@ فقط لبنات الخليج ... رأيكن يهمني جداً @

ايه اكيد رح اصمم عنده لأنه فيه وحدة من محارمه بتكون نقطة وصل بيني وبين المصمم

ودام العاملات موجودات زين على زين يعني بياخذون المقاس وانا مرتاحه

هذا رأيي وبصراحة

وعليك السلام ورحمة الله وبركاته اخوووي

موضووعك على ما اظن تريد توووضح منه فكره وحده واسااسيه وهيه الي سايده عندنا سواء مصمم ولا دريول او غيره
يعني عيب عند لمواطن وعند الاجنبي عادي يعني مثل مايسوون البعض فالغطاء والستر فبلادهن واول مايسافرون برع يحللون عمارهم عالاجانب وكذلك فالمحلات اذا بيدشوون وانا اقول البعض اذا متغطيه شالت الغطا وخذت وعطت مع الاجنبي واذا مواطن مافيه مجال تشتري حتى وهذي صايره جدام عيني على طوول وووينك يالبااااااااااااب00000والسبب شو؟؟؟؟؟؟:think:


وانا حبيت ابدي رايي بصراحه وانا كثير مستانسه اني اول وحده ترد عالموضووع:smile:
مدام انك تقوول محل تصميم راقي شو المانع نفصل عنده لانه نحن ندور وبصعووبه نحصل فيه اناث لاني اصلا ماروح هالاماكن بروحي الا ومعاي زوجي:cool2:
يعني هذا المحل تجتمع فيه صفات اولا الرقي ثانياوحده من محارمه معاه يعني يخاف الله ثالثاولد لبلاد راح يراعي بنت لبلاد يعني مابيقص عليها شرات مانحن مقصووص علينا كل وااحد لبناني فتح محل سما عمره مصمم:down:

يعني الخاتمه اي محل تصميم بنسمع عنه حلو بنروح له سواء اماراتي او غيره

وسلامتك:clap:

لو كان شغله حلو اصمم عنده يعني عندنا بالسعودية عدنان اكبر اول ما طلع ( الحين انطفا خلاص ) كان شغله حلو وكنا نروح عنده وطبعا مراعي التقاليد الأسلامية لكن يحي البشري تصاميمه مو حلوه أو على الأصدق ما تعجبني فما اروح له الفكرة شغله حلو ولا لأ هذا هو الحكم

هلا

اسيرة قلبه

شكرا على المرور وإبداء الرأي ، ماقصرتي

هلا

um 6aleb

صح اختي
انا ظنيت ان ( بناتنا ) ماراح تروق لهن فكرة المصمم ابن البلاد ، ولكن تفاجأت بردودكم
شكرا على المرور وإبداء الرأي اللي راح استفيد منه
تحيتي

هلا

اخت عريس

يعني انتي اهم شيء عندج الشغل .. سواء كان ابن الديرة ولأ من بره
شكرا على المرور وابداء الرأي
تحيتي

اولا - بما أنه مبتدأ وجديد يعني ما عنده خبره الى ذيك الزود (هذا على حسب كلامك لانه ما شفت شغله).

ثانيا- دام عنده محارمه وهذا المهم ليش ما نفصل عنده بس بشرط يكون بعيد عن نظره لانه اذا خذيت قياس
جدامه يعني ما سويت شي .

ثالثا- ليه نروح الى الغريب ونبعد عن ولد ديرتنه اهو احوج الى الماده من الغريب .

رابعا- تسلمين على طرح الموضوع

خامسا- تحياتي القلبية للجميع
ونة حزن

مرحبا..

إذا كان المصمم يراعي التقاليد وعنده حريم يساعدونه أروح عنده..

عندنا كثير في الشرقية والكل يروح عندهم..

أنا ما جربت للحين لأن أغلبهم متخصصين بس في فساتين الزواج...

بس إن شاء الله لما أبدأ أجهز لزواجي..بروح عند واحد منهم..


بنات خالي..وبنات عمتي..وأغلب قريباتي تعاملوا مع مصممين سعوديين..والواسطة بينهم حرمه..


وغير كذا أسعارهم أرخص من المصممين اللي مو من البلد...

لأن الأجانب ماخذين فكرة إن كل أهل الخليج يلعبون بالفلوس..وما يهمهم السعر..

بس إبن البلد..يراعي هالشي..


وما أمانع أبد إني أتعامل معاهم..إذا كان عالموضة..ومحتشم...حتى في فستان الزواج...





في أمان الله..

