوزع ؟ ويفضل بوفيه والا ذبايح ؟ واكلات شعبيه ؟
وام شيوخ لو سمحتي من وين شريتي دهن العود ؟ وكم طلع عليج السعر ؟
نقوط العروس ؟؟ بالعاده كم يكون ؟ وشلون طريقة تقديمه ؟
توزيعات وضيافة العرس ؟؟؟؟ ابي رقم وحده تسوي القهوه والشاي ؟؟ وانا حاطه في بالي حاليا فوشون وباتشي وهلا
ابي سويتات اشكالها غريبه وفطاير بعد من ترشحون لي ؟
واكثر شي محتاره بالزفه ساعدوني انتوا شرايكم ؟

دلوووووووعه ولايهمج برويج الجوتي بصوره اليوم ..................
دلع الدوحه شدعوه لاتقولين هالكلام الموضوع حق كل بنات قطر واخذي راحتج واكتبي الي تبييييييييييييييين ............
الموناليزا ماباااااااااااااااااااااااااااااقي شي :qaq: عسى كل شي تمام عندج :up: واذا ناقصج شي اخذيه عشان تبدين مرحلة الريلاكس وتريحين فالبيت ........
عروس الدوحه اوكي حجز الحنا 27.................
دوحانيه محلات جازولين وسكند سكين في المنال فوق فللللللللللللللللللللللللللللللللللللللللللللللللله.........................
عمري قطر امي تناديني واان مب قارده اركز في الي انتي كتبتيه برجع بعد شوي .............

الموناليزا
الله يعينج من قريت ان باقي لج 20 يوم عورني بطني
بالنسبة للكوشة والله احترت بس خلاص طرشت اهل ريلي يشوفون الكوش وباشوف شرايهم


ام شيوخ

زين سويتي كلشي تاخذينه بالدلع
:)


دوحانية
امممممممممم تصدقين كنت اطالع هل البنت اقول اكيد انها من عروس ":)
عاد دري انتي ولا لا

عروس الدوحة تاريخ عرسج نفسي وحجزت الحنا بنفس تاريخج
وسميرة بتجي قبلها بيوم
على فكرة جربت المشاطة تفرك من قلب بس اللي تسويه هي بالخلطات انا اسويه بروحي لا ونفس الخلطات بعد بس خلطة التبيض ماعرفتها


انزين عرس خالتي قبلي ب 3 سابيع
شاسوي اروح بس ما اكشخ ???ولا اروح بنقاب :) ي ولا ما اروح من الاساس

بناااااااااات اللي جربت خلطه تعطي نضاره وبياض للجسم تقولي عنها
واذا تعرفون صالون يسوون جلسه قبل العرس اللي فيها حمام مغربي وماسك او كريم تبييض تقولي
وشنهي طريقة سميره في الجلسه الاخيره للعروس ؟ تسوي تشقير جسم كامل وحف وحمام مغربي ؟
وكم تاخذ ؟

:::::::::::::::::::::::::

شرايكم ستايل جلابية الحنا هندي مشكوك ينفع البس معاها الذهب الخليجي الطاسه وهالسوالف والا البس اكسسوارات هنديه وطرحه عالراس ؟

وووين الاقي كوش للحنا ؟؟
وشنهو الاحسن اتحنى قبل حفلة الحنا يعني الصبح والحنا بالليل والا اتحنى قدام الناس ؟؟؟
وشرايكم اجيب الحنايات بالبيت علشان الاهل كلهم يتحنون مع بعض بليلة الحنا
لاني ولا مره رحت ليلة حنا وماعندي خبره

:::::::::::::::::::::::::::::

والهديه عباره عن ايش ؟؟ تحتاج كوشه ودي جي ؟ وشنهي ترتيباتها ؟؟؟؟؟؟ بليز ردوا علي بهالخصوص
ويفضل العروس تلبس فستان ؟؟ وشنهي العادات بيوم الهديه ؟ غير ان الاهل يشوفون مكان العروس اللي بتقعد فيه