هلا

ونة حزن

أولا : يمكن ماتكون عنده خبرة لأنه مبتدأ ، ولكن اتوقع يكون فنان ورهيب في التصميم
ثانيا : اكيد القياس بعيد عنّه ، اصلن هو ماله علاقة بالقياسات وخلافه ، هو الديزاينر وبس اللي يصمم الموديل
ثالثا : اشكرج على هذا الكلام ، بالفعل ولد ديرتكم محتاج مساعدتكم ووتشجيعكم له
رابعا : قصدج تسلم ، لإن اسمي في المنتدى ( هـــادي وليس هادية )
خامسا : ولكِ مني كل التقدير والاحترام

هلا

eeman_b

هذا اللي نريده بالضبط
محل تصميم محتشم ويراعي التقاليد والعادات ومنكم يكون التشجيع والتفصيل والتصميم عنده
عشان يكون لكم دور في تشجيع ولد البلد
تحيتي

اكيييييييييييييييييييييييييييييييييييد :clap::clap::clap:
بدون كلام بفصل عنده ...ولو ما ظبط لي الفستان بعد بفصل عنده لين يظبطه...
لاني بصراحه احب شغل المواطنين...واشجع كل واحد ووحده يساهمون في بناء هالدوله الغاليه..ولو هالشخص يسوي لنفسه...اخر شي نفعه للمجتمع..والله يوفق كل شخص يا رب :smile:


(وانا اصلا اتعامل ويا محل عبايا مواطن يبيع فيه واخته الي تصمم العبايا) وربي يوفقهم

هلا

دهن_الــــورد

ما شاء الله عليج .. اسلوبج جدا رائع ومشجّع في نفس الوقت
اتمنى يكون هذا رأي كل بنات الامارات ، عشان يبرز دور المصمم الإماراتي وعشان تشوفون الابداعات المحلية
كفاية استيراد ... صح !!!
تحيتي

بسم الله ..

السلام عليكم ورحمة الله وبركاته..

بالنسبة لي ..

أفضل المرأة .. وما راح اروح له سواء كان من بلدي والا من بره..

هو في النهاية والبداية رجل..

وما دام عندي متوفرة الخياطات ليش أروح للرجل ..

حتى لو كان فيه وحده من محارمه أو نقطة وصل مثل ما قلت..

بس هذا فئة من بنات هذا الزمن ما عادوا يهتمون بشي ..

عادي عندها يلمسها هندي والا فلبيني ياخذ قياسات جسمها..

الله يهدينا ويهدي الجميع يارب..

بس لو كان بالمرة ما في عندي اي خياطة ماهرة بالطبع بروح له وبإذن الله بربح ابن بلدي بدل الأجنبي..

مع الالتزم بالحدود والخطوط الحمرة..

وبالتوفيق..

وشو فيها حبيبتي لو موجودات بنات في المحل ممكن ياخذن قياساتك وغيرها.

انا اشوف ما فيها شي

مرة رحت أفصل عباية وكان صاحب المحل شاب عماني وفي نفس الوقت هو اللي يصمم وما شاءالله عليه طريقته بالتصميم روعه والله وموديلاته أكثر من روعه وفي معاه أخته ووحده ثانية يساعدوه ولهم مشغل خاص في عمان ودبي عشان التفصيل .

اكييد راح اروحله:up: ..
اولا : لانه شخص من بلدي ..:clap:
ثانيا: حسب ماقلت في خياطات وحريم هم اللي يقايسون ..:clap:
ثالثا : يراعي العادات والتقاليد والشريعه .. هاذي بعد احلى واحلى .. بعني هو يعرف شو هي حدود اللبس عندنا وشو اللي تبا المراة المواطنه.:clap:

هاي المواصفات اللي نحن اندور عنها عند المصممين :up::up: ..

وردا على الاخت الغاليه نور المدينه:shy: .. نحن يوم بنسير نفصل فستان دايما حرمه لازم تقايسنا واذا مب حرمه اتقايس مستحيل انفصل عند الشخص هذا المصمم:no: .. لان لا ديننا ولا شريعتنا تسمح ان نخلي شخص مب محرم يلمسنا .. :smile:

مشكووووووووووور اخوي هادي لطرحك للموضوع ..


اختك

جسوووووووور المحبه

نور المدينة:
بسم الله ..

السلام عليكم ورحمة الله وبركاته..

بالنسبة لي ..

أفضل المرأة .. وما راح اروح له سواء كان من بلدي والا من بره..

هو في النهاية والبداية رجل..

وما دام عندي متوفرة الخياطات ليش أروح للرجل ..

حتى لو كان فيه وحده من محارمه أو نقطة وصل مثل ما قلت..

..

رأيي من رأي عزيزتي نور المدينة ..

ونشكر لك طرحك المتميز لمعرفة آراء وإختلاف وجهات النظر

و الله انا من مشجعي هالمواضيع و السوالف اللي اشوف فيها المواطنين ياخذون دورهم بتكامل في المجتمع بغ

و الله انا من مشجعي هالمواضيع و السوالف اللي اشوف فيها المواطنين ياخذون دورهم بتكامل في المجتمع بغ

و الله انا من مشجعي هالمواضيع و السوالف اللي اشوف فيها المواطنين ياخذون دورهم بتكامل في المجتمع بغض النظر عن شو يكون ... يعني مصمم بائع .... الخ

بس مشلتي انحرج افاصل بالسعر و لا اطلب قياس معين و لا اسال عن شغله معينه ممكن تحرجني
لاني احس المواطن وايد قريب مني و احسه مثل اخوي

بس لو انتشرت هالظاهره عندنا اتوقع بشجعها و بكون من اول رواد المحل