ام شيوووووووخ زين سويتي وهالقاعده انا متبعتها خخخخخخخخخخخخ...............
عمري قطر سلالالالالالامات شفيكم بنات يعني كل الي يقرب عرسهم يصير هالشكل ..بالنسبه حق الهالات السوده في ويهج نصيحه والله استخدمي زيت اللوز كل ليله حطيه على ويهج كامل ودلكي مكان الهالات وجفونج كم يوم وقولي خطيبة الغالي حبيبتي ههههه......... والله بنات زيت اللوز ينور الويه انا حالتي حاله واهملت نفسي لكن من استخدمته رد ويهي.......... كثري شرب الماي والفواكه لازم ويهج يكون اوكي يوم العرس مب تعبان .... متى عرسج بالضبط ؟؟
وبالنسبه للدي جي عندي رقم اميره بعطيج اياه بس في تلفوني الثاني ......... وتوزيعات الحنا عادي مب شرط كل ناس يختلفون انتي ممكن تسوين اكلات شعبيه وتوزعونها في صحون صغار القيمات وخبيص وهالخرابيط........... بسالج شنو الستي كلر؟؟ ماعرفته ؟؟؟ الزفه بساعدج فيها مجمعه زفات بأسامي واذا تبين بدون اسم فيه زفه جديده بعد راسليني عالخاص................ بعد شنو .........

وبالنسبه للي عندهم اعراس قبل اعراسهم انا بقولكم الناس شيسوون وهذي وايد مرت علي.... اذا العرس قبلها بفتره بسطه يعني اذا قبلها باسبوع او عشر ايام مايروحووووووووووووووون فاهمين بس تروحين للعروس في غرفتها وتسلمين عليها وتباركينلها .......... اما اذا قبلها باكثر من اسبوعين ممكن تروحين بشروط
1- ماترقصوووووووووووون والي ترقص بالعصا على راسها :mad2:
2- ماتبينون نفسكم كلش يعني صيدولكم زاويه على جنب وقزوا
3- لاتكشخوووووووون ولوحصل خلج بعبايه كشخه وبس........
4- ماتطولون فالعرس سلموا وعقب تدرون شتسوون ؟؟ تدلون الباب ؟؟ بيباااااااااااااااااااااااااااااااي
5- اذا يه حد يسلم عليكم لازم تمثلووووووووون الحيا يعني شوي وتطيحون خخخخخخخخخخخخخخ:think:
فهمتوا الشروط........... ماعندنا بنات يروحون اعراس وراج عرسج وانا اسمحلج تحضرينه :dd::dd::dd:

كلاسيك شمها اللي سوت لج بالمشاطه ؟ ورايج بنتيجة التبييض تحسين ان لون جسمج فتح ؟ وكم تاخذ ؟
وانا من رايي انج ما تروحين العرس واذا في خاطرج روحي منقبه بس لحد يعرفج لوووووول

عمـــــــــــــــري قطر
اذا قصدج حمام مغربي ؟؟ صالون دانييال عندهم حمام العروس يسوووووونلج حمام مغربي وريلاكس وحده من ربعي خلوها فالبانيو وحطوا حلييب وخرابيط وورد مجفف وخلوها ساعتين عشان تكون ريلاكس وسكروا عليها الباب والي فيه خير يدش ههههههههه...بس اعتقد غالي..... والله حتى انا محتاجه اوحد لوووووووووون جسمي بابدا بالحمام المغربي كل فتره لين عرسي ..................سميره انا ماجربتها ....................... اي لبسي معاه مب شرط ستايل هندي حلاته بالسوالف الخليجيه..............كوشة الحنا انا شفت في رويال فلاورز ب2000 بس فيه اماكن ارخص يقولون فت ول فيه!! ..............
ايه جيبي الحنايات البيت حلاة الحنا بربشتها وحطوا مسجل واغاني انا بالنسبه لي باتحنا جام الناس بس طبعا تكشخين قبلها ...............
الهديه لازم فستان ناعم ويكون عشا بوفيه في ناس يحطون دي جي بس مب شرط ترا والهديه اصلا على اهل ريلج مب عليج يعني انتي اكشخي وروحي ....... مالها عادات خاصه بس غالبا البنات مايحضرونها بس المتزوجات ونفس ماقلتي يشوفون مكانج وبيتج ويتعرفون على بعض اكثر ......... وطبعا لازم مكياج وتسريحه ويفضل النعومه

ووووواي فديتج خطيبة الغالي زيت اللوز اللي تقصدينه الحلو والا المر ؟ احصله بالجمعيه ؟
والله اكسر الخاطر لوووووووول اخاف اقرع قبل العرس هههههههههههههه شعري يتساقط من قلب بسبب التفكير
ودزيلي رقم اميره عالخاص وقوليلي كم تاخذ ؟ وانتي مجربتها ؟ وشلون اسعارها ؟
والزفاااااااااااااااااات بعد بليييييييييز
السيتي كلر الجهاز اللي يغير لون الكوشه كل شوي بس من رايي اللي بتحطه تنسق الالوان اللي بتختارها من الكوشه والورد والطاولات
مثلا اللي اختارت لون الكوشه بنفسجي السيتي كلر كل شوي بيغير لون الكوشه مره صفره ومره حمرا ومره زرقا على حسب اللوان اللي تختارونهم فيفضل اللي تاخذ السيتي كلر تطلب ورد ملوون وانواع مختلفه ومنوعه علشان ما يطلع العرس مرقع فهمتوني

احاول اختصر الردود بس مافي فايده كل دقيقه تطق في راسي سالفه........... مب مشكله بنفتح اجزاء غير اذا وصلنا 500
امس رفيجتي سوت تنظيف بشره فالبيت الحديث تقوووووووووول رهيب وايد باخذ رقمها وبروحلها وتقول ان عندها عروض للعرايس والله بشرتي محتاجه اهتمام ............
عمري قطر انا الي فديتج ياعروسه شوفي روحي الصيدليه لاتاخذينه من الجمعيه لاني ماعرف افرق بينهم فرحت الصيدليه وقلتلها ابي زيت اللوز للوجه والجسم وعطتني اياه بس حطيه قبل النوم كل ليله خصوصا اذا بشرتج جافه او عاديه بينفعج وااايد...............

بذبحج عمري قطر لاتهملين نفسج على اخر شي اهتمي بشعرج سوي حمام زيت عند دايموند واذا تبين عندهم حمام مغربي بدهن العوده وحمام مغربي بالطين وحمام مغربي عادي انتي روحي لج يوم فاضيه فيه وسوي حمام زيت وحمام مغربي تدلعي شوي يمه ترى بتعرسين ومب حاصلتلج هالسوالف >> خرعتها .........
ومب شرط دايموند بس انا لاني قريت ان عندهم هالاشيا.........مرت اخوي جربت حمام مغربي في المركز العالمي وتمدحه بعد........ ادهني شعرج بزيت باراشوت او الخروع اهتمي فيه ترى عصبت لازم تكونين كامله والكامل الله .............

ام شيوخ انتي مره مادري وين قلتي انج خذتي كريم تبييض للمناطق في الجسم ماذكر من أي ماركه ونفعج قوليلنا عنه ؟؟

نفس حالتي لووووووووووووول كل شوي اتذكر شي وقلبي يعورني مابي الموضوع يتسكر بسرعه
خطيبه الغالي انتظر الرقم عالخاص
وانا بشرتي دهنيه تهقين بينفعني ؟
بنات حبيت اخذ رايكم بشي محتاره شاخذ لي طقم الماس للعرس ؟؟ خاطري اخذ حلق الماس كبير بس احس ما ينفع البس معاه قلاده لان اللي اشوفهم في عروض الازياء العرايس بس حلق كبير بدون قلاده او شي عالرقبه انتوا شرايكم ؟
::::::::::::::::

بنات بليز اللي تدخل تقرا اسألتي وترد علي

::::::::::::::::
بنات وين احصل للضيافه النخله اللي فيها التمر يمررونها عالمعازيم بالاعراس ؟؟

:::::::::::::
ابي افكار غريبه وراقيه للضيافه والصواني اللي شافت حركات حلوه بعرس راحت له ياليت تفيدني

::::::::::::::::